Mee...lemongrass (已結業)

原來坑口東港城都開咗間Mee lemon，以後想食星馬泰菜式都可以嚟，今日晚餐唔想煮，所以就同屋企人過咗嚟食，依度裝修環境都真係幾唔錯，裝修好靚、座位又闊落，而且職員姐姐s個個都好Nice好有禮貌🥰我哋叫咗一個去骨海南雞飯，本來要為就咁離一個飯，點知係一個set離，有埋菜芯、冬瓜湯，當係晚餐超健康又豐富！重點係依度嘅海南雞好香好滑，我好驚海南雞飯好多脂肪，但依度脂肪少、肉多，肉質又細嫩，有雞肉鮮味，而且雞油飯好香滑有好感，性價比勁高，勁推介👅另外仲叫咗個軟殼蟹卷，第一次食軟殼蟹卷，勁fresh勁好味！材料好豐富，有紅椒、黃椒、青椒、仲有好多沙律菜，食落去口感好清好爽，攞嚟做小食或者甜品一流，仲可以點着甜酸相嚟食😍另外仲叫咗個煎膳魚，條魚上邊好多青瓜絲，可以連埋魚一齊食，而條魚外層煎到脆扑扑，裏便好滑好香魚味，仲有啲酸酸嘅泰式醬可以點，味道超夾🤟🏻依樣都係另一樣要推介嘅嘢食！最後叫咗杯荔枝茶，味道好清香，荔枝茶仲加咗啲七喜，所以飲落去係有氣既荔枝茶，好飲🤩 總括嚟講呢間餐廳真係好高質，以後晚餐都嚟食啦！

今日同個好朋友經過將軍澳中心，見到間餐廳叫mee。。。lemongrass 馬來喇沙海南雞專門店。我地兩個都鐘意食喇沙，所以就決定入去試下。裏面環境同裝修都好好，坐落好舒服。我地睇完menu先叫小食，香脆蝦餅同香茅雞翼。蝦餅夾口彈牙，蝦味濃郁，值得推薦。香茅雞翼腌得不錯，有淡淡香茅味，不過炸漿有少少厚。但叫雞翼有配送個小泰式沙律，酸甜醒胃。到主菜了。我們分別叫了厚切豬扒喇沙和海鮮喇沙。再配一碟惹味馬拉盞通菜。喇沙黎到。湯味濃郁，厚切豬扒入味又有咬口。而海鮮喇沙亦非常唔錯，有大蝦，魷魚，魚旦，蜆非常豐富。最後我地叫了椰絲班蘭卷作餐後甜品。今天豐盛的一餐就完結了。

這間分店已經開了一段時間， 但今次是第一次去， 反而皇室堡地庫嗰間就去過好多次。星期六下午約四點幾， 不用等位。 我點了一個海南雞喇沙套餐， 同行的點了一個牛魔王湯河粉套餐， 全部都跟小食、飲品及甜品。 小食是日式店舖的醬汁螺頭（汁太多）， 甜品是室溫的椰汁糕小杯。 海南雞ok， 但是喇沙就十分奇怪， 十分重會黃薑 粉加一些咖哩味， 一點兒也不辣。 牛摩王有牛肉、牛丸、牛柏葉及牛腩， 都算豐富。是次餐飲體驗一般， 再惠顧， 雖然喇沙味是有些怪異， 但都值得畀多次機會再試。

近期中意食佢地個豬扒撈濛每次都好surprise 因為order完之後等候既時間唔耐每次食都好好味 好足料 有螺肉，主菜，甜品，飲品超級豐富 連啲花生都好好味一星期必會黎食至少一次其實除左撈濛佢地既招牌海南雞喇沙、肉骨茶都推薦最後加杯珍多冰就perfect 啦PS# lunch每人平均消費$70-80

海南雞飯-絕對要食的一款菜式。油飯香味撲鼻。雞味濃郁。入口雞肉嫩滑。除了喇沙。海南雞飯真是不二之選肉骨茶-本人要求會比較高。因為我經常食。這次睇菜單時已經決定一定要點.湯味濃入口感覺滿足。藥材味滿出。再加以特製木碗盛裝。更顯特式。肉骨亦肉骨分離。易入口

今日去左將軍澳中心試間泰國野，本來都冇乜期待，點知出乎意料之外，性價比極高！首先我地叫左個小食拼盤，兩個人叫小食拼盤其實好好，乜都可以試，又唔會怕食到飽。炸雞翼就不過不失，無骨鳳爪幾爽口，兩串串燒，一串雞一串牛，兩串都好野味，炸蝦餅都係好爽口，春卷都好味！跟著呢個牛骨湯河就不得了，首先以$68蚊一碗既價錢黎講，佢真係蝕住做。湯底濃厚，牛味十足，佢配埋一舊舊牛腩肉，好林好入味，兩粒牛丸爽口彈牙，生牛肉岩岩黎到先熟，唔會太老，牛柏葉都係好爽口，一碗$68蚊既粉成年男人食完都飽哂投哂降！蝦醬炒秋葵好野味，平時食秋葵冇乜味好淡口，加埋蝦醬辣辣地好開胃呢隻拖鞋形既芒果糯米飯，絕對唔講得笑，$48既價錢比四大舊你，仲要隔離放埋芒果粒，呢間野啲碟頭真係大到好過份。最後叫左杯茉莉珍珠奶茶，佢好細心，會比外賣杯你，等你飲唔哂都唔會哂左，可以拎走，呢啲位要加分！

約左朋友係將軍澳食呢間，星期四夜晚7點幾去到都已經好多人，但都好快有位～我地叫左無骨酸辣鳳爪沙律做前菜，唔係好食到辣味所以唔食得辣既人唔洗擔心，係酸酸甜甜帶d泰式辣咁好開胃既～馬拉盞炒通菜，通菜炒得好惹味，屬於濃味個種，好食鐵板牛柳粒，每舊牛柳粒都有醬包住，好入味，牛牛柳粒好腍好好食～濱城炒貴刁，好大份，配料都好足下，配色令人好有食慾，味道都相當唔錯～馬來蜜汁炭燒厚切豬扒撈檬，豬扒分類好多，食到炭燒既味道，馬來蜜汁甜度啱啱好唔會太甜～整體食物質素都相當唔錯，叫左咁多樣全部都幾好食，下次都會再黎😋

上星期去坑口探朋友，原來這裡有幾個商場，每個商場都有美食，朋友帶我們去到一間泰國菜館，人流算多，需要等位，但不是太耐。在等待期間，看看店內食客点了什麼，發現每枱都會有一大碗麵，應該是足爆版喇沙。這個非常獨特，燶湯是自己加入在放滿海鮮的麵上，大大隻蝦及魷魚，還有扇貝，蛋，豆卜等等，非常豐富，喇沙湯味濃郁。香脆鱸魚配青芒果秘製汁，外面脆脆，內裡仍保持嫩滑，很好味。馬拉盞炒秋葵，味道配搭不錯，有益之餘又美味。還有串燒，一般都是串燒跟醬汁，而這裡會配有軟多士及蔬果，吃完串燒可以中和熱氣。

今天是女兒住宿舍後第一次出册，來她學校附近的商場內用膳。我兩老先到，看見旁座有一杯山一樣大的黃色飲料，上面有很多芒果粒，很吸引；飲品放在自己面前更震撼，不能自拔，馬上來一口，很爽！馬來肉骨茶用料充足，湯底藥味濃郁，唯一可以挑剔的是，份量太小，三個人真的不夠。炭燒豬頸肉肉質很嫩，十分可口，應該在處理食材時做得很認真，廚師要給個LIKE。總的來說，很好，菜單豐富，由前菜到飲品都有不錯的選擇，如果主菜可以選擇份量更好。一百分！

今時今日外出用膳,消費冇100蚊,都唔駛旨意食得好｡午飯叫左一客冇骨海南雞飯。賣相唔錯可惜只有四塊雞以及拌碟的甜酸蘿蔔絲係稍為合格，其他油菜:乾凍,例湯:青羅蔔有輕微叔味,油飯:唔香兼口感似隔夜飯，冷盤螺肉，甜品……全部唔掂。服務倒是還可以，起碼有禮貌，語氣好。加一後連小費90蚊,稍貴我情願食翠華｡

最近開咗一間新嘅泰國菜餐廳，雖然佢有好多分店，但係我從未食過。平時我一家人都比較喜歡食泰菜，所以對呢一間都好有期望。首先見到門口都吾係好多人（嗰時已經係8:30)，撳咗張飛啊等咗一陣就有位，我今次就坐卡位好寛敞👍🏼呢間餐廳暫時做緊promotion龍蝦喇沙都係$78龍蝦其實都算多肉，喇沙都幾好味無骨海南雞飯連一碟烚菜一碗湯，呢個就冇特別蝦醬炒飯好食牛骨湯河 - 有啲似越式嘅湯好飲㗎，好重嗰啲香料味，我覺得似雜錦湯河多啲😅馬拉盞炒通菜好食呢個芒果糯米飯好特別好靚，成對泰式嗰啲拖鞋咁不過芒果比較酸🤨🤪唔記得同大家講，呢度買飲品如果兩杯嘅話就買一送一一杯嘅話就減$8兩杯買一送一一杯減$8鮮果果茶非常好飲啊仔話芒果芝芝非常好飲總括嚟講呢間餐廳唔真的不錯一定會再encore

今日去咗將軍澳做嘢，所以就去附近搵嘢食終於有機會食到呢間海南雞飯店啦~因為太鍾意食蝦餅，所以蝦餅就係必叫既~黎到既時間，發現已幫我地切開兩半，感覺好細心~😊😊食落口唔算太熱~岩岩好！串燒亦係我必食既選擇，雞同牛各有兩串，兩個人就岩剛剛好，但唯一不足係沙嗲汁太少…😅😅😅厚切豬扒~嘩，一上枱先見到咁兩大塊，仲好大件添~蔥油同香茅味都好出，值得再食！！😋😋😋炒貴刁~好大碟，夠熱，蝦,鱿鱼,青口,都有好多舊~抵食！最後，最期待既海南雞飯出場啦~雞肉好嫩滑，完全唔“鞋“，飯又好有油香味，個雞飯豉油同個雞汁都好夾~而且仲送多碟菜俾你食~不過個雞飯既湯就唔岩我飲，因為佢地係出奇地俾菜乾湯😅😅P.S個度有個特色點：咁鋪頭入面有供應特色野飲，咁如果你自己行出去買既話…就唔駛收加一…當然你唔介意俾加一既話，你可以坐係度叫既~🤭🤭

之前同朋友黎食過海南雞，覺得唔錯，所以再黎幫襯多次，但今次真係令我好失望！今次我叫左碗香茅牛肉撈檬，首先，牛肉太咸了，另外就係牛肉既油令到成碗檬粉、同埋菜都變得好油，食到好濟，完全冇左撈檬既感覺，我諗如果配飯可能會好d！杯爆cool芒果特飲唔錯，芒果夠甜！喺服務方面，我認為有待改善，一埋單比左錢，仲收埋緊個銀包既時候，人都未離開，店員就急住執枱，有種趕人走既感覺，感覺唔太良好，其實都唔爭在等多一分鐘掛！

呢間野都係係商場行行下無意中發現到。因為佢所在既位置都算幾偏下，係商場二樓既角落頭，唔容易發現。約左個住係附近既朋友放工返坑口食飯。因為我比佢準時收工，咁我就係商場搵下有咩食，就比我發現到呢間算係開左唔係好耐既馬來餐廳。我就先攞飛。如是者等到朋友收工過黎，咁岩就有位喇。佢個餐牌睇落都好多選擇，可以話係豐檢由人，最貴既有個足爆版喇沙二百幾蚊碗。(見到隔離枱有人叫，個碗同賣相都幾震憾下)。不過我地只係叫左普通價錢個D，分別大蝦炒金邊粉同印尼炒飯。雖然價錢係相對普通D，但係誠意都幾足架，可以係香料同配料到睇得出，係絕對唔係馬虎既。比如個炒飯上面既蛋花，色香都提升不少。而D肉都肥瘦均勻。炒金邊將D調味撈埋一齊都好惹味架。

未到7點已到達，已經有好多人排隊。我地2人枱，等左大約30分鐘先有位坐低後，店員好快就遞上餐牌，部份菜式會有圖片。檳城炒貴刁 $76餐牌上有一隻辣椒係旁邊，之前食開嘅炒貴刁都唔辣，所以估計Mee…Lemongrass嘅都唔會太辣，所以就照order。。。好快店員就送上我地點嘅餸菜。炒貴刁賣相幾吸引，又有鑊氣，有大排檔feel，材料亦好豐富，有青口、魷魚、蝦、魚片頭、幾款蔬菜，加左醬汁去炒，炒得顏色均勻，每條貴刁都平均上色。味道方面，雖然深色，但唔會好鹹，剛剛好，夠火喉，好惹味雖然餐牌表示炒貴刁係辣，不過入口食唔到辣味，怕辣嘅人都可以一試。馬拉盞炒通菜 $64餐牌上亦係顯示馬拉盞炒嘅會辣，如果食唔到辣嘅可以改蒜蓉炒。不過我仍然揀馬拉盞，因為覺得比較惹味。上碟好精美，上面放左幾片炸蒜。如我所料，雖然係馬拉盞炒，但唔算辣，我怕辣嘅都入到口，相信好多人都得。馬拉盞夠惹味，味道適中，唔會過鹹，通菜好嫰。軟殼蟹米紙卷 $68 / 6件很足料，包得漲卜卜，蔬菜好新鮮，淨食係會無乜味，所以跟左汁，只有少少鹹味，清清地，唔會搶走蔬菜嘅鮮味其他：*上菜快*坐位較逼，枱嘅空間亦有限，2個人叫左3個餸，已經無