MX (昇悅居商場) (已結業)

美心不嬲給人印象都麻麻地，但平心而論佢啲早餐真係唔錯。今日叫咗個沙嗲牛配魚柳，個沙嗲味好濃郁，個面講真麻麻哋不過不失。最有驚喜係個魚柳，首先嚟到都覺得幾大塊，識落好脆卜卜入邊仲要好滑溜。咖啡就真係要改善下，大家樂嘅咖啡係真係比較好。

疫情下, 下午茶時間客人稀疏彷彿是正常。想用消費券優惠要消費滿40蚊才減5蚊唯有轉飲紅豆冰。脆皮包嘅包都幾夠體積, 質地同價錢對稱。炸魚柳盡管係預先炸好的但亦有燈曬住保持魚肉溫暖同外皮酥脆。滑蛋就強差人意一點吧！但一般對這裝飾品般嘅滑蛋好少有太高要求嘅。紅豆冰反而令人驚嘆是3間連鎖式快餐店之中最好的一間。杯底嘅豆沙係有豆又有沙。唯獨是面層只是花奶而非椰奶。大牌子快餐店果然是大牌子。成本控制為先。如果換成部份是椰奶肯定效果不只這樣。

美心快餐每日晚市都會推出數款優惠價的小菜同燒味，每日款式都會略有不同，而且還可以以優惠價加上湯煮菜同白飯。今日叫咗兩款小菜，分別係菜心炒牛肉同豆腐煎肉餅，兩款都係各$38。另外，用某某App優惠券還可以減$10，所以好抵食。而且份量都唔少，可能因為我去買嘅時候已經係接近收舖嘅時間，所以份量多啲掛。菜心炒牛肉的牛肉件數都多，而且菜心亦都炒好爽口。而豆腐煎肉餅，每塊都有一定厚度，而且煎得好香口，豆腐配肉，加上有白菜係低，都減少左油膩感。

無骨海南雞飯，雞正常，但油飯未熟；出現生骨情况！非常難入口，還有比漏了例湯添！因為外賣都不想追回。自從沒有堂食之後；外賣多次出現這個問題；已經不是第一次；經常發生連白飯未熟透都一樣照出比客人！……請他們要多多留意㕑房出品問題。

月尾就是繼續吃窮飯。。。。最近美心在免費報紙刊登了滿40就減4蚊的優惠卷，本想到mx看看有咩野平，去到就見到大排長龍。原來有特價飯29蚊，只要12:30前就有，但因為只限100人，要先到廣告版問了姐姐拿籌先可以到收銀購買。 沒飲品提供的，要+6蚊才有，不過來開mx都知9成午餐都沒餐飲，全都要加錢。。。雖然29蚊，但叉燒，雞都維持水準和份量，非常足料，但飯就只有平時的一半，吃完只有7分飽，其實都剛剛好。

咁屋企人外賣咖喱牛腩飯，見到面頭係紅色，有啲油咁，然后食左洛口…完全係水溝辣油…淡淡既咖喱味…真係唔知自己食緊乜，真係波仔仲好食過佢，波仔又平，味道又好過MX，我都第一次試呢種咁新奇既咖喱味

之前喺上環食過一次MX俾佢足料好味既蒸魚老火湯套餐收服左。 琴晚經過荔枝角d出口商場間MX，又餓餓地,於是就興沖沖地點翻蒸魚老火晚市套餐。點知，出事。 首先條魚好咸，魚肉粉紅好似未全熟。啲湯更加味精到不得了！ 雞腳好生，紅蘿蔔又生，啲豬肉就硬到唔知想點。 白飯又硬。 成個餐44蚊就差唔多！ 最過份喺，64蚊冇野飲！明明上環果間有。再加上，坐隔離一對母女將個電話煲劇，但超大聲，又霸4個位。但冇職員理。 MX質素太混亂，分店素質唔至於相差咁遠！

在繁忙的工作中，加上糧尾！惟有在附近的美心快餐！今天的晚餐又變了飯盒！點了個海南雞飯，墊底生菜是生的，所以很新鮮。當沙律食幾清但雞像是賣剩的貨色，看來師傅也沒有心機砌好才上碟。求其斬幾件雞胸放上去便算了！所以口感不佳。幸好酸菜做得不錯，而且酸汁夠多。此外套餐內的例湯，湯料很足，有點似飲住家湯的感覺。至於飯。算了吧！只是一碗黃色飯而矣。總括而言，主角雞同飯都做得不好！相反作為綠葉的酸菜同例湯就頂瓜瓜！但由於是價錢較平，環境也舒服！惟有俾剛剛及格吧⋯⋯

Christmas 必備節目就係睇番套Christmas movie, 帶左d小朋友去睇聖誕怪怪杰，睇完時間尚早仲可以食番個breakfast.我地就去左美心MX 食breakfast , 其實我一向mama地美心，因為以前既美心好難食。見佢近幾年好似轉左型，改曬裝修先敢再試。我order 左份雪菜肉絲炒蛋出前一丁同熱華田。 真係好食左好多，份炒蛋仲好滑，而且雪菜既份量相當多。杯華田都濃味左，無咁淡！我都對佢地改觀左！

整體0k！一個人的火鍋首選。雞肉都幾滑。份量非常足，油麥菜當季非常好味，半只烏冬，，蝦滑，粟米好清甜。美中不足就是鮮蝦不是新鮮而是死好耐，肉一熟就散左仲要有沙。醉雞湯地都算濃味。🤔🤔

一早起身，返工前緊要食过醒神早餐啦，今日又早咗起身，可以慢慢嘆，去到公司附近嘅美心快餐店，排隊買咗嗰熟旦加煎双腸，配麵包同埋有嗰火腿通粉，餐飲係熱奶茶，美心嘅早餐都係有水準嘅，最緊要係杯奶茶，茶味香又濃，一個字，掂。嘆完嗰早餐就要趕住返工啦。

是日到上址午餐, 好耐無喺美心食燒味, 諗住食最普通的义燒飯, 加埋杯熱奶茶要成$45,一點也不平易但這裡坐得舒服, 所以貴一點也就貴一點吧, 但拿出來的义燒飯睇樣都估得到有幾好食!!! 重要少燒汁, 蔬菜是幾條荳角, 更令人失望, 雖說自己唔介意食瘦义燒但汁都只得少少的話, 剩返白飯同荳角可想而知有幾Dry 的一餐,睇嚟再來機會渺茫, 再會了美心义燒飯, 為了遷就現代人健康飲食妳實在令人望而卻步,

叫左個豉椒鷄炒麵做下午茶 個雞球真係好鹹 個麵都係 個公司三文治就一般 不過比起個炒麵最少是易入口的奶茶唔夠熱 覺得美心旗下的品質一向出色 無論中西都可以好放心去食 唯獨快餐我覺得佢地一直做得麻麻 不過D收枱姐姐要讚 佢地有禮又快手！

美心快餐轉咗做美心MX後，都未去過食晚餐，今日經過又咁啱肚餓，見個宣傳板有我鍾意食嘅海南雞飯，仲標榜「做一唔駛太圓滑，但SIR滑雞一定要滑」，見咁吸引就去試吓。兩個人都係叫咗雞飯：一個海南、一個咖哩：【MX去骨海南滑雞飯】雞肉都幾有雞味，但老實講我份人唔係咁圓滑 -- 啲雞肉真係唔滑囉，係咪我期望過高?酸酸地嘅沙律，食落醒胃。冬瓜湯就味精較多。左手邊個酸甜醬不錯，又幾開胃。【原煲咖哩雞飯】啲雞大舊但骨頭都大，當然雞肉亦都唔係滑，咖哩亦完全唔香唔辣。加$9可以換杯冰桶原味奶茶，雖然味道OK，但最大問題係一開始冇俾到個冰桶我，要問先搵個桶，裝啲冰，加啲水，都幾離譜。

美心既下午茶餐推出左個芝士撻系列POSTER 賣相吸引睇上去既賣相亦不錯我就ORDER 左一個芝士撻 加雞脾先講講芝士撻  芝士味道唔係好濃味道我覺得過甜..但整體唔差的而雞脾就真係差左D夠入味..可能係煮熟了放得太耐既關係令到肉質篇"鞋"呢到有改善空間去到呢一間美心..我突然覺得有驚喜入到佢地堂內佢地既裝潢令我以為去左韓式餐廳又有充電位比客人相當體貼..放低30蚊有野食..又有一個不錯既地方傾下計都算唔錯