Master Kama (已結業)

看到餐廳評價不錯，趁著6時多沒太多人時一試，餐廳內約有4桌客人，不用等位便可直接進入。餐廳內擺設及裝修不錯。桌子與桌子之間有空位不會與旁邊太近。點了一份名為《屋》的甜品，雪榚無綠茶味之餘仲有小小果味加薄荷味。 十分失望！水玄果子一般，少許酸味，朔餅也是普通。這餐廳還是專注於咸食較好。

工作關係 行過銅鑼灣 本人比較鐘意西餐 上open rice 睇過龍蝦包專題排行榜 就試下呢間叫Master Kama 嘅餐廳下午三四點，客人比較少，環境舒適，見客一流。目標都係龍蝦包，雖然都有午餐叫，但下次先。 Order 咗十分鐘之內上枱，賣相唔錯，原來仲有沙律跟。薯條用粗薯條，同龍蝦包勁match! 橙色蕃薯條都幾特別，稔稔地，甜甜地，都唔錯wow! 沙律菜都唔馬虎，三種不同嘅蔬菜加埋黑醋汁，等我仲以為生菜，青瓜，蕃茄加沙律醬。主角 龍蝦包，待應話要配埋個檸檬牛油汁食先好味，我當然唔會信佢啦，試一試先。包 烤得脆脆地 有牛油香 好似多士咁，正。龍蝦肉 係新鮮龍蝦肉嚟嘅，彈牙有蝦味，落重料wow!包入面仲有d 沙律醬嘅物體，有少少蒜味，又有d herbs 咁，配落去幾夾其實仲有幾條火箭菜，苦苦地，無乜特別之後加汁，eeeee，ok wow，襯到d 蝦肉又無搶咗龍蝦肉嘅鮮味，讚👍待應態度唔差，有介紹，我跌咗隻叉，我都未舉手就已經拎咗隻新嘅放係我面前👍又要返工，我會記得呢間餐廳，下次再嚟過！

Mr C知道我鍾意食龍蝦，今日特登帶我來銅鑼灣呢間上樓餐廳，話有啲似London 嗰間Burger & Lobster。哇！好期待！我哋weekday 差唔多2點先到，所以冇乜人唔使等位。我哋叫咗一個Lobster Roll ($188)，同埋一個lunch set 黑松露白醬牛肉漢堡配薯條及沙律同埋一杯跟餐既凍檸茶同埋餐湯 ($85)。另外個lunch set 加 $18 芝士雞肉烤餅。好期待，啖啖肉既Lobster Roll。上檯嗰時竟然有啲失望。。。$188 兩塊排包夾住幾舊龍蝦肉。肉既份量我覺得真係少咗啲。。。但公平講句，係好味既。軟熟嘅麵包夾住啖啖既龍蝦肉。嗰汁好好味，唔知點調教出黎既，但係同嗰包好夾。配薯條同沙律。薯條好新鮮，其中又有幾條南瓜條。好味！而Mr C個lunch set，牛肉漢堡夠多汁，但係嗰黑松露白醬就唔夠出。整體黎講，普通咗小小，但係呢個價錢係合理既~ 雖然我唔係好食洋蔥/pickle之類，但係我覺得如果加埋既話會更加好味。個芝士雞肉烤餅有三塊，裏面啖啖雞肉，加埋啲Salsa 醬好好味。好開胃。唔錯！總括黎講，覺得Lobster Roll好食，唯一價錢貴咗啲

新一年新開始.轉了新工作環境 是日午餐 便和同事們光顧附近一間人氣餐廳 係同事信心推介下 一出lift門 見到牆上拼圖已經大概估到係間西日式既餐廳 Lunch time得1個鐘怕唔夠時間, 下次夜晚黎先試龍蝦, 今日試咗個馬糞海膽茶漬飯, 店員提醒高湯不要直接倒係海膽面上, 應該係碗邊慢慢倒落去, 咁樣先係最佳食用方法, 高湯有濃濃昆布香味, .飯面上舖得滿滿海膽.中間還有黑魚子..倒下茶漬湯 陣陣茶香撲鼻..一口海膽加飯再加湯 實在太美味下次再黎定必試食其招牌龍蝦菜

※本文以用餐當日的環境、服務和食物質素為準，口味亦因人而異，文章只作參考之用。龍蝦包專門店愈開愈多，小妹暫時剩係食過Master KAMA一間，不過個次係食旺角店，食物款式稍為唔同，而且可能夜晚關係（窗外有霓虹燈），相片影到又藍又紫勁肉酸，今次再去埋銅鑼灣本店試埋上次無食既龍蝦匯。餐廳為樓上鋪，簡單的佈置配上低調的白色磁磚，環境頗闊落舒適，某些坐位上仲放置了餐廳主題的龍蝦公仔作裝飾。最前方係出餐位置餐牌選擇頗多，除左招牌龍蝦菜式外，仲有沙律、小食、串燒，炸魚薯條、意粉/飯、石鍋烏冬，而家連抹茶甜品都有添。（餐牌在末文）Candy Cane IceTea $50(Strawberry Rose Flavour)成杯飲品真係好有聖誕氣氛 （但我唔係聖誕時食的），飲落真係好似士多啤梨味糖果，味道都較甜。雙重炸薯條 $68配上三款口味醬：龍蝦芝士醬、黑松露芝士醬和蜜糖芥末醬。一客雙重薯條係包括左左炸薯條同炸蕃薯條兩種，蕃薯條甜甜地幾重薯味，幾好食，而且份量都幾多架！最鍾意係佢配上三款醬，松露醬固然好味，仲多左坊間少見既龍蝦醬，龍蝦醬加入左芝士仲拉到絲添，香口又好食。意蝦匯 $428一份招牌龍蝦

年廿九下午時分到維園花市，人流依舊不斷。四周氣氛熱鬧，而我和朋友在乾貨濕貨區均買了不少，收穫甚豐！知道朋友想食龍蝦，不過一直緣慳一面。今晚打鐵趁熱帶她一試！晚上人流如鯽，等了約十分鐘便可入座！龍蝦匯 - 地標套餐，幾乎每枱都會點！套餐有龍蝦包，蒜蓉牛油龍蝦及龍蝦什錦海鮮石鍋湯烏冬或飯。賣相頗吸睛，挺適合心大心細及有選擇困難症的我倆！龍蝦包中間夾著厚身的龍蝦，龍蝦蝦肉質感厚身，肉質彈牙而嫩滑。麵包烤得軟身，中間搽滿香香的邪惡牛油及其他醬汁，食完頓時覺得有點滿足！薯條雖則不是沿用我愛吃的波浪紋款，不過炸得熱辣辣，而且不鹹，味道不錯。蕃薯條味道較薯條濃郁，但數量較薯條少，同樣也是熱辣辣！龍蝦什錦海鮮石鍋湯飯 - 熱湯不停翻滾著，材料頗豐富，有青口、蜆肉等等。海鮮易於入口，質感厚實，味道大致彈牙爽口沒有呈腥味！當初以為配烏冬才是正確之選，想不到配飯亦同樣不錯！飯粒較短身飽滿，食落米香頗重，索滿湯汁後更顯美味！（左）Matcha Popcorn - 份量也挺大杯，連我也飲不到整杯。入口滑溜冰凍，消熱確實一流！面層的奶泡打得細密，與抹茶混合後味道提升不少！（右）Pink Velvet - 色澤很漂

今餐西利喇，食龍蝦大餐！不得了！ 同朋友一齊嗌左個龍蝦set首先緊係嗌翻杯mojito喇，加左荔枝，好清新！ 微甜，好啱女仔飲嘩，戲玉出場喇，一個龍蝦包set， 估唔到龍蝦可以夾包食，啖啖肉都好唔錯！ 又唔會好dry另外仲有原隻龍蝦，雖然食果時係有少少困難，不過問待應擺個拑就ok龍蝦味道好香，幾惹味！薯條都好有心思，有一半係蕃薯條，我特別中意食蕃薯條，香啲，甜啲，好味啲！而且剛剛新鮮炸起，好香脆石鍋烏冬一上枱仲係滾，熱辣辣架！烏冬口感彈牙，應該係稻庭烏冬果d friend，而且個湯係龍蝦湯，非常香濃好味！ 因為出面好少可以食到甘濃既龍蝦湯底，食食下仲覺得愈飲愈鮮甜，抵讚～

朋友經常推介呢間以龍蝦菜色為主既餐廳, 今日終於有機會黎朝拜真身, 藍白色既裝潢簡單舒服, 今日除左必點龍蝦匯之外, 仲試左芝士焗銀雪魚配甜蕃薯意大利飯, 三重芝士雞肉烤餅; 先講龍蝦匯, 重點係類似檸檬牛油汁, 淋上龍蝦包上令味道更加豐富, 細心既店員上菜時都有特別提點, 抵讚! 半邊焗龍蝦不過不失, 龍蝦石鍋烏冬滾住上, 烏冬q彈無煮過頭, 呢個組合屬有水準之作。再黎銀雪魚意大利飯, 輕輕芝士味舊魚夠juicy唔會太乾身, 旁邊既甜蕃薯好正, 唔好以為妝飾唔食, 呢個係驚喜之作, 一定會番食!

估不到星期一晚上食飯都會咁多人！我們去了銅鑼灣既Master Kama食龍蝦！新年食「龍蝦」，全年旺到笑哈哈！這間餐廳的廚房是開放式，所以客人可以食得更放心。雖然是開放式的廚房，但是我坐在廚房旁都沒有很大油煙喎。這杯是朋友點的master magic,是一杯梳打水來的，而試管內的則是檸檬汁🍋，飲用的時後把它倒進紫色的梳打水內。這杯是朱古力沙冰，頂頭有細細粒既棉花糖和朱古力碎，差不多飲到最尾既時候，會飲到朱古力碎㗎！一杯飲品3種質感！唔知點形容喔，總之好好飲啦！下次再嚟我一定會再order啊！大蝦茄汁扁意粉，加咗少少芝士碎Yummy!Yummy! 濃味加熱騰騰既大蝦意粉!(如果加多$80，可以由大蝦轉為烤龍蝦㗎）呵呵，這個就是傳聞中既龍蝦餐喇！有半隻蒜蓉烤龍蝦，薯條+蕃薯條，沙律菜。首先講吓隻龍蝦先，龍蝦身的肉好彈牙和入味，不過龍蝦鉗就要用d力開喇！Um……我覺得蕃薯條好味哦，炸到脆脆的又乾身。白酒白汁煮藍青口，青口雖然細細粒，但係好滑好新鮮！最緊要係入味啊！茶碗蒸是我的最愛😍，每次去日式餐廳我總是會order既！今次見到個餐單有龍蝦茶碗蒸喎，就梗係要試吓啦！完全沒有令我失望，這個龍蝦茶

世事總是那樣奇妙，緣份以外，原來人與餐廳也可以這樣夾。我有一個朋友，除了是個抹茶控，每次看到抹茶的美食，我也不期然地想起她。而最近，我發現她有另一個喜好，就是「龍蝦」。近期，本港密密出現的龍蝦包便令她垂涎三尺，她每次看到也想去吃個滿足。是夜，我們便到了這家以龍蝦入饌，創出「龍蝦匯」的餐廳用餐，她整夜都心情超美的。因為當天她不但能吃龍蝦，更可以嘗到餐廳最近新出的抹茶甜品！店員把我們帶到店內的梳化位坐，好讓我們親近一下那隻大龍蝦。桌上放著 menu和最新的抹茶甜品推廣牌，單是看賣相，已經十分吸引，抹茶控一定不能抗拒。還好時間尚早，人仍未算多，店員主要把客人帶到餐廳內靠窗座位，所以你在我拍的環境相中是看不到其他客人的。 雖然裝潢簡單，但單是瓷片上的圖案和木樑上的擺設，還是看得出心思十足。 朋友一心來說龍蝦包，所以提早跟餐廳預留了一客龍蝦包。另外，我們還點了龍蝦玉子燒和一款串燒（燒豚肉荔枝卷），還有另一個主角，就是抹茶甜品和抹茶飲品（抹茶smoothie）幸好沒點龍蝦匯，否則我跟朋友一定被冠上「大嘥鬼」的臭名。 朋友的抹茶 smoothie ($58) 先來，賣相十分吸引，白色泡泡上浮

之前想食好耐，不過成日Full booking 都食唔到，今次終於book 到啦！我地一行四人叫左一個龍蝦餐$428同一個小食拼盤。龍蝦超豐富，有龍蝦包、原隻龍蝦同龍蝦烏冬。龍蝦味好鮮味呀，超鍾意個龍蝦包，忍唔住叫多左一個！啖啖肉。不過原隻龍蝦就啲難拆。而伴菜薯條有蕃薯條，超開心！龍蝦烏冬個湯超香，忍唔住飲埋，龍蝦湯就係無得輸！小食拼盤就無乜特別，最好味係炸雞翼同伴菜薯條。周圍都係抹茶熱，呢度都有抹茶飲品。叫左呢個抹茶smoothie,抹茶味都幾出，上面仲有爆谷Tim!

龍蝦....龍蝦...我愛你！龍蝦作主題，無論食物，擺設，全部跟龍蝦有關，你話點會吸引不到喜食海鮮的我呢！眼見左鄰右里，多數點了龍蝦匯套餐，相信一定係是人氣之選，當然也有咪執輸心態啦！龍蝦匯套餐有三款： 龍蝦包，烤蒜茸牛油龍蝦半隻和龍蝦什錦海鮮湯烏冬或飯。龍蝦包和半隻龍蝦上枱了，伴碟有什菜和炸薯和蕃薯條。先講賣相有點美式feel, 大堆頭大製作，相當吸引。麵包軟綿綿，質感輕巧軟熟，每啖都夾雜了龍蝦肉，靈魂在於醤汁，相信是自家製的，跟龍蝦肉好配合，滋味！講真龍蝦身沒太多肉食，只寄望龍蝦鉗。肥大的鉗肉質結實鮮嫰，不錯👍。如足一隻會更加滿足噢。熱辣辣石鍋上的烏冬仍在番滾，傳來陣陣鮮味。果然湯底濃郁有鮮香，每條烏冬卦上了湯，好味。烏冬質感亦煙煙韌韌好有嚼口。什錦海鮮類有蟹條，蜆仔，魷魚，蝦仔，怪不得湯底這樣的濃縮。整體食物水準，服務和環境都達到要求，又多一間可推介給朋友前來嚐嚐了。

Master Kama以龍蝦菜式被人留意，亦深明年輕人相機食先的道理，做出來的菜式，大都能拍出一張好照，po相與朋友分享，成功呃like。而我就是見到朋友的靚相，被吸引來的。Nutella Chocolate$45: 香濃的熱朱古力，將泡沫忌廉攪勻更幼滑，棉花糖及朱古力碎令飲品更甜美，然後越飲越喝出nutella榛子味，與別不同。加州脆片香橙雞肉沙律配芝麻薑汁$88: 本想點凱撒沙律但沽清，注定我要試這個沙律，用左酸酸地似橙汁的沙律汁，薑汁味就唔明顯，脆片好有口感，裡面的雞肉絲有不少，橙多汁又甜。日式雞軟骨餃子$45: 餃子烤到脆卜卜，外脆內軟熟，細心咀嚼會發覺餡料有軟骨，但好細軟唔會硬倔倔，口感多汁，味道很好，吃不停手。烤蒜蓉牛油龍蝦$208: 龍蝦肉實際得半隻，是有點貴，但肉唔算少，而且烤到剛好熟度，火喉佳，保留海鮮水份，肉彈牙爽而嫩，實在出色，也值回票價，還有蟹鉗部分食埋，唔浪費，薯條夾雜蕃薯條，幾特別，味道似係即炸的新鮮。馬糞海膽茶漬飯$158: 來到非高級日本料理店，百幾元一個海膽飯，伏的機率是相當高，但我們也冒險一試，結果出人意表，先試少少海膽，鮮甜滑，無怪味，份量又夠多，

之前有段時間lobster roll很人氣，香港有幾家專門以龍蝦為主題的餐廳，試過感覺都不錯。銅鑼灣的這家Master Kama同樣主打龍蝦料理，店名中的Kama是Kamameshi的縮寫，意思是類似釜飯一樣的石鍋系料理。加入了日式的元素，而且龍蝦菜式多樣，讓人感覺眼前一亮！餐廳座落在鬧市銅鑼灣謝斐道上的一座商廈裡，走進餐廳感覺像去了外國的canteen, 晚上8點已經坐滿了人。我們點了幾個菜share. 這邊的上菜速度超快，下單5分鐘即有得吃。第一道菜我們點了最人氣而且每天限量供應的龍蝦包（$188）。龍蝦肉的份量蠻慷慨，可以一口麵包一口肉哈哈。肉質爽口，味道鮮甜。麵包搽了牛肉再烤的，非常鬆軟。麵包和龍蝦之間還放了很香的沙律醬，吃完一個還覺得不夠喉！龍蝦包旁邊有附薯條，是普通薯條和蕃薯條混合的，炸得外皮很脆，不油膩，贊！然後來的是香脆炸雞翼配芝士龍蝦汁（$78）。這個像吃芝士火鍋，芝士汁用火熱著不怕很快就冷掉凝結在一起。我覺得這個汁真的不得了，龍蝦汁味香濃，但又能吃到芝士的香味，用雞翼沾著吃超贊！雞翼本身炸得很脆，裡面雞肉嫩滑。然後來的是燒牛舌（$38）。這邊不是上一串串的，而是一碟

坐底之後就叫左杯果味啤酒~係啤梨mix荔枝味道，超易入口帶點微酸~飲完一啖勁開胃wo!! 同埋呢枝啤酒夠哂大枝！都幾抵飲呀！叫左份燒雞泡魚乾黎送酒~燒到好香口煙煙unun無魚腥味！甜甜地幾得意幾正wo~~叫左個龍蝦芝士湯底既烏冬，料係豚肉流心加溫泉蛋~個湯底超濃郁！好香好香又夠哂味道，烏冬則爽口彈牙！吸收哂龍蝦湯底既味，真係不得了而個豚肉幾厚切！肉質樕滑~中間d芝士必哂出黎！夠哂口感最黎食多個海膽茶漬飯~米飯粒粒分明！海膽又夠哂鮮味！仲有埋杯綠茶添呀~~認真抵食