MOS Burger

營業中

休息中

我在晚飯時段去MOS買外賣諗住當晚餐見到有新嘢 特盛三味和牛 諗住試吓等咗25分鐘 雖然有啲耐 但最緊要好味返到屋企打開包裝紙，我嚇親 差唔多全張紙都係油 包入面得一條好細嘅菜，全部都係油包入面有兩塊薯餅都係油，好明顯係油未熱就炸我食左一塊，真係食唔落第二塊，那個包和肉都是涼的60幾蚊一個包 我以為會有一點水準，但連合格都唔得，真心失望 。

嗰日lunch唔知食咩，見到佢新出嘅和牛漢堡入去試吓。仲有一個士多啤梨乳酪，叫埋黎試吓先。個和牛漢堡好食喎，麵包熱辣辣鬆軟，加咗蕃茄同埋生菜，仲有勁大塊和牛扒！好重牛味，而且成件事好夾。🍔🍔仲有薯條🍟係熱辣辣即炸嘅，雖然要等一陣，但係係值得等待嘅，因為佢比起其他快餐店嘅薯條粗同埋厚實，入邊淡淡都係薯仔。士多啤梨乳酪，佢係好重牛奶味🥛嗰種乳酪，係水狀嘅乳酪然之後加士多啤梨，雖然佢俾咗粗飲管，但係啲士多啤梨🍓粒都會塞住條飲管。食完呢個餐之後夜晚都唔使食。有人食咗摩斯漢堡，仲要係Double，佢話食完之後都唔使食晚餐，佢加咗個炸雞，雖然細隻咗啲，但係味道OK嘅。整體嚟講，如果單買個包$45其實有少少貴，但係加埋個餐$70-$80 ，其實出邊而家都差唔多。

帶細仔來食burger，個仔不小心打翻整杯🥤可樂在餐台和sofa，同地下都是。我和一位女職員講左，她非常溫柔體貼，不僅馬上打掃乾淨，並送返我仔一杯新的可樂，並同我話不好嚇壞個仔，可能擔心我罵他😅。細仔立馬開心哂，真心讚這麼體貼的服務，工作人員質素好高👍

好耐無係mos burger食過咁高質既burger啦食左牛油果和牛漢堡burger和牛漢堡好juicy好美味 也很大塊；個包砌得好靚，而且有烘過；北海道芝士有特別既味道，好香，唔似摩斯漢堡塊無味芝士 -.-感謝員工咁有心機整個包希望可以繼續係其他分店食到咁高質既漢堡，當年黃大仙中心分別新開張既時候d burger超級高質餐廳裝修不錯，坐得很舒適可惜既地方係店內無洗手盆，商場洗手間要借鎖匙，還要上一層有點不方便…

平時買Mos Burger都要等一陣先有得食，為左唔想等，我就懶醒用app落堂食單，咁去到就剛好有得食。用app好方便，會員的話照樣有九五折，同埋原來可以選個人口味，好似係多辣醬多洋蔥！可惜就唔可以兌換會員積分。十分鐘之後我先行到去店，原來，今晚好少人，店員見我未到，將我個包同薯條放返去廚房，佢話驚吹凍左！果下我真係呆左！比著係麥x，真係睬你都傻！而家預左好多地方都冇服務可言，所以一碰到貼心員工，就真係好似搵到珍寶咁！啲野食唔駛講照舊好新鮮好好味！筲箕灣呢間超多位乾淨又唔嘈！冇播背景音樂，當聽快餐店ASMR又幾盞鬼！

Mos Burger 呢啲連鎖快餐店，味道唔多講，成日都會食，不過今日入黎食既原因係因為呢個黑板。每次揀野食都係一種煩惱，自己一個食就無所謂，同其他人食要你揀食咩真係頭都痛。不過今次係Mos Burger見到呢句說話，就食你啦！真係好窩心既說話🥰一如既往嘅餐牌，間中會有新口味，不過我都係揀返食開好好味既黑醋雞肉漢堡配北海道南瓜薯餅。唔一定要試其他既，想食咩就食啦。人每日都有好多煩惱，就好似食飯咁，擔心揀左A餐廳然後B朋友唔like咁，不過既然佢俾得你揀，佢已經無左揀野食既權利，想食咩就食咩，唔洗因為C朋友叫左最貴個漢包餐而跟隊，總之想食咩就食咩啦

當日3 個月前的星期六，兩位好姊妹先到石澳，放工後，我才 join 她們；在石澳，有巴士路線直達筲箕灣，所以，我與其中一位住在筲箕灣的好姊妹，在筲箕灣食晚飯！我好想去 Hello Kitty x MOS Burger 限定店，全港只有 6間分店有做 Hello Kitty 主題，筲箕灣形薈分店 <MOS Burger> 是其中一間，就決定去嘞！由門面、餐桌、餐墊紙、...也有 Hello Kitty 圖案！令 Hello Kitty 粉絲的我好滿足呀！多謝她告知，兩星期前已完結 Hello Kitty x Mos Burger 限定店！當時下午 6:00，時間尚早，店內較少人！金平牛蒡珍珠堡 $24即叫即做，熱辣辣， 珍珠：選用日本珍珠米，無味，勝在夠軟熟，全靠醬汁。滿載纖維豐富的牛蒡，既入味又有點清爽口感！粟米湯 $19甜美又熱辣辣的粟米湯，水準依然！

平時都喜歡去 MOS Burger 吃漢堡飽，很愛吃這裡的厚切薯條，還有香脆的摩斯脆雞都十分好吃，最近連續兩星期去了這裡吃午餐，因為有 Hello Kitty 主題 😍 第二次去主題店時，我終於換購到 Hello Kitty 防 UV 雨傘，還吃到相隔11年再度回歸的 Puri Puri 三本蝦漢堡，有三隻香脆的炸大蝦，配以 XO 醬和他他醬，味道和口感都很好 🍔✨而我喝的是凍黑糖珍珠抹茶鮮奶，是用靜岡縣出產的抹茶粉加鮮奶製成，喝起來很幼滑可口，配以黑糖珍珠恰到好處，一邊喝一邊感受著不能抗拒的抹茶美味，真是味覺享受啊 🍹

真食評真分享~MOS Burger疫情受歡迎!外賣收入增加2成!最新出招再吸客!將分店變Hello Kitty主題店 MOS CAFE!愈來愈多品牌藉聯乘活動爭取協同效應推動宣傳MOS漢堡於9月起將指定分店改建成HELLO KITTY主題餐廳 於分店內都能見到KITTY既裝飾食客到分店打卡　送5元套餐折扣優惠由2006年引入香港已第十五年周年了 慢慢已經成為香港喜愛既漢堡包品牌之一!最吸引係佢既麵包鬆軟,醬汁唔會太多,整體既味道非常出色!推出限定漢堡之餘更推出半價優惠大蝦製成蝦餅以高溫炸到外皮脆 內裏彈牙香口漢堡夾著酸酸甜甜的他他醬及辛味XO醬 味道層次豐富筲箕灣形薈店地址：香港筲箕灣道393號形薈商場地下G02舖平均消費$50 評分7/10

今日去咗新開嘅筲箕灣形薈店食嘢，我哋叫咗個魚柳漢堡$23，塊魚柳好味，亦唔會太油，一個盛夏特級和牛漢堡$34，燒過嘅菠蘿，又唔會太濕，牛肉又真係好好味，熱狗$22，醬汁啱啱好，唔會太少，條豬肉腸都幾濃味，略帶油膩，沙律$25，跟餐加多栗米湯$3，味道啱啱好，唔會太稀，份量適中，價錢亦都算合理。座位舒適，完全唔覺逼，而且樓底高，冷氣夠，職員亦好有禮貌，食物保持應有水準，唯一食物選擇，唔夠康怡分店多。

Lime 新開左mos , 環境好新好乾淨，假日人都唔算太多，十一點食個big breakfast 都唔錯。吉列吞拿魚包-CP值幾高，冇記錯$22 淨包-完全唔係M記魚柳包的quality，食到大海的魚味！Double beef burger -塊牛煎得唔夠焦唔夠香，令個包失色左南瓜餅- 個餡略乾，炸得太耐南瓜乾哂-南瓜本身都唔夠甜，冇日本南瓜個種鮮甜味