My Way Homemade Pasta (已結業)

今日同同事去附近食呢間新開嘅 my way cafe，之前有其他同事食過話都ok先去試。都算幾多選擇，第一次食，我就唔選擇安全牌嘅嘢啦，一試就試貌似最伏並且成個lunch餐牌最貴嘅 - 海膽幼蛋麵。出奇地，又OK wor，$139 食到海膽完全無臭味，而且唔係只係個海膽有鮮味，係成個麵都有，感覺上佢應該個sauce係落咗幾多心機去研究。咁又係啊。。。如果唔係都唔夠膽係mikiki搞啦 （人流唔算特別多。。。。）餐牌見到仲有好多唔同homemade pasta，下次會繼續試。

係附近做野， 每一日都會在新蒲崗食飯， 試哂所有店咁制， 西餐全部試過哂， My way cafe 新開的，一直對呢個鋪位的印象麻麻， 因為上一手好難食，所以不抱期望，入得落口就算了 坐低左10 分鐘都未有餐牌， 等左40 分鐘先有野食， 水不是水喉水， ok麵包硬過石頭， 不過用 lupak 牛油， 鴨冇肉汁， 好鞋，意大利飯非常少， 個醬同KFC一樣， 10 分鐘都食完了。等待期間聽到後面檯話麻麻地，心知不妙...呢個鋪位上一手都係做 all day breakfast ， 今次新鋪不是太多選擇。