MILK TOP Plus

營業中

休息中

之前Milk Top荃灣店推出開心果軟雪糕買1送1優惠（而家應該完咗），所以就同狗狗爸爸堂食。我哋一個筒裝，一個杯裝，到手後發現杯裝勁唔抵，雪糕份量分分鐘少50%。原因係當使用軟雪糕機時，店員會由脆筒的底部開始，讓雪糕機唧入軟雪糕，然後再慢慢螺旋式向上捲，比起杯裝只係轉幾個圈 ，份量差距非常明顯，加上揀筒裝仲多咗個脆筒食，有心去食軟雪糕的，就要揀筒裝喇~開心果軟雪糕：有開心果味，但好淡；雪糕唔止係凍，直頭係冰，感覺一般；食咗幾啖，開心果味就消失，得番少少奶味同冰感；原價$45絕對唔值，買1送1的話，如果揀2個筒裝，都可以考慮，始終份量大

Milk Top好似由上年開始（可能之前都有，但我冇為意？）經常推出優惠，有軟雪糕買1送1、雪糕/雪條特價等，但好多時行經時都只係自己一個，冇得同人1分享，所以未幫襯過。今次唔係喺荃灣呢間分店消費，而係喺位於樂富UNY入面的Milk Top雪糕專櫃享用特別優惠。惠顧果日係分店最後一日營業，而家喺Openrice再搵唔到位置寫食評，所以就寫喺最常路經的荃灣西分店。題外話，喺Openrice搜尋Milk Top時，發現佢前前後後執咗好多分店，會唔會係經營可能有困難！？今次遇上Milk Top推出雙球雪糕買1送1優惠，雪糕係現場𢳂，可選筒/杯裝，原價$30，而家變相$30買到4球雪糕，勁抵。當日我同狗狗爸爸一齊，今次唔使share嚟食，可以1人1杯。狗狗爸爸揀咗椰子+黑朱古力，我就係紅豆+芝麻。Mlik Top仲有其他口味的雪糕，如抹茶、榴槤...椰子雪糕：味道冇驚喜，入口時仲以為食緊雲呢拿味，慢慢先滲出淡淡的椰子味；雪糕裡面有少少椰絲，增添口感黑朱古力雪糕：濃厚的朱古力味，雪糕有朱古力碎，但啲碎粒唔係入口即溶，要慢慢食紅豆雪糕：紅豆味重，亦食到起沙的紅豆衣；味道同口感幾似紅豆霸，係佢的雪糕

見到社交媒體上面嘅推廣知道Milk Top新推出咗黑芝麻味道嘅雪糕同埋豆腐味道嘅雪糕，一隻黑色一隻白色嘅口味，而且購買這兩款口味的雪糕更加有買一送一的優惠，所以經過荃灣如心廣場的分店就入去試吓新口味好唔好食。由於兩隻味道都想試，所以就選擇咗黑芝麻同豆腐嘅混合口味，首先黑芝麻嘅味道非常香濃，而且甜度都比較自然，係一種subtle既甜味，唔係超市平價雪糕嗰種人工甜味，牛奶味亦好香，至於豆腐味，亦都有濃濃的豆香，而且亦都係微甜，相信都適合大部份香港人嘅口味。

今日經過荃灣，見到如心間MilkTop好多人排隊，行過去睇，點知做緊體驗大特價，一條雪條$5 ，平時見到都唔捨得食，今次特價就要梗係要去試吓啦我揀咗牛奶味，雪條奶味香濃，味道有如北海道牛奶一樣幼滑，而且唔容易溶，每一啖都好有口感，性價比極高，值得一試！

MILK TOP Plus0位於荃灣大河道98號如心廣場二期1樓110號舖，平時路過的時候都想去吃，奈何時間不允許。今天朋友說這麼熱，想吃個甜品，剛好兩個人都對這一間有興趣。就立刻去！兩個人點了兩種不同口味的巴菲，一個是抹茶紅豆口味，一個是芒果牛奶口味。抹茶配紅豆，這個搭配真是絕配，抹茶的茶味不算太濃，如果不是喜歡濃抹茶的，這個真是剛好。方方的那塊好像是糯米糍，它的皮有一種哈密瓜的味道，軟軟糯糯還挺好吃的。芒果巴菲，芒果顆粒配上牛奶雪糕，裡面還有粟米片，口感不錯。吃完這兩個，補充完能量，又開始工作了！

Milktop不定時推買一送一軟雪糕🍦同特別味道👅，今次係沖繩🇯🇵海鹽🧂眼淚💧軟雪糕🍦（$35），藍色好打卡able。呢隻藍色雪糕🍦每日都唔係全日供應，有先至有牌show出嚟，今次第2次同屋企人食，細杯咗，問咗店員點解細杯咗，佢話供應少，留返俾下個客，等大家都有得食，我觀察👀到下個客真係大杯d😅海鹽🧂雪糕🍦味道👅唔錯😌，有少少🤏鹽味，我就食唔出係唔係沖繩🇯🇵既鹽，個筒好脆，咬落有聲

今日去荃灣見到milktop好多人，睇一睇周圍嘅海報，發現有款新嘅雪糕買一送一，叫做眼淚雪糕。所謂眼淚雪糕其實係指海鹽雪糕，我諗因為兩者都係鹹鹹地，因此命名掛。眼淚雪糕 $35（買一送一）雪糕呈非常之夢幻嘅粉藍色，好似卡通大海一樣，食落奶味比較重，之後先會有微微嘅鹹味滲出來，令到個層次增加。味道、性價比都唔錯。係夏天消暑嘅好選擇！另外小編都留意到入面有其他嘅杯裝雪糕同一啲包裝雪糕，感覺都好有日本feel，價錢亦都唔貴各位都可以去試吓。

行過見又買一送一，一家人入去食，店内得幾個位都難得搵到枱，軟雪糕🍦買一送一有牛奶🥛味同抺茶味🍵，試過抺茶太苦，要咗兩個牛奶🥛妹（$25），買一送一好抵，坐喺度食，有牛奶味，筒脆，抵。冇位就要企住食

去街街經過荃灣如心廣場MILK TOP Plus , 軟雪糕做緊買一送一.優惠只做4天 28.09 - 01.10.2023 .原味牛奶味$25抺茶味$30.Milk Top Plus自家製軟雪糕用了北海道函館3.7鮮牛奶製作，口感軟滑、奶味同茶味香濃。 有筒同杯裝揀，值得試呀🤤

行過如心Milktop Plus, 咁啱見到十一國慶買一送一，入去搵位再俾錢🤌，$25牛奶味軟雪糕🍦，買一送一（之前試過抺茶味🍵太苦），可揀杯或筒，我揀筒。兩杯都好大杯，大過雪糕車嗰d,平均除開每個$12.5都平過雪糕車。堂食坐喺度慢慢食，真材實料，有牛奶🥛味，冇乜冰，個雪糕🍦筒都好脆，大家食得好滿足😌

⭐️  牛乳、芝麻雪糕cone $30佢嘅牛乳芝麻雪糕真係好濃厚啊！芝麻嘅味道唔算好深色，所以一開始我以為佢嘅芝麻味唔會太濃。但當我一食入去，發現佢嘅芝麻味道好濃郁🤤🤤，再加上微微嘅奶香，絕對係一個完美嘅組合。同埋佢嘅牛奶部分好滑好香濃，真係超好味嘅🤩🤩。⭐️  曲奇、特濃朱古力雪糕cone $30佢嘅曲奇唔係平時嗰啲雲呢拿雪糕，而係加埋曲奇碎嘅。食落去更似一塊塊碎咗嘅Oreo餅乾。好驚喜啊😆！同以往嘅曲奇雪糕完全唔同，更香濃同埋有啲朱古力味道嘅曲奇雪糕。特濃朱古力部分就盡情發揮，唔會太甜，朱古力味道好濃郁，口感好實在👍🏻👍🏻。味道夠濃又唔會太過重口。🍄 總括嚟講佢嘅雪糕好滑好香濃，每隻口味都帶嚟驚喜😎，令人好想試吓全部嘅口味。佢嘅脆筒好薄脆，甜甜地脆脆地，突顯出蛋同牛油嘅味道，真係好好食😋😋，一試難忘😍。由於冇添加乳化劑，雪糕會較快融化，買完就要即刻食啦😚😚。📍 MILK TOP Plus荃灣大河道98號如心廣場二期1樓110號舖Shop 110, 1/F, NINA MALL 2, 98 Tai Ho Road, Tsuen Wan

買咗個抹茶紅豆芭菲。因為最近食咗幾間雪糕店，價錢都喺三十幾至四十幾，可以比'吓。呢喥啲抹茶味普通，質哋都喺。（3分/5）Sweets house cha cha 啲，抹茶味濃啲，質哋好啲。（4分/5）Godiva，食嘅喺朱古力軟雪糕，朱古力味，質地都不覺得有咩特別，而且overprice 咗！(3分/5）

大年初二一家人👨‍👩‍👧‍👧去咗荃灣廣場玩，返屋企途經如心廣場見到Milk Top就即興食雪糕🍦，現場得兩張枱，老婆同大囡搵位先。揀咗黑糖蕨餅芭菲（$38），雪糕🍦兩款：抺茶同牛乳，大囡唔食抺茶所以揀牛乳，幾多料，有榛子🌰碎、牛乳軟雪糕🍦、黑糖蕨餅、班㦸年輪蛋糕🍰、紅豆蓉同穀物脆脆軟雪糕比較似冰，唔夠滑。但一家人👨‍👩‍👧‍👧食係溫馨既，一家人👨‍👩‍👧‍👧最緊要齊齊整整

話說其實我真係好鍾意食芭菲，成日見到芭菲就好有衝動嗌嚟食下，早排見到Milk Top出咗芭菲，抹茶蕨餅芭菲都只係$38，平時閒閒地都要$60-$70，難得見到咁平，抱住一試無妨嘅心態就試咗，發現自己其實唔係一試無妨🙂芭菲主要係用北海道牛奶味軟雪糕，呢個應該係佢哋自軟製雪糕，不過雪糕奶味比我想像中淡🤭 抹茶味亦都僅限於上面有抹茶粉嘅部份😥 我想像中嘅抹茶蕨餅應該係比較軟糯煙韌口感嘅，但當日得到嘅就只有一啲口感比較似落多咗魚膠粉嘅抹茶茶凍😢同埋最底嘅穀物脆脆係有啲果乾係入面，感覺唔係好夾🤭值得一讚嘅係個一小片班戟年輪蛋糕幾好食，同埋紅豆蓉算係幾甜🫘而當日店面其實好忙，一個員工要serve6-7個客，個位員工都幾有禮貌🫡 佢另外有得加錢轉做抹茶雪糕，如果想食嘅朋友可能轉抹茶雪糕會更好🍵

荃灣西嘅「Milk Top Plus」LCK’ s foodie 荃灣店舖環境光猛舒服 枱櫈都係用淺色嘅木造🪵全店共3張枱🤔講返啲食物先抹茶紅豆 $38抹茶雪糕選用咗北海道函館3.7牛奶🥛雪糕偏甜冇乜抹茶嘅苦味🤩如果鍾意甜味抹茶甜品嘅朋友應該會鍾意食🫡除咗抹茶之外 仲有紅豆同類似湯圓嘅白玉佢嘅紅豆唔單止有紅豆蓉😋仲有原粒嘅紅豆而且都幾甜唔會好淡口👍🏻而白玉就類似冇餡嘅湯圓原味就冇乜特別 但係抹茶味食得到抹茶嘅味道👍🏻（坊間有啲淨係加咗啲顏色落去咁同原味一樣🤢做一個小總結1. 個人覺得個雪糕有奶香都幾好味😋2. 可能可以試吓叫佢加多啲綠茶粉😏可能會好味啲👍🏻3. 鍾意食苦嘅抹茶雪糕呢度絕對唔啱你‼️‼️‼️推薦指數7.5/