MiSS‧Mixian Sour Spicy 米線專門店 (已結業)

望落似coffee shop,原來是賣飯同米線，叫左米線有鸡翼，揀左番茄汤，味道偏甜，雞翼味道還好，但可能炸得時間太耐，比較乾身，見佢有厚切猎扒，試埋，中規中矩啦。但卫生就真是地面幾多垃圾，希望改善下啦

無乜謂口，9點幾唔知食乜好，見到呢度六十幾蚊北美牛肉一人鐵板火鍋，就入去試下。火鍋一邊係鐵板，一邊係湯，我揀左燒湯，有啲似甜豉油湯底吧。鐵板同個鍋都好細，加上啲食材係雪到冰咁，要慢慢等先有得食。麵食可以揀米線或者烏冬，我揀左烏冬，一份烏冬大概係平時一包既一半，都係冰左。我額外加八蚊芝士竹輪2條，ok啦。朋友叫左七味和風雞腿丼，七味鷄腿整得夠惹味，份量似下午茶餐，男士未必夠飽。反而份廿幾蚊既鐵板汁燒雜菌，鐵板上，出奇的有水準，夠份量又夠味道。

$56～L5 北美特切牛肉/豚肉/雞腿肉蘿蔔茄蛋湯米 配孜然雞翼、生菜有汽水/凍熱豆漿揀湯底有幾款，包括蕃茄濃湯、辣味蕃茄濃湯、酸麻辣湯、豬骨濃湯、惹味酸辣湯、香濃茄蛋湯唸左好耐，最後揀左蕃茄濃湯，有D蛋花，蕃茄湯好香濃，唔會口渴，揀左雞腿肉，雞肉份量唔多，細細條，肉質唔夠滑，可接受碗面有香甜蘿蔔，又有碟生菜食下，即時感覺幾健康，清清地呢餐唔油孜然雞翼上台好香，以為實好食，點知有D失望，好乾$49～L1芝士蕃茄焗豬扒/雞扒飯有汽水/凍熱豆漿揀鐵板上台芝士味濃，充滿蕃茄蓉蕃茄粒，豬扒好食，外皮煎得香脆，難怪係人氣產品唔想飲汽水咁無益，於是就嗌左凍熱豆漿，又幾好，甜味適中呢間米線店環境舒適，不過服務麻麼，有待改善！

特切牛肉茄蛋湯米線,配生菜+孜然雞翼$59幾特別港式食法，直接將米線撈埋蕃茄抄蛋食，又唔錯喎～下次係屋企可以咁樣整黎食，依個餐都幾抵大大碗米線有碟菜仲有2隻雞翼，仲送埋野飲，唔想飲可樂，可以簡豆漿其他野飲就要加錢！想健康菜走埋蠔油就真係健康餐啦；雞翼比較乾但都幾入味既厚切五味豬扒魚春卷茄蛋湯米線$54豬扒份量適中，但一咬落去d肉好散，唔知食緊咩，然後以為佢比錯，春卷無哂直接比左魚豆腐，有點嬲叫極都無人黎都係想問一句，講都唔講就直接掉底碗麵鐵扒汁燒雜菌$22依個堅好味，汁甜甜地加埋好多唔同種類既菇仲有紅羅白絲，不過份量唔多想叫多碟，但等好耐都無黎就取消埋單走嚕

平時行經只知道是食米缐的專門店，原來有焗飯之類。裝潢一般快餐連鎖店格局，地方不太整潔，地下有好多垃圾。有蕃茄湯底可選，整碗紅噹噹好似小朋友面珠咁可愛。有好多蕃茄茸，還有蛋絲，味道酸酸咪咪，好濃稠，有鮮甜味，勁開胃。米缐有韌性有嚼口。一啖米缐一啖湯，滋味。肥牛肥瘦適中，肉質軟熟，有牛香。套餐奉送豆漿一杯，甜度適中比想像中好，意外驚喜！其實食物水準不錯，希望留意一下環境清潔的重要性。

以前打邊爐都係一大個爐，全部人一齊拾下捨下，依家反而開咗好多食一人火鍋的餐廳，一人鍋的好處係份量剛剛好，配料多數有菜有肉有丸，仲可以揀啲特色湯底。 今日就同朋友黎呢間有鐵板燒加火鍋的Miss Mixian米線專門店，試下佢個一人火鍋套餐。我地一個揀咗北美牛柳粒，另一個係蔥粒牛舌，湯底有昆布同豬⻣湯，個爐的另一半就係個鐵板燒，個餐附有一份蛋漿，倒落去慢慢燒。牛柳粒無咩雪藏味，嫩滑，牛舌彈牙爽口。配菜有金菇，豆卜，冬菇，娃娃菜等，鮮甜。

呢間麵線好似之前易過手， 入面嘅裝修格局雖然一樣， 但餐牌不同了。早上 十一點鐘嚟， 原來要自己先付款， 仲要自己去後面取食物。 之後食食下11點30後，已經見到其他客人可以坐下點菜...叫了個廣告中嘅豬扒， 好似好好味好大件， 原來只是虛有其表。 一夾起成碟油在碟上， 豬扒係好件但是缺乏肉汁， 而且好韌。這個蕃茄湯底襯公仔麵絕對是不合襯， 公仔麵很重膠味， 湯底入不到面心。罐頭蕃茄本人最不喜歡了。筷子上盤時其中一支上下調轉了，這些小事也馬虎。點解彌敦道仍然可以有如此難食嘅店呢?

下午剛好在油麻地工作，基本上一下樓就已經看到這間位置彌敦道的MISSY米線專門店。.看起來像是有名蕃茄湯的米線，可是天氣炎熱到剎時間就是不想吃濃郁滾熱的湯，可是卻選了另一個熱度十分的焗飯。.然後就是一個後悔，不知道是因為焗飯的本質還是其他原因，咖喱的香味在火焗飯𥚃只剩下一點點香氣，所謂的「蜜絲」除上顏色上之外我也不太吃得到，總言之是覺得有點不夠喉，好像在吃一頓純粹熱呼呼的飯的感覺一樣。.雞扒切得很大件，肉質還好，不過同樣地就是沒有吃到原本預期的蜜絲咖喱，是有一點失望，不過整體味道也不算太差，還可以啦。

之前睇過雜誌介紹過話好味，今日終於有機會試下，發覺中哂伏。男友叫左個牛肉茄蛋米線，個湯底甜到呢，好似m 記茄汁加水的湯底。牛肉冇咩特別，好似平時出街個d喇。我就叫左個牛肉火鍋，好在個湯底冇米線咁甜，剛剛好。比較特別係有得一邊烚一邊燒下，野食都係恰下燒下冇咩特別，可惜佢的特製醬油冇哂，（問左職員）其他都係乾身的蒜蓉粒...冇醬料俾我點..究竟公司係窮到連豉油都冇，定係職員唔想倒呢？唔評論喇...我只係覺得一個78蚊的價錢食呢個鍋，我諗揀吉野家會好d😊職員態度，可能係人少掛，全程黑面，講野快同語氣麻麻地...有d野試過一次就好喇🙂

是日旺角做完facial，夜夜地又餓餓地，返屋企前係附近行下覓食。經過呢間米線專門店，見到有個厚切豬排好似幾正就試下。除了米線，仲有焗飯（隔離點左聞到好香）同埋一人一鍋（70幾蚊都ok抵）我點了厚切豬排+春卷，米線轉巑岐烏冬，加凍飲+$3，total$57好快就上桌，豬排啱啱煎起，熱辣辣好香！唔算話好厚切，切開裡面唔乾都算juicy，醃料都算入味👍🏻算的是辣味番茄湯底，問左侍應話唔太辣先點應該自己食得小小辣程度only。來到即刻試個湯底，都幾辣下（小辣？），陣味變左有少少似羅宋湯，酸味幾強，食落有少少假，好在有幾舊番茄粒搭救。烏冬話係巑岐烏冬，食落都好Q同少彈牙，有少少烏冬酸鹼味。overall 呢個價錢以快餐來說算ok，個豬排👍🏻，下次都係試下米線，話哂都係米線專門店（笑）。少少補充：可能來嘅時間都夜，已經接近過晚餐時間之前可能有唔少客，但餐廳嘅清潔真係要加強，檯底大大舊春卷，周圍地下都髒髒der，檯面同餐具感覺都唔太乾淨

由於好晏先食中午～晚餐時間仲飽咁就食d輕怡食品啦~一向鐘意食蕃茄湯底~行過見到有埋"蛋"~~一於試下啦雞腿肉雞扒蘿蔔米線雞腿肉似雞絲～雞扒又凍又乾又細舊最好食係個蘿蔔好腍好入味～２號火車頭米線多配料樣樣都ｏｋ一定好過雞腿肉雞扒蘿蔔米線總結：蕃茄蛋湯出面少有，呢間食落都算唔錯，多茄肉！雞扒一定唔推介！唔駛加錢有可樂！有生菜！同價錢比還可以！專登去食就唔會啦！路過又餓都可以一試！但係環境就比較麻麻！有小昆蟲係度飛黎飛去～要打掃下，有ｄ痴ｌｕｍ　ｌｕｍ既感覺~餐具會插落個黑色筒拎過黎～但係個黑色筒唔見佢清潔吉左就放餐具~ 插落去咁如果上一手放左舊紙巾落去就不太好了

冇相, 因為唔值得影！成日經過都同老公講下次入去試，終於今次專登去試一次，噢撈............中曬伏！豬骨湯咸, 蕃茄湯飲落成陣M記蕃茄醬味(大佬呀, 唔識整去學下中環蕃茄面啦！)米線"林"既，雞翼好似隔過夜咁又咸又"鞋"，唯一值得讚既係煎炸既食物(例如雞排、豬排)講完食就要講服務，成間店只有收銀係值得讚，收錢、帶位、落單一腳踢，態度依然咁好，其他既服務員唔係做到踢空櫈，就係失驚無神野都唔講就係客面前收野，真心想XYZ囉！！再黎就係店內環境，我未試過坐一間餐廳既門口位係咁熱，OK......你話成日開門走冷氣，我諗唔係囉，好明顯冇開門口冷氣，又唔開風閘，而且職員係超冇意識去叫D客唔好企係個感應位度囉！另外，間舖D塵成2mm厚，大家唔信可以入去睇下門口梳化位個牆架！真心唔明點解仲有咁多人去食，仲要等位一_一有人請都唔會去

雞肉未熟，有少少紅色；豬仔包烤得太焦了；炒蛋水準都不好，很難吃；出名的米線都很普通，自己煮會好味好多；很失望了；圖片影得不錯，可惜事實食物質素相當差，不會再光顧！

經常經過彌敦道都會見到呢間米線..一直都好想試..今日睇完戲見未關..就黎一試..睇menu都唔覺得有咩問題..好似仲幾好食..點知一上米線..就知中伏..份量少得可憐..根本唔會食得飽..我叫既係係酸辣米線..辣味比較重..$29米線配一款$6蚊既餸..但入面勁大粒薑..心諗咩料..另外果碗辣蕃茄米線..陣味仲怪..蕃茄味好甜..但配埋果陣辣味..一d都唔夾..另外加餸既份量勁少..$9花枝丸得兩粒..$9餃子又係得兩粒..食完一d都唔飽肚..呢個價錢去第二間可以捧住個肚走..食完真係一肚氣..絕對無下次..

之前都食過好幾個地方的蕃茄湯底，有好吃的，也有不好吃的。今次這個就比其他特別，湯底除了加上蛋，也加上粟米粒，吃上來很有口感，爽口又甜。而且蕃茄湯底也很濃，不是求其的貨色，有heart的出品，值得一試！