Mama mia pizza & pasta

營業中

休息中

-{西營盤手拉pizza🍕}今次食pizza!我地有10個人就嗌左好多款式嘅pizza試 再加甜品同2個主菜🥰🤤 10 OZ US Ribeye 🤤 ($248)肉質超腍仲要好香牛味😍🤩好厚肉有啲啲肥膏都可接受😙啲薯條份量多好香脆😝👖褲評: 8.5/10🤤Margarita Pizza🤤（$138）Pizza係手拉薄餅😚食落好煙韌🥳而margarita好食到pizza原本嘅質地😍配上較burrata cheese同啲青醬😙👖褲評: 8/10🤤Parma Ham & Rocket Pizza🤤（$168）Parma ham嘅份量都幾多🤓係rocket嘅味可以再突出啲 本身都落得幾多cheese！👖褲評: 7.6/10🤤Quattro Formaggi🤤（$148）中文係四重芝士 種類有gorgonzola, mozzarella, taleggio, goat cheese 好濃郁嘅芝士又唔會濟🥳👖褲評: 7.8/10🤤Pepperoni 🤤 ($158)辣肉腸薄餅 略嫌啲肉少左啲 不過芝士落得好足😛👖褲評: 7/10🤤 Cream Ricotta & Spinach

係一間隱世嘅上環西餐廳呀，仲要好近公司 XD。決定加入飯堂List。set lunch$128有頭盤，main dish，有牛有羊可以揀，最近佢哋仲加咗甜品，性價比ok！飲品要另外加錢，平日收工都會見到外國人係度chitchat，chill下，想同朋友輕鬆傾下計，飲下酒都係幾唔錯嘅選擇頭盤可以揀salad或者湯，佢嘅湯味道十分新鮮，通常都係carrot soup，啖啖都飲到肉，算係不錯。今次試試佢嘅沙律，嚟到真係嚇親，比起平時餐廳得果豉油碟size，會直接上過main dish size嘅蝦沙律cod fish賣相不錯，上碟份量亦係好有誠意，魚嘅肉質唔算十分出色，但都可以接受，不過味道上個人就未算好鍾意。之前食過牛羊都係不錯！

去到餐廳剛發現有個限定優惠$498 的1公斤斧頭牛扒， 呢個價錢已經好吸引， 就叫左一份medium rare ， 叫杯野飲先， 去食意大利的餐廳梗係叫返杯意大利酒Prosecco 啦！🍾🥂還叫左3樣小食，1個意粉🍝， 菜名資料在最後一段。牛扒🥩面層燒到一層好靚嘅焦糖色， 切開時的medium rare的粉紅色，牛扒🥩有2吋厚，但都無過熟，切開仍然juicy, 店員話呢個價錢是限期優惠，所以大節日黎食真係好抵食！3個人share一件牛扒，可再叫其他菜色，什麼都可以試下。意粉真係好好食，意粉軟硬度適中，無過軟的情況出現，蕃茄汁唔會太稀，令個汁完全包圍住每條意粉和海鮮🦐🦪，意粉🍝入面的海鮮一D都唔馬虎，蝦是用大蝦，蜆是大蜆，蜆比蝦大，有青口，有三文魚，意粉入面嘅三文魚🍣，食落去不是鞋口不是過熟，是軟滑，2個人食個意粉係夠食的。小食有酥炸魷魚鬚🦑，佢用的部位是魷魚鬚較粗的部分，條條size一樣， 唔會有細細的魷魚尾在這碟出現，廚師真係好有諗過顧客食時嘅感受。爆谷炸蝦🦐， 會令人諗到個搵細蝦黎炸佢，因個名叫爆谷， 其實是要用中蝦🦐🦐黎炸，炸出黎個size， 一隻可以切開兩次食。兩個炸炸小食嘅s

今次又係黎上環，同事大推呢間Mama Mia。其實食過佢既前身The Lot, 由好食變難食。難得佢有新野食，於是又去試下，今次一行12人，分左3圍。同事介紹每次都捧住個肚走，真係無講錯。佢每樣野都超！級！大！份！前菜真係唔記得影低，有沙律同雞串燒（沒錯只是前菜，超嫩滑！即燒好好食）到主菜，即刻睇相！燒三文魚腩，超香脆内軟！好好食既三文魚這個好特別的菜！本身睇以為係好厚的炸粉包住舊雞（因為英文係fried chicken fillet) 點知一食落口！真係好驚喜！！佢表面已經係非常嫩滑的雞柳！面頭有少少炸皮，好正！今日之選同時佢薯條都好好味 😋Medium 的安格斯肉眼扒，煮得岩岩好🤩同一時間由於前面菜式太出色，意粉就略為普通了，不過份量超多，大家戰鬥力已經無晒🙂最後打包。🤣食哂啲野，估唔到仲有甜品brownie🥲Sorry真係食唔落😂 試左一啖，好sweet仲值得一提，staff都係外藉人士，都十分friendly , 會不斷主動幫你換碟同加pepper, 整體而言，非常好👍🏻

今日黎到位於西營盤新開既小店Mama Mia pizza & pasta食野，餐廳雖然唔係好大，但裝修得幾有情調。餐牌上面既食物價錢亦都好貼地，大部分百幾蚊都有交易。Chocolate smoothie $55朱古力味好濃郁，杯野飲亦都好大杯，好低飲，好滿足呀。Mango smoothie $55芒果味好清新，酸酸甜甜，幾香果香味。海鮮薄餅 $168薄餅烤得好脆，上面佈滿左海鮮，包括青口同三文魚等等，好足料呀。蟹肉扁意粉 $148蟹肉份量好足，差唔多每一啖意粉都有蟹肉。意粉亦有少少辛辣味，令味道更多元化。烤豬排骨配沙律，薯條 $178豬排骨好大份，豬排骨用燒烤醬調完味再燒，所以好香。薯條炸得好脆，入口唔會覺得好油膩，好味。香草煎羊扒 配炒薯 巴馬火腿四季豆卷 $228羊扒有肉汁，好香羊肉味，唔會膻，仲有炭火香添。巴馬火腿四季豆卷依個配搭好好，火腿好有肉香，四季豆又嫩滑。焦糖提拉米蘇 $78依個提拉米蘇好有層次，有忌廉，焦糖同手指餅，焦糖係配上咖啡味香濃既提拉米蘇真係好好味。我覺得今晚食得好開心，餐廳既食物質素好高，環境又靚，有機會既話都會再黎。💕上環水坑口街22號地舖#852 #f4f

見到有間新開嘅餐廳就打算同Fd試下。餐廳侍應好nice，又同我哋打招呼，落單前後都勁有禮貌。我地叫左蕃茄羅勒肉丸，蝦肉白汁扁意粉，芝士pizza，牛柳，芝麻吞拿魚卷，和牛漢堡同tiramisu。啲嘢食擺盤好靚，同埋全部嘢食都好好食。芝士pizza做到拉絲效果，牛柳同和牛漢堡又Juice又嫩。而當中最推薦就係佢嘅蝦肉白汁扁意粉真係好正，好濃郁嘅cream味，但係食落去又唔膩，啲鮮蝦超爽口，真心超正，下次一定會再食。