N1 Coffee & Co

營業中

休息中

匡湖居近幾個月開左間coffee shop, 附近去開超市的或附近既居民，有個新蒲點，以前只有茶記，但唔吸引，開親都唔長，但呢間我成日都見到有人閒飲咖啡，格局又舒服，食物又唔錯。鬆餅，reheat左加果醬同牛油，都幾香，但都幾大塊，好飽呢個banana mousse cake,話係home made的，個mousse好食，唔太甜，唔膩，下面香蕉片同焦糖醬，good try!整體都唔錯，可再嚟，見到有bagel同all day breakfast, 七十幾蚊都reasonable,可惜開10點，真係要好悠閒先嚟食到早餐。

話說平時去N1 Coffee&co 都要出到尖沙咀但最近發現西貢匡湖居都開左分店住係隔離既我 放假想飲咖啡 車都唔洗搭 超方便本人最鐘意食bagel 同煙三文魚 所以叫smoked salmon bagel走唔甩😍裡面仲有最愛既cream cheese同紫洋蔥 生菜Bagel 好軟熟 所以唔會食到胃唔舒服 整體 十分好😌份量好合理 另外雖然天氣熱 我好鐘意飲凍野 但因為想有咖啡拉花 所以叫左杯Hot Mocha 😍好靚 咖啡好香 奶打得好幼滑 甜度適中 員工好好笑容 食物飲品都好快有 唔洗等好耐加上環境好闊落 坐得好舒服 最後好滿足咁行返屋企

新春入濠涌祈福後，怕再入西貢市食tea人太多，再返出九龍時要排長龍。所以就選了附近匡湖居這間Cafe吃個簡單下午茶。店外的粉筆版寫這是2nd Branch，Google 後發現是N1 Coffee，「N1」就是尖沙咀站N1出口直達的意思；我還以為是no. 1 㖭！同行的點了Ice Latte，喝慣latte的他，說道味道很一般。自家今天麻麻煩煩的不喝咖啡又不喝朱古力，本想點選蘋果茶，但out of stock，再選士多啤梨茶，唯被店員極力游說不要點，說士多啤梨茶凍飲味道太淡。那麼唯有點了凍檸茶。這是杯沒有什麼茶味的飲品；勝在於22度的冬日下午，對一個誤穿了厚上衣的人如我來說，是一杯冰涼清新又解渴降溫的飲品。另點選了scone，翻熱了後的plain scone，配以牛油及strawberry jam，既香且鬆化，很難不ok不好吃的。店內不斷播放英文輕快金曲、cozy的環境、木制的簡樸裝修及安靜的顧客們，這絕對可以給滿分。在匡湖居這個地理位置，基本上是沒有什麼選擇，下一次再來這邊，我想我是會再次選擇這店。