McCafe (已搬遷) 新店位置

(4/1/06) 出左一時,都未試,見有coupon。今日的午餐就買左蜜糖咖啡,同埋朱古力蛋糕。杯咖啡出奇地好味喎!唔係好奶,又唔係好甜,有陣陣的蜜糖香。朱古力蛋糕,雖然密度高,但唔似唔新鮮咁,"實滴滴",所以今次對McCafe,有驚喜呀。美中不足是, 服務欠缺笑容。

(1/12/05)一向愛飲mocha,但哩排夜瞓,要揀杯咖啡味濃d的─鮮奶特濃咖啡。因為是cafe,咖啡味會比茶餐廳的咖啡香o麻,有coupon,半價,都ok既...正價就不喇,好細杯,唔係好滿咋。

無帶飯, 咁又去買d想食好耐嘅野先!小龍蝦蛋沙律三文治$26 平過Pret a Manger 好多ma! 話晒都叫"龍蝦"吖! 都幾鮮甜, 仲要配埋我最鍾意嘅蛋沙律! 絕配! 食得過呀! 好耐之前飲過McCafe 的咖啡, 唔係好得。但同事話OK 咕喎。

呢排真係有鋪引去Mc Cafe, 今次試左小龍蝦蛋沙律三文治+ cappuccino. 三文治款式唔多, 有Tunna, egg mayo., 另有chicken avocado wrap, bacon cheese panni, 價錢廿幾蚊, 都唔萛貴. 講番小龍蝦蛋沙律三文治,方包係穀物麥方包, 味道都ok,不過正如Avidog 所講, d沙律醬太多同埋幾稀下,食時要小心d 醬"bit" 出黎. 當然無pret & manger小龍蝦三文治咁好食啦, pret & manger 小龍蝦多d, 同埋佢唔係用普通生菜. 都係一分錢一分貸.題外話, 坐我隔離個大嬸都食cheese cake + coffee, 附近都有5-6個叔伯歎咖啡, 唔怪得開多咁多coffee shop~真係有得做喎.