Marks & Spencer 食品專門店

營業中

休息中

今日行經旺角朗豪坊, 走左去行瑪莎瑪莎嘅bakery真係超級正, 次次行過都聞到好香嘅烘焙味今次見到有蘿蔔蛋糕, －於買返屋企做飯後甜品<Carrot Cake>大食妹好鍾意Carrot Cake嘅Icing, 食落好似cream, 但係有沙沙嘅口感普遍嘅蘿蔔蛋糕有三分之－都係Icing, 但係瑪莎嘅Icing就偏少, 蘿蔔蛋糕口感濕濕地, 因為加左肉桂粉, 肉桂味蓋過蘿蔔蛋糕原來嘅味道但係當甜品咁食嘅話, 就好好食啦另外, 加入大量嘅nut仲增加左整體嘅口感

是日係呢度附近返工，可以揀咖啡嘅已經無乜選擇。突然醒起朗豪地下有馬莎，平時行過尖沙咀分店見到有早餐優惠，已經好想試，今次係旺角分店，即刻試。門口已經飄出好香嘅麵包味，呢日尚早，人流又唔算好多，幾舒服。好有個人嘅空間，而且環境係寧靜，係早上慢慢讓人提神。選擇比我想像中多今朝突然想個人健康啲，叫左牛油果多士，49元。牛油果係超多，加左檸檬，特別清新，麵包有烘過，脆脆地唔會過硬。火腿芝士牛角包，30元。估你唔到，佢嘅芝士係剛剛好溶小小，微溫，牛角包皮脆，一口嘅滋味剛剛好，而且好滿足。咖啡都係flat white，好正，奶滑啡香，依家寫緊食評呢刻好想再去食。

三文魚忌廉芝士麵包圈 49馬莎自製的bagel塗上cream cheese和放上很多片煙三文魚煙三文魚不會腥，煙燻味重，三文魚肉軟軟的，擠上一點清香的檸檬汁提味，冰拿鐵高質，咖啡味濃郁帶一點酸加熱後的麵包圈煙韌，整體好吃，配咖啡很棒火腿芝士即烘三文治 55上桌香味十足，滿滿的芝士味，整個爆漿出來賣相超級邪惡！！表面也有烤得焦焦的芝士，火腿給得很多，味道鹹香，芝士流心吐司麵包酥脆，現點現烤很美味，適合當早午餐

某日 , 筆者出 MK 行 朗豪坊, 入 Mark and Spencer 買點日用糧食 .... 當時 , 胃口不太好 , 不想吃太多 , 也在飽與不飽之間 , 但又想有點食物到口 , 於是乎就買個湯來飲 ~Butternut Squash & Sweet Potato Soup 南瓜甜薯湯 $29 : 買湯附送麵包 , 麵包的質地鬆軟 , 味道輕甜 ; 湯的溫度適中 , 質地濃稠 , 調味得宜，滿有南瓜和蕃薯的香甜味道 , 也嚐到有風乾肉腸的味道 , 是充滿活力的一碗湯 , yummy ~本篇完 ~

朗豪坊最底層以前係starbucks，每次等人都坐滿曬人。最近完成裝修後，開了一間特別版的Mark and Spencer，因為多了一個cafe corner， 今日難得放假， 就大媽媽出嚟食個英式早餐。想不到早上十點多的時候餐廳滿佈客人， 看得出有好多是遊客， 亦有一些事上班族坐在吧檯上面商討工作上嘅事情， 可能是因為上面就是朗豪坊商業大廈。 可以每月有一天在平日休息，覺得自己好幸福呀。我地在櫃檯前點餐之後，找一個位置坐下 ， 等他們做好之後再拿， 清潔不是太夠人，所以衛生有一點扣分。炒蛋配多士， 雞蛋煎得好鬆脆，唔會話淋bet bet，咬落去好有質感而且好有蛋香，加上我哋灑左胡椒同埋海鹽，好一個好健康嘅早餐。另外點在一個藜麥沙律配大蝦，最潮的superfood之一，最近睇左好多superfood 的書，大家都讚藜麥有助減肥抗抑鬱， 真係要食多啲。 這隻大蝦當然不是新鮮蝦啦， 肉質還可以吧。 因為藜麥是比較鞋身的，所以他用了 他用了酸酸的醬汁， 刺激一下我們的味蕾， 令我們開胃一點。精選芝士拼盤， 媽媽太喜歡食芝士了， 所以我點了一個芝士拼盤一邊有六款芝士，一些餅乾，還有提子，果醬。

係旺角買完波鞋，差唔多9點，當我同男朋友諗緊食咩嘅時候，就諗住去埋洗手間先，出黎見到有咩餐廳就食咩啦。而一出黎見到嘅就係超級市場 marks and spencer ，我通常都係喺度買下零食，食晚餐真係未試過，因為佢地賣嘅零食好食就出哂名，有保證所以就決定試下個熟食喇。是日menu ，以西式食物為主，湯加主食$88，飲品、甜品需要另外加錢蘑菇湯配麵包+辣肉腸pizza湯有濃濃菇味，亦有好多蘑菇粒，飲落清香，唔會太咸辣肉腸pizza沙律伴碟，薄批，焗得有少少燶，但幾脆口露筍湯好清新，有露筍係湯入面菠菜芝士麵卷+蒜蓉包+沙律外型同千層麵好似，用麵捲住菠菜同芝士，芝士極多，好creamy

自從發現自己成為了高齡孕婦, 除咗返工真係好少出街, 有日難得要去旺角聽講座, 就決定出去食個lunch. 下午一點幾, 成個朗豪坊D餐廳都要等位, 一就唔識合大肚婆食. 最後諗住去M&S買個面包食, 點知就發現有座位有set食, 仲要好豐富. 而家仲做緊送飲品. 即係$88有soup+main+drink.我叫咗雜菜湯, 芝士菠菜麵卷和熱朱古力, 之後再加個carrot cake. 去個counter 到買完佢會俾個牌, 之後會有人送D野過來, 好方便. 等咗大概十分鐘已經有得食, 個湯配個包, 好濃好足料, 個菠菜麵卷勁creamy, 又配咗件garlic toast, 好好味, 熱朱古力好大杯好香, carrot cake 大件, 好moist, 不過偏甜.快靚正, 環境乾淨, 係旺角一個好選擇. 不過要講清楚, 佢並唔係有個大廚即叫即整, 而係焗返熱D frozen food. 我就覺得呢個idea 好好, 覺得好味仲可以買返屋企添

落雨最好行商場，唔使開遮，今日過左朗豪坊買野加 HEA行，行到攰同餓想搵地方坐底食個lunch，4樓D 餐廳又全部要等位。咁我就落左去地下個層馬沙嘅M&S CAFE。我到嘅時間啱啱係午餐同下午茶都有，下午茶就CAKE 加飲品，未食LUNCH 唔夠飽~我點左個午餐，有餐湯同主食，湯就揀左蘑菇湯，主食係洋蔥汁英式豬肉香腸伴薯蓉，盛惠$88.餐湯方面磨菇湯很香濃，仲有細細粒蘑菇蓉，味道不錯~ 洋蔥汁英式豬肉香腸伴薯蓉就足量足，薯蓉滑，豬肉香腸有D咸，整體上OK GE~勝在PEAK HOUR 都有個舒服位置坐下，已經值得介紹下~

今日同朋友去朗豪坊shopping，行到又攰又餓說搵地方坐底並且食個lunch，我哋就落到去地下個層M&S CAFE。我哋叫了兩個套餐，有餐湯，主食及飲品，先點了 蘑菇湯及意粉蔬菜湯作餐湯，主食是炸魚薯條及腸仔焗薯蓉，飲品點了mocha 及檸檬薑茶，甜品就叫了carrot cake甘筍蛋糕。餐湯方面磨菇湯很香濃，仲有細細粒蘑菇蓉，味道不錯，至於意粉蔬菜湯， 蕃茄味非常濃烈，帶酸味並且意粉份量十份多，飲完後很飽肚。主食是炸魚薯條， 炸魚薯條很大塊，而且仲外脆內軟， 薯條應該經過烤焗，沒有油膩感，不會太乾身及沒有落鹽粒，很有薯仔味。另外腸仔配焗薯蓉， 腸仔是德國腸帶鹹，配上淡奶香味薯蓉， 可中和腸仔的鹹味，味道也不錯。甜品是甘筍蛋糕，單睇外觀很可愛因為有一個甘筍的小圖案，味道就略為甜了一點，如果再可減甜一點就更好了。檸檬薑茶是用茶壺上的， 薑味很重，份量剛好，而且也可不停添加熱水。咖啡方面杯Mocha 有濃郁的朱古力，口感很rich。

天氣乾燥總想買啲護膚品潤吓，最多護膚品牌商場非朗豪坊莫屬，本身只想買mask，某某品牌新客戶登記又有試用裝送，又有得做皮膚測試，搞搞吓又用咗45分鐘，唯有諗吓邊到有快餐，醒起樓下馬莎是快餐形式，咁就落去試吓。lunch set湯加主菜$88，我叫了忌廉磨姑湯加蕃茄肉醬意粉，餐廳主要係半自助形式，購買後會比號碼牌作送餐用，另外餐具需要自取。先送湯來，伴隨餐飽及牛油，餐飽質地不錯，如果有烘熱就更好， 磨姑湯好好飲，雖然同罐頭湯差不多，但我很喜歡。到主菜送來，主菜伴有沙律菜，真的非常好，有啲蔬菜會無咁油膩，而且健康啲，肉醬意粉熱辣辣，整體成餐都唔錯。

Marks and Spencer 既零食好味，應該大部分人都知同埋認同，但其實佢既麵包都好好味ga! 其中一樣的最鐘意既就係Pretzel, 呢款德國麵包唔係好多地方有，好彩比我係到搵到！買返屋企，第二朝焗返熱，表面啲芝士脆返晒，好香口，而且麵包口感夠實在，又煙韌，真係百吃不厭！

Tea time 時間，唔係好餓又唔係好飽，想飲杯咖啡歎下，附近咖啡店又滿晒人，就試下M&S cafe。有個餐一杯咖啡加一個牛角飽，都係$35，我就叫左杯熱mocha, 買完等一陣個staff送到枱面，個牛角飽超好味脆卜卜，一層一層，仲有少少熱，好新鮮感覺，杯mocha唔算好甜，仲送埋塊少少曲奇餅，送咖啡一流呀。地方唔算多人，張凳一般舒服啦，我鍾意佢無禁迫人，同埋咁嘅價錢可以飲到杯咖啡同食到好味的牛角包算好好了。

平平地食個tea，係個唔錯既選擇！重食可以有pizza，輕食可以有沙律，焗薯等等。再買杯咖啡☕️，帶本自己鍾意既書或者帶本電腦做功課，咁樣一個下午就過左去。重點係，佢係朗豪坊呢個area黎講真係好少人！！

吞拿魚法國包法國包焗得幾香脆，加埋入面既吞拿魚醬，吾錯👍🏻👍🏻不過價錢就貴左少少，份量亦都屬於小份量果隻，如果吞拿魚醬多d,加埋蕃茄，生菜會好食好多😂

環境：⭐️⭐️⭐️⭐️店舖面積不大，在超市內的一角，以吧枱為主，座數約10多張，適合單身顧客。因餐廳已快餐形式進行，故不宜坐得太久，已速食為主。食物:⭐️⭐️⭐️⭐️⭐️食物以健康輕食為主打，三文治、焗薯、沙律等，亦提供英式下午茶，同時餐廳亦有素食提供，顧及不同食客需要。食物材料新鮮，適合注重健康人士作為午餐的一個好地方！服務：⭐️⭐️⭐️⭐️餐廳以快餐形式先付款後取食物，職員態度友善，付款及送餐速度亦很快，繁忙時間需要自己清理托盤。註：⭐️⭐️⭐️⭐️⭐️五星為最高分，⭐️一星為最低分