Monster Sushi (已結業)

星期一晚飯 i-square 冇乜人, 想食日本野入左 Monstor Sushi. 唔洗等位.坐回轉枱一開頭食左個帶子壽司, $26 蚊一碟, 帶子都大同新鮮, 不過o的飯就唔得啦, 冇醋味, 又死死實. 仲有o的鼓油同 wasabe 都冇味. 因為o的飯同鼓油唔得, 好似食乜都唔好食咁. 全晚最冇問題就係啤酒, 收$36蚊, 但係都冇冰杯.食左幾碟, 都未食飽就走人. 冇為辛苦自己.食得太辛苦, 登記 account 都要貼上 openrice

我變, 我變, 我變變變.....尖沙咀前凱悅酒店變身為今日iSQUARE國際廣場, 有好多食店可以選擇, 不過我咁鍾意食日本菜,當然第一時間去試吓呢間日本餐廳啦!呢間新落成嘅餐廳, 樓底好高, 空間好寬敞, 設計時尚, 用黑色同金色做主打, 環境好舒適!嘩! 一睇個MENU, 裡面好多選擇喎, 兩個人ORDER到停唔到手! 三文魚壽司, 帶子壽司, 左口魚裙邊壽司 ~ 魚生好厚好鮮甜 赤貝刺身 ~ 冰鎮上碟, 好新鮮 松葉蟹玉子蛋 ~ 一咬落口, 蟹肉同玉子蛋d汁浸出嚟, 好甜喎! 豆紙軟殼蟹卷 ~ 豆紙食落口很特別, 配合軟殼蟹, 好有口感! 炸雞軟骨 ~ 新鮮炸起脆卜卜, 炸粉恰到好處! 清酒煮蜆 ~ d蜆雖然比較細隻, 但係冇沙, 用清酒配合一齊煮, 好入味! 香葱豚肉拉麵 ~ 拉麵尚算ok, 豚肉炆得好焾!總括嚟講, 一間喺尖沙咀新開張嘅日本餐廳, 價錢公道, 食物質素唔差, 坐得舒服, 真係唔錯架喇! 以後喺尖沙咀又可以多一個地方落腳喇......

去ISquare(第1次去)1層1層咁行就行到食野既地方喇~行左好多間~最終都係揀第1間睇到既一入去就會問"坐order枱定迴轉枱?"拍拖的我們緊係揀order枱喇~地方好大, 樓底好高成間都係黑色 X 金色第1次見咁大個豉油碟呢個筷子套好好, 拔出黎個套可以放筷子今次又係遞上米茶打開MENU好多野都想試最終order左13款No. 1 三文魚x筍好爽好清甜, 我連下面既蘿蔔絲都食埋No. 2 三文魚, 未算最好No. 3 我最愛的希靈魚, 不過唔算最好No. 4 花之戀, 男朋友最愛, 芒果甜No. 5 墨魚x海膽x(唔記得左係咩), 墨魚好爽口!!一流!!No. 6 Monster Sushi 其實係帶子好大顆, 不過咬落好膩, 1件2個人食都得~No. 7 和牛x蕃茄x(唔記得左係咩), 第1個味係蕃茄, then和牛入口即溶!!!GOOD!!!!No. 8 拖羅壽司, 唔燒好味dNo. 9 唔記得 >o<No. 10 什錦魚生軍艦No. 11 辣味三文魚軍艦 (辣味適中)No. 12 魚子軍艦 (我係唔會試架~)No. 13 鮭之寶箱 好大件, 我要分開2份食總

新開業的 Monster Sushi，打正旗號是全港唯一正宗江戶前壽司，且因明星效應，聞說旺角店長期打蛇餅呢！想在賞燈飾前醫肚，新奇發現新開業的i-square中的新生小怪獸，縱使天寒地凍，為體貼愛吃壽司的孖芝夫人，孖芝老公還是當仁不讓，去也！店內很寬敞，人流不多，可即時入座。設計應該跟旺角店異曲同工，時尚的吊飾設計，偏高的天花，空間感不錯，環境舒適~Menu 設計精美，色彩鮮明，眼睛先嚐甜頭，引發食指大動~壽司賣相精美，味道跟款式皆與傳統壽司稍稍不同…三文魚︰果真是怪獸身形~ 很厚肉，也新鮮，沒有將貨就價，抵食之選！蝦膏軍艦︰清甜，不過蝦膏味不濃蟹膏軍艦︰很濃香的蟹膏味！愛蟹人士之選海膽軍艦︰鮮味，質地比一殷實身，有口感~海膽甜蝦︰新鮮，不過未見出色帶子刺身︰冰鎮呈上，感覺非常鮮甜味美~帶子壽司︰同是怪獸身形，以一般帆立貝來說，屬很厚身了~ 新吃法，預先塗了汁料，不過，好像遮蓋了點點鮮味...象拔蚌壽司︰鮮味爽口，切得比一般厚身啊炸雞軟骨︰wow~ 孖芝至愛！新鮮送上，微熱脆口，粉不會太厚，絕佳口感！雞翼串︰不會太乾身，味道ok蘆筍芝士牛肉串︰好味~ 蘆筍嫩，芝士香，牛肉鮮，不過一串