MOO MOO

營業中

休息中

之前已經聽朋友講過觀塘呢間burger今日終於一嚐成地個漢堡包舖頭冇set全部單點我地點左兩份薯條🍟兩個包同兩杯汽水組合成餐🤣見到有新登場包脆脆雞堡一於嗌個黎食$65價錢中上件雞果然如其名超脆！朋友就叫左經典之堡係牛肉漢堡🍔如果嫌連鎖店burger乾身嘅一定要試經典之堡！牛肉非常juicy!!😚咬開牛肉最中間仲係粉粉地色煎完牛味都好香薯條唔係特長特粗款有經過調味食落微微辣好食😋觀塘區想食burger會回訪

本地工場製作🥯美式漢堡包店🍔觀塘鴻圖中心嘅Food Court每到Lunch hour，人流絡繹不絕，見到吾少打工仔幫襯呢間漢堡包店「Moo Moo」！餐廳走美式風裝橫，推出多款不同口味的漢堡，當中麵包更是由本地工場新鮮製作，選用上乘的日本麵粉，不添加防腐劑❗️🍔 經典之堡揀左餐廳的招牌漢堡「Classic Moo」，麵包鬆軟帶有牛油香，由美國優質穀飼牛肉製成的漢堡扒好juicy，加上半溶化的美國車打芝士和生菜蕃茄，一啖咬落去口感一流，完美的搭配！🍔脆脆雞堡Moo Moo新推出的產品，推介👍🏻雞扒外皮香脆，內裡雞肉嫩滑，肉汁仲保持住💦中間夾有生菜和蕃茄平衡返油膩感，配以芥末蜜糖醬，帶出甜辣的風味🧅洋蔥圈熱騰騰新鮮炸起，洋蔥圈裹上一層薄薄的炸粉，外脆內甜，完全沒有生洋蔥的辛辣感

以前喺觀塘返工成日外賣自取返Office食，今日同朋友去海濱行吓，下午茶時間唔算太肚餓，一人一個包食完就行得！一段時間冇嚟過，佢哋多咗happy hour同小食，連漢堡包都有新味道，但包嘅質素依然咁高，漢堡包用佢哋自家製包底，牛肉漢堡油香juicy我食返我最愛嘅白菌之堡，白蘑菇好香好juicy，中和牛肉油膩感朋友揀咗脆脆雞堡同德洲之堡，前者就係新味道，生菜蕃茄新鮮多水但都冇整林個炸雞。後者有勁量煙肉，仲有洋蔥圈，口感一流又夠鹹香

🎀 ᴍᴏᴏ ᴍᴏᴏ✩‧₊脆脆雞堡($65)ʀᴀᴛɪɴɢ: 𝟽.𝟻/𝟷𝟶脆脆雞扒真的炸得超級香脆咬下去唰一聲夾着芝士、生菜、蕃茄配上芥末蜜糖醬幾厚身足料一來到店裏店員就推介真的無推介錯✩‧₊經典之選($60)（ 菠蘿+$8）ʀᴀᴛɪɴɢ: 𝟾/𝟷𝟶漢堡包有齊手打優質美國榖飼治牛肉新鮮生菜、蕃茄、芝士特製moo moo 醬汁牛肉夠Juicy 重點是吃到手打牛肉的粒粒質感另外加了片菠蘿味道甜甜酸酸夾着一起吃特別滋味✩‧₊薯條($25)ʀᴀᴛɪɴɢ: 𝟽.𝟻/𝟷𝟶薯條炸得香脆和朋友一口一口很快不自覺地就清光了✩‧₊草莓冰茶($28)ʀᴀᴛɪɴɢ: 𝟽/𝟷𝟶點了少甜不過草莓味不算很濃但整體很清爽✩‧₊ 汽水($12)ᴏᴠᴇʀᴀʟʟ味道ᴛᴀsᴛᴇ:💕💕💕 💕 𝟾/𝟷𝟶餐廳無收加一服務費

＊呢一站觀塘＊😋脆脆雞堡$65 （7.5/10）＊自家製脆脆雞扒，芝士，生菜，蕃茄，芥末蜜糖醬＊職員推薦！漢堡包皮好好味，外脆內軟，雞扒同配料味道正常，但配上芥末蜜糖醬，即刻將個包嘅味道升級咗，醬汁唔會搶咗其他配料味道，又唔會好膩😋正雞沙律$52 （8.5/10）＊雞肉，沙律菜，蕃茄片，粟米粒，麵包粒（選擇醬汁：*柚子醋*、千島醬、凱撒沙律醬）＊份量唔少，沙律菜好脆口，雞肉好滑，肉質一啲都唔柴＊配上柚子醋，好fresh，感覺好清新，唔會搶咗沙律菜嘅新鮮味道😋德州之堡$70 （7/10）＊新鮮手打優質美國穀飼牛肉，芝士，洋蔥圈，煙肉，B8Q汁＊牛肉份量又大件又厚，肉汁就偏少，但煎得好香＊呢個組合食落會偏乾，但配上BBQ汁，完全唔記得乾嘅感覺，醬汁會有包圍住全部配料啲口感😋芝士肉醬薯條$39 （7.5/10）＊一上枱外觀超吸引，上層係肉醬，中層係芝士，下層係薯條＊肉醬份量唔少，食到最後都仲有，剛剛好；芝士味道偏淡，唔會搶味道；薯條係偏軟身，本身落咗小小調味粉，加埋芝士肉醬味道不錯

一直好鍾意呢度嘅漢堡包🍔多汁香味十足只是小貴堂食全自助適合不想被人server嘅人希望keep住水準更加多人認識價錢現場來講係貴嘅lunch期待佢期待可以有更多的優惠

今日中午響觀塘巧明街，試咗Moo Moo的餐廳食午餐，覺得唔錯，性價比高值得推薦‼️ 餐廳地方唔算不大，但都坐得舒服，重設有室內同室外座位。❇️經典之堡🐮🍔🧀🥬漢堡麵包相當鬆軟，手工牛肉漢堡，肉質鮮嫩好Juicy，加埋豐富嘅材料，生菜、蕃茄，車打芝士、秘製醬汁，味道層次豐富，讓人一口接一口😋😋❇️脆脆雞堡🐔🍔🧀🥗雞扒都幾大塊，煎得外脆內軟，肉質嫩滑十分美味🤤👍再配埋新鮮沙律菜、芝士和番茄，健康好味又飽肚❣️❣️❇️芝士肉醬薯條🍟薯條幾有驚喜！薯條炸得金黃色，香脆可口，而且芝士肉醬份量好多，啖啖滋味😋

再訪觀塘手工漢堡包店😆多咗happy hour同snack menu🫨 今次食埋雞翼拼盤（$82）揀咗玫瑰蜜糖、咸蛋同柚子味，大大隻外脆內嫩勁多汁😚超級鍾意classic moo（$65）每日手打優質美國高質牛肉，牛肉味道超濃郁😍脆脆雞堡（$60）大大塊，雞肉超嫩滑😋 同上次一樣漢堡包烘得鬆脆，充滿牛油香味🧈車打芝士配搭得好好，唔會太咸🧀加埋新鮮蕃茄同生菜平衡返成個包唔會太油膩🍅呢個價錢真係好抵🥹超欣賞用甘蔗飲管，又環保又唔會好似紙飲管咁渣👍🏻#bei9sik觀塘 #手工漢堡 #🍔MOO MOO 觀塘巧明街94-96號鴻圖中心地下1A號舖

今日同同事去左好耐無食既MOO MOO食LUNCH，驚訝今日星期四都咁多人，堂食既話需要等一陣位。我地叫左兩個漢堡,洋蒽圈同薯條。因為堂食同外賣既人都多，出餐都等左一陣。我每次食MOO MOO一定會叫經典之堡，好中意經典之堡入面既MOO MOO汁，同牛肉真係好夾。牛肉一啲都唔乾仲好多汁，牛肉味濃，極推薦!見到餐廳出左新野脆脆雞堡，所以我地試試佢。我覺得係有驚喜，炸雞外面炸到好脆，但一啲都唔乾，仲有肉汁，配塔埋特別醬汁，好好味。我地仲叫左洋蒽圈同薯條，佢地個洋蒽圈真係好好食，炸到好香好脆，必點!

脆脆雞堡標榜自家製脆脆雞扒，食材新鮮炸雞炸得唔油膩，保留到雞肉嘅鮮嫩感，肉汁juicy，配埋芝士、生菜、番茄、芥末蜜糖醬配搭好清新。爆谷雞粒第二讚！粒粒香脆炸得唔乾唔油膩，樣樣剛剛好份量適中經典之堡麵包軟軟，同牛油烤得剛剛好用優質美國穀飼牛肉配有香濃美國車打芝士、生菜、番茄、秘製MOO MOO汁、蒜蓉Mayo 肉汁芝士薯條重磅芝士，基本上條條薯條都沾有芝士，好滋味整體環境ok, 有幅油畫牆，有少少位俾你打卡。

之前返工成日都去愛琴坊食，知佢出咗新menu，假日特登帶朋友嚟捧場～加埋沙律人均$100 🤤脆脆雞堡$65 vs 白菌之堡$65邊個好食啲？兩個堡都好大份，有齊芝士、生菜、蕃茄～新出嗰個口味好脆，朋友話炸雞雞調味啱啱好，抵食～我就食返牛堡，鍾意佢手打穀飼牛x白菌x松露mayo呢個咁juicy嘅組合 燒豬頸肉沙律$54 柚子醋燒豬頸肉食落好香嫩，配紅毛菜、粟米同面包粒超健康#觀塘美食 #觀塘lunch #炸雞堡 #手打牛肉漢堡

觀塘區番工嘅朋友仔，相信都聽過呢間美式手工漢堡店Moo Moo，雖然位於food court入面，但都有美式風格裝潢，有卡座及室內外座位。脆脆雞堡新出嘅脆脆雞堡有驚喜😋雞扒外酥裡嫰，配合芥末蜜糖醬，減輕油膩感。經典之堡選用日本麵粉製嘅麵包🥯相對腍身，牛肉肉味香濃。燒豬頸肉沙律（柚子醋）沙律🥗新鮮，有生菜、蕃茄、粟米及麵包粒。醬汁自由選擇，配柚子醋比較健康。豬頸肉好腍，份量多。芝士肉醬薯條食漢堡點少得薯粉條！芝士肉醬味道唔錯，薯條幼身。🛎️必試指數：8/10🔆

經典之堡-外軟內脆牛油烤烘麵包。他們的炒蘑菇，炒洋蔥，特別漢堡醬汁混合成的完美漢堡，滋味無窮。牛肉非常多汁，反正就是名副其實的新鮮手打美國穀飼牛肉。車打芝士也是地道的。滋味雞堡-深色雞肉非常多汁，入味，咬落去嘅時候外邊嘅黃金脆皮發出脆卜卜聲, 而且冒出煙來。配搭新鮮蕃茄蔬菜，同埋醬汁（第戒芥末？ ） 同芝士；絕對係無懈可擊嘅漢堡包。芝士肉醬薯條-肉醬加車打芝士同埋調味粉混合成嘅醬汁，再加埋新鮮炸嘅薯條好好味。最後連醬汁都冇剩。蘋果薄荷-顏色鮮艷綠色，飲落幾勁薄荷味。記得攪勻底部嘅糖漿，先好飲。總括：Moo Moo位置在觀塘工廠區，就像沙漠的綠洲一樣。可讓打工仔脫離繁囂同鬆弛一下。值得打卡嘅地方。食物唔太鹹，（薯條也是），食材味道自然彼此襯托。

觀塘MooMooBurger白菌雞漢堡🫶🏻這款漢堡選用新鮮雞肉，搭配特製的白菌醬和蔬菜，口感鮮美，令人回味無窮。一口咬下去，雞肉鮮嫩多汁，白菌醬的香味充斥口腔，令人陶醉。脆脆雞堡😀這款漢堡選用新鮮的炸雞排，外皮酥脆，內里鮮嫩。搭配特製的醬料和蔬菜，口感層次豐富，味道濃郁。無論是口感還是味道，都絕對能夠滿足你的味蕾。正雞沙律配柚子醋😃搭配雞肉和特製的柚子醋醬，口感清新爽口，酸甜適中。這道菜不僅美味可口，而且營養豐富，是一道非常健康的餐點。

🐔脆脆雞堡💰$65🍟芝士肉醬薯條💰$39🍑蜜桃冰茶💰$28⚡牛頭角社畜又過觀塘覓食🤣今次搵到間美式漢堡小店，嗌咗新品🐔脆脆雞堡，炸雞扒外層酥脆肉質嫩滑又juicy，配埋蜜糖芥末醬微辣得嚟滋味又過癮🤤而且包體經過牛油烘烤後依然好鬆軟，形狀依然好飽滿，非常值得稱讚👍🏻⚡🍟芝士肉醬薯條都幾大份，肉醬同芝士都香口，可惜直接淋係薯條到搞到霖晒😭如果可以醬另上就更好🙌⚡🍑蜜桃冰茶甜度剛好，下次會想試佢哋嘅奶昔～