Monster Kitchen

營業中

休息中

同朋友慶祝生日指定餐廳👍🏻令我回頭左好多次既主要原因係佢地餐牌會不定期有新花款，無論主菜定係小食都有新鮮感既配搭，又會有唔同既Today special同甜品，唔似普通cafe幾年都唔換menu，來來去去都係卡邦意粉同All day breakfast個d咁悶，btw之前食左咁多次都無寫過食評，今次轉咗新Menu真係要讚一讚身為一個開心果+奶蓋控推薦大家必試開心果奶蓋雪糕蜜糖厚多士同開心果奶蓋白桃烏龍

Monster Kitchen位於荔枝角，都近地鐵站，環境舒服悠閑，有室外坐位。 青醬焗牛骨髓法包多士 $58金黃酥脆的法包多士散發著誘人的香氣，牛骨髓的鮮嫩與青醬的清新完美融合，同麵包一齊食好夾。海膽蟹肉明太子意粉   $118明太子醬汁濃郁，海膽鮮甜，意粉掛上鹹香嘅明太子醬汁，唔錯。 卡邦尼燒烤菇烏冬 $98烏冬煙韌掛汁，醬汁creamy，味道調得剛好。開心果奶蓋白桃烏龍茶 $42開心果奶蓋很厚，開心果味濃郁，茶香和奶蓋的濃郁口感完美融合，開心果的香氣在口中綻放，為這杯烏龍茶增添了獨特嘅風味。芒果千層蛋糕Oreo雪糕  $38蛋糕柔軟，口感creamy。搭配上冰凍嘅Oreo雪糕，滿足。

其實佢剛開業時有試過lunch太耐無嚟有日朋友話想食西餐就提議嚟呢度因為之前有買過food monster凍肉嘅關係所以認識佢地亦都因為呢個原因對佢地出品嘅食物品質特別有信心尤其係牛肉同朋友點左澳洲m3和牛肉眼扒同燒烤菇及黑松露卡邦尼粗管通粉（自家製煙燻腩肉）飲品方面就揀左strawberry mojito 同 strawberry latte首先澳洲m3和牛叫左medium上枱時見到個色澤就知剛剛好配埋佢個法式忌廉胡椒醬已經聞到陣陣香味薯條係我鐘意嘅粗薯條食落好有薯仔味m3和牛食落去好有牛味Medium做到剛好夠淋身但又唔會好似日本和牛太過油佢地個醬汁做左畫龍點睛嘅效果胡椒醬同牛肉好配佢嘅沙律配菜竟然令我有驚喜呢間火箭菜一d苦味都無平時我鐘意火箭菜嘅香味但食得多會覺得苦所以一定要夾其他沙律菜呢度係一d苦味都無新鮮好味黑松露卡邦尼粗管通粉（自家製煙燻腩肉）粗管粉唔係好多地方有得食佢嘅質地比較煙韌掛上佢地嘅黑松露卡邦尼汁好好食陣陣黑松露味你每食一口都感受到自家製煙燻腩肉味道剛好唔會好似出面煙肉過咸佢粗切令到佢食落都比較有咬口朋友嘅strawberry mojito佢話好fresh飲落唔係

朋友喺荔枝角收工😀佢帶咗我黎食呢Monster kitchen 🤩🤩😜餐廳環境好靚😜服務態度好好🤪值得一讚👍👏～M5慢煮和牛板腱🥰好耐冇食到咁正嘅澳洲和牛🥰接近入口即溶🤩仲要好有肉味😀五成熟真係啱啱好🤭🤭薯條沙律都非常高質☺️蔬菜新鮮😜薯條香脆可口👍🥳～海膽蟹肉明太子意粉☺️意粉爽口彈牙🤩估唔到同海膽蟹肉明太子係絕配到咁🤭🤭食到我同朋友都停唔到口啊🥰🤪～Mango Latte😜好重芒果味😜亦都好重奶味🤭☺️原來呢度嘢飲都咁高質🥳🥳總體嚟講 呢度環境靚 🤩嘢食高質 🥰最啱帶friend過嚟chill下🥳

14/1/2024📍Monster Kitchen呢間係荔枝角嘅一間工廈入面可以係社交平台Inbox book 位 回覆都好快本身見到人介紹話份量好大 就諗住啱曬我地2個去食不過就其實無想像中咁多 只可以話適中但係食物都幾高質😋✨燒烤菇及黑松露卡邦尼粗管意粉·自家制煙熏腩肉 ($108)卡邦尼汁好香 菇味好重 幾惹味 不過可以再杰少少粗管意粉好有咬口 👍🏻而且相當掛汁 啡菇係厚切 食落有口感 好滿足煙肉都係好大塊 好香口 但略嫌太咸✨澳洲m5和牛板腱扒·脆炸薯條·阿根廷青醬 ($188)牛扒係rare to medium rare 賣相都幾吸引 牛扒嫩滑juicy唔會老 咬得爛同青醬嘅搭配balance 唔會掩蓋左牛肉味配菜係帶皮薯條 唔算好脆不過可以接受✨開心果奶蓋·白桃烏龍 ($58)奶蓋唔係好順滑 一舊一舊咁❤️好甜好重開心果味 上面仲有開心果碎白桃烏龍係無糖嘅 配埋奶蓋飲就好夾可惜佢係用玻璃杯裝 好難一齊飲到如果用膠杯同埋飲奶蓋用開口就會比較好———————————————————————我哋兩個人晚餐食咗$389 (有收加一 見到有人話無收加一 可能係午餐同晚餐唔同?)推薦指

Monster Kitchen @MonsterKitchen_hk..系自己studio附近 partner帶我去食～個牛 好得呀！！🤤開心果特飲 好好味😋.✨八爪魚牛油果沙律 $88清新 菜好鮮 沙律汁作為前菜 好開胃.✨蕃茄醬牛肉芝士燉飯 $118燉飯吾錯 好濕 濕得黎飯都會一粒粒蕃茄味夾芝士吾錯 吾會好流.✨明太子蟹肉牛油果意粉 $118好食 明太子蟹肉份量多 意粉好食.✨加拿大豬胺 $188正常 軟林薯蓉 真系好蓉 幾特別 好食既.✨M5和牛板腱 慢煮 5成熟 $188 👍🏻👍🏻👍🏻阿根廷青醬 好夾牛 牛肉好淋 好香！薯條 超脆 吾系好油脂果種 系真脆！✨飲品-開心果奶蓋白桃烏龍茶 大 $58-朋友果杯都好靚 忘了名字.4人共消費 $950 .238@人..味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5.💫 #MonsterKitchen#荔枝角 #青山道 #嘉名工廠大廈. .#米吃 #米喝 #香港探店 #健身人士飲食 #管理體重 #飽住瘦 #蛋白質 #健康餐 #foodiehk #跟米吃出瘦身材 #kukeepfiteati

去荔枝角食monster kitchen裡面環境唔錯，有露天嘅位可以座仲有遷秋可以打卡咁嘅天氣同朋友坐出面傾下計幾舒服入面嘅位都坐得唔逼，仲有張大枱坐到6個人我叫咗大啡菇卡邦尼粗管通粉 同埋 m5和牛大啡菇好食，通粉唔淋，汁可以掛到不過冇乜香味，冇黑松露嘅味亦都唔夠creamy牛肉冇乜牛味，不過澳洲牛不嬲都係偏淡味配青醬幾好，肉質嫩滑薯條就比較弱雞，偏幼又多邊皮tiramisu 就唔得喇，啲手指餅好乾又硬你可以見到入面係白色完全冇浸過㗎啡同酒咁，一啲味都冇

百幾蚊一碟意粉，細碟到女仔都嫌少，真係2啖可以食晒，一般人可能食3碟先飽。lunch唔包野飲，叫一杯五十幾蚊，又唔係特別好飲。工廠大廈入面，難揾，價錢卻一點也不便宜。食物味道還可以，最大賣點可能是個露台。應該不會再去。

又是一間bookmark很久的餐廳！今次趁住同朋友慶祝生日時去食了佢地位於工廈樓上鋪位，仲要內有乾坤仲有個露天座位可以坐 ( 雖然坐坐下落雨少狼藉，十二月喎😒 )整體食物味道也不錯！不過如果last order講聲就我地無咁失禮啦> <༝༚ 澳洲m5和牛板腱扒 ᴴᴷᴰ 188 配上阿根廷青醬，每塊都牛味十足，而且肉質嫰滑༝༚ 21日乾式熟成西冷排 ᴴᴷᴰ 238 屬於當日的chef special menu，牛扒雖然選擇五成但似五成，食落會比較乾身༝༚ 海膽汁米型意粉 ᴴᴷᴰ 198推介！雖然成道菜式都算貴，但係帶子有三粒而且海膽汁都幾入味，配埋魚籽嚟食都幾夾༝༚ 雪糕班㦸 ᴴᴷᴰ 42不過甜品選擇就真係好少，而且唔睇得又唔係好食得

利申先，本人係芫荽控。既然呢間餐廳有芫茜西醬意粉，當然要試下。老實講青醬意粉一向伏多，但呢個暫時係我食過嘅可以稱得上好食。對芫荽控黎講，陣芫荽味無想像中咁重，而係十分之溫和嗰種，同吞拿魚蓉都夾，不過建議啲魚蓉唔好撈得太均，始終個醬味係重過啲魚蓉。澳洲 M3 和牛肉眼扒做到外脆內軟，牛味唔錯，但要自己加鹽先再好味啲，法國胡椒醬就無咩特別。其實應該唔好切埋先上，由客人自己切會更加好，因為碎上就會令牛扒好快凍。伴菜係火箭菜，讚。薯條就係普通嗰啲。前菜叫左酥炸魷魚鬚面辣芒果醬。食得辣嘅應該會覺得個醬好食嘅，因為真係幾辣。魷魚鬚本身都好味嘅，不過其實屬於脆炸偏硬，唔係酥炸。而且仲遲過主菜到。野飲叫左一杯 strawberry latte，麻麻，就係士多啤梨醬+奶+忌廉+冰，好淡。諗住最尾叫 tiramisu，點知賣晒⋯ 所以叫左熱香餅加雪糕，又唔錯喎，有 nuts 碎幾加分。有機會會再幫襯試吓其他野食野飲。

荔枝角區近年有很多特色小店進駐在此區，其中之一就是這間，除了有室內還有室外可以帶埋寵物一起來吃過飯Chill 吓！餐廳會不定期推出新產品，Today Special 飲品有幾款而我們點了以下兩款飲品～～～開心果奶蓋白桃烏龍茶🍵超香濃的開心果奶蓋放滿開心果碎，味道香甜濃郁配以白桃烏龍味道很搭配，淡淡白桃伴開心果奶蓋口感好清新，也不會過甜很好味。芭樂烏龍Soda🍹很少地方有芭樂做的飲品，店員遞上時很貼心說攪拌均勻才飲用，這款顏色很鮮艷漂亮，由白色和紅色層次拌勻後變成淡淡粉紅色很吸睛，味道很清新喝下很開胃。澳洲m5和牛板腱扒•脆炸薯條•阿根廷青醬🥩粗薯條炸得夠乾身內裡綿綿的，而澳洲m5和牛板腱扒煎得外皮香脆，內裡肉質仍是嫩滑呈現粉紅色，牛板腱肉味香濃配以阿根廷青醬，更加令牛肉層次分明。鐵鍋蕃茄醬牛肉芝士燉飯•溫泉蛋🍝這款熱辣辣蕃茄醬牛肉芝士燉飯好啱現在天氣時候吃的，店員送上時仍然滾著出晒煙，流心溫泉蛋好正拌勻芝士燉飯一起吃，好濃郁勁滋味，牛肉嫩嫩吃完這碟燉飯整個人都是暖暖的。

荔枝角地鐵站附近原來有咁多餐廳今晚同朋友放工之後又一齊去試吓🤟🏻✨番茄醬牛肉芝士燉飯 $118粒粒飯都夠軟夠香再加上濃郁嘅芝士同多汁嘅牛肉🍅 ✨青檸柚子雞翼 $68酸酸甜甜嘅柚子味道同青檸嘅清新配上Juicy嘅雞翼讓人食指大動🍗✨竹炭牛油焗田螺 $108啲田螺肉新鮮彈牙再加上竹炭牛油嘅獨特風味🐚✨Organic Earl Grey Tea $35啲Organic嘅茶葉帶有茉莉花嘅香氣又加埋咖啡因，提神又開胃☕ ✨Osmanthus Oolong Tea $35茶香四溢仲帶有淡淡嘅桂花香氣飲落去清香甘甜好適合喺飯後飲番🍵環境方面，佢有戶外嘅座位，幾有feel但係戶外bar位嘅燈比較光亮所以有散光嘅朋友仔就要小心啦可以揀返戶內或者係戶外嘅其他位置🍽️🍴Monster Kitchen📍荔枝角青山道688-690號嘉名工廠大廈H座7樓📞37554931

「Monster Kitchen」設在交通方便又靜中帶旺的工廈七樓，用餐區可選擇戶內或戶外，戶內外都有舒適感，但發覺人客多楝戶外，也可能在深秋的清風送爽下，用餐也特別愜意！今夜的小食：酥炸魷魚鬚配香辣芒果醬~熱騰騰的魷魚鬚，肉軟酥香，蘸點兒醬汁吃；醬汁的香辣能開胃，同時又帶芒果果酸味道醬汁也可解膩，是很好的配搭！澳洲m5和牛板腱扒配阿根廷青醬、酥炸薯條~慢煑的牛板腱扒很嫩滑，保留著肉味香濃，蘸阿根廷青醬汁吃，它的用料是歐芹、橄欖油、鮮青檸汁、香菜和鹽調製，所以帶有濃濃的田園清新氣息。 味噌慢煮加拿大豬胺配幼滑薯蓉~非常厚肉的豬胺，肉質十分腍滑，跟幼滑薯蓉吃，味道很夾，薯蓉裏還有磨菇粒和BB椰菜頭，增加了咀嚼口感！點品：朱古力醬班戟配脆皮雪糕球~簡單的配搭，熟悉的味道，為晚餐劃上完美的句號！

今次來到工廈，因為有一個室外位置可以帶寵物一齊享用晚餐。甫入餐廳第一印象是文青藝術風格。戶外位置更加chill，還佈置了一些打咭位，晚上在這里用餐被輕鬆愉快的氛圍包圍，朋友聚舊或情侶慶祝都很適合。南瓜湯$12。價格吸引，而湯的口感非常順滑，南瓜的香味與奶油味融合更加美味。雖然份量不算特別多，但仍然對得住個價錢。澳洲M和牛板腱扒．脆炸薯條．阿根廷青酱$188。牛肉我們要求了7成熟，經烤製後切片上碟，吃起上來更加方便。薯條炸至金黃酥脆，搭配阿根廷青酱，帶來少少的酸甜口味，增添了整道菜的層次感。燒烤及黑松露卡邦尼粗管通粉．自家制煙燻腩肉$108。粗管通粉以燒烤風味和黑松露的香氣為特色，通粉質地彈牙，黑松露的味道與煙燻腩肉的鹹香完美結合，令人回味無窮，絕對值得一試。芝麻青檸柚子脆炸雞翼$68。這碟雞翼一共有六隻，嫩滑多汁。搭配芝麻、青檸和柚子的風味，酸酸甜甜的帶來了清新感更加吸引人食慾。Mocha$48。咖啡的濃郁香氣和巧克力的香甜味道完美融合，拉花一絲不苟，是一杯令人愉悅的飲品。為晚餐帶來完美的句號。總體而言，整體出品還是相當不錯的。秋冬天氣坐室外更加chill更加舒服。同場還有寵物一齊用餐

Monster Kitchen 在荔枝角工厦七樓，網上口碑不錯，今晚特來嚐嚐新口味。餐廳在七樓，離地鐵出口只有幾分鐘路程，也算方便。餐廳裝修簡約，有户外部份，而且歡迎帶狗狗。可惜今晚比較大風，否則坐在裝有燈飾的露天餐枱，很是浪漫。“味噌慢煮加拿大豬鞍”$188，配芥末籽青蘋果雜菜、幼滑薯蓉。豬鞍厚切大大份，肉質爽滑兼有肉味，口感非常好。配菜的薯蓉更值得一讚，口感幼滑之餘，又有一陣清新的果香，十分惹味。“自家製芫荽青醬意粉”118，配藍旗吞拿魚蓉、烘松子仁。芫荽青醬味道可口宜人，配合爽口彈牙的意粉，吞拿魚魚蓉的鮮味，烘香的松子仁，口感非常豐富。“朱古力布朗尼”$68，上面是雪糕球，下面是暖暖的濃朱古力布朗尼，軟滑蛋糕中有碎果仁，也是一道不可多得的甜品。“南瓜湯”$12，南瓜濃湯，有自家風味。這裏的食物果然美味，令人喜出望外。下次和朋友帶上毛孩一起來到空中花園。