MOS Burger (太古城中心)

營業中

休息中

身為MOS既Gold VIP,有新包就緊係會去試下啦，而今次呢個新包係有明太子醬既吉列八爪魚堡。佢出明太子既product都好正常，香港人鐘意日本野，明太子呢樣野都愈黎愈常見，而明太子沙律醬又確實係幾吸引既配搭。個八爪魚堡岩岩炸起，熱辣辣，熱到食都食唔到，要攤一陣先。個八爪魚堡外脆內有少少黏同韌，入面有d雜豆，八爪魚粒都食到既。放雜豆都算佢大膽，因為如果係一大pack果d急凍雜豆，我自己都麻麻地同時都冇咩聽過有人鐘意食。包既另一個重點當然係個明太子醬，我食包最怕dry，而且又好鐘意食多醬既野，雖然有時會唔記得，但記得就一定會叫多醬。而個醬都有明太子既味，叫左多醬就食得開心d，同個吉列堡都算夾既，所以個包就ok啦。Mos既餐唔平，跟餐同食多個包既價錢接近冇分別，所以如果自己有野飲，又冇話特別想食佢既粗條薯條，就會索性食多個包。所以同場仲有個黑醋雞包，呢個包確實做得唔錯。個黑醋汁酸酸甜甜又香，加埋沙律醬又多左種豐富圓潤既味道。雞炸得夠脆，加埋千切既菜，成個配搭做得非常好。

A snack burger when you take a rest. It's just the right size and quality to satisfy without leaving you stuffed. If you feel you want a little more, go for the double MOS or the double cheese MOS.Don't forget to slurp up the sauce at the bottom of the wrapper.

煙火雞早餐，這個餐，我剛在日本mos burger揾過，好似日本冇呢個餐，無論如何，比30蚊，可以喺舒適環境用餐，已經超值。30蚊有埋多士簡直係超值，重比Anchor牛油。蛋，賣相令我有一種熟悉嘅感覺，似大學canteen，或者大快活，厨師喺一塊平鉄板上gin出嚟，成塊薄餅嗰種。落咗好少鹽，但有可能喺啱啱食完牛油嘅關係。咖啡基本上同飛機餐嘅咖啡係一樣味，如果你去去旅行，又冇假，呢杯嘢，啱哂你嚟頂隱。整體，當然唔能夠同日本比，但環境舒服，佢就跟足日本。題外話，日本Mos Burger係有Net Order嘅。

其實我想食好多日啦但，但冇出牛油果啦,一埸来到，唯有試下第二d國產芝士和牛,冇乜芝士味,勝在件和牛份量够大，裹面仲有大大塊厚切煙肉，口感幾好。麵包又熱辣辣尼個係增量野菌和牛，炒香咗嘅野菌原來好夾和牛特别提下杯抹茶特飲，好香抹茶味，滑不溜口,連我平時唔飲抹茶的朋友都讚好!而摩雞就有d不敢恭維啦，炸到又干又鞋.一定係炸定翻炸

聽聞mos burger 有素burger(南瓜burger,牛蒡burger)已經係好耐之前既事啦,但真正叫又真係第一次，終於一睹佢廬山真面目!太古呢個food court 真係好多人…今日仲要星期六，搵反個靚位坐下先！雖然要同人搭枱,但都無損我靚靚心情。南瓜burger+田園沙律再+粟米濃湯都只係48蚊咋，出面食個素burger閒閒地70-80蚊不等,仲要加一無餐跟,呢個價真係抵。我仲要等埋我個朋友先開始有得食， 但係等待既時間入面個包居然無出油，入面既南瓜餅仍然保持脆口。新鮮既沙律份量都幾多,菜都無變黃;令人最開心莫過於粟米濃湯。同西式粟米忌廉湯最唔同係佢雖然佢無咩忌廉味，但佢好甜好香好日式，無咩粟米粒都會令你覺得好幸福😉值得一試。

放假無野做就去周圍貢，行行下太古城見到間Mos Burger，估唔到除左康怡之外呢度都有間。雖然係Foodcourt入面，不過快食快走都無咩所謂，Foodcourt同餐廳對我黎講都差不多。今次叫左芝士漢堡，5分鐘左右就有得食，素質同平時差不多，個肉咬落都幾多汁，而且比起某快餐店厚好多，唔會覺得一片又薄又硬，加埋芝士好味。最正係今日個薯條，唔知係咪剛剛新炸起，外脆內軟熱辣辣，果然薯條都係要新鮮先好味！

我本身都唔打算打快餐店嘅食評，其一係因為覺得邊有人未食過🤔，其次係我自己覺得食得多都唔係特別健康。但我知道好多人會同我一樣，偶爾都會食，而呢間mos burger材料新鮮，點都要推推佢！首先，必食係雞塊。平時m字頭個間周圍都有，有差唔多樣嘅雞塊。但呢間啲雞塊不得了😆有真雞肉，皮薄得黎啖啖雞肉！我形容佢啲雞肉係一片片，另一間快餐店係完全一舊肉，根本睇唔到。再者，雞塊超新鮮，係熱辣辣出爐，食落油味唔重，好香雞肉味。雞塊附送埋啲汁俾你蘸，唔係好甜或好鹹，有些少似甜酸醬汁咁嘅質地，但係bbq sauce。🙄牛油果並唔係我favourite,但我亦唔係對呢樣食材抱負面感覺。眾所周知，單食牛油果唔多好味，必須溝其他食物先至好味。當我見到牛油果漢堡包的時候，即刻有衝動叫黎食😋由於牛肉濃味，加上有沙拉醬，整體食落去，牛油果係一啲味都冇。裡面仲有少量新鮮蕃茄同菜。芝士漢堡材料簡單，得芝士、茄汁、洋蔥碎、牛肉組成。有時簡簡單單反而係最好食☺係一種好傳統口味burger,如果食開重口味，我一定推薦俾你。飲品選擇為普通可口可樂，冇太特別。整體印象非常好，有送餐服務，食肆內都乾淨。而且蔬菜以快餐店質素講，算好新

又另一間摩斯漢堡，我鍾意食佢個牛油果漢堡，所以試下尼間。連鎖店照計間間一樣，冇錯個包係一樣，價錢都係一樣，但係服務唔同，裝修唔同。論服務，康怡那一間較為細心有禮貌，個餐係送埋位俾我。論座位，這一間在食物廣場，先要落單，然後另一度地方俾錢，然後要自取，然後搵位，就係甘煩。

1.首先，這篇文不是因為目黑這首歌推出十周年作的。2.我覺得我真的是飲廣東歌的奶大的，因為講過Mos burger 我會想起目黑，"坐下在目黑區深宵那個摩斯漢堡店"，然後每次我吃到摩斯漢堡我想起呢首歌。3.我喜歡以中文為主，英文又唔好，所以我冇JM rrrrrrrrrrrr tone 的音，學陶傑話，咁樣嘅tone係會引鬼佬上床，呀，唔怪得從來冇鬼婆引我上床，這引申係我的食評上，我寫中餐多於西餐。4.回正題，摩斯漢堡十周年，佢出左個漢堡慶祝下，個漢堡叫黃金鰈魚漢堡，本身$25的價錢平左一半，而家十二個半，真係平到笑，又要講窮人恩物。 5.這個漢堡的供應時間由10月19日到10月22日，如果因打風放假的你還在床上，那麼聽日你還有最後的機會，和他們慶祝一下十周年。6.講番個包，黃金鰈魚漢堡以一塊還算可以的炸得幾脆的鰈魚為主角，生菜，蕃菇，椰絲在炸魚中出現，清新的美味配合那個摩斯漢堡的經典size。 7.說真，這個漢堡比魚柳包好吃得多，不過如果你想食飽，就應該唔得，可能你要食兩個，同人慶祝生日會食得飽嗎？這個道理你應該明白的。8.好多人過來特地買過漢堡，大家都好支持同想同目黑慶祝十周年，

好耐無食過mos burger好掛住佢地既薯條酥脆既外表，鬆軟既內心第一次試呢度既牛油果和牛漢堡，賣相吸引，健康又好味塊和牛超厚牛油果好好味但到我想食薯條既時候，d薯條比我撞一撞全部跳哂樓，薯條呀😭之後職員好好人再比過新既薯條我😭多謝呀！呢間太古mos cafe裝修簡約舒適，好適合同朋友傾計，食好好味既薯條再配香濃既抹茶鮮奶，好幸福呀

Mos Burger的米漢堡一直很不錯，性價比高又平又靚。我要了海鮮米漢堡，裝在保溫紙中，儘管我吃的很慢，一直吃到最後漢堡也沒有凍，米飯糯軟，海鮮扒炸得恰到好處；最貼心的是儘管沒有要飲品，Mos Burger還是會主動給顧客配一杯水。

一直都好鐘意Mos Burger，因為佢比麥當當好味，但又冇漢堡包專門店咁貴。見到Mos Burger新出「和牛芝士漢堡」，好似比原味漢堡更吸引，所以就買嚟試試。麵包仍能貫切一如以往既新鮮，夠彈夠軟﹝冇麥當當咁林﹞，有麵包既口感。番茄夠厚夠大件，注意芝士唔係半塊架！！主角當然係和牛，煎得夠香，又能鎖住肉汁，火喉控制得好好。但呢間太古城food court一向人流多，等位要等一段時間，等食物都要等一段時間，肚餓既朋友要有心理準備啊！

轉左份工之後，少左食Mos Burger, M記呢D就更加少啦。之前係黃埔得閒都會行過去食下，成班同事去食重可以換會員卡。咁耐無食，見係太古都唔知食乜，就去左太古呢間了。搵起上黎都幾難，入去點左一個蝦堡，我朋友就點左個黑牛。佢個黑牛我試左少少，太酸唔岩我。我個蝦堡就真係超正，咬落去short short聲。我地重點左＂默樂雞＂同＂家鄉雞＂呢２樣山寨板都唔夠原創好食，好乾。成個餐都幾好ge, 醫肚唔錯，想食好野就唔岩啦。。。不過，太古其實都無咩野好食。。。

小心套餐陷阱！晚餐叫了一個 Mos Burger（$23），加「$21 」多一份大薯條，共$44，比錢後，我愛人見那份大薯條不夠我倆吃，便去買多一份，他發現，原來單叫大薯條，只是$13，而且他買回來的份量，和我加$21的是一樣的，我被搵笨左呀，白白比多了$8，所以，在這裡提醒各位，不要買套餐，分開2次單買，仲平呀。

小心套餐陷阱！叫了一個 Mos Burger，$23，加「$21 」多一份大薯條，共$44，比錢後，我愛人見那份大薯條不夠我倆吃，便去買多一份，他發現，原來單叫大薯條，只是$13，而且他買回來的份量，和我加$21的是一樣的，我被搵笨左呀，白白比多了$8，所以，在這裡提醒各位，不要買套餐，分開2次單，仲平呀。