Monsoon (已結業)

high tea要high，都係三層啦！越式high tea其實都係第一次。一入到去，見一大班外國...似印巴藉之類有錢人係到玩緊....加埋裝修，好似少少去左外國咁眼見，就好吸引，軟殼蟹米紙卷，正常，因為無汁醬點，雖然夠味，但感覺好似差少少，而香茅雞肉包，個雞炸左仲juicy嘅，而最出色就係個慢煮豬腩肉，因為唔食牛，個牛肋骨轉埋係慢煮豬腩肉，好入味，甜中帶豬肉味，慢煮一定夠林又夠滑，仲要有D脆口，無轉錯鮮蝦雞肉球，蝦夠新鮮，又係好味之選。香煎帶子配酸辣汁就一般，個汁好味，唔辣。而蛋糕就唔係佢list出黎嘅款式，其實都唔知食左乜，徐左熱情果芝士蛋糕，其實都唔知，應該合棑蛋糕，朱古力cheese cake...總的而言好味，甜左少少，但可接受。香芒蜜桃綠茶，同香芒木瓜蜜水果綠茶，，佢一樽咁沖唔係一杯，又唔係一個壺用火熱住，龯fresh嘅，香芒蜜桃個茶味感覺香甜D，木瓜款就再清淡D， 二百零蚊加一，一個high tea小小地2個人食，可以令你有度假feel，都值得一試。

呢間餐廳bookmark咗好耐想試。本來想跟朋友慶祝生日，當天打電話跟職員聯絡了，說要在甜品碟上寫上happy birthday，那個女的說沒問題，我問佢使唔使寫低個名先，佢先話可以幫我寫。我有問到時洗唔洗講同侍應講多次，佢話mark低咗，唔洗㗎啦。去到坐低食一直都冇咩問題，食到一半想加單，個男嘅講廣東話嘅聽到我哋話加一碗白飯，都未聽埋我哋要加咩其他餸，就好急咁走左，好似我哋喺度曬佢時間咁。然後我哋搵另一個外國侍應幫我哋加單。嗰個白飯遲遲都未上，我地就問返個男侍應，佢話乜我地唔係取消咗咩？真係不解，我地完全冇講過。最後上甜品，冇寫happy birthday俾我。我就出去問嗰個女侍應（短頭髮，講廣東話）佢仲要大大聲話我話冇同侍應講。我話係你係電話同我講唔需要同侍應講，佢就話因為都唔知我坐邊張檯。下？你帶我地入座，你mark低咗係簿點會唔知，但係當時我地企近門口講，佢怕比其他食客聽到所以話等陣處理，結果我地等咗半個鐘佢都冇處理到，我地又趕時間所以就走左。呢間餐廳係得外國嘅侍應好，全部好nice，落單又會推介下食物。相反講廣東話個兩個態度極度差，真係好嬲😡食物不過不失，冇特別但係冇下一次！

黎到 Elements 嘆個 high tea💃東南亞菜嘅三層下午茶兩層鹹點 一層甜點🥰鹹點睇落好似特別D 味道就正常啦😊甜甜地嘅豬腩肉 帶子 香茅雞肉包 都唔錯😋有D失望係個軟殼蟹嘅米紙卷 比較乾 同埋牛肋骨無牛味😢甜品就同餐牌上寫嘅完全唔同 但職員無提前通知🤨D蛋糕有D似出面買咁🤔 普遍都係偏甜最有驚喜係個moouse cake😚有花生脆脆餅地🥜配奶茶moouse 加埋朱古力淋面一開始花生醬味較為突出 慢慢就會食到有少少茶味☕ 幾特別😍整體黎講 都算抵食🤗

-⧫HAPPY BIRTHDAY TO ME;)生日飯系列⧫-好姊妹來約下午茶 那就Happy Friday選址九龍站Elements的一間泰國餐廳天花掛滿籐織物吊燈 裝修別緻有氣氛 味道不錯價錢合理 難怪平日幾乎滿座-⧫⧫ ᴍᴏɴsᴏᴏɴ ʜɪɢʜ ᴛᴇᴀ ⧫⧫ $𝟸𝟺𝟾 / 𝟸 ᴘᴇʀsᴏɴ-下午茶以烏籠三層架上檯 配自家茶品雖不算非常精緻但打卡都靚 咸點較多 我們兩個一向偏重口味 覺得好啱胃口-⧫ sᴀᴠᴏᴜʀʏ 𝟷sᴛ ⧫·軟殼蟹米紙卷· ·香煎帶子配酸辣蘸汁··鮮蝦雞肉球配煙燻辣味蛋黃醬·軟殼蟹較細也不太脆 朋友說該給個醬 最喜歡帶子 非常軟嫩配上酸辣汁好味蝦肉球頗彈牙 也很香口惹味整體不錯-⧫ sᴀᴠᴏᴜʀʏ 𝟸ɴᴅ ⧫·慢煮豬腩肉· ·香茅雞肉包··印尼辣味牛肋骨·個人最愛豬腩肉 肉質軟淋油脂香豐腴雞肉包以法包作底配搭生菜 很有口感牛肋骨相對失色 質地頗柴且味道單調-⧫ sᴡᴇᴇᴛ ⧫·熱情果芝士蛋糕· ·朱古力花生醬蛋糕··牛油蛋糕· ·朱古力布朗尼·最欣賞朱古力的花生醬餅底 香脆濃郁熱情果蛋糕很清新 牛油蛋糕頗有蛋香布朗尼偏乾 如換上泰式糕點會更匹配-⧫ ᴅʀɪɴᴋs

晏晝去到圓方，餐廳都唔係好多人，揀左呢個環境唔錯嘅泰國餐廳，睇左lunch set唔太啱食，所以都揀左啲散叫～.Lunch set- 金不奐肉碎煎蛋飯個set好有特色，好似舊式飯盒咁，一個個拆開左.散叫 pad Thai 不過不失，好似落得太多泰式辣醬，咸到食要送飯食，蝦係幾爽嘅，不過真係太咸.散叫 牛肉沙律唔推薦大家叫，牛肉好鞋，唔太好食，或者呢啲就係泰式風味.甜品 芒果糯米飯呢個超級驚喜，係午餐加錢嘅甜品，估唔到都幾大份，個樣好靚，芒果都好甜，雪糕好重奶味，真係好好味

香港的下午茶文化，開始沒有一開熾熱，WAIK IN 也不再怕沒有位置，今天跟友人相約圓方逛逛，來到極具南亞風情的「Monsoon」，來一嘗下午茶套餐。餐廳設計開揚，天花用上南亞風情的傘子作為佈置，以開放式設計伸延空間美學，令人顧客置身在休閒的環境之中。跟友人點了HIGH TEA SET，以半圓鳥籠作為架子，咸點占了三分之二，甜點則占了三分之一，除了適合女仕享用，比例上也非常適合不愛甜點的男仕。咸點推介：軟殻蟹米紙卷、香煎帶子配酸辣蘸汁，甜點各款都在合格線，不會過份死甜。最後奉上兩杯餐茶，均點了香芒木瓜蜜糖水果茶，用了小壺盛載，配以茶包，有點小失望。

呢間餐廳門口帶位女侍應嘅待客態度，令我不得不寫一個劣評。第一次去食：2021年6月30日晚上8點半由於Elements其他餐廳都已經截單，路過見到呢間餐廳就走去問下。一開始都喺門口等左一陣先有侍應（女，男仔頭短髮，講廣東話本地人）接待，然後佢話仲未last order咁就入去食，我地2大人一架bb車。首先呢位門口女侍應態度係高傲嘅，明顯唔太願接walk-in客。我地問佢可唔可以坐玻璃門半餐廳室外位置，因為有bb車唔想入餐廳阻住其他食客，佢堅持要我地先兜入餐廳再穿返出去玻璃門嘅位置（當時我地已經量晒體溫登記晒進入餐廳資料）,呢下我覺得好多餘。Order食物，反而外國人侍應態度十分之nice, 仲有提醒我地個食物份量。食物係好味嘅。呢個炒牛河係我暫時最滿意！！我地仲叫左炒貴刁，串燒，呢2個都好食，另外軟殼蟹米卷就差啲啲，個炸軟殼蟹唔脆。第二次：2021年7月17日晚上7點左右，今次4大人一架bb車又見到門口女侍應（同一人！！）, 又係一副睇人唔起嘅樣，問佢有無位，搞左一陣個樣好難為咁答我地好多都book左位個場好full. 之後好似施捨我地咁安排左2張方型枱（有透明膠板）（當時餐廳只坐左3

15/7/2021 星期四，放假，去圓方shopping ，行經 Monsoon，見到好多人排隊等位，好奇心驅使之下，行埋去睇睇！原來係 Afternoon Tea時段，見到個menu都幾吸引，而且價錢都好抵。好少食 tea set 的我，今次都嘗試下雀籠內的食物😊又確係唔錯喎，啱喜歡小食的我，款式多，小小的一件，有咸有甜，而且都好食，最好的是價錢合理👍🏻值得encore!

在圓方這間東南亞餐廳吃了一頓下午茶餐，三層架食物配飲品，價錢相宜，坐得 舒適，只是服務的質素和服務水準有待提高。當天到達餐廳門外，看了餐牌有下午茶供應，決定在這裡吃。接待處沒有待應招呼你，見一位待應看到我們也視而不見，後來有另一位待應經過才接待我們安排座位。目標是下午茶套餐，所以很快落單等吃。先上飲品，用暖水壺裝有自家品牌的茶包，香芒木瓜蜜糖水果茶，附有一小杯蜜糖水自己加入茶內，茶色較深，另一款是香芒蜜桃綠茶，茶色較淡。我們選的飲品都有香芒成份，但聞起來全部都有桃味，陣陣果香充滿味蕾，不濃烈，讓人感到很舒服。問待應飲完一壺可否加添滾水在壺內，待應冷冷的拋出一句，可加一次囉。所以有兩壺份量享有，每壺大概有一杯半，足夠一頓下午茶飲用。鳥籠狀的三層架上檯，上面兩層是鹹點，下面一層是甜點。我們就從上層開始吃起。第一層：香煎帶子配酸辣蘸汁，用黑色長柄匙子盛載，賣相很酷，白色帶子放在其上，帶子面層鋪滿香草，帶子鮮甜彈牙，酸辣汁増進食慾。軟殼蟹米紙卷，米紙厚度一般，包著軟殼蟹和一些蔬菜，軟殼蟹沒有炸到硬身，反而有點軟綿，米卷沒有醬汁可蘸，感覺上有點乾，味道偏淡。鮮蝦雞肉球配煙燻辣味蛋黃醬，整個雞球做

行到黎圓方呢啲高級商場，我地呢啲貧窮線上班族到底可以有咩選擇？聽聞圓方有一間餐廳嘅下午茶相當抵食，不但止餐廳環境優美，仲可以滿足港女同三層架high tea 打卡嘅願望✨✨ Monsoon主打新派東南亞菜，餐廳裝飾以籐為主題🧺，令人有種置身於泰國度假的悠閑感覺。地方闊落，枱與枱之間都有適當距離，坐得幾舒服。———————————————————————HIGH TEA ($248/2 +10% ｜15:00 - 17:30 Daily)Tea set 中包括6款鹹點、4款甜品、2款熱茶/咖啡（可另加$38有酒類飲品）款式尚算多，整體味道不俗，呢個Tea set與傳統英式下午茶相反，最高層由鹹點開始，最低先係甜品今次我地由最高嘅食物開始食，甜品都係留返最後食😋🫖飲品：🔸香芒蜜桃綠茶、🔸香芒木瓜蜜糖水果茶讚一讚茶係以保溫瓶放置，可以keep住溫暖👍🏻一瓶大概可以斟到一杯多少少只可惜茶包茶味唔夠香濃，所謂水果茶都只係好淡嘅芒果味，兩款茶味道極爲相似。🍽️食物方面，整體賣相精緻，擺碟亦都好有心思，相當適合打卡！✨第一碟佳麗 - 鹹點🔸軟殼蟹米紙卷：裏面好多生菜，軟殼蟹好細，細到唔係好feel到有

一坐低已經送咗幾塊蝦片俾你當小食食住先軟殼蟹米紙卷一碟有六舊軟殼蟹細咗啲唔係好食到軟殼蟹嘅味道但係一舊算幾大嘅 可能係因為啲菜好大塊唔少得金邊粉嘅出現金邊粉份量比想像中多而且蝦都俾得多但略嫌唔夠鑊氣蒜蓉辣椒通菜平時食泰式炒菜好怕好鹹但呢個唔會好鹹味道啱啱好通菜唔會炒到好霉 都仲爽脆但係蒜蓉味就唔係好出沙嗲拼盤有雞 牛 羊 好似🤔燒得啱啱好唔會話好乾 都仲有少少肉汁反而佢個沙嗲醬幾好食唔會死鹹但係好香香料味另外仲叫咗瑪莎曼咖哩牛啲牛已經煮到淋晒一叉就散好入味加埋蒜蓉包非常正但個蒜蓉包無乜蒜蓉味想問佢唔夠蒜蓉整定係點仲叫咗個芒果糯米飯同朱古力撻我覺得可以唔使試但可以值得關注嘅就係餐廳服務好好問佢哋可唔可以幫手寫啲生日牌係個甜品上面佢哋都會用朱古力寫Happy birthday等等嘅字眼同埋都會連埋甜品一齊做靚個presentation另外都問過cake charge係要$250

雖然主打越南和泰國菜，但路線偏向西化。換句話說，味道就不太正宗；但偏偏就可以在此多外國人消費的商場生存。食物賣相不過不失，配菜也算新鮮。口感清新，如果軟殼蟹再香脆一點，配汁能提升整體味道；便可多一粒星。蒜蓉不太多，味道剛好，麵包外層又夠香脆。羊排香脆帶一點羶味，番石榴汁又甜中帶點酸；非常美味可口。柚子很多，辣道為小辣。如果多加一點紫洋蔥，賣相和口感也可昇華。望著這蝦片，有泰國船麵的感覺。雖然不是剛炸起，但仍很脆。除了豬肉比較老了點，雞肉和羊肉也算嫩。不沙爹醬就一點也不出色，反而酸瓜就夠酸。

本來打算去Mango Tree Walk-in high tea, 2:50pm去到拎飛3:10pm跳大掣,修理左10分鐘之後服務員話只招待Booking客戶,派咗兩張平日先可以用消費滿$300減$100嘅coupon，3:30pm無辦法唯有搵其他嘢食無意中見到呢間Monsoon,第一次食感覺到幾好首先佢唔需要排隊,食物都幾好食,鹹點比甜點多呢個我最滿意，服務態度都幾好。如果叫嘢飲仲有保溫瓶裝住，同埋茶杯另上。凍飲略嫌冰塊比較多🤨佢哋枝飲管唔知用咩物料做，飲飲下爛咗...問佢再拎多支佢嗰陣時冇講明要收1蚊，到就埋單張單寫住一蚊係飲管費用🤪

主打東南亞多元化美食嘅餐廳 Afternoon tea set 2位$248+10%有6款咸點+4款甜點👏🏻氣氛幾好 坐得舒服 食物有特色 味道中規中矩😋 shopping行到攰 想坐低休息下 食下野或者再飲杯嘢傾陣計 呢度靜靜地係一個唔錯嘅選擇☺️佢個Tea set係有一杯果茶或咖啡 另外亦都可以多加$38有一杯汽泡酒 我哋就加多咗兩杯🥂黎一round happy hour先香煎帶子配酸辣椒汁 帶子鮮味 味道幾好香茅雞肉包 味道普通 不過夠大件慢煮豬腩肉🐷味道幾好 如果再Juice啲更好熱情果芝士蛋糕🍰有驚喜芝士味濃 口感非常香滑氣泡朱古力上層似朱古力慕絲口感 入口好滑 味道唔會太甜👍🏻

疫情關係，彈性上班時間，有得放早，所以同honey放工之後去elements 食個下午茶!估唔到東南亞Cafe都有三層架Tea set！🥰可以電話預約，我而且有啲位開放式近門口，感覺好悠閒！另外下午茶有鹹點同埋甜點，男士們會接受多啲鹹點嘅食物，兩層鹹點一層甜點，女仔都覺得OK ！要推介係杯飲品係用保溫杯裝住，非常貼心！而且可以refill熱水,基本上都可以飲到四杯茶😋!甜品唔會太甜，有酸酸甜甜嘅芒果同埋士多啤梨，又有啲甜甜地嘅朱古力！又有下午茶不能缺少嘅時scone!食咗真係大滿足！其實第一層仲有帶子同埋蝦，因為太肚餓所以唔記得咗影獨立照😂