MORE YOGURT

營業中

休息中

OMG 苿酸奶黎左香港！仲要開係銅鑼灣！平時想飲廢水又覺得吾健康，飲哩間就岩岩好！需家新開張，見到門口好多人排隊，不過好快就到我地，控制人流得好好！我點左個夏日當造既芒果乳酪奶昔！一定要叫走甜！因為水果既甜已經好香吾需要另外加甜仲健康d! 而且我好怕死甜，叫走甜一定無死！成個杯上面會有芒果係上面做裝飾，飲落去好fresh 好岩夏天，酸甜個質感好厚實又吾會好滯，真係岩岩好！飲住奶昔去行街就係夏日必備🫶🏻🤫

我個人平時最鐘意就係飲酸奶！今日第一次刷新我對酸奶既感覺，可以咁輕盈清新，一D都吾重口味！飲完都吾會好口渴，真材實料！可以每次都試可同口味！佢既質地比想像中無咁厚身，飲完都吾會食吾到野，反而好新鮮開左個胃咁！我見到有d Oreo 朱古力味，無花果，香蕉等等，好多選擇！我點左個水蜜桃酸奶昔，桃味真係好香😳🫣令人去到鋪頭已經聞到陣陣香味！真係必點！我見現場好多人飲牛油果奶昔，下次我都要試下先😀而且個包裝都好靚好打卡able!!

手搖店係香港越開越多 ，真係花多眼亂。呢間係朋友飲過之後推介我，主打乳酪奶昔，感覺好似比較健康。見到鋪頭既宣傳話一杯乳酪奶昔等於一粒牛油果，好似好勁咁! 唔怪得見佢牛油果口味係人氣必飲第一位。不過今日我想試D特別野，就叫左薄荷朱古力乳酪奶昔。夏天咁熱，飲呢個岩曬。呢款甜度冰度固定，不過飲落唔會死甜! 個人覺得岩岩好，唔會有奇怪既牙膏味。 而且入面好多碎冰，咁熱既天氣飲真係透心涼。清香既薄荷解去左朱古力本身甜膩既味道，整體飲落會覺得好清新爽口，而且仲有少少朱古力碎片咬下。見到有人叫左桃味既飲品都好似好正咁，下次經過會再黎飲!

今日終於試咗More Yogurt, 終於明白點解。我本身超喜歡芒果🥭，所以揀咗一杯芒果乳酪奶昔，其實這是必喝推介之一僅次於牛油果乳酪奶昔。我的芒果乳酪奶昔超大杯，飲品容量完全是高過個杯，佔據咗半個蓋嘅位置，頂部有至少半個新鮮芒果肉，一見到即刻流晒口水，用料十足，毫不吝嗇，滿足我想食芒果、乳酪和飲奶昔嘅願望。整杯飲品芒果味濃郁，沒有要求少甜，對怕甜的我仍然剛好，重要係天然芒果味，不是人造香精甜味，絕對係健康飲品之選，凍冰冰的乳酪奶昔在30度嘅天氣簡直是一大享受。等候時見到很多客人選購牛油果、水蜜桃和火龍果味，其實已經超出我對奶昔嘅認知。下次再幫襯我一定要試吓抹茶糍粑乳酪奶昔，絕對會滿足我再多一個願望。 😋🥤

最近經過銅鑼灣見到呢間舖頭好多人幫襯睇嚟呢間飲品舖好受歡迎。我平時好鍾意食牛油果同埋相關嘅飲品食物。見到大大隻牛油果喺舖頭面前就知道佢主打牛油果嘅嘢飲，鍾意食牛油果嘅朋友仔，千祈唔好錯過呢間飲品店！佢係主打乳酪奶昔，選擇超級之多唔同嘅生果都有！當中最吸引人最受歡迎就係佢嘅牛油果乳酪奶昔，見到店員就手不停咁切牛油果，用上嘅係熟成牛油果，所以味道好好。有別於一般嘅奶昔佢呢度係用咗乳酪成份，所以味道酸酸甜甜咁，食落真係好唔錯，食到濃濃嘅牛油果香味～嘢飲上面仲有半個牛油果嘅切到靚靚咁好吸睛😎而我嘅朋友仔揀咗D24榴槤奶昔，D24味道超級香，你會見到一嚿濃烈嘅榴槤喺嘢飲上面。如果鍾意食榴槤嘅朋友就應該會好喜歡～

早兩日去咗銅鑼灣，行經一間茶飲店，主打乳酪奶昔，見好多人排隊，所以就行埋去睇下。店入面放咗好多唔同種類嘅水果，而最多係牛油果，全部都係用平時超市見到嘅Mr Right熟成牛油果，唔怪之得個個都飲牛油果乳酪奶昔。我同朋友都叫咗一杯試下，仲試咗款榴槤乳酪奶昔。⭐原創牛油果乳酪奶昔賣相非常吸引，面頭放咗差唔多半個牛油果。味道方面，初頭飲落似平時飲開嘅牛油果奶昔，但試真啲的確有啲淡淡嘅乳酪酸味，幾特別！⭐D24榴槤乳酪奶昔見到D24個名，當然要試下，呢杯完全冇令我失望。面頭放咗少少D24榴槤蓉，可以撈埋個乳酪奶昔一齊飲或者就咁食，而乳酪奶昔味道有啲似Ikea榴槤雪糕，但就有啲沙冰感，即使慢慢飲，溶咗啲都一樣咁好味，鍾意食榴槤嘅人一定要試下。

MORE Yogurt is famous for its fresh and healthy yogurt-based drinks, and their seasonal "Peach Yogurt Milkshake" is a real highlight. Made with juicy peaches and creamy yogurt, the milkshake strikes the perfect balance between fruity sweetness and yogurt tang. It’s light, refreshing, and not overly sweet, making it an ideal summer treat. While their signature avocado yogurt milkshake remains a favorite, this peach-flavored limited edition is a delightful and refreshing alternative!

感覺好似周圍都有分店嘅More Yoghurt，自從屋企人北上買咗杯返香港俾我飲過一次之後就一路都想再飲🤣雖然佢定價唔似其他深圳嘅茶飲店一樣偏低，但佢用料真係幾好，用上唔同嘅新鮮水果，每次飲完都覺得絕對係值得🤌🏻🙂‍↕️✨水蜜桃乳酪奶昔🍑 $43✨當季限定✨用手工鮮切嘅水蜜桃打奶昔，仲有唔少嘅桃肉，乳酪奶昔打得好軟滑，同時有少少沙冰口感👍🏻相對之下覺得水蜜桃味道冇芒果咁出，反而比較重乳酪味，好清新😋✨芒果乳酪奶昔🥭 $42✨Top 2✨🙂‍↕️之前已經飲過一次，今次覺得更加出色！新鮮芒果味非常突出🙌🏻真心驚艷到我！加埋芒果粒口感好豐富！另外材料嘅比例啱啱好，乳酪味唔會太重，飲完一杯有飽足感之餘唔會好膩好滯😋👍🏻✨見好多人都係嚟飲牛油果乳酪奶昔👀值得一提嘅係其他口味都好值得試！

香港都有得飲酸奶 喺銅鑼灣街頭非常耀眼招牌寫住一杯乳酪奶昔等於1個牛油果要知道有牛油果係健康之王尤其對於女性係非常之養生所以飲一杯其實係非常健康🤪🤪絕對唔係大家所講嘅肥水我叫咗一個木瓜牛油果🥑入邊有almond 好有口感Yogurt 打得好勻循 好順滑凍冰冰但完全冇冰粒最高仲有成幾片牛油果喺度因為啲牛油果已經熟透 所以用飲管啜都啜到出嚟酸酸地 一個人完全可以飲得晒除咗牛油果，呢到仲有啲芒果 、水蜜桃味或者想邪惡啲嘅 Oreo 都有

位於黃金商場地下新開嘅more yogurt✨原創牛油果乳酪奶昔 $46 大杯裝十分足料😍採用澳洲牛油果7分甜個人覺得甜度啱啱好可以揀五分或者走糖都得！牛油果香濃郁，飲落厚厚嘅yogurt飽肚感十足同牛油果比例調得十分好上面仲有半個牛油果切粒而且冰感十足好夠凍，即使係夏天飲都十分適合比起平時嘅milk shake健康啲👍🏻仲有好多口味yogurt shake，乳酪杯唔夠嘅仲可以加唔同topping添✨開心果碎，雪糯糍粑，麥片，榴槤球添🫣終於食榴槤都可以黎試下！好多水果口味可以揀😍😍之前聽過朋友介紹已經好想試下黎到已經好多人排隊買黎飲！試完真係難怪咁多人都鍾意飲🫣下次會想試下其他口味🤤

中意飲特色既飲品,但又想飲得健康d,見到more yogurt有幾款好正既飲品,就試左其中一款。係原創牛油果yogurt奶昔,「一杯奶昔就有一隻牛油果」,仲要係澳洲牛油果,佢地用牛油果blend左杯野飲,個topping仲有半隻牛油果,我另外加左開心果碎,佢放左係底,好脆口,同牛油果好夾。一杯好大杯都只係4十幾蚊,算抵,飲完非常飽肚,可以當一餐食。佢仲有其他toppings都幾正,有mochi呀!

MORE YOGURT近期都開左幾間分店，銅鑼灣呢間成日有人排隊，見到佢地招牌牛油果乳酪奶昔好似好正，寫明一杯奶昔等於一顆牛油果，應該對腸胃好好🤣另外唔食牛油果都可以試下其他口味，如火龍果乳酪奶昔、抹茶MOCHI乳酪奶昔、OREO乳酪奶昔、薄荷朱古力乳酪奶昔等，都幾貼近香港人口味，唔知遲D會唔會出埋開心果乳酪奶昔呢😆🌟巴旦木牛油果乳酪奶昔｜$54等左約5分鐘，飲品已經套上紙套，幾貼心👍🏻唔會成手濕漉漉，頂層有好多原片牛油果，牛油果夠熟所以口感完全柔軟，奶昔叫左7分糖，甜度飲落剛好，牛油果同巴旦木果仁打得好均勻，唔會有粒狀口感，好順滑，乳酪酸度唔會好強，幾夾

本身自己都住開港島區有一日經過希慎附近見到一間新開張嘅舖頭見都好多人排隊咁就試吓本身自己都唔鍾意牛油果但係佢哋嗰杯牛油果乳酪奶昔真係不錯飲落去嗰下牛油果個味真係好出好清新雖然自己本身唔鍾意牛油果🥑🥑但係對於本身唔鍾意牛油果嘅人都會鍾意飲呢杯牛油果奶昔對我自己嚟講終於搵到個嘗試牛油果嘅新食法✨✨

More Yogurt呢間人氣茶飲店終於喺銅鑼灣開咗分店啦，茶飲終於有新選擇👍🏻 佢哋主打各款乳酪奶昔，有士多啤梨、牛油果、芒果、山楂、榴連、香蕉麥片等，更用上草原牧場乳酪🥛估唔到乳酪同新鮮水果都可以咁match～ 除咗水果口味，仲有其他特色口味：板栗牛肉乾、椰皇糯米、薄荷朱古力、抹茶mochi等，真係夠創新😍今次就試咗招牌飲品原創牛油果乳酪奶昔（$46），一杯奶昔係用上整個牛油果製成，牛油果打得均匀口感綿密順滑，味道清甜，面頭仲有好多牛油果肉，勁足料亦感覺更健康🥰 另外仲試咗杯岩鹽椰皇牛油果乳酪奶昔（$42），椰子味比牛油果味濃，面頭仲有椰子粒，伴入岩鹽帶岀微微鹽味，呢個配搭都幾match～

今日經過銅鑼灣，在軒尼斯道黃金廣場地下，崇光百貨對面，有間新開 More Yogurt,見到廚窗有新鮮牛油果及芒果，好吸引，便試吓買了杯牛油果乳酪，它即場切牛油果，牛油果🥑很多，跟乳酪味道好夾，真材實料，新鮮有口感，又健康，真係好有驚喜！朋友也叫了杯芒果乳酪，有很多芒果🥭，大熱天時，真是透心涼。員工服務態度很好👍，很用心介紹，出餐流程尚算流暢，不用等太久。員工都有帶口罩及手套，感覺清潔衞生。他們還問我有什麼意見，很有誠意的店👍