Mokumoku Yakiton (厚福街)

營業中

休息中

我最鍾意嚟尖沙咀厚福街呢間居酒屋食串燒飲兩杯，因為佢有好多不同款式嘅串燒，好多部位或者內臟都有，即叫即燒，｜刺身盛｜蝦、三文魚、油甘魚、帶子同海膽全部都好新鮮，非常厚肉海膽仲好甘香～｜豬顎骨肉串燒｜肉質嫩滑有咬口，好爽口～正呀｜車打芝士巴爾馬火腿卷｜鍾意食芝士嘅人一定超鍾意呢款～芝士味好濃郁！｜豚肉荔枝卷｜清甜嘅荔板香味中和左豬肉嘅油膩，愈食愈開胃呢｜豬聲帶串｜爽口又煙韌，好好咬同入味～｜豬喉結串｜口感脆卜卜，送酒一流｜油甘魚腩串 ｜腩位特別肥美，燒過魚油香超正！

喺朋友介紹下，我哋就嚟到尖沙咀呢一間環境舒適嘅串燒店嘆吓，呢度嘅位置好闊落，加上背景嘅音樂，令人10分放鬆，而且嘢食嘅種類都好多，我哋就叫咗以下嘅嘢食⭐️前菜前菜係一個蕃茄，賣相嚟講已經滿分，而且味道10分鮮甜⭐️三文魚腩三文魚好新鮮，而且還厚，一睇就知食材經過精挑細選，配上豉油同Wasabi，無敵嘅組合⭐️香蔥牛柳牛柳燒到恰到好處，煙韌度適中⭐️油甘魚腩串魚腩肉質好嫩滑，值得一讚⭐️豚肉荔枝卷咁多樣比較鍾意呢一個，豚肉包住清甜嘅荔枝，一種未試過嘅味道⭐️燒菠蘿菠蘿外面包咗一層焦糖，令到燒嗰陣，菠蘿嘅水份完全鎖晒喺入面，外脆肉甜📍 Mokumoku Yakiton (厚福街) (尖沙咀)📍尖沙咀厚福街12-12A號藍馬商業大廈16樓

Mokumoku Yakiton 主打豬串燒，食盡多款🐷嘅部位，全部即叫即燒，好正前菜「蒜子蕃茄」$28好清新開胃，蒜香同蕃茄嘅甜味配合得天衣無縫。🔆刺身盛（5種）$358有蝦、三文魚、油甘魚、帶子同海膽。真係好鮮甜，尤其係海膽，入口即溶，完全係一個享受。話晒主打係豬串燒，梗係要試下佢哋嘅🔆豬顎骨肉串$38肉質好嫩滑，仲有車打芝士巴爾馬火腿卷 $48同豬肉釀冬菇 $38，前者芝士同火腿嘅香味真係一絕，後者冬菇豬肉配搭都唔錯。🔆豚肉荔枝卷$ 58原粒新鮮荔枝嘅清甜真係可以減去豬肉嘅油膩感，呢個組合真係出乎意料地好味。🔆另外，佢哋有啲少見嘅部位，例如豬聲帶串 $48同豬喉結串$48豬喉結脆卜卜，又有啲肉黐住，雙重口感；豬聲帶就係爽口有咬口，食落真係好特別。🔆油甘魚腩串 $58，魚肉肥美緊致，加上芥末醬，味道更豐富。燒菠蘿 $38用嚟做甜品一流，有陣陣香甜味。姜汽水青燒附$78同三得利黑金啤$68食串燒當然要配冰涼嘅啤酒，爽呀！而家仲做緊買一送一，抵到爆。

「Mokumoku Yakiton 」位於尖沙咀厚福街藍馬商業大廈，是一間全港首創以「豬」的不同部位為主打的串燒店，坊間少有，好多豬嘅刁鑽部位都有得食，例如：豬脷、豬大腸、豬小腸、豬心、豬肝、豬腰、豬肚、日本豚肉等等都可以響度食到▪️蒜子蕃茄沙律 $ 28先嚟個清新前菜，蕃茄清甜配合蒜子醋汁，味蕾瞬間打開▪️岩手縣生蠔 $ 176生蠔超巨型，質素相當唔錯，口感爽脆鮮味▪️豚肉蒜心卷 $36▪️豚肉紫蘇卷 $ 36用豚肉包住蒜心和紫蘇，豚肉肥美充滿油香，捲住兩款蔬菜能夠中和油膩感，特別喜歡紫蘇葉嘅獨有香味▪️山形縣產煙燻豬腩 $ 158煙燻豬腩口感彈牙，充滿煙熏香，沾上蜂蜜芥末醬汁，非常唔錯▪️黑豚豬頸肉 $ 76▪️黑豚豬夾心肉 $ 76兩款豬肉都是爽口彈牙的口感，燒得焦香，肉質Juicy▪️燒雞皮 $ 56燒至香脆帶着一點點雞脂肪，充滿雞油和鹽香▪️豬小腸 $ 68▪️豬大腸 $ 72小腸和大腸最主要嘅分別，就係大腸爽脆，小腸軟腍，而且一啲臊味都冇，喜歡的就會很喜歡▪️冬菇 $ 56燒冬菇加上燒汁，入口充滿菇香▪️沖繩苦瓜免治雞肉 $ 76必食推介，苦瓜完全不一點苦，味道甘香，口感爽脆，配上自家製的免治雞肉

星期五周圍都full 唯有是但揾間有位嘅入但原來點解會有位係有原因：其中一個店員服務特別差🙂‍↔️🤲🏻本身喺出面又焗又熱比人晾咗陣都算🙏🏻一入到嚟仲要比位四眼嘅姐姐對我哋咁惡😱到底我哋做錯咗啲乜？係咪揀咗嚟呢度食😂坐底之後即刻有人放低三舊番茄，哇埋單發現呢三舊嘢係前菜總共承惠96蚊😂會唔會獅子開太大口，仲要有加一，揾食艱難都唔係咁劏客啩？然後又話五個人每樣都係當你嗌三串@@咁想嗌多啲款share 食點算？咁唔自由嘅？好啦落咗單，每樣都至少隔十分鐘先到，又話限時120分鐘，點做比你啊？😊然後最尾埋單，嚟唔齊嘢但又話廚房刪咗，兩邊都係你嘅人點有說服力，收走哂啲嘢又冇對證，又話我哋食咗😧都比你劏得會唔會無啦啦無中生有拗呢條數？之後又講到我哋好似特登r着數咁😊🤲🏻四眼小姐你咁串係咪我哋得罪咗你呢？埋單每人二百中，但想講比咁嘅價錢食啲咁嘅服務真係好谷氣🙂‍↕️如果你仲諗緊食唔食呢間，我只想講，冤枉錢我洗咗就夠了🙂‍↔️

mokumoku 📍香港🇭🇰 日式串燒.同朋友小聚 食少少串燒 傾計好地方～枱枱凳凳比較密 環境裝修非常之日式平日夜晚 人不多.好細心 有個叉 可以將啲串燒肉分出嚟最岩同朋友分享酸蕃茄勁開胃 朋友們都好欣賞炭燒豬頸肉好入味 肥瘦剛好 吾會好油最鍾意係燒牛肉 炭燒味

昨天去了銅鑼灣分店的Mokumoku Yakiton食好西，我地的串燒夜！味道好十分推介！一入bar臺，先給我地一客剝皮番茄🍅前菜，浸住d黑醋，冰涼冰涼的，好似32蚊。跟住我地立即叫了四款串燒每樣兩串，即是8串：1.蜜糖芥末雞肉串，蜜糖芥末味道好夾，雞肉肉汁鮮嫩，呢款係今晚最好食的串燒，為我地打響頭炮！2.雞髀菇串，落左少量蔥同soy sauce，幾好味，唔會燒到乾sai，正～3.薄切豚肉車厘茄串，番茄🍅汁好酸，但又幾match塊豚肉。而且賣相好精緻，未食都流口水……4.雞腎串，呢串雞腎有點韌，不過整體都好食ge～臺上仲有Japanese pepper同7味粉比你調味。刺身方面我地叫左最抵食的三文魚刺身，$44有5片。我地叫了10片兩客。飲品方面，要左suntory的巨峰味果酒兩杯，啤一啤心情愉快。呢度環境都幾好，細細地休閒的居酒屋，但都好快full，所以要記得book臺。餐廳名字：Mokumoku Yakiton (永光商業大廈)地址：銅鑼灣軒尼詩道499號永光商業大廈7樓

見好耐都冇食過串燒，於是同男朋友去左位於厚福街呢間日本居酒屋試下，串燒既款式都好多！一坐低冇耐佢地就會先上前菜 - 叫蒜子蕃茄沙律，醬油再配上新鮮蕃茄，既清新又開胃！而A5牛橫膈肌肉質好嫩滑，薄薄一片食落去都幾juicy！串燒方面叫左：牛舌燒得岩岩好而且好入味同好有嚼勁九條蔥卷咬落去食到好香脆既豬肉+蔥一齊食完全冇油膩既感覺👍🏻活白鱔可能燒得耐左少少，食落去比較實同有少少乾身燒菠蘿食串燒一定唔少得叫既🍍多汁又甜芝士翠肉瓜上面加左燒溶左既芝士，簡單得黎好好食岩手縣赤崎燒蠔岩蠔好大隻，厚肉之餘仲好鮮甜肥美

《Mokumoku Yakiton - 尖沙咀》我其實好少去呢d食串燒嘅地方，因為其實呢d唔係居酒屋就係酒場，我一個唔飲酒嘅人約食飯就好少揀。但呢間朋友話好食，話要帶我試下，我當然樂意～因為其實我係喜歡串燒的！今次呢間係豚肉專門，食得太多牛，食返餐豚肉盛宴真係好！成餐飯我地由豬生腸串開始，食到豬肚串、豬頭肉串、泡菜豬肉巻、白金豬五花肉串，好多部位出面都唔係咁易食到呢d串燒，好多唔係黎呢度，出面根本就唔會食，因為處理得唔好都幾大問題。黎到呢度就知水準有保證！如果想有多d食串燒唔同嘅體驗真係可以黎食下！除左豬正之外，我想特別講下佢個黃花魚一夜干要預先醃製，多工夫。食落好香又脆口，呢個直頭有令我想飲返杯嘅衝動！你地真係唔好以為食串燒唔飽，呢度d野份量都好足！都冇諗過食串燒都食到要捧住個肚走！放假想同朋友吹下水，又想食好少少真係可以黎試下！

尖沙咀可以坐好耐既居酒串燒真系唔多，超高性價比真系要mark 尼間前菜前菜醬漬蕃茄🍅打開胃口生蠔側身側身就系肥大鮮美芥末八爪魚食完特調八爪魚越食越有味口點算，我已經準備下接落來既串燒～厚揚香口外皮內裡嫩滑。加上木魚絲，多一種口感。九條蔥卷咬落去系有香脆豬肉，伴隨脆爽蔥口感正好蒜芯豬肉卷咬落去蒜心既香令豬肉卷富有嫩滑口感。舞茸菇味好濃郁，而且口感爽脆，唔會韌口。而且佢哋嘅調味都啱啱好，唔會太咸，亦唔會太淡。西班牙 夾心肉夾心肉煎得香脆，肉汁豐富，咬落去好有口感豬顎骨肉串肉質軟腍，充滿膠質，而且調味得宜，真系好惹味！豬大腸串豬大腸煮得夠火候，外脆內嫩，充滿香味。豬心串食落去彈牙又多汁，口感豐富，調味得宜，唔會有腥味。日本青椒芝士豬肉卷較為創意既豬肉卷，青椒爽脆，豬肉嫩滑，配埋芝士，真系好香口！香椰鹽燒鱸魚鱸魚魚肉鮮嫩，燒得香脆，而且椰香味好濃郁。燒菠蘿呢個燒菠蘿真系好正！菠蘿燒得啱啱好，外皮焦香，糖燒味十足！酸酸甜甜濃郁菠蘿果香烏龍茶划燒酎烏龍茶划燒酎茶味香濃，燒酎嘅酒味又唔會太重，而且冰涼爽口，真系好解渴！柚子x梅酒柚子味同梅酒味完美融合，酸酸甜甜，好清新，而且酒精度唔高，好易入口！下次

朋友特別鍾意居酒屋，飲下嘢，食少少串燒，可以慢慢吹水Mokumoku Yakiton氣氛熱鬧剛剛好sake做緊買一送一優惠而且口味選擇多： 甘口、辛口、清甜啲、米味濃啲都有上枱個presentation都好靚size order又有半價 包括西班牙豬肋骨肉、A5和牛橫隔肌同埋山形縣產煙燻豬腩山形縣產煙燻豬腩鹹鹹香香， 食落有少少似德國咸豬手但佢豬味更加濃，食落更加冧我地見到隔離枱個燒帆立貝好正，好大隻，都嗌咗試下，真係好新鮮 同埋我哋坐吧檯，見到師傅好細心，逐個部分燒，加分！厚切金星豚果然係各物，係我哋一致都覺得好好味其實佢係五花腩， 肥瘦啱啱好， 燒出嚟焦香十足金星豚咁好味，於是繼續食金星豚肉林檎紅薑卷估唔到豬肉捲配林檎蘋果都幾新鮮，食落無咁肥， 反而突出咗豬嘅甜味佢仲有好多款唔同嘅豬肉卷，有蠔卷、青椒芝士卷、皮蛋捲、豬腦卷、 車打芝士巴爾馬火腿卷等等每次嚟試食兩三款，都要黎多幾次先食得曬🤣

《Mokumoku Yakiton - 尖沙咀》同三五知己食串燒最正就係配埋酒精🤓所以如果去居酒屋食串燒，我必定會叫返杯highball又或者燒酎的🫶🏻呢一間位於尖沙咀嘅居酒屋專門食豬肉串燒，好多豬嘅特別部位呢度都有得食😌當然啦，除咗豬串之外，餐廳都有牛同雞嘅選擇的😉當日兩個人傾吓偈又飲下酒，唔覺唔覺食多咗添💁🏻‍♀️芥末八爪魚 $48前菜我哋叫咗一道送酒嘅芥末八爪魚，Wasabi味道微微刺激，辛辛辣辣咁幾得意💁🏻‍♀️豬生腸串 $34平時食生腸多數都係食涼拌嗰一種，用嚟燒嘅話個質感幾特別，有點爽口😋食落唔會有奇怪嘅味道，鹽燒嘅感覺幾原始，但係咁樣可以帶得出食材本身嘅質感同味道💁🏻‍♀️豬肚串 $36胡椒豬肚湯就成日飲，但係用豬肚嚟做日式串燒又係第一次試，食落彈牙同埋爽口，帶有微微甘香，不過我就覺得佢冇豬生腸咁惹味🤓💁🏻‍♀️豬頭肉串 $30鍾意食肥美口感嘅人應該會好鍾意豬頭肉，入口充滿油香，令人非常guilty😌 💁🏻‍♀️厚切白金豚肉 $48其實就即係豬五花肉，有肥有瘦嘅位置，食落多層次又有口感，同樣係由香味滿滿，不過佢肉嘅部份會多少少，食落冇咁肥膩，但係同樣好香口💁🏻‍♀️日本青椒芝士豬肉卷

專食豚肉串燒嘅居酒屋用餐前會送上蕃茄蒜子沙律， 要收費的！如果唔需要記得提出呀～我地叫咗MokuMoku沙律有ham、沙律菜、蕃茄同埋青瓜配上日式沙律汁，口味好清新黎居酒屋一定要飲sake！ 呢度個sake set幾好Sake set 可以A+B各選1款sake，C款就可以選2款 $328基本上每款100ml， 一次過是四款sake 幾過癮！啱曬咩都想試少少，又唔想飲曬成枝Sake嘅朋友每款都有個label貼喺瓶身，等你知道自己飲緊咩口味， 非常貼心內臟今次試咗2款，生腸少少爽，而豬小腸粉d芫茜愛好者必食芫茜卷，茜味十足如果唔鍾意食芫茜可以揀九條蔥卷，口味較balance 最後嚟個燒菠蘿，完美！

我跟好友們都非常喜愛日式串燒，所以一得閒就會相約去不同串燒店，今晚又約埋一齊去食飯。蒜子蕃茄沙律蕃茄沙律配了小量的蒜蓉，沙律醋，味道酸甜，十分清新。蒜心卷豚肉表面有少許脆口，蒜心的爽脆豐富了口感，蒜心的清甜味可以減少去豚肉的油膩感，兩者二合為一，味道都相當之夾。九條蔥卷中間包著滿滿的九條蔥，吃起來既有清脆的口感又有鮮明的香氣，吃完後完全沒有油膩感，還會有蔥香停留在口腔裡，超級好吃。山葵漬四元豚扒山葵漬具有辛辣和芥末味的特殊香氣，配上北海道四元豚，肉質鮮嫩多汁，脂肪分佈平均，肉味濃而沒有豬羶味，絕對不比和牛失色。豬肋骨肉脂肪雖然比較少，但口感軟腍，肉味還有點似牛肉感覺，焦香味濃。西班牙夾心肉位置於肩胛骨到梅頭之間的肉，肉質鮮嫩，油香豐富又多汁。豬大腸燒到外皮香脆，內裏爽口彈牙，比平常吃的滷水，更愛燒大腸的煙韌口感。

今日同老婆難得出去尖沙咀行街，順便去搵下美食，搵到呢間mokumoku食個午餐，上到去環境坐得幾舒服，又可以食串燒、刺身等等【前菜】蕃茄沙律，非常新鮮，食完串燒真係可以清一清口腔。【岩手縣赤崎燒蠔】岩蠔非常大隻，又厚肉又夠鮮甜肥美，仲帶點海水味，再配埋酸汁一起食非常醒胃。【九條蔥卷】用上白金豚甘香而不膩，加埋九條蔥仲會多咗陣清爽嘅味道中和油膩感。【豬大腸】外皮香脆惹味，內裡又鎖緊肉汁，味道調較得啱啱好。【山葵漬四元䐁】豚肉質鮮嫩有彈性，周邊位置帶著燶邊，表面再加了山葵漬，味道帶點微辣鮮美，亦清香解膩。【豬肋骨肉】燒完出來的油脂非常香，肥瘦適中，有入口即溶感覺。【牛舌】厚牛舌，肉質軟腍爽口，有濃郁的牛味，越嚼越香。【豬耳芝士】第一次食的豬耳芝士，豬耳口感非常有咬口，再配上芝士熱溶在豬耳表面，芝味濃郁。