MARKA HOUSE

營業中

休息中

平時路經呢間餐廳好多次，不過總提不起勁走入去，可能最初嘅Menu設計比較a la carte, 兩個人普通食個lunch都唔係太化算， 多數揀咗同一個商場嘅其他食肆。 見到商場有好幾間食肆已經執了，所以今晚決定支持吓。大約7:45入座，只係得幾枱客。見到隔籬枱食嘅牛扒好似幾靚，多問侍應一句，但對答唔係太過識得點樣serve客，比較冷淡。叫咗兩個set dinner，味道唔錯。加上環境清靜，係可以同朋友傾偈嘅地方。可惜而家香港嘅食肆真係太早要收工，入座前已經check過openrice 收10點。9點已經last order，問侍應幾點閂門，對方講得唔太清楚，食食吓就閂部份燈，慳電冇問題，9:45已經要叫人走，臨走前想望多一下lunch set menu, 感覺後面嘅侍應都已經想你快啲出去，一踏出門口，已經即刻閂門。唉 😔😔

喜歡這餐廳，食物水準高。覺得性價比高，份量足，超值。*香蒜牛油法包* 酥脆金黃，超級香脆，內裡柔軟。牛油的濃郁與大蒜的香氣完美結合，停唔到口追住食。*香草奶油菠菜* 菠菜略嫌切得太碎。 不喜歡這口感 。香草奶油是creamy好味的。但加了七味粉，辣味搶哂fo。唔加仲好食。 *和牛雙重芝士漢堡* 充分展現了和牛的鮮嫩多汁，搭配雙重芝士的濃郁香氣，使得每一口都充滿濃厚的滿足感。Burger愛好者必點。*法式蝦濃湯虎蝦扁意大利麵* 好精緻，濃郁的法式蝦湯充分滲入意大利麵中，增添層次風味。蝦肉鮮美彈牙，有水準。*荔枝青檸紅茶* 清新解膩，荔枝的甜香與青檸的酸互相平衡。好飲。送的爆谷好咸啊。係鹽味。

作為荃灣人，每次經過佢見入面冇客，都會諗係咪唔好食所以冇full（sorry 以貌取人）🤣今日tea 想食西式，諗住揀個唔洗等位，坐得闊落嘅就search 到佢。到埗見只得2枱客，心裡怯一怯，嚟到照試食一次喇。環境的確係舒適，靜靜地，傾計好方便。叫咗一個黑松露薯條， 一個自選三樣嘅小食套餐（黑松露芝士螺絲粉，大啡菇同蒜茸包）同一杯玫瑰蘋果茶。薯條嚟到新鮮炸起，黑松露醬俾得夠多，個黑松露味濃但又唔太過份。螺絲粉焗完上，螺絲粉冇煮到太淋，都係幾濃黑松露味，個汁懷疑同薯條同一個汁😂。啡菇我原本以為係一整個菇，但上係切咗一片片焗完上，有蒜味但少咗啲汁水。蒜茸包係外脆內軟，但覺得蒜蓉落得太多，有啲啲偏鹹。一嚟有成6件，份量好多。仲有蘋果茶係真係有蘋果同玫瑰味，唔係化學味同唔會好淡。個杯好得意個底有個凸起嘅半圓球狀，要用另一個盤托住，唔知係咩用。埋單 $200，我覺得以份量味道同環境嚟講，幾ok 同有驚喜嘅。

早上12點多Walk in 等了一會就有枱掃碼QR Code 落單上菜速度快❤️蟹肉意粉好好味！！！ 絕對會為這個意粉再次光顧❤️煙三文魚凱撒沙律正正常常，符合預期❤️薑汁柚子茶味道又幾夾好飲

要向荃灣搵個地方可以坐得耐，仲要放得落bb車，其實都有啲困難，新餐廳就唔使諗，多人嘅都唔使諗，所以本身對呢間餐廳冇乜期望。叫咗兩個午餐香草紅酒燴牛仔肉意大利飯-胡麻烤雞蕃茄沙律-熱檸檬水辣肉腸蕃茄雞肉意大利飯-蕃茄洋蔥濃湯-可口可樂好多時都係因應價錢同埋餐廳外觀去想像，從而決定叫啲咩食物，所以食物嚟到嘅時候都嚇一嚇，竟然份量味道都十足，絕對冇馬虎，唯一缺點係員工比較少，所以其實唔會太多服務。總括嚟講，呢間餐廳可以喺荃灣咁多年，的確有佢嘅原因，其實個環境都唔錯，希望佢可以繼續生存落去。

作為荃灣居民嘅我 真心想為呢一間餐廳平反一下😎好多時喺荃灣想搵一間比較有水準嘅西餐廳食飯，通常都會諗起荃灣廣場outback 或者海之戀既Odelice 或feather and bone 雖然都係有質素嘅西餐廳，但性價比唔夠高所以如果你想搵一間喺荃灣區 唔使等位，食物有質素而 環境又唔錯既我十分推介呢間 以我所知呢一間餐廳已經開咗業幾年，但每一次經過晚餐時段都係唔爆嘅 真係唔明點解但我都幫襯咗差唔多10次，每一次都保持到水準我強烈推介 牛扒或豬鞍 （魚都唔錯） 因每一次佢做到嘅熟度同埋柔軟度都好好仲要係juice 豬鞍做得唔鞋口係唔易 佢既食材係有水準既 唔係比塊醃肉你佢個餐可以加 錢加紅白酒薯條 同埋前菜既蟹餅都好食 個蟹餅真材實料👍係完全感受到大廚係有心去煮野食比你真心推介比情侶或三五知己去試下

Bookmark咗好耐 今日終於黎試😆😆平安夜只有festive menu既3-course dinner第一道係忌廉蘑菇湯同埋意大利黑醋烤雞沙律 兩樣都好有水準👍🏻👍🏻第二道係蟹肉牛油果法包、蒜香虎蝦、酸辣煙三文魚，同埋煙三文魚醬法包、香烤蟹餅、Parma Ham蟹肉牛油果法包嗰一set有驚喜！蟹肉味重，虎蝦彈牙❤️❤️主菜揀咗白鱈魚扒同埋羊架 份量勁大 鱈魚扒充滿油香，羊架肉嫩多汁🥰🥰Festive menu 都係278 pp 都幾抵👍🏻👍🏻

二人前嘅晚餐(⁎⁍̴̛ᴗ⁍̴̛⁎)一人一個Set!有南瓜湯，都幾滑，味道唔錯。西冷牛扒配蒜蓉啡菇同埋薯蓉😋牛扒，我哋叫咗五成熟，都唔錯，牛扒唔會太靭，個Source我唔肯定係咩汁🙈但都OK嗌咗一份小食炸雞翼!!啱啱炸起熱辣辣上枱。炸皮唔會太厚，可能因為配咗泰式辣醬俾我哋，反而我覺得雞翼本身冇乜醃過？紅酒燴牛肉意大利飯(◐‿◑)我覺得呢個最好食，牛肉非常之入味，已經係燴到軟腍腍，幾乎唔使咬就已經可以食到。意大利飯都好好食。同場仲包兩杯無糖可樂。不過就冇影到。食物嘅質素呢個價錢算係中規中矩啦。

呢間Marka試過幾次，質素唔錯。不過偏偏今次都幾伏下。🫠⭕️蟹肉蟹籽香草蕃茄天使麵🍅🍝$120蟹肉蟹籽算多，但係Cherry Tomato太少，用比較多現成嘅茄汁，所以汁底麻麻哋。最最最弊係天使煮得太耐，又唔夠香，好淋，似食緊浸了好耐嘅米粉。份量非常大，但係我地食淨好多。😬⭕️法式香草青檸烤半雞，蒜香啡菇配薯蓉🐓$158烤雞嘅皮少少脆，但內裏完全冇香草味，而且焗得太耐，唔夠滑，比較鞋。🫢❌整體嚟講，環境舒服嘅，枱與枱之間都隔得算遠，不過服務都幾差，完全唔夠侍應，問佢攞把叉，放完枱邊就走，結果嗰半把叉旋即跌落地。😒感覺真係好麻麻。食物又麻麻哋，應該未必想再返去食。

前排lunch 食咗呢間喺荃灣西嘅西餐😛餐廳環境舒服，用咗落地玻璃同雲石枱都幾modern😙Lunch 主食係包咗一杯野飲，或者可以+$15轉咖啡/特飲，不過建議唔好叫咖啡☕️因為質素一般🙈 野食方面味道唔錯，選擇都幾多！松露忌廉野菌扁意大利麵 ($88) 呢個意粉超creamy😍 黑松露味都幾香，仲有啲雞肉，如果鍾意食忌廉嘅人可以試吓☺️All day breakfast ($108) 呢個好豐富係最有驚喜嘅🤩 有兩隻水波蛋，配埋sour dough包🍞食蛋汁好香濃好好味😋 煙肉🥓唔會好乾口感幾好，香腸、大啡菇同蕃茄都煎得好有心機，食落超飽😆意式芝士白菌雞肉配飯 ($78)本身見到配白飯唔知會唔會有啲頹🙉不過芝士🧀️白汁整得好香濃creamy，配飯食好正😛 略嫌雞肉唔夠嫩滑同唔算好入味🥲📍 MARKA HOUSE 荃灣大河道98號如心廣場二期1樓119號舖🍽️ 7.9/10@jan_foodiary#janfoodiary_西式 #janfoodiary_荃灣

呢間係近屋企，成日經過但開咗幾年都無試過。終於搵日兩公婆帶埋兩個小朋友一齊食晚餐。芝士白汁雞燴飯勁好味，好香芝士味，食到我個囡豎起手指公。黑松露沙律醬炸薯條當然係小朋友最愛。我兩個女都未試過咁專心食嘢。我哋仲叫咗青醬意粉同烤羊架都係好好味。我個好有要求嘅老公都話性價比好高。環境好舒服，同隔離枱都有距離。價錢同附近食肆比較真係唔貴，份量好足。我好期待下次再去希望多啲人幫襯佢啦，平日晚市好似唔係好多人，好擔心佢做唔做得住

看到了OpenRice上的正面食品評論後，我決定一試，卻感到失望和不滿。被讚譽有加的牛扒令我極度失望，它用梳打粉醃製得過度，帶有嚴重的鹼水味道，更糟糕的是，它過於鹹了。這樣的味道令我感到沮喪和失望。接下來是意大利飯，它既不出色也不糟糕。然而，伴隨著它的雞肉稍微過鹹，這使整道菜的享受受到了影響。這是一次普通的體驗，既不出眾也不難以忘懷。當我們的期望沒有得到滿足時，特別是當我們依賴他人的意見來指導我們的選擇時，這讓人心灰意冷。這次用餐經歷提醒我們，個人的口味和偏好在形成對食物的意見時起著重要作用。對某些人來說可能令人愉悅的東西，不一定能讓其他人滿意。將來，我會對餐廳評論持保留態度，更多地依靠自己的判斷和味覺。重要的是要記住，口味是主觀的，對某些人來說可能被視為出色的東西，不一定符合我們自己的喜好。

平安夜，一家兩大兩細諗住出街吃飯開開心心，六點多少少不少食店已滿，小朋友肚子餓不想等，唯有找間客人不多的食店，當天晚餐選擇不多，每個餐約二佰多元，我兩個小朋友（6嵗）各點一個餐，即共四個餐，沒有幫襯小小阻住人做生意，但感覺此店對客人毫無禮貌，正常要求會黑面，講明要全熟豬鞍，但給生豬鞍，6歲小朋友要求走辣也黑面，難怪香港食市越來越難做，自己做衰自己，做壞香港形象，此風不可長，政府幫助推廣也沒用，唉😞

每次諗唔到想食咩 就會諗起呢間餐廳 見咁耐冇食過 又過黎食下 餐牌依舊都係有咁多選擇 今次叫左個午市套餐 跟餐係香烤南瓜湯 好香好濃既南瓜味 飲落好creamy 主菜叫左個香草蕃茄雞肉扁意大利麵 份量好大份 好香蕃茄味 但食落又唔會話好酸 雞肉都有好多 味道唔錯 飲品叫左杯蜜桃石榴香橙梳打 酸酸甜甜 幾好味另外仲單叫左個伊比利亞黑毛豬鞍配薯條 黑醋沙律 豬鞍揀左七成熟 煎到岩岩好 唔會太熟 食落好淋好嫩滑 有肉汁 薯條同之前一樣炸到金黃色熱辣辣好好味 沙律菜好新鮮整體黎講 食物高質 價錢合理 值得一試

姨甥女將會到加拿大工作, 為她餞行, 約佢吃西餐！呢度一向出品精美, 正所謂用料靚口感正😉今晚都唔例外, 保持水準👍🏻 Lamb chop同和牛肉質都好嫩, 扁意粉彈牙啱啱好, 巨型漢堡加粗薯條絕對好過其他貴價品牌多倍, 直頭冇得輸😋之後小老闆請我哋試新品炸魷魚鬚, juicy & yummy 😋其實呢度環境同食物質素一流, 收費係中等, 勝價比高👍🏻但係可能位置唔夠好, 始終唔見佢大旺, 可惜😌