N.28 Teppanyaki

營業中

休息中

N.28 Teppanyaki 鐵板燒，廚師席前烹飪，與客人互動，客人能欣賞到廚師的技藝和食材的鮮美，增添用餐趣味。烹飪過程中，香氣彌漫，讓人期待美食的到來。裝潢結合日式元素、和式屏風及木質家具，營造優雅感覺。今次選了 <精選優惠套餐 $790> 及<廚師發辦套餐 $690>，各有十道菜式，除了不同的主菜，前菜、炒飯及吸物也一樣，可以同朋友互相分享。前菜前菜拼盤精緻，梅貝肉質彈牙，淡淡煙燻香氣，口感滑嫩，鮮味可口。磯煮鮑魚以醬汁加海苔慢火炆煮，入口鮮甜、帶嚼勁，令人回味。醃漬蓮藕爽脆口，伴隨酸甜的醃漬味，開胃十足。特色鐵板蒸蛋茶蛋香滑柔嫩，濃滑蛋香，加上一絲絲的蟹肉，鮮香融入蒸蛋中，令人溫暖。 <3款主菜- 精選優惠套餐>鐵板大蝦配蝦膏醬大蝦表面焦脆，肉質爽彈，傳來陣陣鮮香。蝦頭充滿金黃蝦膏，可一啖品嚐惹味蝦膏、彈牙蝦肉，雙重享受。 日本帆立貝配魚籽帆立貝厚身，煎至表面金黃，口感滑溜、濕潤，搭配魚籽的鹹香，瞬間帶來海洋風味。·香煎比目魚配雞尾酒醬比目魚外表焦香，魚皮入口吱嚓聲，清脆鮮香，魚油滿滿，沾上酸甜的雞尾酒汁，令人食指大動。<

今日同好朋友慶祝生日，特別揀左去尖沙咀食鐵板燒！以尖沙咀區黎講呢間一間set價錢吾過$1000，仲食得飽，性價比幾高。每個套餐都有冷熱前菜、沙律、海鮮、肉類、炒飯,感覺比一般既豐富。我地今次食左2款set。精選優惠套餐 $790前菜一凍一熱, 凍既有鮑魚同螺, 以煙燻方式呈現,除左增加視覺效果, 仲令到食物更入味。鐵板蟹肉蒸蛋蒸蛋好滑, 蟹肉都幾多, 而且蟹肉既鮮味完全滲透到入雞蛋內, 所以整體味道不錯。燒大虎蝦蝦肉夠彈牙, 再配左自家調製既蝦醬,呢個蝦醬唔會好咸, 加左會令虎蝦鮮味更突出。燒帆立貝肉質鮮肉軟嫩, 自製醬汁帶酒香。燒比目魚柳比目魚柳燒到表面金黃, 有少少魚油香味, 配cocktail sauce意外地夾! 另外會配3款蔬菜, 分別係翠肉瓜、南瓜同冬菇。鵝肝最印象深刻既一道菜, 個人本身對鵝肝麻麻, 因為唔太鐘意個陣腥味, 但呢件鵝肝因為無加粉, 而且慢慢去燒, 將油脂完全迫出, 去除左腥味, 入口滑嫩, 連埋烤多士一齊食好食。另外仲配左燒鳳梨同雜莓, 2種味道夾埋意想不到地好食!A5宮崎和牛薄燒5成熟,配埋蒜片同蔥包住黎食, 和牛肉質好嫩,推介!N.28 周年套餐 $9

見網上咁多推介，帶點期待訂了位，我哋心諗嚟一趟高質鐵板燒生日晚餐，點知——期望愈高，落差愈大。開場頭盤有驚喜，蒸蛋滑溜、煙燻鮑魚賣相精緻，視覺味覺都叫人滿意；鵝肝亦算有水準，但食落去始終無令人「嘩，好味呀！」嘅感覺，未夠驚艷。跟住輪到主菜環節——份量令人皺眉。三人分兩隻龍蝦，要補錢加碼卻又細隻得緊要，我哋三個唔算大胃口，竟然都覺得唔夠飽。整體食完，竟然無咗平時食鐵板燒嗰種滿足感，實在難言抵食。本來朋友特別安排咗生日驚喜，點知要我哋開口提醒先「記得」，而當晚全場只有兩枱客，呢種疏忽實在講唔過去，誠意欠奉。服務方面，侍應熱情到經常打斷我哋傾計，上菜節奏急促，一道接一道上——若你想邊食邊慢慢傾偈，呢度未必啱心水。師傅明明喺面前煮煎，但全程零交流，連眼神接觸都冇一下，感覺就似喺戲棚睇緊場默劇。作為鐵板燒，互動缺席係一個大失分位。香港餐飲今時今日競爭激烈，想贏人心，唔止靠網上廣告更要有細節、誠意與火喉。否則，食客嚟過一次，就只會得一句：「下次唔駛啦。」

首先講返，當日係約咗下午2:00嘅。入到去，就揀咗最貴嘅龍蝦餐 而我哋亦都係冇用任何團購優惠。仲加多咗隻鮑魚。首先講食材佢係非常新鮮嘅，因為隻鮑魚仲郁緊。但唔知係唔係因為我哋係下午嘅尾場。佢哋應該係3:00落場 。所以好似勁趕時間咁樣，首先D菜已經上得勁快，根本未食完上一道菜，已經上下一道。再加上可能佢哋太趕時間嘅關，同時間將幾樣食材一齊煮。都想錯之前只係喺度翻熱下，可以將原本好新鮮嘅鮑，都煮到勁難食，柴哂。到後尾3:00嘅時候，直程趕人走。途中個廚師同個侍應，喺我哋食飯嘅途中，不停傾偈，完全冇服務可言。估唔到俾咗七百幾蚊一餐嘅lunch ，2個人埋單成千幾，都可以比咁既服務人。上次喺北角，就算人哋落場。都會有得你喺度坐，最多唔serve你。重點係連啲食物都因為趕住落場，而一次過煮晒，搞到勁難食。我覺得可以有權，想準時落場。如果係咁個booking就唔好俾人哋book兩點。直接最後booking一點咪算，又要俾人book兩點又要俾咁嘅服務人。真心差無下次

食物唔差，呢個價錢係唔錯，擺盤，餐廳環境都好。 可惜唔明點解，上菜勁快，全餐飯只係用左45分鐘，廚師就可以收工，期間不停上菜，完全無停頓，每位$600鐵板燒嚟講我自己個位竟然可以有3樣食物，侍應仲話要襯熱食🙄，全餐廳只係得2檯客，唔明趕咩。鐵板燒其實都需要享受食飯嘅過程，侍應又會一路上菜，一路同同事/廚師傾計。

多年同学从美国转机经过香港，找了好久，选中这家。很庆幸做了正确的决定，食物新鲜可口，而且环境不错，靠近年关，当天中午居然只有我们一台客人（服务员说接下来的几天中午晚上都是Full Booking）印象最深的是肉卷，五分熟刚刚好。龙虾是很鲜活的，螺肉里面的汤汁也很好喝，吃得好满足的一餐！摆盘也很精美，厨师现场制作，干净卫生，价格合理（其他同等档次的餐厅基本没有出售优惠套餐）！餐厅在尖沙咀的小巷子里，属于隐藏款的美食！

食材新鮮，服務到位，值得推薦食鐵板燒到主要都係食師傅嘅功架同埋食材。馬友魚雖然係普通食材，但係今晚呢條馬友魚係非常之厚身，師傅切咗魚嗰層皮出嚟再煎到脆卜卜，好似食炸魚皮咁👍🏻👍🏻龍蝦劏開晒仲響度郁吓郁吓，師傅做到龍蝦肉啱啱熟，再配埋龍蝦膏👍🏻👍🏻師傅同埋員工服務到位，亦都好好傾，體驗滿分一個星期食咗兩餐鐵板燒，一間係銅鑼灣龍頭大哥一間係尖沙咀小店，但呢間小店絕對唔差，支持香港飲食業

同同事lunch去咗尖沙咀一間日式鐵板燒餐廳～ 叫咗兩個午市精選套餐，真係食得好滿足! 我哋叫咗香煎鐵板大蝦拼深海馬友，另外一個就係安格斯牛扒拼香煎比目魚。套餐裏面首先有個魚湯，湯底清淡，味道鮮美，飲落好舒服。接住就係餐前沙律，沙律嘅配料新鮮，有生菜、番茄同埋少少海藻，淋上咗一啲日式嘅醬汁，味道清新，幫助開胃。然後就係我哋期待已久嘅主菜！香煎鐵板大蝦真係一絕，蝦肉鮮嫩多汁，外面煎得香脆，咬落去有啲彈牙，配上少少檸檬汁，味道更加提升。深海馬友就更加驚喜，魚肉滑嫩，帶有淡淡嘅海味，搭配鐵板燒嘅醬油，簡直係完美。安格斯牛扒就更加唔使講，牛肉質地極好，煎得剛剛好，外焦內嫩，肉質多汁，咬落去有種幸福感。香煎比目魚都唔錯，魚肉香香，吃落去非常嫩滑，味道亦都幾清淡，唔會搶咗牛扒嘅風頭，反而可以均衡一下口味。甜品可以選擇豆腐同埋抹茶雪糕。我地各一～ 抹茶雪糕，味道非常濃郁，甜度適中，豆腐就有豆腐嘅香氣！食完之後口感依然清新，真係一個完美嘅結尾。

比較少有的平日午市鐵板燒在尖沙咀上班的話可以試試呢分享一下其中兩個餐目每個套餐除主菜外會包括沙律、湯、白飯、甜品主菜不錯，總體份量較細不過價錢只需百多元到二百多元。香煎鐵板大蝦拼深海馬友 $228大蝦質素不錯，口感彈牙馬友魚肉入味嫩滑 。安格斯牛扒拼香煎比目魚 $188 安格斯牛扒燒後肉汁香口、配以多款調味好喜歡比目魚細嫩肉質。炒飯(+$20)粒粒分明夠香脆乾身。魚湯有驚喜、非常入味。最後有荔枝/芝麻雪糕作結

朋友介紹下 帶咗我去食呢間鐵板燒竟然係喺尖沙咀巷仔入面 唔講真係唔知餐廳環境唔錯 服務周到我哋叫咗個套餐 有我最鍾意食嘅和牛Overall菜品都質素OK🔸A5宮崎和牛薄燒和牛燒到5成熟 入口即融包住蔥蒜食味道更有層次🔸香脆魚苗配鵝肝呢個配搭好新穎！外面係魚苗嚟㗎～炸得好香脆中間係鵝肝，口感外脆內軟🔸香煎比目魚配雞尾酒汁及時令蔬菜比目魚煎到外面香脆 魚肉嫩滑配上雞尾酒汁酸酸甜甜好開胃

這家鐵板燒餐廳位於尖沙咀棉登徑，裝潢設計以黑色為主調，營造出高級且有格調的氛圍🖤 餐廳設有吧枱及普通座位，我們當然選擇吧枱座位，可以近距離欣賞到師傅烹調的過程☺️點了「精選優惠套餐」，共11道菜🤩 每一道菜店員都會作詳細介紹，非常貼心呢～🫶🏻 整體食物味道很有驚喜，而且擺盤也很精緻😍 特別推薦以下菜式：🤍鐵板大蝦配蝦膏醬虎蝦肉質飽滿彈牙，蝦頭非常酥脆可口🤤 而蝦膏醬的濃郁香醇完美襯托虎蝦的鮮甜❣️🤍香煎比目魚配雞尾酒醬+ 時令蔬菜3點比目魚肉質細緻嫩滑，雞尾酒醬更能突出魚的鮮味💛 3款時令蔬菜 - 南瓜、翠玉瓜及冬菇也十分美味清新😋🤍香脆魚苗鵝肝卷外層用上香脆可口的魚苗，裡面包着入口即化的鵝肝，非常特別的配搭🤩 口感外脆內綿🤤 而旁邊的莓醬可中和膩感👍🏻🤍A5宮崎和牛薄燒師傅建議3成熟✨ 和牛肉質柔嫩，牛味濃郁，裡面包着香蔥及蒜片，口感層次豐富😍 可以搭配麵豉醬、蒜、昆布鹽或淡鹽吃☺️📍N.28 Teppanyaki - 尖沙咀棉登徑28號錦榮商業大廈地舖

發現尖沙咀抵食鐵板燒!! 午市套餐價錢由$148-238，含沙律、湯、白飯、甜品，很豐富☺️ 大蝦鮮甜爽彈，蝦頭膏充滿鮮味🦐 馬友魚皮煎至脆皮般，魚肉嫩滑🐟 五成熟的牛扒，油脂和肉味平均，配上炸蒜片和少許鹽不錯吃🥩 旁邊還有燶邊肥膏位，滿滿的油香，一陣仲會拎黎做炒飯！鱈魚油脂豐富!+$20 可把白飯轉成鐵板燒炒飯，配料很多，有燶邊牛肥膏、櫻花蝦、蔥等等，炒得乾身而且味道豐富😋 魚湯鮮甜好喝，最後以雪糕作結😚 整體以這個價錢來說沒投訴!

𝙷𝚊𝚙𝚙𝚢 𝚏𝚛𝚒𝚍𝚊𝚢🥳收工梗係要食餐好🎉之前尖沙咀行經棉登徑附近，見到間門面好日式嘅餐廳，原來係係間隠蔽鐵板燒🤩 不過上次去到已滿座，今次醒目預早訂咗位，放工即刻飛過嚟啦😎餐廳行型格式日系裝修，小妹偏愛坐吧枱位可以欣賞大廚嘅即席烹煮表演，當晚吧枱位7:00鐘已經滿座🫣 我地揀選咗最超值實惠嘅精選優惠套餐，人均只需要HK$800左右咋，已經有海鮮又有牛😋 超級原來Lunch Menu 同樣實惠，商務鐵板餐都只係HK$398🤩 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ精選優惠套餐$790/位𓐎精選前菜-鰻魚海草/合桃魚仔-鮑魚粒燉蛋 紅菜頭葉𓐎特色鐵板蒸蛋賣相精緻蛋形仲好保溫，加入鮮甜蟹肉配香滑蒸蛋。𓐎鐵板大蝦配蝦膏醬師傅烹煮得火候剛好，將蝦頭收得好乾身好香，蝦糕滿滿，而爽彈肉質配止自家製蝦醬，香味濃郁。𓐎 日本帆立貝厚身帆立貝加上海苔更加提鮮。𓐎香煎比目魚配雞尾酒醬+時令蔬菜三點表面煎得好香脆，魚肉肉質亦好鮮嫩。𓐎香脆魚苗鵝肝卷第一次見到大廚會用呢個形式呈現鵝肝，感覺好新鮮🤩 用上沙甸魚苗乾包住肥美嘅鵝肝，又脆又軟，雙重口感😋𓐎 A5宮崎和牛薄燒A5宮崎和牛冇得輸

最近同朋友去咗尖沙咀食咗餐日式鐵板燒午市時段 平均百零蚊 / set 已經享受到豐富嘅午餐師傅選用新鮮食材．專業又純熟嘅手法煎出熱辣辣又美味嘅鐵板燒擺盤相當精緻✨安格斯牛扒 拼 香煎比目魚安格斯牛扒．厚薄恰好煎至五成熟．肉質軟腍師傅仲將邊沿筋位切碎可配上炒飯一齊食✨香煎鐵板大蝦 拼 深海馬友大蝦口感爽彈配上加入花椒嘅日本燒汁仲有自家製蝦醬．令味道更昇華✨沙律✨鮮魚豆腐湯✨雪糕完美滿足．抵食嘅午市套餐下次要晚市再嚟食其他海鮮

今次叫咗個特色鐵板套餐😋首先上嘅係前菜,有鰻魚漬物、鐵板蒸蛋。鰻魚肥美多汁,醬汁香濃，而鐵板蒸蛋質地好滑啊,再配上磯燒鮑魚同埋海苔醬食落層次更加豐富🤤鐵板大蝦，師傅將蝦隻處理乾淨,煎嘅時間掌握得唔錯，令蝦肉食落鮮甜彈牙,而且淋上蝦膏醬汁,好食🤤日本帆立貝都幾好食,新鮮帆立貝煎得金黃酥脆,再淋上鮑魚醬汁,唔錯👍🏻香煎比目魚,魚皮煎得好香脆,魚肉細嫩多汁,加上蔬菜配襯,成件事好夾🥰最後一道出面未食過幾有驚喜喎，香脆魚苗鵝肝卷。將鵝肝包係脆卜卜嘅魚苗之中,外層食到好香脆嘅魚苗,裏面嗰層食到好香嘅鵝肝,好食而且幾有創意👍🏻💓唔錯整體黎講菜式精緻，成個用餐體驗唔錯☺️💓值得推介🌟💓