METAL BAR

營業中

休息中

平時自己好少去劈場嘅，因為習慣同朋友都係自己吹吓水飲下酒唔會expect有拳手同埋promoter，所以呢個都叫做係新嘗試。如果呢間唔係黃店嘅話，我諗我都未必會入去。但係習慣呢樣嘢都真係幾恐怖，之後試過去第二啲場但係完全唔係呢回事。呢間鋪有個黃到金嘅老細，雖然平時唔係好慣有人會過嚟傾偈，但係呢個老細實在太友善，成日都會攞杯酒過嚟吹水。過嚟分享吓一間開喺太子警署對面嘅黃店嘅辛酸，每次都有種返去探朋友嘅感覺。雖然佢環境唔係特別好，價錢都唔係特別平，但係消費都係求開心，我每次入去都覺得好享受。值得發掘一下，btw好耐冇見黃到金老細，好掛住你快啲蒲頭！😭😭

見係黃就同朋友去試入到去好嘈唔太岩坐咁就嗌左一set諗住飲完就走埋單收120蚊nuts 完全打個突個120蚊nuts係半兜蝦條。。。。。個下無意識到影低張單但真係有啲離譜 專登上黎留個言去飲真係問清楚 係一黎就放低

一入到去嘈萱巴閉，成個爛仔場咁，環境勁差又焗，又話靚女有拳手，入到去就知道瀨晒嘢，又大隻又臭串咁，好似欠咗佢甘，九唔搭八。如果唔係有朋友去，我寧願比貴少少出返尖沙咀銅鑼灣

前幾日同朋友去落吧飲酒， 平時都去開啲清清地嘅bar， 唔知今日做乜鬼入咗呢間， 真係好有青春嘅感覺， 叫返兩個tower嘅1664， 食下snacks再唱下k， 大學生嘅感覺返曬嚟， 好青春呀