MOS Burger

營業中

休息中

21/4/2024好耐冇食 mos burger 通常我會食熱狗嘅，今次見到佢有極上鰻魚rice burger , 所以就試吓 。$33 ， 都比好大舊鰻魚喎😜😜 ，都幾好食，肥美的鰻魚配上甜甜的鰻魚汁。我通常會配餐，炸雞髀餐+ 可樂。今次見到連個杯蓋都轉埋係紙。

今年2月份JFOODO同40多家香港餐廳合作🎊推出日本米饗宴活動，舉行時間由2月1日至28日，Mos Burger 亦係其中一間參與餐廳，2月限定推出和牛芝士玄米珍珠堡，用料超級豐富😍🔅和牛芝士玄米珍珠堡｜$43首先牛肉餅size比起一般大好多，牛肉煎得幾香，厚實多汁，配搭順滑creamy北海道芝士，味道濃而不膩，仲有煎得焦香煙肉同剛熟黃金玉子，一啖咬真係好滿足❤️另外珍珠堡用上北海道產玄米🍚黏度適中粒粒晶瑩，飯團保持到形狀又唔會散開👍🏻🔅海鮮珍珠堡｜$28鮮味十足海鮮珍珠堡🍔用蝦、魷魚、扇貝等海鮮炸成天婦羅，炸得好酥脆可口，食落唔覺油淰淰😋🔅厚切薯條｜$18Mos burger薯條真係完勝其他快餐店❗️粗身有口感，唔會翻炸又翻炸🤣🔅摩斯雞塊｜$20雞塊跟BBQ醬同泰式甜辣醬

我好似幫襯過3次，唔算多，初開張買過一次，只係買一個包，無做錯既，不過等好耐，話晒新開，預左，之後再幫襯叫走醬走蕃茄，巳經講得好清楚，落單既好似聽唔明咁，係張單打no tomato,因為我帶住小朋友買外賣，攞左就走，點知返到屋企打開先見到咩都無走，都無辦法啦，今日再一次帶住小朋友去買外賣，今次要走醬走洋蔥，返到屋企打開又係咩都無走，當刻我以為我攞錯外賣，再睇其他配料，係啱個喎，又淨係錯個包，因為我真係唔常幫襯，我都唔記得咗上次有件咁既事，係再中我先醒起上次都係咁，不過今次張單係有打清楚既，正常就算我唔係帶住個小朋友，都唔會當刻係餐廳度擘開個包睇裡面做得啱唔啱嫁，其實2次都係買比小朋友食既，所以每次都要全走，今次只係比到佢食片肉同一片包，靈魂既嗰塊芝士，巳經同嗰堆洋蔥粒，茄醬撈到亂晒⋯⋯唉，無言⋯⋯我買埋既餐，轉左個湯，都58蚊～um….係有啲貴既，如果唔係成日錯單，我會覺得比較值啲既😢

原來mos burger啲包都幾平咁我寧願食佢都唔食麥記啦睇到其他朋友仔嘅評價麻麻不過我連續幫襯左2日我覺得又ok wo佢signature個mos burger番茄醬味道好出啲牛亦夠juicy呢個價抵食個薯餅香香甜甜夠脆幾正魚柳包都唔錯不過好似有啲細個咁粟米湯味道好但係最衰無粟米粒粒喺入面囉第2日叫左炸雞反而個雞就唔好食無雞肉香有啲梅梅地腍腍地咁啲醬又太少檸水都唔好好苦澀呀不過啲包依然keep到辣味摩斯漢堡都唔錯

食mos burger 都有十幾年經驗，都可算是mos burger fans, 旺角、荃灣、太古、九龍灣、灣仔分店都有食過，全部都正常好好味，小西灣呢間真係勁難食！叫左個和牛特級漢堡同摩斯芝士漢堡，兩個包都係凍架！唔係和暖，係凍！塊牛都係凍，食左一半已經唔想食，再食埋個薯條，薯條都係放凍左少少暖，唔好味，而個粟米湯可算係唯一熱嘅食物，但係搞唔溶，好過個包同薯條喇，呢間，無下次喇，雖然近屋企，但都係下次都係去太古食算喇。

之前 MOS Burger Hong Kong 15週年，推出了Puri Puri 三本蝦堡有半價優惠！剛好我家附近開了分店 我是在優惠最後一天的晚上去，都有人排隊但不用等很久，大概10分鐘左右✦ Puri Puri三本蝦堡 ($13)  - 不知道是因為有優惠的關係?還是本來就是?包看起來好像有點細個 ...但就味道來說，因為醬的原因很惹味的有辛味XO醬和他他醬！蝦很彈牙～外層則是很脆身，還有三條蝦尾的呢！

琴日約左上朋友屋企聚聚, 咁岩呢幾日mos burger有個三本蝦堡半價賣$13, 朋友話好抵一定要買, 咁我地既晚餐就食呢間。朋友話可能新開張既關係, 都好多人排隊, 由排隊落單到拎外賣大概十五分鐘, 都算快既。上到朋友屋企就開餐。我地唔飲汽水, 所以全部都散叫。薯條可能因為一早炸定, 所以已經冧哂 ,係失望既, 因為覺得佢間薯條係好食, 我地先叫左幾包。雞塊我就第一次食, 睇餐牌張相以為係一條條, 但實物原來係好似麥樂雞咁一粒粒。我叫左摩斯芝士漢堡。入面D洋蔥好生, 食完個口好辣。片蕃茄薄左(以前係好厚身)。塊肉就keep到水準。朋友話蝦堡脆身, 好食, 但個包就好細個。理解新開張人多, 但希望質素可以提升番D。