MOS Cafe (已結業)

呢排因爲疫情嚴重，好似好多打工仔都轉左帶飯或減少左出街食，但希望大家係出街食時，都儘量光顧黃店。依家市道咁差，希望大家繼續推動良心店舖！今日同大家介紹Mos Cafe 既Lunch，Burger我都推介左好多，今日就試下D lunch。雖然係連鎖，但呢間舖老闆都係良心老闆嚟。我見呢個豬排飯都幾抵食，豬排正常size，飯份量ok，法式燴醬食落先有少少酸，後來帶點甜，同炸豬排味道幾夾！係附近返工既朋友，諗唔到食咩不妨去試，以食lunch嚟講，都係個快靚正既選擇！

今日在上環，路過mos cafe .見到有我最愛的牛油果和牛漢堡，心諗應該都唔差。咁就入咗去試。因為之前經常在荃灣mos burger 食，都ok.食物一黎到，我首先食個南瓜薯餅，因為炸物如果凍左會唔好食。我用大約5分鐘時間食完。之後再嚟主菜，（牛油果🥑和牛漢堡）失望到極點。成個包是凍的，一啲暖都唔覺。和牛漢堡乾到好似放咗好耐咁。仲要有啲鹽既物體係個包到，咸到痴肺。如果mos cafe的管理層睇到哩篇文章，希望你哋可以控制一下你哋既食物質素同味道。哩篇文章，我一邊坐係到食，一邊打。你哋就知哩個包係幾咁失敗。個人意見：個人絕不建議尋求美食的人嘗試。你必定失望。

MOS Burger來自日本出名賣漢堡包同飯堡的快餐店，睇資料全球分店超過1,700間。真係勁！在香港也有不少分店。賣點健康吸引消費者，漢堡注重營養均衡，漢堡除了有肉必配搭新鮮蔬菜。格價比其他快餐連鎖店算是較高，但物有所值。MOS Burger我個人最喜歡食漢堡飯和啖啖肉薯條🍟。但今日有點飽肚試下食肉醬長通粉沙律，沙律主材料新鮮蔬菜、蕃茄、牛油果、蛋和肉醬長通粉配上醬汁日式芝麻醬，味道剛剛好，蔬菜非常之新鮮爽甜，長通粉煮得不硬也不軟，配上肉醬酸酸甜甜非常之醒胃。

一直好鐘意食Mos burger, 每次去有mos burger的地方都會去食！今日去左上環做野，專登搵呢間Mos Café, 想試下佢地的咖哩飯！睇餐牌原來都有好多新款式，唸左好耐要試咖啡飯好定新款burger好，最後因爲唔多Mos burger有咖喱飯食，決定一試！叫左最鍾意食的豬扒咖哩飯，加一杯抹茶鮮奶！豬扒炸得香脆，不過略微太乾！咖哩汁唔多夠，我另外再叫服務員幫我添加，佢地都會樂意幫忙！可惜飯煮得太淋，令成個飯失色左！去Mos burger都係食burger最好味！

位於上環這間mos cafe, 是我上班lunch必食的餐廳。如果1-2人都較容易搵位的。這裡是職員送餐服務的，很方便☺️我每次都會食這個「牛油果和牛漢堡」，如想健康一點，叫餐時都選擇走醬，我都試過走醬，也十分好食。我喜歡它的和牛漢堡很厚身，啖啖肉，唔似其他店的漢堡的牛肉咁薄，至少食完這個包都很飽肚🤣如果你覺得一個包唔夠喉，可以選擇加薯條，這個薯條好粗身，味道一流，口感較好 感覺上真係似食緊薯仔條一樣。Lunch食這間都幾推介，佢地除左包類之外，還有飯類，下次我都試一試先☺️

At MOS CAFE they are now serving Dessert Burgers designed by ABC Cooking Studio so decided to try it.I didn't really like the bun as the texture was those local buns which are not fluffy.The chocolate cream and jam was ok.The funny thing was that they managed to get the bun the wrong way round and use the top as the base and base as the top.Finished with tea.

這間 MOS, 久不久也會來，這次讓我大失所望。叫了三個餐，等了三十分鐘也沒有，須知午飯都是限時限刻要工作，我不知道內裏的工作人員在做甚麼：四個人在廚房，只是一團亂一團糟糕。我看到全部客人都在投訴，有些等了四十分鐘也等不到東西吃。一間這麼大的連鎖店，居然可以做出這種事情來，真是讓人不可思議。我以後也大概不會再來了。問她們何時可以有食物，她們真的好意思，全無表情，也不當是一回事，若無其事，這是現時年青人的普遍反應；她們不會有情緒，不會緊張，只是目無表情，完全沒有責任感，完全不當是甚麼事；影響了別人也沒有同理心。

數數手指原來咁大個人只試過一次 Mos Burger， 印象不多， 今天挑起條根， 突登來食個BURGER。本來只打算買個 signature MOS BURGER $27 ,當比錢時店員提我有下午茶，有飲品， 心唸 $28有埋野飲,  所以即刻轉左 $28 比左錢可以先搵位坐，服務員會送上食物, 夠體貼。 個包放得好靚仔，企得好直，感覺相當不錯;  漲卜卜，包面立立令，吾似麥記d包被壓到扁曬，超樣衰。呢個魚柳包見到都超想食。 一咬落去麵包固然鬆軟，裡面餡料也是超級美味，有沙律醬加洋蔥粒、魚柳、芝士。魚柳又香又脆同好rich 小小酸既沙律醬係perfect match , 無論味道、口感、新鮮度也值得比高分。而且一點熱氣感都無，超讚! 不過咖啡太酸，飲左幾啖都唔想飲， 下次一定加錢叫特飮。服務態度好，加分。

又試新野烤豚肉漢堡比counter 個圖吸引左去叫呢個漢堡個圖塊豚肉又肥又厚但實物得番1/3 厚度🥓雖然諗多左但塊豚肉其實是五花腩咁都幾鬼好食又多汁又夠味肥瘦清晰配埋大量椰菜同埋生菜加蕃茄一d 都唔肥膩仲好高營養價值加$3 加左支提子汁都幾濃郁🍇🍇🍇加$25 摩斯炸雞略嫌有點乾不過味道都唔差非常細心精緻既不沾手袋雖然塊雞都幾油下都真係唔透油唔沾手食到飽飽都係$56 一個晚餐來講都算係咁啦👍🏻👍🏻

老婆睇完朋友小朋友音樂會都九點，好多餐廳都閂左，老婆最鍾意食肥膩香口野陪下佢食漢𡌅堡飽我就緊係食安格斯漢堡，再配薯條，即叫即整係正既，肉厚多汁老婆就叫左蝦堡餐要左南瓜薯餅蝦爽口好味，薯餅用左南瓜好軟熟佢唔肥唔叫配左杯綠茶特飲

今日同阿女去上環文娛中心睇話劇，睇完阿女話肚餓， 見到對面馬路有間 MOS Cafe，就 去門口睇下 menu，見到價錢都合理，就決定喺度食。叫咗個魚柳包同蝦堡，另加一件雞同埋一杯凍齋啡。魚柳包食落就平平無奇，反而蝦堡令我有驚喜。除咗中間有大量的生菜，另外嗰個芥辣醬都好好味，有攻鼻的感覺但係又唔太辣。另外嗰件雞件，啖啖肉，炸得很嫩口。埋單都唔使80蚊，算抵食。最後我覺得呢間鋪的衛生情況有待改善，因為食嗰陣有隻烏蠅喺度飛嚟飛去!

新年假的時候帶澳門來的朋友在中上環逛舊區的歷史建築，累了想吃點東西，但是因為新年，很多店都關門了，所以就去了MosCafe。我點了個蝦堡，然後配了薯條和汽水。Mos Burger的素質一直都不錯，無論是賣相還是味道都比M記好很多。蝦堡的扒就是厚厚的一塊，而且外脆內彈牙，蔬菜給的也足，最重要是新鮮乾淨，不會軟軟爛爛的，讓人看了都不想吃。Mos Burger 另外一個賣點就是粗薯條，咬下去能吃到綿密的薯仔蓉，和細條的薯條是兩種不同的美味。

次次去Mos Cafe都只會點蝦堡，炸到熱辣辣脆卜卜，配上甜甜的醬同菜，味道一流，見到蝦堡咁厚已經覺得過癮雖然價錢比某快餐點貴，但一分錢 一分貨，食物質素及員工服務都比較高，另外配搭亦比較多，可選薯條沙律等

間中都會想黎呢間Mos Cafe食下摩斯漢堡係中上環lunch Hour 間間野都排哂隊，食飯好似乞衣咁既田地，呢間mos cafe 間直係我既世外桃園：唔洗排隊、d人唔算嘈、位置偏僻最岩毒自一人慢慢食、仲要有好味既Burger and Chips !*呢間個menu仲會有飯同沙律，想食得Heavy 定light d 任君選擇我就一定係食Burger 食過真係返唔到轉頭😖薯條好似無以前咁粗...加多3蚊飲香橙冰茶, 都幾爽。Just love this cafe too much !

今日和同事去上環工作 做下做下 又到午飯時間，想唔去邊食又多人又諗到食乜 ，但係就唔係好想食中餐經過MOS CAFE 未入去試下 ，點咗個吉列豬扒飯和沙律同埋飲品， 吉列豬扒 脆口但炸粉太厚， 咖哩味道同即食咖哩包差唔多，其餘一般。