MoMo Café

營業中

休息中

太太生日，找間洒店同她慶祝生日，家住沙田，沙田範圍內所有酒店都曾經試過，得知石門開了這間新酒店，就試吓呢一間，不過石門是一個泊車較為麻煩的地方，車位少、價格貴，但此洒店有停車場，光顧自助餐可免費兩個鐘，但之後每個鐘都需要$25，其實都幾貴！坦白食物就一般，款式亦不多！不過用 open rice 訂位有七折，所以在一間舒適酒店享受自助餐都算便宜的，最重要當晚我的主人翁覺得開心，亦值得的！不過我唯一想他們改善下「切刺身」的師傅仔的出現時間，成晚都不常常在崗位中，好明顯是有緣才能相見太太全晚最鍾意就是龍蝦及蟹腳，的確感覺美味。女女最喜愛雪糕及甜品🍮

一直沒有想過真的可用OpenRice 可訂檯，原來非常方便。而且有折，非常值！以前好少入沙田食自助餐，因為地點問題，始終覺得同朋友去尖沙咀會好d，因方便大家。但今次因太遲訂檯，所以無咩地方可選擇。去到首先拎左主打食物，龍蝦，蟹腳。原本以為蟹腳會好味d，但食落後，龍蝦🦞鉗好味好多。飲品原來只包一杯，所以加錢任飲，加$88任飲紅酒白酒，啤酒，汽水，咖啡。之後我再試埋佢地既甜品，其實我唔算食好多野既人，所以樣樣試少少。最好味係拿破崙。今晚仲試左個中湯，好好飲，好少飲中湯既我，都左2盅。今次晚飯，其實飲野多過食野

入到去比甜品吸引起來,服務員親切友善,煮麵姨姨很有禮貌介紹食物比我,入面食物太多,中國點心.燒鴨,西意大利麵都有,因為太愛甜品而放棄很多美食,下次又會再來,太豐富午餐,不能一一數

估唔到石門工業區竟然有一間環境清幽嘅酒店，食嘢最緊要就係環境舒適，食得超值，食物選擇豐富特別甜品種類繁多，特別係點心比得上中餐廳嘅質素，價錢合理，一家人週末食嘢嘅好選擇

剛過去的母親節大家慶祝過後，緊接的6月份，又到了另一個重頭節日「父親節」了。感覺上，母親節似乎較受歡迎，其實，在我心目中，兩者地位同等重要。今次介紹一間位於沙田石門附近的酒店自助餐。以前的石門，數來算去，就只有學校、工廈及公屋，但近月經過，是有煥然一新的改變，商場食肆種類夠多，也好，人氣旺，生意便會好嘛！由石門站信步到酒店，都不過是幾分鐘的腳程，對於附近的居民而言，真的可以用方便形容，至少無須去到大圍再轉車吧！Momo Cafe 位處酒店二樓，座位闊落，而且有卡位、大檯同高背椅，變化都幾多，適合不同人士須要。其實，已經多次造訪餐廳，食物水準是日漸有進步，別的不說，單是雪糕，已由本地品牌換成哈根大師。Seafood 每位客人會送上一份即製的芝士焗波士頓龍蝦，陣陣芝士香氣，好味。波士頓龍蝦除了即焗外，更有任食半開波士頓龍蝦，兩者各具風味。海鮮當然不會咁少，仲有加拿大藍青口、泰國凍蝦、加拿大蟹腳、法國黃金螺及越南蜆，海鮮來自世界各地，海鮮迷又點會錯過呢？刺身 有三文魚、吞拿魚、鯖魚及八爪魚，先來一碟拼盤，始終是酒店貨，質素當然收貨。Carving Station

, 老婆生日,同亞仔一起去興祝,冇想過有蟹腳, 地方大,員工親切. 直得再去.冰鎮海鮮包括蟹腳、翡翠螺、藍青口、蜆及蝦等，鮮味十足…嚐矜貴日式刺身：吞拿魚、三文魚…- 多款蛋糕、中西式甜品任君選擇，包括杯裝H雪糕- 任飲即磨咖啡及茶，讓你食得更盡興…

常說石門這個地方，如果冇乜朋友係呢頭住過，又或工作的公司位於石門，你實在冇乜可能認識這個地方。呢幾年石門知名度高左好多，的確越來越多人知，特別係荒蕪嘅地方多咗過百間餐廳，當中不乏一些知名食店。酒店方面，呢幾年雖然都係得Courtyard by Marriott 一間酒店進駐，但原來另一間酒店準備係年底開幕。頓時，這個地方即刻有番更多嘅生氣，入石門食野，隨時成為一個潮流。除了石門的一間泰國船河我很喜歡之外，另一間餐廳就必然是萬豪酒店的Momo cafe，百吃不厭。剛剛之前在頂樓吃過一頓海鮮餐，happy hour 飲番杯之外，如果碰巧在這裡番工，另一個選擇常去的我都必然會吃一下這裏的自助餐。無論個主題係乜，或者個晚不是好肚餓而食唔多野，我都會照食這裡的自助餐。因為以四百幾蚊的價錢，有一餐豐富而選擇多的自助餐，你絕對唔會投訴，而且仲會十分滿足。自助餐當然會有不同的沙律和前菜，最好的是辣雲耳和有千張，很少會見到咁有辣到咁有鄉土風味的序幕。這裏的燒味雖然沒有什麼米之蓮名廚的眷顧，但吃下去燒鴨香脆， 叉燒和雞也不錯。從來海鮮都是這裡的代表作，我唔可以話全部都係好名貴嘅項目，但大部份大路受歡迎的龍

幾年前初次踏足石門，車站附近只有寥寥數間食肆，人口也並不太稠密，現在與之相比，各式各樣的店舖食肆也明顯增加了不少。與友人聚餐，一家大小的；揀位於他家附近的食肆最不傷腦筋，且地方濶落；小孩子也不用太拘束。先看看至受歡迎的凍海鮮吧，六款選擇分別有：加拿大鱈場蟹腳、泰國凍蝦、加拿大藍青口、越南大蜆、波士頓龍蝦及法國黃金螺，而鮮甜的加拿大鱈場蟹腳就最得我心！熱葷選擇也有不少，包括：燒味(切雞、燒鵝及叉燒)、茶樹菇雪耳紅棗燉赤肉燉湯、龍井炒蝦仁、芝士香菇焗蝦球、果香陳皮骨、金菇瑤柱扒時蔬、即叫即煮意粉、即燒芝士龍蝦、清蒸沙巴龍躉、上湯蔬菜水煮比目魚、扇貝蝦蕃紅、意大利燴飯、洋蔥煙肉炒豆角、韓式香辣大醬三文魚頭鍋湯、野菌黑松露意式米麵、蔬菜咖喱、香味飯、BBQ 食品、即煎蒜片牛扒。燉湯是自助餐必「吃」的項目，這次是「茶樹菇雪耳紅棗燉赤肉」，此菇有清熱平肝、保腎利尿的功效，多喝兩碗才是正道！看着友人的即煮意粉好像幾對辦，分了點一試，麵質爽彈；相當不錯，吃得過！日本區分別有四款壽司及五款剌身。沙律的款式也多，味付的有韓式粉絲沙律、菠蘿雞肉沙律、泰式豬頸肉沙律、香辣川椒醃制三文魚、煙三文魚、

一心諗住marriott group的hotel差極有限，就試下個tea buffet. 首先去攞冷盤，有少少蔬菜，面包，煙三文魚，同一啲前菜。攞完就去攞熱食。。。。點知。。。係冇熱食嘅！一粒燒賣都冇，咩都冇！！！咁即係成個所謂buffet係得少少菜，蕃茄仔，薯仔，面包咁。。。。咁又唔係，都仲有好幾款甜品比你食下！sorly，見識少，冇諗過tea buffet係咁。最貴的食物係煙三文魚。補充一句，冷盤area有好多蚊飛來飛去，唔知以為自己去咗內地啲1，2星級酒店！如果冇誠意做tea buffet, 唔好做啦，食完得一個字comment, 伏！！！

酒店開張不久曾光顧,當時發覺食物質素一般,種類少,多年後再來,無改善,選擇少之更少,質素差,熱食不熱,燒味街有三樣選擇雞,鴨,骨,硬及涷,飯有飯焦,咖哩是咖哩水,無咖哩味,麫包冰冷,沙律得4種菜選擇,尚幸甜品及咖啡有少許驚喜.另,我入座前問職員收費多少及老人收費,他說老人與小童同價,但埋單時,經理話是無此優惠,係成人價的.覺得被騙.總括:用580元食這是不值得的.最後:要讚女職工們很有禮貌

雖然農曆新年假期已過，打工仔也陸續返回工作崗位，不過，街道上的節日氣氛依舊濃厚。其實，香港早已擁有獨特的港式風情。 早前，BeautySearch 來到石門的萬怡酒店，正好以《情繫香港地》為主題，展現出老香港的一面，真的別有一番風味。其實，BeautySearch 已很久沒踏足此地，印象中，這兒往昔命名為小瀝源，我的第一份 Marketing 工作的公司就在附近，不過已是很久以前的事了，如今這裡的變化很大，有商場、有寫字樓，還有酒店。 萬怡酒店的 MoMo Café，環境舒適，地方寬敞，食物選擇又多，在這裡進餐真的非常舒服。 場內的食檔，每一個細節也展現出舊香港的風味，紅膠燈、斗笠、竹籃、蒸籠...... 盡顯昔日香港風情，有不少物件，現在已鮮能在身邊發現喔！ 雖然，舊香港風味的確十分吸引，但習慣在自助餐中先來一碟冷盤的 BeautySearch，又怎會錯過這兒的刺身及最愛的長腳蟹，感受不一樣的漁村風味。 說到香港情懷，又怎可沒有港式燒味？加上友人盛讚這晚的叉燒蠻不錯，當然要嚐嚐﹗果然內外兼備，外層光澤油潤；內裡肉質細嫩，蜜汁甜美亦沒帶有燒焦的燶味，相當高水準！ BeautySe

香港美食不止菠蘿包及魚蛋的, 還有很多很多, 沙田萬怡酒店MoMo Café最近推出「情繫香港地」自助晚餐, 有的表達了昔日香港漁村情懷, 有的是長青受歡迎美食, 長知識之餘亦大飽口福. 全場最耀眼的是自選材料荔灣艇仔粥的這區, 紅灯籠、竹簑帽等, 盡顯漁港風情. 艇仔粥粥底夠綿, 我更添了花生、蔥及油炸鬼等. 避風塘菜式有避風塘炒蟹、辣酒煮花螺、豉椒炒蜆等, 味道未算太辣, 炒蜆較出色. 枱上放著如求籤筒的東東, 原來是用作拿車仔麵的, 遇上檔口人多時, 只需把竹籤及自己喜歡的菜式放在竹筲箕中, 遞給廚師就可以, 而我吃得太飽, 只選了大部份蔬菜、木耳、魚腐及雞肉, 而湯底則可選清雞湯(另有麻辣湯及酸辣湯選擇), 幾清甜. 另一特色是砵仔菜, 包括三巴丈雲耳蒸滑雞、蒸肉排、蛤蜊蒸蛋, 蒸蛋非常滑溜, 超正!! Carving station有烤西冷牛扒, 肉嫩也~ 凍海鮮都是自助餐迷的焦點, 不需擔心, MoMo Café當然亦有鮮甜的蟹腳、生蝦、龍蝦、龍蝦鉗等. 吃完凍海鮮, 不妨試試燒物之中的燒龍蝦鉗, 同樣滋味. 前菜凍盤選擇大概有10款左右, 有我喜歡的華多夫

打從北區南下數起到沙田為止，具水準的酒店大概只得幾間，而位於石門的萬怡酒店，更曾經是電視劇的拍攝場地，空間感十足。近日餐廳推出「情繫香港地」主題，將部份港人喜歡的菜色送上。 海鮮陣容是越來越進步，一般酒店都是4至5款海鮮，家陣有7款選擇，算是不錯的了。波士頓龍蝦大部分都有蝦膏，食得過。而龍蝦鉗無須剝殼，好啱在下這種懶人。加上加拿大藍青口、法國黃金螺、加拿大蟹腳、泰國熟蝦及越南蜆，可以慢慢品嚐。 刺身有三文魚、八爪魚、鯛魚、希靈魚及鯖魚，是日腸胃有點不適，生冷食物還是少踫。 熱葷 薑蔥炒蟹選用花蟹及白蟹，體形適中，而且好入味，又不會佔胃納，值得一試。 金瑤肉碎清酒浸大蜆蜆肉幼嫩無砂，淡淡酒香及肉碎湯，令蜆肉更鮮甜。 蝦乾蘿蔔浸魚腐其實當中蘿蔔清甜入味又無渣，真係好正，有點喧賓奪主的感覺。 上湯菜膽浸珊瑚蚌最愛用珊瑚蚌打邊爐，因為真係好爽口。 即煮艇仔粥，粥底係廣東開花粥，可以加配蝦仁、豬皮及魷魚。 食得粥，最啱配肉絲炒米粉，濕濕地，但又不過份，還是可以的。 香煎海鮮韮菜薄撐微脆口感幾香口，比預期中好味。 另外，仲有印式牛油雞、清蒸龍躉、什錦海鮮金寶及西梅豬柳卷配砵酒蜜糖汁