Mimila (已結業)

位於沙田新城市廣場，雖然餐廳選擇多，但值得支持既又唔太多，而呢間絕對值得支持。員工態度超級NICE，食物都很美味。▧ 白毛豬配海蝦蝦湯面蝦湯蝦味很出眾，蝦味超濃超鮮甜，湯超好味差啲忍唔住飲晒所有湯底，哈哈。豬頸肉厚又大塊，最後食完之後絕對唔會口渴。▧ 手撕雞喇沙撈麵喇沙醬很濃郁，雞絲份量超級多，撈麵入口滿滿的醬汁很掛麵，每一口都很濃味，令人很滿足。▧ 白咖啡，椰子白咖啡椰子白咖啡比較甜，個人推介白咖啡。▧ 整體來說，良心餐廳，食物美味，員工態度超好，絕對值得支持。

作為一個長期喺沙田返工嘅人今次就和同事一齊試吓mimila呢間馬來西亞餐廳舖頭唔算大，環境不錯坐落都幾闊落馬拉拼盤💰128我哋揀咗雞，食落都比較乾其他炸雲吞、雞翼、春卷、墨魚卷不過不失炸野好難整得難食😹😹😹喇沙湯麵配越南扎肉💰88碗入面真係好多配料料okay，正常發揮但食到尾真係越食越鹹佢既湯頭同我食開既喇沙有d分別成個用餐我覺得普通，無乜特別

沙田餐廳話多唔多，話少唔少，今次去左新城市到食馬來西亞野，喺沙田區黎講叫好食，喺香港黎講就一般好食，不過點都要支持下嘅！（1）白灼時菜，$32蚊，店員好好，幫我地汁另上。（2）秘製香炆牛肋飯，$88。嚟到呢間餐廳，又唔想食辣、喇沙嘅話，誠意推薦呢一個飯，味道偏甜，唔油肉肉質好軟，白蘿蔔都好入味。（3）新加坡八胡椒肉骨茶，$78。我湯都幾龍，食之前記得攪一攪啊，因為啲胡椒喺晒底，啲豬手豬肉，有啲食，如果有得揀瘦肉嘅話就更加好。另外因為呢個肉骨茶本身無配飯，所以要另上飯，份量其實都幾多，所以可以兩個人食。（4）喇沙撈麵配手撕雞，$88。覺得咁多野食裡面，呢個最好味，可能我個人比較鍾意重口味，佢有一啲肉鬆調味，既甜又咸香。唯一嘅缺點就係佢好油膩。（5）喇沙蝦湯配手撕雞，$108。個蝦湯好香，overall係好食嘅，但隻多有啲凍，呢到扣少少分。人均$120蚊，整體都okay ，會畀7.5/10。

原本都無諗住比差評，但係上嚟睇返啲評分，就見到依間嘢都有2xx個笑，再望吓評語原來係因為黃店，食客食完覺得唔值/ 好大進步空間都係比哈哈笑。感情分大於食物質素分嘅喂……依度係寫食評㗎！====早幾日Lunch time 上7/F 搵食，見隔離幾間都full，依間仲有位就入去試下。職員態度屬個別事件，都不值一提。===食物質素===1 - 手撕雞喇沙摻摻嗯……同喺超市買包喇沙自己煮都無乜分別……喇沙無蝦………連蝦鬚都唔見手撕雞、魚旦同豆卜係同湯分開煮……感覺食緊車仔麵🙄我實唔明依碗馳名喇沙係如何練成？2 - 白毛豬肉喇沙米粉情況一樣………車仔麵一碗所謂嘅白毛豬肉原來係好騷嘅豬頸肉……======做飲食係同人分享美食，有無心做一食就知🙄唔好食就係唔好食……你幾黃都無用！

非常之好味，非常之值得⋯⋯ 香港人支持的美味小店。食咗多次，尤其喜愛肉骨茶丶撈麵丶喇沙及小食，味道不是太東南亞風味，但勝在啱哂不太重口味的香港人。老公愛肉骨茶裡沒有太濃烈的當歸苦味。豆泡新鮮、大大件蝦肉、魚片、魷魚及撈麵配濃味蝦湯，超正！還有很多款飲品，我的飲品最愛是熱的檸檬薏米水，少甜又帶樽香，解辛熱的絕配！每位店員的服務態度也非常好，對環境衛生很注重，枱面整齊乾淨，又友善提醒食客很多抗疫貼示，既專業又有禮貌。食到尾聲，老公愛榴連，每次都必定叫一客榴連芝士蛋糕，加一杯熱榴連咖啡，我非榴連人，但見他吃得津津有味，應該非常掂喇，而我會飲返杯熱白咖啡，少甜卻有獨特咖啡香味。正！正！正！

Mimila曾經係新城市廣場唯一表態嘅黃店💛，作為大商場租戶仍選擇發聲實在難得。原來Mi 係馬來話「麵」嘅意思，難怪餐廳嘅主打係新派南洋風麵食同創意菜式🌴。店內運用粉藍色同橙色元素打造時尚南洋風，的確幾有特色~————————————————👅咖哩喇沙雞飯 ($88)👍🏻 咖哩同喇沙通常都係分開嘅，呢次咖哩mix喇沙水準正常。餸方面有兩件雞槌🍗、一隻雞翼同一啲雞件，感覺唔算鮮味滑嫩，白飯表面加咗少少炸蒜絲，整體辣辣地幾有馬來風味👅馬來蝦湯麵 配海蝦及西班牙栗飼黑毛豬 ($98)👍🏻「廚師每日用30公斤海蝦，用八小時手工炒料，六小時慢火熬製。」見到餐牌上呢一句忍唔住叫返碗試吓有幾厲害，湯底聞落蝦味幾濃郁🦐，海蝦同黑毛豬不過不失啦，配有芽菜及青菜。第一次嘗試「摻摻」幾有驚喜，即係爽口嘅油麵配索湯嘅米粉，同時食到兩種麵感~————————————————🚩總結：主食單價接近百元，考慮返地點都可以理解嘅🆗~———————————————— 🌟注意：設加一服務費————————————————📍 Mimila地址︰沙田正街18號新城市廣場1期7樓704號舖.🗺地區：#bem沙田📥分類：#bem亞

新城市廣場難得既黃店之一 亦都係沙田區唔算太多既馬來西亞餐廳 湯底okay濃郁 喇沙正常水準 第一次嘗試摻摻（麵底）有驚喜 晚餐偏貴少少 整體唔錯😚💛 （店員都好友善！）

突然間想食喇沙湯麵🍜，咪係附近用lingduck app搵下有咩值得嗌既舖頭囉😋😋碌到呢間有折播💕，平時因為係商場舖啲價錢都係中上，用左app外賣🥡自取即刻由新城市價位變左好運價位抵呀😍😍食左個西班牙粟飼黑毛豬喇沙，麵底係正宗既摻摻，即係油麵溝米粉。麵夠彈湯夠濃豬肉嫩滑，係好高質既喇沙呀！仲有個喇沙美國牛肉飯都係唔錯，配飯個喇沙湯汁又更加濃厚👍🏻👍🏻小食有生菜蝦網卷🦐同埋上湯唐生菜🥬滿足的一餐😋

Mimila 沙田在沙田附近買野，諗唔到食咩走去新城市7樓見到間星馬菜餐廳，好少食呢類型菜式，即管去試，食完先知原來係黃店黎😂1️⃣海鮮喇沙湯米主要係雜錦急凍海鮮同蟹柳湯底唔算濃，椰香味重，米粉好吸湯，呢碗野唔太差2️⃣新加坡白胡椒肉骨茶上臺即試第一啖係暖同白胡椒味唔算淡，偏鹹。於是叫店員加熱，肉骨茶要熱先好飲，加熱後，白胡椒味超濃，有d辣。至於肉方面，係豬腳為主。如果個湯鹹味淡d，同夠熱就應該唔錯好味指數👍：3.5/5以上反映當日質素

有時候同樣嘅餐廳如果間係便租啲嘅地方可能有唔同效果🤔，呢間位於新城市中心嘅馬來西亞菜餐廳lunch set 包飲品同生菜$108起，有啲物非所值🥺🦐 🍜馬來蝦湯配牛肉摻摻 ($98/學生$48)雖然見得好多人讚佢嘅蝦湯濃，但呢碗有啲不一樣，都幾淡牛肉普通，多油脂餸同麵嘅份量唔多🦴🍜豬骨雞湯配扎肉摻摻 ($88/學生$48)呢碗仲淡，有種無慾無求嘅感覺配料冇特別扎肉算係比較有味如果可以價錢調整吓，可能都正常啲，但冇奈開係係大商場，呢個價位有啲出事🥺 希望之後質素會有所提高📍Mimila沙田新城市廣場一期7樓704號舖

11月26至29日係懲罰祭！今次嚟到呢間位於沙田新城市廣場7樓嘅Mimila，佢哋都有join㗎！😋 喇沙雞飯 $88Menu上面有隻手指公，應該唔錯掛🤪 但個喇沙汁無乜喇沙味，雞件有雞翼、雞槌同雞髀肉，應該係雪藏嘢，雞味唔太重但幾滑，肉質幾鬆化但覺得厚啲會好食啲🤨 喇沙汁入面淨係得雞肉，無乜配料比較單調。除咗飯同雞之外仲有蝦片、青瓜、洋蔥椰菜紅蘿蔔絲，青瓜片甜甜哋幾fresh幾有驚喜！😋 凍椰子白咖啡 $32白咖啡味重，但椰子味一般，仲要好細杯，仲要無跟餐飲品優惠，再仲要加一服務費，覺得唔值呢個價錢🙈

今早與家中長者到此餐廳用餐，我們三人於下層上去途中，因家中長者拿著拐杖及行動不便，長者希望先入內坐下並已表達家人已在途中就到達，但他們堅持不可進入並要求長者在外等候，當時他們只有數枱客人及大量坐位。這樣都不懂禮諒。

今日同 P san 入咗沙田行街拍拖, 搵到喱間東南亞食店試吓。 下晝 2:45pm 左右到店門外, 店內仍然滿座, 我哋等咗大概 3 分鐘有人埋單, 指定動作後, 店員就安排入座。 我咃睇咗一陣餐牌, 就決定點喇沙蝦湯配手撕雞摻摻、 喇沙雞飯、 檳城白咖啡同椰子白咖啡。 等咗唔使 10 分鐘, 所有飲品同食品都上齊。喱個就係喇沙蝦湯配手撕雞摻摻本人, 湯頭微辣, 有少少椰漿味, 但最突別嘅係佢唔止有喇沙嘅辣同椰漿味, 仲有好香濃嘅蝦味, 令成個湯增添咗不少鮮味, 但唔會令喇沙味被搶走, 係好夾嘅; 而用料方面, 手撕雞肉嫩滑唔鞋口, 而且有雞味, 仲有蝦、 魚片、烚蛋同埋豆卜, 蝦肉彈牙有蝦嘅鮮味, 魚片亦好爽同有魚味但唔腥, 豆卜可以吸滿湯汁再放入口爆發出嚟, 真係滿口都充滿喇沙蝦味; 另外要講吓摻摻, 佢嘅油麵同米粉都好爽, 但個人比較鐘意米粉, 因為每條米粉都掛住湯汁, 可以吸味。      跟住講吓喇沙雞飯, 喱個我比較失望, 因為太多油, 但無咩喇沙味, 但雞件都好爽滑有雞味, 而且份量都唔細, 飯方面係硬飯, 再加咗少少炸蒜喺面, 非常香口, 亦配有幾片青瓜、 洋蔥椰菜同

約左個朋友喺新城市食lunch，想搵間同路人店食飯 ，但食得樓下間台灣野好多次，所以想轉吓口味食馬拉野，見難得有蝦麵食，都幾掛住就試吓啦。叫左個特濃蝦湯配手撕雞摻摻，摻摻麵質冇乜問題，有粗有幼，口感幾特別，但個蝦湯好流吓，好少蝦味，味精重，隻蝦又唔靚，食落唔爽彈，d雞又鞋，真心冇feel加配左個白咖啡，要加多十幾蚊，但同屋企買即沖嗰d冇乜分別。喂呀！恨鐵不成鋼呀，咁嘅質素就要舊幾水唔值囉，好大進步空間🤦‍♀️

嚟到沙田新城市廣場 就去咗一間食馬來西亞菜嘅黃店- Mimila 因為晏晝都食得幾飽 所以淨係叫咗三樣嘢🌟喇沙湯麵 -配手撕雞 $88湯底好濃 辣味比較重 椰奶味都有不過唔多配料有芽菜豆卜魚蛋等 都幾豐富麵底預設係摻摻 即係油麵同米粉 口感會多樣化啲 不過我都係鍾意米粉多d 😂麵嘅份量都足夠 唔會話幾啖就食晒😂整體來講 不過不失 🌟豬骨雞湯麵 -配西班牙栗飼白毛豬 $88👦🏽話湯底無味 但我覺得幾鮮甜 冇味精 有淡淡豬骨味 唔油膩😂 而配料有冬菇牛丸魚片芽菜等 都好豐富😆 麵底預設都係摻摻屬清淡之選🙆🏻‍♀️🌟參巴醬時菜 $38參巴醬係星馬常用嘅辣椒醬😗配埋生菜食好惹味🤩醬料唔會太辣 有蒜頭 香茅等香料嘅味好有東南亞feel ~ 另外一讚嘅係店員服務好好 不停為我地加水🙈雖然人均消費唔平 大約~ $100 但係沙田新城市廣場嚟講 算係其中一個選擇🙈