Mango Tree

營業中

休息中

餐廳環境好靚，仲有落地玻璃，可惜我哋坐唔到窗邊，不過都feel到好充足嘅陽光🌞下午茶時間，我哋叫咗Thai-Lobster Fiesta Afternoon Tea Set， $398 for 2ppl，之後發現枱枱都係叫依個set🤣Savoury 鹹點：珍珠鮑魚青芒果沙律、椒鹽蝦、燒鴨米紙卷、冬蔭炸雞翼、炭燒豬肉沙爹、迷你黃咖喱海鮮農夫包鹹點比較推薦迷你黃咖喱海鮮農夫包，個包夠脆，點多啲黃咖哩仲好食，燒鴨米紙卷都唔錯其他就普普通通～ 沙律偏淡，雞翼、沙爹都比較乾Sweet 甜點：香芒糯米飯、泰式斑蘭千層糕、翡翠西米丸子、椰汁西米糕反而甜品水準較高，啲糕唔會太甜，香芒糯米飯個芒果就好甜！Drink 飲品：Thai Sangria（飲落似凍嘅冬蔭公湯）Butterfly Pea Tea（上層係蝶豆花，下層係檸檬/菠蘿汁，撈埋飲就酸酸甜甜咁）食物味道就一般，不過喺依個環境加埋個set嘅擺盤就好加分❣️兩個人價錢都算合理嘅，一試無妨

之前食brunch 送咗兩張$100 coupon六月底到期，book咗今晚再去，$300就可以用一張$600就可以用晒兩張，我哋叫咗炸蝦餅，香辣海鮮炒河粉，紅咖喱荔枝炆鴨，再加個法飽，最後嚟個甜品拼盤。晚餐好食好多，幾樣餸淨係蝦餅覺得就唔對路啦，好似食緊炸肉餅，紅咖喱荔枝炆鴨好好味，可惜啲鴨肉好少好少，今晚最驚喜係個法飽，個皮脆仆仆入面好鬆軟，仲熱辣辣，上次午市時間個包係冇溫度，軟晒，另外甜品佢真係好出色今次個芒果糯米飯好正啊，糯米暖笠笠煙煙韌韌，原來晚餐嘅質素好更多。

我又回來囉😌這次是紅色暴雨中泰式的下午茶$398 for 2 person 擺盤有模有樣的可惜吃下去食物質素一般🫣最值得一提已經是那個迷你海鮮黃咖喱農夫包了但是裏面的海鮮也太少了吧😅嗯還有那個單骨雞翼也不錯而甜點就⋯只有芒果糯米飯是可以吃下去的其他都味道有點奇怪😅如果不是有窗邊位置的話我想你們還是不用去了😂記得餐飲不要點茶（只能選English tea)喝了一口差點噴出來另外朋友叫的士多啤梨特飲味道有點像咳藥水⋯是否這個價錢不能強求？

成日都話好想去mango tree食嘢，終於試到啦環境真係好靚，坐喺窗邊望住西九咁樣食嘢一定加晒分，我哋叫咗Brunch set，$298一位，原本$398，經網上途徑訂位就可以，我哋開始食前菜，頭盤各方面都好好，點知去到上主菜就停咗，唔知發生咩事、咁我哋諗住等多陣，但等咗好耐都唔見，我哋嚟先嘅，但係側邊嗰幾張枱啲主菜都上晒，但我哋個咖喱海鮮同慢煮牛肉點解咁耐都無，哦原來應該係甩咗單，左問右問，等下又等，終於上到個慢煮牛肉，但個咖喱海鮮都係上唔到，隔咗好幾個字之後終於上到，仲一上上兩碟俾我，但係個麵包又唔知去咗邊，有個職員放低麵包落我哋張枱跟住突然間又攞咗去咗隔離張枱，隔離張枱話佢哋已經有，個職員又唔俾返我哋，跟住隔咗一輪我話個麵包仲未有，又要再等，又話焗緊，總之嗰刻我覺得好煩，到埋單埋咗三次先啱數，係咁比咗其他枱啲單我哋，所以我先知道可能我哋張單唔知發生咩事甩咗，食嘢真係好怕遇到呢啲咁嘅情況甩單催單，話晒你哋係mango tree唔應該發生呢啲問題。講返食先；前菜，頭盤各方面都好食，仲有驚喜，個沙律好正，咖喱海鮮就預期差，好失色，唔係因為佢上唔到比我，入口係好甜汁好杰，青口都好大隻，

前排得閒食咗佢個398 兩人嘅下午茶，質素一般。前菜個鮑魚沙律就幾好食嘅，酸酸甜甜咁，仲有啲魚露味，但嗰兩隻鮑魚就真係好細隻，略顯寒酸，情願佢用其他嘢取代。個椒鹽蝦就generally ok 嘅，但賣相就一般，個頭有啲發黑，同埋食落都唔太新鮮，但個味係好食嘅。下面啲生菜都爽脆。而個咖哩麵包都係ok 嘅，好似其他泰國餐廳咁，但個包就略嫌硬，青口正常，上面啲疑似蟹肉嘅嘢都正常。鴨包卷又係正常普普通通。香茅雞翼同串燒豬肉個味道都ok ，一般泰國餐廳質素。啲甜品都正正常常，唯獨個丸子好似變變地，聞落係有陣乳酪味，不過食完都冇肚痛嘅另外個環境望落就幾靚，但張枱黐立立，幾次郁個杯都差啲搞到好反，呢啲咁簡單嘅應該做好啲。冷氣機又滴水，搞到個感覺好差。啲staff 又成日喺度收野一食完一點就即刻過嚟收，明明張枱仲有好多位今晚好干擾食嗰陣時嘅感覺。總體而言就好食物環境都一般，可能一開始睇到個環境期望太高，但實際上同一般九龍城嗰啲泰國餐廳差唔多，唯獨係杯嘢飲比較特別，情願去返嗰啲食仲平啲。

🕖時段-星期二下午第五波前放假同朋友去high tea😙預早book左 high tea時段係3:00-5:30pm 平日下午唔算多人 _▫️Afternoon Tea Set - Savory + Sweet $398 (for 2 persons)_呢個下午茶set幾多鹹點👍🏻如果個肚等到 或者個日食個豐富早餐 呢個set絕對可以當late lunch _鹹點特別介紹迷你黃咖喱農夫包 最鐘意用包點咖喱😚其他鹹點都好香口美味😋_甜點就鐘意佢個香芒糯米飯 夠哂多汁 芒果又甜🥭 _🍽環境落地玻璃好靚 人均大約$200就可以歎個tea 抵💰

下午茶$398 + 10% 食物於下單後只需8-10分鐘便上檯。熱葷普遍都是凍的是煮定擺到涼了：咖哩農夫包凍了真的不好吃👎🏼椒鹽蝦的蝦頭蝦腳已見發黑雖則未臭也不應該用此食物吧😔鮑魚仔沙律🥗太細粒兼且沒有泰式酸辣汁，淡而無味。香茅雞翼用單骨雞翼連同沙爹串炸得全熟過晒火兼且放到凍晒又鞋又乾😵‍💫甜品：娘惹糕、椰汁糕、糯米糍至芒果糯米飯好甜，椰子味班蘭味的青香欠奉，差😤真心想食好啲呢，咪喇😢四百幾兩個人⋯有點兒那過囉唔介意食物而約埋班朋友吹吓水開心吓環境都好既。

6月1日吃了晚餐，吃了柚子沙律、（味道淡而無味，柚子不夠甜，沒有水份，沙律面的🦐，雪藏又死實實！很難食！價錢也不便宜$148）、燒雞（外皮不夠脆，不夠熱、香）

外賣質素有待改善，唔注意客戶要求，已註明不用餐具仍送上餐具🥹🥲叫咗金邊粉餐，要等30mins, 食唔慣，味道偏甜，粉太炒得太乾，蛋冇味，伴碟的蝦很勉強可以，另外香葉鷄太乾了，冇乜味，醬汁太甜；如果可以調較味道增加酸味會開胃啲。飲品竟然是紙包維x菊花茶，又唔凍，實在太令人失望了吧！未有試其堂食，但見其他食評不太差，希望今次只是外賣，只是個別事件吧，又或者外賣晚餐的廚師跟堂食不同吧！希望可以改善一下。

Came here as a party of 3 sharing the Thai Flair Afternoon Tea for 2. It came with 2 drinks, 2 braised fresh abalone and assortment of other seafood/thai dishes (added a picture of the menu) and we added the Fresh Lobster and Fruit Salad which I can say was not worth the $88 because the lobster tasted like nothing and the fruit salad pieces were very small. For the two drinks I ordered the Thai Sangria which tasted quite good while my friend got the Sea Salt Caramel Coffee. Overall it tasted qui

早前朋友轉了新工，又遇上放寬晚飯時間，正好約出來聚舊。地點就選來方便就腳的圓方 Mango Tree。之前一家人曾經試過套餐，性價比相當不錯，今次轉了 a la carte，又可以試下其他菜色。未開餐，先跟太太點了飲品等朋友。講到視覺效果，當然係 Rose Apple Delight（$70），以蘋果汁、玫瑰糖漿及青檸，再放上玫瑰沙冰，色澤艷麗，陣陣玫瑰花香，芳香怡人。至於太太的 Thai Sangria（$80），特意改了免白蘭地版，單純以Chardonnay、芒果及橙汁混和，呷了一口，充滿熱帶風情，甜度亦不算高，加上切碎的蘋果片，不錯。另外兩位朋友選擇了 Coconut Martini（$90）。飲品類方面，第二杯不含酒精成份飲品只須加$10，而含酒精成份則只須另加$20，算起來平均$40/杯，相當划算。泰式小食拼盤（$368）有泰式炸蝦餅、泰式炸魚餅、炭燒豬頸肉、班蘭葉嫩雞卷以及軟殼蟹米紙卷共五款。招牌泰北燒雞（$198/半隻）皮薄肉嫩，雞皮燒得好香口，最開心係隨菜附上一小籠糯米飯，味道又幾夾。黃咖哩軟殼蟹（$248）想食蟹，但又怕食到蟹殼，又或者懶得拆蟹，不如轉食軟殼蟹吖！啖啖

點了兩個炒河。黃咖喱雞炒麵出來汁好多，麵其實是米線，份量就奇少，雞只得一件，是一塊雞下髀，除了皮，沒有多少肉。用的碟和吃自助餐頭盤沙律的碟一樣大小，就可以想像炒麵份量有幾細。另外一個濕炒海鮮河粉也好不了幾多。汁超多，又好油，裡面的配菜如西蘭花及椰菜花全部未熟透，是硬的。你可以在一般茶餐廳食到比這裡好幾倍的炒河及炒麵。至於那個青木瓜沙律，木瓜超硬，不是爽脆的，要用力咀嚼才食到，沒有食完就要放棄。這一餐無論食材及烹調都不及格。相信不會考慮再光顧了。

望住海 涼住冷氣 曬太陽 的 泰式下午茶有鹹點，甜點包括串燒，大蝦沙律，泰式炸物，泰式椰青糕，椰汁西米糕等等炸物熱食略嫌唔夠熱沙律還可以，泰式味道不太濃甜點還可以，唯一麻麻既係其中一款有茉莉花味，可能太濃列，兩小唔食，話似廁所香氛味😂兩小最開心係有嘢食，又有海景下午茶仲包兩杯cocktail / mocktail都係3百幾 4百蚊😌食物一般，有兩杯cocktail，有海景望下，喺Elements 嚟講性價比唔錯👍

青木瓜沙律酸酸地好開胃，青木瓜絲爽脆唔會澀，剛上枱以為好細碗，但原來都幾深，份量都足料大蝦金邊粉賣相好精彩，蛋皮煎得好靚，包住金邊粉食都唔會散，味道帶微辣，撈咗花生碎就有啲脆口，吃到差不多可以再擠啲青檸檬汁，可以消解一下油膩。香葉雞肉碎炒飯估唔到咁辣，好彩餐廳免費有提供清水。除咗辣之外仲帶有少少鹹香，炒飯入面有啲豆角同埋雞肉粒，不過量唔多都係飯為主，炒飯同金邊粉都好大分量，但味道唔算特別有驚喜。環境好有情調，服務都好好，都可以再訪

嚟過3次，終於的起心肝寫一個食評讚下佢，因為真係好值得讚首先要讚服務所有服務員做嘢都好快手並且好熱情好親切覺得有酒店級數的禮貌同招呼跟住讚食物次次嚟到冬陰功都係必叫，因為真係辣得啱啱好，香茅南薑味非常足，仲有個火爐加熱唔怕凍，超正串燒的沙嗲汁好正，濃厚花生味，牛肉雞肉都唔會燒到乾硬，仲軟林易入口，小朋友都啱食蟹肉炒飯都係每次必叫， 好多蟹肉好鮮味木瓜沙律差少少，如有埋花生碎更完美泰式甜品都好值得一試，飽都會叫最後讚環境，落地玻璃望到海景港島景真一流