Morocco's

營業中

休息中

見今日天朗氣清入黎長洲行個圈見呢度個感覺幾特別(不停播民族歌)就揀左呢度食飯叫左兩個set lunch 試下分別係咖喱羊肉配飯同咖喱魚配nan點知可能因為隻隻咖喱都係用一樣既汁既關係最後係食左咖喱羊肉同咖喱牛肉兩樣送既料都唔多但分量都足夠nan有一大片分成三份飯又有一大碟或者因為天氣熱既關係最後都食剩左一半飯同d咖喱汁咖喱羊肉較咖喱牛肉淋而且唔會好似牛咁會un味道亦唔"蘇"o岩晒我口味而咖喱汁加左蕃茄煮所以帶少少甜同酸食多兩啖先至有少少辣o係呢個咁熱既天氣係幾開胃既nan係比較厚身相信係即叫即整一上檯熱辣辣有少少脆口個人覺得都係新德里好味d不過佢實在太唔小心喇明明我叫左魚但上左牛俾我之不過我見我用nan都點左幾多汁先發現費事麻煩先至無叫佢換而跟餐杯凍檸茶d茶味有少少怪唔係平時茶餐廳既味道不過一個set先至25蚊真係超值

前一排同朋友去過~補番個食評先﹗烤餅繼續係必食之品~~同時都叫埋咖哩什菜，點埋一齊食，完全係正啊﹗當然還有一個係必食的鐵板乳酪棉花雞，雖然係鐵板，但出黎D雞依然好嫩身，好易入口，而味道亦適中，就咁食都唔會話鹹﹗絕對係次次都食既~我仲叫左一客炒飯，但唔記得左咩名了，炒飯雖然唔算炒得太乾身，但味道一樣係好，又夠料~~唔錯~埋單百幾蚊，服務又好，真係好過食大街果D既所謂海鮮小菜套餐啊~

Crab Masala<br />

舊地重遊, 估唔到依家有套餐~ 二人餐都只係$120~ 雖然唔包o野飲都好抵:黑椒威化薄餅- 好味好脆o既薄餅~~ 依樣係食印度咖喱不可少o既餐前小食~ 咖喱角- 好香~ Tandoori Chicken - 比上次個五香雞件好好多喎~ 肉夠嫩~ 咖喱羊腩- 有d失望, 個羊唔夠嫩, 有d"鞋"~燴薯仔椰菜花- ok啦~連Nan同飯~ 另外side order o左一個Crab Masala ($100) 同兩杯Lassi~ 隻蟹好勁蟹膏呀, 肉質仲幾鮮甜o添~ 最正係依味呀~~~~~ $100值回票價~~~~~ Lassi就略為唔夠濃(可能係我鍾意飲濃d啦)~ 最後飽到食唔晒d羊,椰菜同Nan, 碟飯未郁過o添呀~ 五點幾食dinner係早d, 但係一路睇日落一路食dinner, 正~~~~

長洲咖哩屋Morocco's Restaurant & Bar <br>菜式: <br>1. 咖哩角Samoas - 熱騰騰, 餡料多,好好味~<br>2. 印度乳酪Lassi ×2 - 唔太甜, o岩o岩好~<br>3. 馬莎拉咖哩羊肉(跟白飯)年Mutton Masala - 我個朋友話"繼上次去新彊之後,我都未曾食過咁好味既羊肉, 佢夠『so』,肉質鮮嫩,不癡牙!~食得我想喊咁滯"~<br>4. 串燒五香雞件Chicken Tikka - 味道OK, 不過乾o左D~ <br>5. 薯仔烤餅Aloo Paratha - 好香呀!! 好味過蒜蓉烤餅~ 不過好飽肚o架~<br>消費:181元<br>印度籍老闆娘照顧周到~ 假使坐樓梯旁個位仲好FEEL~<br>估唔到o係長洲竟然有一間咁正o既咖哩屋~