MOS Cafe

營業中

休息中

自選沙律(3款配料) $41******************************平時極少食沙律MOS Cafe平平地又近近地就試下😗配料選擇唔多當日仲有3款售罄😂揀左雞肉，蛋沙律，甜薯粒呢3款配料醬汁揀左日式芝麻醬醬控表示有沙律醬有芝麻醬一切都變得好食😂沙律份量唔算多想輕食嘅時候不失為一個選擇大食人士就請三思😂菜新鮮&配料味道還不錯雞肉有調味不是白烚甜薯唔會太甜蛋沙律味道正常發揮

同朋友特登嚟試明太子吉列蝦漢堡，順便配埋Mos 炸雞套餐。個包的餡料都幾豐富，尤其有玉子幾好，生菜絲亦幾新鮮爽脆。明太子醬汁惹味，另外再配一小塊明太子，但個吉列蝦就比較細，無咩味，有少少失望。而今次件炸雞就比較乾，之前炸得比較juicy。飲品點左coke zero 走冰，但店舖使用膠飲管同膠杯，如果可以轉做紙杯/可重用杯同飲管就更好更愛地球了。另外，以前呢間餐廳會提供送餐服務，而家轉左叫號碼自己去拎，大家要留意番。

mos cafe裝修環境同一般mos burger 分別不大，餐牌就有啲 burger 以外的餐點選擇，今次叫精選套餐諗住一次過試哂唔同類型嘅出品，但原來套餐唔包括飲品，就感覺唔夠完整迷你漢堡真係好迷你，包好鬆但唔軟，相信係因為翻熱得太乾身，漢堡略鹹但有肉汁同肉味沙律雖然只有少許生菜和番茄粒， 但品質都正常，配上芝麻醬都不錯意粉頗煙韌，冇煮到淋淋爛爛幾驚喜，忌廉汁仲可以掛到意粉，套餐睇落份量唔多， 但食完都幾飽肚

吞拿魚牛角包+熱奶茶牛角包即叫即烘，上枱時仲熱辣辣配搭吞拿魚、蕃茄、生菜、沙律醬夠清新之餘，仲夠晒飽肚熱奶茶唔係港式熱奶茶係紅茶茶包，按照個人喜好落糖同奶價錢合理坐得舒服，係唔錯嘅早餐之選👍🏻

之前在其他不同分店都有食過 Mos Burger , 款式新穎，每次都試不同口味，都很滿意。今次第一次見到這種是 cafe 形式的，有沙律和意粉食，便好想試下。居然就有這個套餐，一次過滿足了我三個願望 🤗 樣樣都可以試小小，這個雖然是迷你套餐，但食完都夠飽的，我點的是有沙律、迷你和牛漢堡／迷你煙三文魚漢堡、香草蕃茄磨菇意粉／忌簾煙雞肉露筍意粉，味道是不錯的😋

新品試食 - MOS Burger。👉松露啡菇特選和牛漢堡。包面同包底係一如既往嘅質素😂講講個啡菇，並唔係大啡菇，我諗直徑6cm啦！再加上件漢堡扒本身大過個包，顯得隻啡菇好細😂不過好食嘅，唔乾水，唔霉，咬落係彈嘅～。至於件漢堡扒，以前mos burger新開嘅時候真係幾好食，因為當時佢嘅漢堡扒都係即煎，好比手打漢堡扒嘅漢堡店，但係唔知由幾時開始，好似已經唔再係即煎咁，而且好乾，再無肉汁，亦無佢所講嘅和牛味。。醬方面，係有少少🤏松露味嘅，不過可能太少，如果唔細心品嘗未必會留意到係有松露，因為啡菇嘅味道更大，cover晒，可能我個包太少醬，因為望落都少少地。。總結: 一個普通快餐店漢堡夾左隻啡菇🙈如果大家食，建議大家叫多醬。

位於淘大商場入面, 地理位置好方便😆呢間平時都係食burger多，今日就試埋佢個意粉同甜品，上餐都幾快，幫佢地影個大合照先🥰· Ebi katsu(wasabi)Burger🍔每次點burger都係食呢個蝦堡，鐘意佢啲蝦大大隻，夾wasabi醬好衝激，雖然有啲攻鼻，但好好食😋· Tomato Mushroom Spaghetti 🍝 蕃茄味濃厚，仲食到啲新鮮蕃茄蓉，個醬就帶小小蕃茄酸味，好味之餘仲好開胃，菇菇份量好足又大塊，意粉份量都唔小，不過一食就停唔到好快食哂🤣· matcha tiramisu 本身好怕抹茶陣苦味，但呢隻抹茶唔苦，又唔算太甜

環境乾淨，(相比觀塘東廣場分店)人唔多，几舒服。員工都好後生，几有禮貌。門口見到有個精選套餐，又有漢堡包，又有意粉，又有沙律，海報影得好吸引，所以試下。單點$62, $72先免費配餐飲。但係實物嘅份量同相爭好遠。用兒童餐嘅盤黎裝，沙律得2啖，漢堡係一口漢堡。漢堡包同意粉嘅味道不錯，可以一試，但係呢個餐就唔太抵喇。如果沙律份量多几倍會好啲。同埋汽水太多冰啦，叫咗少冰又係唔聽，總括黎講係意粉整得几好食囉

Mos cafe我成日都經過，但真係冇乜點留意佢係食啲咩。有日朋友話想食mos cafe，我先知道有呢間嘢！🤣🤣------------------------------我同朋友就嗌咗和牛漢堡飯，我仲加多咗個南瓜薯餅。------------------------------和牛漢堡飯份量有啲小，性價比唔高。雖然佢塊漢堡扒好大塊好厚，仲有少少沙律。但份量都係唔夠飽。但塊漢堡扒好多肉汁。二個南瓜薯餅就甜甜地，嗰隻甜唔係死甜，所以幾好食。😋😋🤩

午餐食唔飽，經過呢一間見到佢個本蝦漢堡特價，半價都係十三元，於是就叫咗兩個， 同老公一人一個等睇戲。店舖唔算好多人，好快有位坐。不過叫外賣比較多人 ，所以等咗好耐啲包都未有。老公去買完戲飛返嚟先有包食。本蝦漢堡漢堡由三隻蝦組成嘅，仲有蝦尾添，食嘅時候要小心啲，蝦尾會有啲蝦殼痴住。蝦炸得好脆，食到蝦好有彈性，加上啲汁唔算太鹹， 味道啱啱好，增添風味。13蚊真係好抵食。呢間mos cafe仲有得自選沙律，下次都想試下。

介紹餐廳,無食過點介紹呀?緊係食完先介紹比大家啦~MOS Burger聯乘Hello Kitty限定主題店登場Sanrio kitty既粉絲, MOS分店而家同佢地有聯乘合作,而家到主題CAFE打卡仲有折扣優惠另外當然推出一系列精品吸客吸$$,喜歡既你不要錯過慶祝MOS Burger進駐香港15周年 而家全店都有KITTY既元素,十分少女風9月中開始加推新產品,到時一定要試係限定口味下個月更加會推出指定漢堡半價優惠餐廳內外都變成主題KITTY CAFE認真可愛到分店購物即可加錢換購KITTY毛巾和聯乘 Hello Kitty防UV雨遮（乙把）打卡填色優惠 在主題店開幕首兩週 (9月1至9月14日内)，只要光臨6間主題店，並以主題店為背景拍照留念，再上傳至社交平台後向店員展示，即可享有港幣$5套餐折扣優惠！MOS Burger亦舉辦兒童填色比賽，於9月15日至9月30日期間，可於各間MOS Burger分店領取填色比賽用紙，或從MOS Burger官方社交平台專頁下載比賽用紙後列印。填色後交回分店，即可免費獲贈厚切薯條（細）乙份！官方專頁最後會上載5份最佳作品，該5名得獎者將可獲贈港幣$

呢排食得太多好嘢，係時侯清清腸胃。Mos cafe $50 揀5款配料甜薯粒 👍🏿好甜，薯粒好冧煙燻牛肉 👍🏿鹹香十足雞肉 👍🏿 味道適中，又唔會鞋煙三文魚 ，普普通通，不過不失西蘭花拼雜豆，普通之選走醬菜係新鮮，夾埋味道唔錯。如果份量多啲就好。因為食完好似食左陣風一樣😂。

#淘大 #moscafe 就腳嘅黃店🤭繼上次試完佢早餐之後，今次試埋個晚餐先#吉列豬扒咖哩飯 個咖哩濃味，少少辣，豬扒ok, 唔係難食，唔會有雪味，但少少偏乾，分量唔算多😔#精選套餐 有細沙律，迷你意粉同迷你漢堡，意粉可以揀蕃茄蘑菇意粉或者忌廉煙雞肉蘆筍意粉，連迷你漢堡都可以揀和牛迷你漢堡/煙三文魚迷你漢堡/烤牛肉迷你漢堡，我就揀咗#蕃茄蘑菇意粉 同#日本和牛迷你漢堡 意粉一般，得幾啖，味道同平時啲蕃茄意粉差唔多，和牛漢堡好食呀，好有牛味，係個和牛煎得有啲燶啫，都可以，係分量少啲囉😂餐飲我揀咗同上次一樣 #抹茶牛奶 ，然後發現唔同分店都係一樣咁濃味同咁苦🤣🤣🤣🤣🤣保持到個水準味道: 6/10味精: 6/10價錢: 8/10環境: 8/10服務: 7/10#vinainklnbay #vinafood #moscafe #fusioncusine #burger #spaghetti #九龍灣黃店 #廣東話 #foodporn #foodiehk #likesforlike #f4follow #f4f

同一般MOS BURGER唔同, 有得叫意粉呀飯呀o個o的通常自己食開海鮮, 牛蒡珍珠堡... 因為貴佢夠熱同juicy有會員節扣通常50-60蚊左右, 自己比較中意佢隻厚隻薯條 另外呢間好似有橙味咖啡, 唔肯定長有定會定期換MENU

今日又出城，諗住去睇吓洗衣機，行到肚餓，同老公就諗都唔諗入左去MOS CAFE，又到選擇困難症出現我左㨂右㨂，選左黑醋雞肉漢堡🍔（$28）老公就選左單層摩斯漢堡🍔（$27），咁單調緊係唔會啦😂😂每人加一個SET，一份摩斯雞塊一杯可樂（$28），一份大厚切薯條一杯可樂（$25）。講返個餐先，黑醋雞肉漢堡非常非常juicy，唔係講緊佢D黑醋汁，係講緊雞肉內的肉汁，味道真係令人胃口倍增老公話個摩斯漢堡好有日本feel，因為外觀同味道都有8成相似，絕對唔係包埋就係一個包而我最驚喜係個摩斯雞塊，通常做包就專業做包，賣埋雞都只係一種配搭，唔會太注目，但呢個雞塊做得相當出色，比雞之專賣店更加出色，大家不妨去試一試有幾。呢間MOS CAFE非常好坐，雖然都係Open area，但一樣唔會嘈到聽唔到人講野，員工又好helpful ，今餐2人總共使左$108，非常實惠