MARKA HOUSE

營業中

休息中

嚟過幾次個質素次次都keep到最愛Angus Beef Cheeseburger 🍔 同埋All Day Breakfast 個burger連個包都脆脆地可以自由選擇需要醬油 洋蔥 蕃茄醬等配料適合我呢啲唔鍾意洋蔥嘅人塊肉真係好juicy 超正All day breakfast 有兩種選擇包括魚柳或雞扒 魚柳大大塊黑松露炒蛋都非常滑另外加咗個黑松露薯條唔單止有個黑松露醬配埋薯條面都放上黑松露碎 一嚟到就聞到勁香環境同服務都好好

平時成日行過呢間餐廳，見佢裝修好靚，環境舒適，於是就決定星期日中午過黎試下。係門口唔算等左好耐就到我地，佢lunch menu有大概20款選擇，我地就㨂左脆香魚柳全日早餐同澳洲安格斯牛肉車打芝士漢堡煲，再加錢加左熱咖啡同熱檸茶。個全日早餐好好味，除左熱辣辣魚柳，仲有煙肉蘆筍卷，黑松露炒旦，烤蕃茄，烤菇同沙律菜，每樣都好新鮮，份量岩岩好。至於個牛肉芝士漢堡亦好juicy , 芝士多到漏出黎，薯條夠脆。雖然要另外加錢，但佢既咖啡好好飲，咖啡香同奶香比例均衡。整體黎講性價比都算高，餐廳環境坐得好舒服，好闊落，絕對係悠閒下午既好去處。下次我會想試下佢個巴馬火腿班尼迪旦配馬鈴薯沙律，見到隔離枱叫佢地隻班尼迪旦好大，望落好juicy ,推介大家都黎試下。

呢間咁令既玻璃屋西餐廳之前已經食過兩次 個兩次食都好滿意 絕對係會有下一次 但今次食就真係有啲失望 可能咁岩個廚師失手 大約三點先到餐廳 過左食飯時間 餐廳得返幾枱 今次又係叫返上次個個 伊比利亞黑毛豬肉眼配薯條 賣相係可以的 仲好香口 但食落就好鞋 完全係煮得耐左 連肉汁都冇埋 最好食係薯條 熱辣辣鹹鹹地既粗薯條真係好好味 份量又多另外叫左個安格斯牛肉車打芝士漢堡配薯條 對上兩次黎食已經見到勁多枱都係叫呢個漢堡 諗住實好好食 點知塊牛肉又係煎得太耐 過左龍 塊牛肉食落勁乾 都幾難食 最好食都係粗薯條仲跟餐叫左杯香橙菠蘿梳打 味道唔錯 酸酸甜甜 幾清新 好開胃整體黎講 今次既食物真係唔得 希望下次唔會咁差

✨呢間餐廳好開揚，而且裝修走簡單風～今日lunch坐最入～望住街外 靜靜地食飯～感覺幾舒服！服務同食物方面都好滿意～～～～～～～～～～～～～～栗子湯～估唔到咁好飲～真材實料～好濃郁超級推薦 跟餐加配$10～而且好大碗🫰🏻蜜糖芥末虎蝦意大利飯飯嘅硬度適中～加上少許芥末味～好配搭但～～呢幾隻點睇都似大蝦 多過虎蝦喎😅 不過蝦肉好彈牙～讚～菠菜忌廉雞肉扁意粉超鐘意呢個意粉～醬汁掛到每條意粉～雞肉都嫩～淨係食呢兩個飯意粉，應該就唔夠飽啦😛不過好在加咗湯～份量剛剛好～飽lu～

今日同屋企人慶祝結婚周年紀念日，見到綱上呢間荃灣玻璃屋，認得佢間鋪之前經過見到環境幾清幽都想試下，原先見到食客評價好壞參半咁，都係諗住試下點嘅心態去，希望唔會中伏！去到覺得啲waiter態度和藹！我自己選咗個門口位背後靠住玻璃好舒服！食物果然有驚喜！下次會再去試其余菜色！

今日小編同大家去如心既一個西餐廳探究😋Set lunch 包一杯 菠蘿凍紅茶/汽水松露忌廉雞肉意大利飯 好香嘅松露味💁🏻‍♀️ 意大利飯煮得顆粒分明💁🏻‍♀️ 雞肉唔錯但松露忌廉味完全蓋過咗雞肉本身嘅味，下面嗰個雞肉意大利麵都係一樣🤫野菌忌廉芝士意大利麵 好膩，忌廉芝士味太重🧀 可以讚下嘅係扁意粉幾有咬口，跟餐既菠蘿凍紅茶☕️可以中和返個膩感😝菠菜忌廉雞肉意大利麵 叫呢個麵係因為感覺上好似健康啲🤣菠菜味都重，可能溝咗入去忌廉入面🤨 不過相對地個麵冇上面嘅忌廉芝士咁膩😛整體來講，餐廳環境唔錯💫 坐位舒適🪑店員服務態度良好👍🏻但食物份量唔算好多😬不過唔值得二次探訪🙈 冇咩特別難忘嘅地方🤣

I tried the burger, good cheese, tomato sauce and beef and average friech fries. Beautiful inner environment. I didn't find any issues Hygiene. However, I consider the service was avarage. Honestly a little pushy when it comes to going over 70 minutes and they started to pushed us as soon as stayed over 60 minutes. I understand they need to do the business. But when you go to a restaurant with the baby, it is hard to finish the food on time because the baby don't understand timing, and a baby ta

上次第一次食好滿意 實在有太多選擇 所以再黎食多次其他野 環境依然好舒服 座位闊落 枱與枱之間唔會好近 今次試食佢地既全日早餐 叫左個芝士烤雞全日早餐 芝士配雞扒我都係第一次見 好少見會有咁既配搭 食落又唔錯 唔會好怪 雞扒好大塊 煎得好香口 食落好嫩滑 仲有炒滑蛋 煙肉 蘆筍 炒菇 扒茄 沙律菜 好多野食既全日早餐 好豐富 另外仲叫左個伊比利亞黑毛豬肉眼配薯條 揀左七成熟 同上次一樣咁好味 有兩大件 豬肉眼一切就切得開 入面係粉紅色 煎到岩岩好七成熟 肉質淋身 唔會好韌 咬落好多肉汁 好好味 仲有粗薯條 一樣咁好味 粗薯條食落熱辣辣鹹鹹地 飲品跟餐叫左杯荔枝青檸鮮紅茶 呢杯麻麻地 飲落冇乜味 得茶味 下次都係叫返梳打整體黎講 環境舒服 食物高質 價錢合理 值得一試

呢間店在如心廣場，坐得舒服，好relax,漢堡飽及薯條好好味，意大利飯汁多咗少少，味道尚可。疫情下搵間乾淨舒適的餐廳，服務員有禮，價錢合理，此店可以推薦給朋友。

路過荃灣，本來在海之戀午餐，行行吓到了如心廣埸，食評也錯試试，先來粟子湯，粟子粒未夠幼滑，虎蝦芥辣意大利飯，這個不錯份量剛好小小吾會辣，蝦也新鲜，白汁有點似卡邦尼汁，飲品要加錢🤔，下次可試薯條，最開心有窗口位環境不錯

一間位於如心廣場西餐廳裝修簡潔全店玻璃屋設計感覺好通透又開揚，座位亦相當闊落，坐得好舒服。食物質素與賣相相當唔錯，系一間非常唔錯的西餐廳。芝士烤雞全日早餐（HKD 78）All Day Breakfast, Baked Chicken with Cheese(Asparagus Roll, Grilled Tomato, Mushroom, Scrambled Egg, Mesclun Salad)賣相好靚，好多食材配搭，顏色鮮艷，未食已經覺得好好食😋烤雞雞肉有肉汁，配上烤到燶燶地Ｄ芝士，好香好好味，菇好多汁，蘆筍好新鮮好嫩配上煙肉味道好好，炒蛋好滑有奶香味，陪埋新鮮的沙律菜，非常滿足。

MARKA HOUSE早幾日嚟荃灣donki行下，肚餓就嚟到哩間醫肚。我叫咗份澳洲安格斯牛肉車打芝士漢堡配薯條lunch set。-------------------------洲安格斯牛肉車打芝士漢堡配薯條 $88漢堡包啱啱烘好，包面好香脆。芝士呈半溶狀，極邪惡。漢堡肉夠份量。而薯條都啱啱炸好，點埋茄汁就絕配。成個餐份量都幾多，1個人有啲食唔曬，抵食！-------------------------MARKA HOUSE地址荃灣大河道98號如心廣場二期1樓119號舖

星期日晚7點幾成個商場間間食肆都要等位，唯獨呢間食肆唔使等位原來真係有原因粟子湯除左澀味，就咩味都無，仲要一d 都唔滑雞翼味道尚可，但食完喉嚨好辛苦，應該係用左萬年油黎炸！虎蝦辣肉腸蒜香扁意大利粉呢碟意粉味道唔算係好食，只係正常，但份量真係細得好驚人！3啖食晒！紅酒燴荷蘭牛仔肉飯份量一樣咁少，5啖食完！味道方面係呢餐最好食澳洲M3 頂級西冷配薯條我要左7成熟，塊扒切開都仲見到紅色既，但呢塊所謂既頂級西冷口感硬過我條頸我地食到尾聲，聽到隔離台都係係到講食完唔飽總括嚟講環境可以，但食物份量同價錢唔成正比仲要唔好食，唔會有下次

芝士烤雞全日早餐 $78All Day Breakfast, Baked Chicken with Cheese(Asparagus Roll, Grilled Tomato, Mushroom, Scrambled Egg, Mesclun Salad)好味指數 2.5/5 🍭🍭🍬{雞扒上既芝士很多 可惜雞扒太鹹 其他既材料都不錯 菜類很新鮮 但醬汁較少｝香辣蕃茄豬柳意大利飯 $88Pork Loin Risotto with Spicy Tomato Sauce好味指數 3/5 🍭🍭🍭{意大利飯既汁很足夠 每粒飯都很均勻 這飯有少少辣🌶️1/5 入口很香濃 豬柳不夠軟身 約有3至4塊｝加配鮮奶咖啡 ＋$15Upgrade Drink to Latte好味指數 3.5/5 🍭🍭🍭🍬{咖啡香濃 奶同咖啡既比例剛好 熱飲較細杯｝

16.07.2022 星期六MARKA HOUSE 這一晚約了朋友一行三人到荃灣聚舊，其實在這次爆疫前已預約了這間MARKA HOUSE，豈料疫情嚴峻惟有延期，終於今晚開心地去吃好西。這間餐廳位於荃灣如心廣場，乘搭西鐵，穿過行人天橋，非常方便快捷。到達門外，透過玻璃清楚見到餐廳內，地方寛敞舒適，光亮簡潔，沒有多餘的裝飾，而且座位之間有充足的間隔。餐廳用Apps落單，晚餐有套餐，包前菜可選沙律、意式法包或餐湯；主菜有多款天使麵、濶條麵、意大利飯/麵；或可選西冷、羊架、黑毛豬肉眼、白鱈魚扒等；另外可半價特選飲品或小食如鴨肝烤法包、八爪魚下足等；之後又有三款甜品選擇。烤南瓜湯香濃南瓜味，好喝智利野生白鱈魚扒 配薯蓉+露筍卷鱈魚甜滑，完全無腥味，薯條加錢轉薯蓉+露筍卷，推介這個主菜。意式泡沫咖啡雖然沒有漂亮的拉花，但香濃不錯香草蕃茄帆立貝蟹籽天使麵賣相漂亮，朋友說好吃紅酒燴荷蘭牛仔肉意大利飯朋友也說好吃原本是有限時，但由七時開始，一直坐至九時半，跟朋友可慢慢閒聊，實在很寫意；食物美味又不昂貴，是一間值得推介的餐廳。