Mellow Brown Coffee by UCC (已結業)

本來想星期五坐得舒服D去到餐廳叫侍應俾杯暖水 第一次唔應人 第二次哦一聲 無表情咁放低兩杯水食物名都廢事講 就咁用半秒放低野食就轉身走 唯一淨係俾錢講左兩個字「多謝」我完全唔明點解要俾加一服務費

合桃熱香餅🥞無法抗拒的口感😍✅合桃雲呢拿雪糕窩夫熱香餅配海鹽焦糖醬 Walnut & Vanilla ice cream waffle pancake with salt caramel sauce $62 : 超鬆軟窩夫熱香餅！又凍又甜既雪糕搭配熱香餅同海鹽焦糖既味道層次係一級享受。加上香脆合桃同焦糖又夾，所有元素配合得好好！✅香蕉朱古力窩夫熱香餅 Chocolate & banana waffle pancake $58 : 香蕉同朱古力係經典組合，特別既係以一片片朱古力送上而唔係淋醬！✅雜莓窩夫熱香餅 Mixed berries waffle pancake $56👌🏻Espresso🏠環境又靚舒服，可以坐好耐！👳🏻‍♀️服務正常

星期日行上新城市七樓有聖誕燈飾睇，未睇前見肚餓就經過咗UCC餐廳，見黃昏時間唔洗點排隊就入去試下。打開餐牌種類又不算太多，就求其叫咗一碟菠菜麵意粉一個芝士海鮮焗飯再加一壺fruit tea同老公share，首先到既係意粉，賣相同味道較普通，意粉我食完個焗飯仲未嚟，不過焗飯需時係要耐少少既。飯終於到，滿滿既海鮮好正，最後個fruit tea個樣都幾正，好多水果粒係裏面，一壺同老公share唔會唔夠飲，味道又好好，兩人埋單只係$2xx算優惠了

早放工，但放工總是累，唔想四圍行，但又未到book左枱既時間。提早先食甜品又食唔到正餐，係甜品舖附近見到呢間餐廳，重要未full，就同朋友入去飲著野坐下傾下計，放鬆一下。一睇個舖名唔好以為得咖啡好飲，原來個果茶同蘋果茶都唔錯。朋友習慣唔落糖，一飲個蘋果茶差D吐出黎;不過加左糖味道180度轉變,即話又香又好味（話唔夠飲）。我飲既熱鮮果茶唔係一杯杯，而係一壺。一壺都沖到5杯仔，飲得出主要係芒果汁，有蘋果粒同其他生果（藍莓，士多啤梨，檸檬，橙）兩款都係熱飲，朋友就Like鮮果茶多D(唔通係要飲人地既野會好味D既?）

服務態度差，憑什麼收加一？茶餐廳侍應尚且知道上餸前會報上菜名，呢間尼姑侍應個個面黑黑，上菜前唔報菜名，問都唔問就收嘢，唔好意思都冇句。以前舖頭未搬上嚟服務唔算好，但至少唔會好似現在咁差。收得加一，麻煩你哋畀翻啲➕1嘅服務，否則就是無功受祿，不知廉恥！

同朋友到沙田shopping，沙田好多地方都裝修緊，感覺上少左好多野行咁！兩個人行黎行去唔知食咩好，見到有間UCC，諗起N年前食過都唔錯就入左去。果時只係7點多，大把位，侍應竟然要我地搭枱？！我地當然唔願意啦，之後就被安排到一個角落既位置，也好，靜靜地傾下計！睇左陣Menu，諗住落單，班侍應們圍埋傾計冇理我地，等左一陣佢地先睇到我地我地揀左兩個set dinner，竟然有一個冇！心諗岩岩先開始晚市就冇，個餐牌係咪呃人架？！之後同侍應講我地要諗一陣再叫，點知佢仲企左0係度？！講左2次佢先走開，但走開後好快又再企0係度問我地諗好未？！（時間上大約係2分鐘左右）朋友開始不耐煩話，叫佢地落單時又掛住傾計，到落單你又同我講冇，冇喇，又要迫我盡快決定最後點左： 鮮蝦帶子意粉（茄汁）帶子同蝦淡而無味，一睇就知係雪藏，而且帶子好細粒，意粉汁又冇咩味。。好失望諗住有野座熱飲用，點知冇 （有點失望）朋友點左：煙肉忌廉意粉唔算是難食，但都係冇咩味，要勁落芝士粉。。

同男友點左2個餐，難食到即使係連鎖快餐都好食過佢多多野一開始個湯稀到同水一樣，大X樂果D都唔會咁啦叫左個黑松露醬帶子RISOTTO個所謂「帶子」乾到好似瑤柱咁，一睇就知係用最平價D貨，見到都唔開胃一食落去，個飯生到不得了，D汁完全無味D「野菌」又係半生熟的百三四蚊我真係唔知自己食左D咩男友果個照燒雞扒拼香腸仲精彩百幾蚊，塊雞扒騷到臭嘅，仲要鞋恰恰然後叫埋野飲，凍檸水，我果杯無事，佢果杯係暖的隔離枱有幾枱都係食牛仔骨，舊牛仔骨睇落同佳寶果D一樣樣，薄到張紙咁相信大專院校D canteen都好食過佢

以前正名用ucc 的時候非常好食, 無論環境及食物質素都係我時常去光顧的, 但轉到這裡後, 試了幾次, 已把佢剔除在我的shop list 上.  因為食物質素同服務態度已經面目全非, 好失望

中學的時候對UCC 頗有好感，特別係食個度的set dinner 有自助沙律吧，有我最喜歡的水蜜桃和車厘茄， 弄到個碗滿滿都係自己喜歡的配菜，好滿足。今日行開新城市，見到呢間UCC 的mellow brown 支店，見佢裝修企理，就自自然然行左入去。呢度冇沙律吧，走coffee shop 的路線。我們一個叫了個set dinner ,散叫一碟意粉和一個pancake. 明明侍應話今晚的餐湯係蕃茄湯，但上檯時卻係粟米湯😅 散叫的帶子鮮蝦意大利淡而無味，帶子細細粒，一睇就知係雪藏貨。跟餐的香煎帶子墨汁意大利飯，主角的帶子一樣那批貨，想好味都幾難吧。 我們額外點了朱古力香蕉pancake ,製作需時20-30分鐘，所以一開始點餐叫埋就差吾多。pancake 來到時我係有少少🙄，香蕉就幾大舊啦，朱古力就得薄薄的四片，除了有一舊cream 就冇醬，同想像中確係有些出入。不過幸好pancake 軟棉棉，一點都吾乾，食落有少少caramel 的味道，我地好快就KO 左碟pancake. 成晚d 侍應不停的打喊露，而且野食又黎錯，都吾知搞咩。講真，pancake 又吾係特別出色，冇甚麼吸引到我再來光顧

行到3點幾見攰攰地又想飲杯咖啡，咪開個apps睇下邊間有得拎飛行住等，見到Mellow Brown Coffee又係UCC咪入諗住試下囉。開頭以為要等廿張枱實有排等啦，點知又唔係喎，等左半個鐘就有位，不過坐近門口既吧枱位。下午茶時間佢有兩個menu,一個係意大利粉，飯另一個係pancakes,法式多士。我地兩個人就叫左一個鮮蝦蜆肉意粉同一個鐵板法鮮蝦蜆肉意粉式多士伴雲呢拿雪榚，每個餐都跟一杯野飲但有d要加$10。第一樣黎到既就係鮮蝦蜆肉意粉。上碟熱辣辣，味道呢意粉唔會煮得太淋岩岩好但個味就好似差少少，如果濃味d會好d。蝦就ok啦，起碼有d蝦味咬落雖然唔爽但起碼冇霉，但個蜆就唔得囉，霉霉地好難食比我了走晒。第二樣上枱既就係鐵板法式多士伴雲呢拿雪糕配糖醬。一上枱已經聞到好香好香，放落口雪榚同多士一冷一熱真係好夾好好味，食到停唔到口，如果雪糕可以轉其他味就更加好。唔知點解我杯凍cappuccino係我差唔多食完意粉先黎，杯野唔好飲好淡冇味。總結: 最好食係法式鐵板多士，其他都麻麻。Pancake 冇叫就唔知好唔好食喇。P.S.間野冇乜冷氣好熱，開頭以為係坐近門口位熱啦，但個侍應話其他位都係咁

今日假日出咗沙田行街街，行到肚餓去醫肚，沙田咁多食店...為在飲咖啡，所以今次揀咗呢間，用手機拎飛，大約等左20分鐘就有位，叫咗個tea set，鮮蝦蜆肉意粉（茄汁），鐵板法式多士伴雲呢拿雪糕，叫咗熱同凍既加柏仙奴。意粉麻麻地，蝦同蜆都唔係好新鮮咁，反而個鐵板法式多士好好味，落埋個楓糖漿凍冰冰既雪糕，係口腔入面max埋，真係好好食！咖啡都係水準之作，冇揀錯呢間嚟嘆下午茶👍🏻

Wanted to try something different for coffee.. and found this upscale coffee place.  It was quite busy, however not any wait on that day.  The menu has a wide variety of filling that go well with coffee, such as seafood spaghetti, large sandwich, or French Toast.  I wanted lighter food so I tried the melon and ham.  The ham is a little salty and the melon is a little sweet.  That makes a very nice combination.The French press coffee that I ordered seemed to be measured to custom precision to bot

星期日的沙田新城市廣場真的人山人海😶😶想食個飯就必需乖乖排隊等位由於我地都想食甜品，就選了這間ucc coffee芝士焗雞肉飯 $89這是甜品前的正餐 哈哈眼見有好多芝士丫雞肉好滑好大件，味道係甜甜地但係成碟飯只有芝士、雞、飯如果可以加多啲配料會更好。合桃雲呢拿雪糕窩夫熱香餅配海鹽焦糖醬 $62 口感和賣相都似熱香餅 多過窩夫食落好軟綿綿，又有蛋香味加埋雪糕、焦糖醬，甜甜地仲好味。最待別係有少見既合桃 原來配埋熱香餅又幾夾，增加了口感！Ps. 可能店內人手唔夠，叫了幾次侍應加水/埋單都冇人理...店方應該留意下。

點了一客鮮蝦帶子意粉和雪糕 waffle。意粉非常一般，淡而無味，帶子只比指甲略大，感覺連快餐都不如，卻索價過百！waffle 相比之下算是正常，只是雪糕球很小，waffle 很大，不成正比，吃了幾口雪糕就沒了，剩下的 waffle 感覺是乾鯁下咽。侍應都很沒禮貌，一個半個也罷，幾個都是這樣，是餐廳的文化麼？明明九點後就不忙，門外竟沒人帶客入座，餐牌隨便 sir 落枱就走，結帳放帳單時，還刻意在銀碼部分用指頭敲敲敲，這是怎麼了？！我是在茶餐廳嗎？茶餐廳還不用加一呢。

作為UCC旗下餐廳，適逢周末，等位需時是常識吧，同意坐吧枱先有幸加快就座。不過，餐廳採用木系裝潢，雅致舒服，坐吧枱亦可以見到店員手調咖啡既過程，感覺好特別！1. 日本豆腐雞肉煎蛋漢堡 - 食材新鮮，豆腐雞肉口感不錯，薯角炸得脆口。2. 雜莓香蕉窩夫熱香餅 - 甜品表面有窩夫既微微脆口，內裡似熱香餅既軟熟，但未至於 "食左等於無食" 既空氣感 ，算可以啦。