Mister Donut

營業中

休息中

最近兩次來尖沙咀逛街的時候，經過這間人氣大熱的冬甩店，都看見沒有太多人排隊，便來試一下，兩次的等候時間大約都是15分鐘左右，總共試了不同波堤，扭紋和冬甩。第一次來的時候，由於是晚上，只有原味波堤和原味鬆脆冬甩。原味波堤的質感煙煙韌韌，幾有嚼勁，可惜味道比較淡，我覺得如果甜一點會比較美味。至於原味鬆脆冬甩，純粹只是口感比較香脆，味道沒有什麼特別。坦白說第一次覺得只是味道一般，還有明明叫店員兩個分開裝，她還是裝在一起，個人認為不值得這個價錢以及不值得排隊，反而第二次來的時候，便有驚喜了。今次由於是早上，所以種類齊全，可以試不同款式。黃金蜜糖波堤：波堤的質感十分煙韌，而蜜糖甜甜的，味道十分濃郁之餘，亦甜而不膩，我很喜歡這種味道和配搭，蜜糖配波堤簡直是絕配。士多啤梨波堤：這款波堤的外皮，覆蓋著士多啤梨味的朱古力，味道甜甜的，有種淡淡的士多啤梨香氣，挺好吃的。邪惡朱古力波堤：朱古力十分濃郁，而且味道不會太甜，喜愛朱古力的朋友應該很喜歡。法式扭紋：這款的味道最有驚喜，外皮有點香脆，而內裡則軟綿綿，最後外層有點糖霜，味道香甜可口，我最喜歡便是這款。吉士忌廉冬甩：這款沒有什麼特別，普通麵包店的吉士冬甩

一開始見到，是因著想食冬甩而排隊。都好難決定，因每一款都睇落幾好食，仲有出咗新口味。見上一個客（一家大小）買咗，不過我哋無跟住叫。叫左一款原味冬甩、法式扭紋及士多啤梨冬甩。味道方面，口感偏甜、法式扭紋就幾特別（有種食落有種鬆軟的口感）顏色方面，原味冬甩及法式扭紋呈金黃色、而士多啤梨冬甩就正常。價錢方面介乎在19-22蚊左右。店舖不大，需要排隊、人手店面有3個職員左右。如果未試過，口痕都可以食下。不過，好視乎個人口味及當下需求。

基本上每次去日本旅行，早餐都一定會食一個冬甩，因為香港冇乜舖頭好食，所以唯有去旅行嗰時食多幾次啦，點知最近竟然開咗喺香港喎，雖然價錢同日本冇得比，但係總算可以俾我一解思鄉病。啱啱新開嘅時間好多人排隊，實在多人到有點誇張，所以啱啱開張嘅時候都未得閒去試，點解會用嚟形容，因為有啲舖頭嚟到香港味道會唔同，但慶幸嘅呢間嚟到香港味道依然一樣。早前行過見到啱啱冇乜人，所以即刻去排隊買返一盒先，我通常都會買一盒六個，因為為食呀嘛，所以可以同屋企人分享每人有一個。

行開k11忍唔住又幫襯Mister Donut！廿蚊個圈抵唔抵就見仁見智，但比起啲網紅店平一大截。最正都係蜜糖味波提，外層糖衣脆脆哋，咬落去煙煙靭靭好似食緊麻糬咁，彈牙得嚟又唔癡牙，雖然同日本比爭少少空氣感，但香港嚟講已經交足功課！其他口味試過朱古力同草莓都OK，不過都係蜜糖最夾個口感。前兩日見買夠5個仲有優惠價，下午茶同同事share就最啱。經過手痕想食甜嘢嘅話，絕對係窮人恩物，至少唔會畀完錢覺得中伏先啦！

最近見到網上有人介紹呢一間日本冬甩，都心思思想試吓，咁啱要去尖沙咀同K11都好近，就行去買嚟試吓。我三個人原本諗住買三個，佢話買多啲平啲最終買咗六個。佢話可以留返聽日食都得。諗住如果好食都冇所謂，點知冇一個好味😭等我仲滿心歡喜買俾個女食，阿女同老公都食到扁晒咀。士多啤梨波堤，一啲都唔好食士多啤梨味難食質感仲係咁要嚼嚼。我今次去呢就唔使點排隊前邊得10個人到好快就到我。最開心都係排緊隊揀咩口味嘅時候。😝

早前聽到媒體宣傳依間黎自日本既人氣冬甩店， 趁經過就買左黎試。 大概中午12點暫時未見人龍。 款式方面比想像中單一， 除左有波堤仲有冬甩， 不過口味主打都係朱古力草莓為主， 冇乜特別款式。 價錢大概$19至$20多一件不等。可能因為剛開剔不久吧。糾結左好耐，最後簡左望落比較特別既「黃金脆粒朱古力冬甩」（$20） 價錢比較實惠。 味道方面， 外表脆粒令食落去有啲脆既口感，內裡朱古力多糕味道唔算太濃也不算太甜， 比想像中一般。 希望店家可以準備多啲唔同口味既波堤或者冬甩， 下次試下晏啲到睇下會唔會有多少少口味。

我係非常非常之鍾意食冬甩🥯嘅，不過一般都喺外地吃，例如泰國、日本嗰啲✈️旅行既時候食，香港基本上冇乜食過。。。因為覺得香港嗰啲係好似沙翁咁既質地，唔夠煙韌❎️。。所以見到大熱呢間品牌抵港，就好想試下。不過頭兩次去，都係三、四點鐘，人龍係排到去防煙門後樓梯😱嗰度，結果便放棄了。今日途經附近做嘢，馬上去搏下運氣，點知一落到去得一個人買緊，咁當然就衝去買一個我最喜歡嘅士多啤梨味試下。。。。結果沒有失望，係喜歡🥰的味道，係幸福的感覺啊！

行商場行到肚餓😋，見到Mister Donut就忍唔住買咗幾個嚟試下！買咗原味、朱古力味同蜜糖味波提。🌀 口感方面：波提口感煙靭軟糯，咬落去彈牙又唔會太黏牙，啱晒鐘意鬆軟口感嘅人✨。🍯 味道方面：•蜜糖味：好似砂糖冬甩，甜度適中，食得唔會膩～•朱古力味：朱古力味唔會過甜，平衡得剛剛好，食完仲想再食！•原味：簡單但經典，散發住淡淡嘅奶香味，好滿足～⚡ 總結：食一個只需10秒⏱，又快又滿足，係行街行到攰嘅完美充電小點心🔋！超推薦試吓～ 🎉

以前每次去台灣都會專登去買Mister Donut，嗰種彈牙又Q彈嘅波堤係必食清單上嘅第一位！宜家香港終於都有分店喇，排隊排咗成點鐘都要試一試！因為排咁耐買一個又好似好唔抵咁，但係原來波堤係限購＝_＝心情有啲忐忑～🍩。買咗原味波堤、朱古力波堤，其他冬甩都係隨便揀。但波堤點都係最好食，QQ嘅口感真係無得輸，即刻返晒台灣嗰種熟悉滋味！波堤嘅彈性仍然保留住，原味簡單清香，朱古力香濃得嚟唔會太甜，食完都唔記得晒排隊之苦。香港版本雖然價錢貴咗啲，$19-$25一件，但為咗滿足下久久無得食嘅feel，都值得！不過排得真係有啲誇張，如果有下次可能未必會特意排長龍再買，期待可以唔使排咁耐！

人氣冬甩 甜甜圈人山人海，排了半小時……這裡的冬甩是日本人氣店在香港直營的。冬甩內裡十分鬆軟，用的麵粉都十分上乘，而且放涼後吃都不會過。是十分難得的。經典朱古力，雙重朱古力都好出色。特別是那曲曲的冬甩，內裡注入了忌廉，外有薄脆的朱古力，層次感豐富，不錯。六件110元，十件180元，人山人海，排了半小時才可買到，旁人說你已十分幸運了。確實比起其他在港吃到的冬甩，這裡的算是更勝一籌。不消一會，已掃清光了。

估唔到工作日下午三點都咁多人排隊🥴以前去泰國、日本、韓國必吃必買的冬甩🍩！而家喺香港都可以買，今日排咗35分鐘😭買咗6個，有個盒裝住，成為$110。邪惡朱古力波堤係我嘅至愛，但香港買$20一個，實在有啲貴😔味道同其他國家賣嗰啲，一模一樣！可惜價錢唔一樣😩仲要排超過半粒鐘！應該冇下次啦，又唔係免費嘅😏下次去旅行先再食啦！店員少，只得兩個小姐姐，導致人龍超長，一個收錢，一個服務員，賣晒仲要等出爐，所以浪費時間排隊了。

無論咩時間去親都係排哂長龍第一次排仲要冇波提賣 不過諗住排咗咁耐都照買啦第一次就買左朱古力鬆脆冬甩外表係脆脆 不過食落好甜另外仲買左經典朱古力冬甩同天使奶油冬甩，法式扭花兩個都好一般 似平時屋企樓下麵包舖食到嘅味道第二次再去排就見到波提買咗原味波提同蜜糖波提波提真係完全唔同食落好煙韌原味好好食！蜜糖味就偏甜不過overall 如果要排咁耐應該試完就算啦其他味大部份都太甜每次排隊起碼半個鐘以上而且價錢都唔算平

回頭度🍪8/10｜人均消費💰~$20-30-建議大家想食就要早啲去買‼️小編星期五17:00去 已經賣出咗99%😭差啲冇得食 好彩之後仲有少量口味新出爐🥳-👍🏻邪惡朱古力波堤 $20（$110@6)口感非常煙韌😋啱啱出爐仲有少少脆不過放耐咗都好好食🍩下次想試蜜糖/原味🍯味道🌕🌕🌕🌕🌗-👍🏻黃金脆粒朱古力冬甩 $20 ($110@6)包體朱古力味已經好濃郁🍫口感有啲似麵包 非常鬆軟加埋黃金脆粒大滿足😍味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌗🌑

開咗大概兩個禮拜日本過江龍呢間Mister Donut喺尖沙咀K11 好鍾意食冬甩嘅，我決定試吓但係排隊嘅人真係超級多，唔單止係商場仲要上埋後樓梯 後樓梯位置真係又熱又焗留住汗咁樣排隊真心崩潰大概排咗10分鐘左右就出到商場開始冇咁熱，但係依然都係罰企 到達嘅時候有好多我想食嘅味道都沽清 好彩嘅係當我排隊40分鐘到我買嘅時候我想食嘅味道包括士多啤梨味同埋朱古力味波提冬甩，都已經出咗爐 全部都係$20除咗原味係$19之外買六個 110，大概平咗$10雞左每個人最多買10個 10個之中，最多買四個波提冬甩，對於鍾意食波堤冬甩嘅人嚟講真係有啲可憐，嗰個就係我，如果咁啱啲朋友或者屋企人都係想波堤冬甩甩嘅話就麻煩味道嚟講買咗呢12個都冇中伏都係好味嘅我會建議買中間有忌廉嗰啲 扭紋嗰個都好鬆軟，波堤冬甩🍩非常煙靭我會大推草莓味，朱古力味都好食，但係佢冇士多啤梨味咁特別要排隊嘅話，我相信我唔會再買住 等呢個熱潮過咗之後唔使排隊，相信會再幫襯 職員都忙到流晒汗 佢哋都辛苦 同埋都好nice ，值得一讚既

屋企人係donut控，走咗去新開既日本🇯🇵donut過江龍尖沙咀K11 Artmall排隊買Mister Donut，4點幾賣得7788，唔算多人排，排咗5分鐘，最後買到經典原味波提（$19）、雙重朱古力🍫冬甩🍩（$20）同士多啤梨🍓朱古力🍫冬甩🍩（$20），食完飯食埋生果🍊先攞冬甩🍩出嚟當宵夜食，因為我唔皓朱古力🍫，剩係食波提，我喺日本🇯🇵都冇食過，質感有d似麻薯，小朋友👧🏻鐘意食朱古力🍫冬甩🍩同士多啤梨🍓朱古力🍫冬甩🍩，食完就搶埋我個波提嚟食😅