nana's green tea

營業中

休息中

今日到位於啟德AIRSIDE來自東京的人氣茶室「nana's green tea」品嚐蹤日晚餐。餐廳主打宇治抹茶甜品及日式和風料理。餐廳環境簡潔明亮，半開放式水吧與朱古力櫃檯增添日式氛圍。冷醬油麴豚肉烏冬（北海道豚肉使用） $98這道烏冬選用北海道豚肉，搭配醬油麴調味，肉質嫩滑。烏冬冷食口感爽彈，醬汁清爽不膩，搭配新鮮沙律菜。 海老蕃茄豆乳烏冬 $128蕃茄與豆乳的湯底濃郁卻不膩口，帶有微酸開胃的蕃茄香氣，烏冬掛汁能力強。蝦肉爽彈新鮮，整體層次豐富。 抹茶蕨餅芭菲 $98這款芭菲層次豐富，包含抹茶雪糕、蕨餅、紅豆蓉、粟米脆片及抹茶啫喱。蕨餅煙韌軟糯，抹茶雪糕茶香濃郁而不甜膩，搭配脆脆口感。 抹茶生朱古力芭菲 $98焙茶雪糕與生朱古力的組合極具特色，生朱古力入口即化，焙茶帶有焦香風味，底層還有焙茶啫喱和玄米脆片。 凍抹茶牛奶雲呢拿軟雪糕 & 朱古力脆脆** 這杯飲品結合了抹茶牛奶、雲呢拿雪糕及朱古力脆脆，抹茶甘香濃郁，牛奶順滑，頂層的雪糕與脆脆增添口感。

啟德站的商場，開了不少食肆， Nana‘s green tea，一間頗為喜歡的小Cafe，是夜跟好友一同前來開餐。半開放式的水吧以及朱古力售賣櫃，堂食外賣均可。雅座舒適，裝修簡潔！點了冷擔擔豆乳烏冬 $108湯底味道濃郁，烏冬嫩滑，加上小小肉碎，味道還不錯，不過跟真正的擔擔麵有點出入，最特別還是這個烏冬是冷食的。凍抹茶牛奶白玉綠茶雪糕 $52，抹茶味道突出，牛奶滑溜，雪糕是心頭大愛，完美飲料。好友點了醤油麹涮涮豚肉沙律（北海道豚肉使用）$88，是季節限定的 😂賣相精美，沙律🥗蔬菜新鮮爽口，豚肉沒有臊味，加上沙律醬汁，清新健康的晚餐配了凍紅豆牛奶忌廉朱古力 $48，紅豆味道不算太甜，跟忌廉朱古力，也頗為合襯。芭菲是這裏的必食甜品，黑芝麻蕨餅芭菲 $88，芝麻夠香，不算太甜，蕨餅煙韌軟糯，口感一流！另一杯芭菲，選了抹茶生朱古力芭菲 $98，生朱古力同樣是這裏的賣點，生朱古力口絲滑，喜歡加了脆片的芭菲，口感更豐富。

nana's green tea由日本食到香港，時常都會掛念佢哋嘅招牌「抹茶白玉芭菲」，宇治抹茶嚴選京都百年茶農「山政小山園」的抹茶來製作角色飲品和甜品，另外日式主食亦非常多選擇，在這裏午餐或晚餐都非常適合👍▪️明太子大葉豆乳芝士意大利飯 意大利飯充滿芝士和奶香，而且軟硬適中夠晒Creamy，底部仲有香菇，伴上鹹香的明太子，整個意大利飯味道一流👍▪️海老蕃茄豆乳烏冬蕃茄豆乳醬汁，帶有清新的蕃茄酸香配上豆乳，醬汁濃郁之餘味道仲非常之夾，烏冬條條掛汁，每一啖都充滿濃濃的蕃茄豆乳醬汁味道，配上多隻爽口彈牙嘅大蝦，好滋味▪️抹茶白玉芭菲招牌名物一定要食，超級豐富的食材，抹茶醬、果凍、粟米脆片、抹茶雪糕、白玉、紅豆蓉、鮮忌廉等等，每一啖都非常精彩，尤其係抹茶雪糕，濃濃的抹茶味道，而且不太甜，真係超正👍▪️焙茶蕨餅芭菲焙茶口味一樣驚喜美味 ，味道甘香帶有濃郁的焦香，帶有可可、咖啡和穀物的香氣，其中配料可選擇煙煙韌韌的蕨餅，同樣美味▪️抹茶牛奶｜▪️ 焙茶牛奶抹茶和焙茶的牛奶飲品都係必點，味道甘醇濃郁，而且口感非常細滑，我們點了少甜味道剛好

又約住啟德的老Best食好西近近地去左AIRSIDE人氣大熱茶室Nana’s Green Tea，地鐵站一出就到，地點勁就腳！鐘意食抹茶芭菲朋友必到食店!2人晚餐可選套餐，有主食有飲品仲跟兩款甜品啱哂我地2個女子邊食邊傾~食物份量都OK，適合女仔食量，我地點了2款烏冬：柚子胡椒豚肉烏冬：清清地之選，好鐘意佢入口隻啖啖的柚子味，感覺好清新，夏天食仲啱FEEL，烏冬相當爽身，唔會煮得過淋係好正的，唔錯! 海老蕃茄豆乳烏冬：勁Juicy的選擇，成個烏冬好多汁，係由蕃茄同豆乳mix埋一齊，烏冬索哂D汁好惹味，烏冬亦好彈牙，好正！而非常IGable的甜品就揀咗：#黑芝麻白玉芭菲：好重芝麻味，喜歡食芝麻的姊妹們啱哂，甜品來說佢又唔會太滯同太甜，就算我唔係好愛甜品都覺得好OK，相當滿足#培茶生朱古力芭菲：推介生朱古力配搭，味濃如果唔想食野，茶店仲有超過50款飲品，都係高質嘅！唔食飯，tea time過黎飲杯野打卡都係一個好理想的地方! 推介推介~

餐廳位於啟德ᴀɪʀsɪᴅᴇ, 源自東京的人氣茶室, 環境型格有特色, 主打和風料理, 烏冬、甜點及丼飯, 多款招牌宇治抹茶食品, 抹茶控的朋友不可錯過✨我們點了海老蕃茄豆乳烏冬🍝 份量十足, 蝦爽口彈牙、味道鮮甜, 烏冬帶有淡淡的香甜風味, 煙韌烏冬配上開胃濃郁蕃茄醬汁, 十分掛醬、非常開胃, 必點推介明太子大葉豆乳芝士意大利飯 明太子吃起來口感豐富又不膩, 意大利飯有咬口, 每口充分沾上醬汁, 十分ᴄʀᴇᴀᴍʏ甜品抹茶生朱古力芭菲 店內人氣甜品, 賣相非常精緻, 配上抹茶雪糕、手工熬煮紅豆、粟米片、抹茶凍及三個抹茶生朱古力, 味道非常濃郁, 豐富有層次😍黑芝麻白玉芭菲 黑芝麻搭配香滑雪糕, 再配上日本的傳統甜品白玉, 煙韌有口感, 透心涼、夏日之選飲品抹茶牛奶雲呢拿軟雪糕朱古力脆脆 味道帶甘甜味同時又帶點清香茶味, 配上香滑雲呢拿軟雪糕及上層加埋上朱古力脆脆 , 十分邪惡焙茶牛奶黑蜜果凍 陣陣獨特焙茶香氣、完全沒有苦澀感, 口感也較為醇厚溫和環境設有卡座及吧枱位置, 無論一人用饍及與朋友聚會都非常適合, 服務態度親切, 店員比較多, 上菜有效率及主動收碟, ᴄᴘ值高, 晚市坐無虛席,

一個人食，社交媒體網站見到都多好評諗住試下，點知一入黎店員態度就好惡死店內客人約70%，喺唔多檯嘅餐廳，樓面都3-4個店員，佢哋都唔忙而係成日企，我唔理解點解咁？1. 一入去，我話1位，就態度頗惡叫我：「出去等呀！」，但明明入面好多空位？但ok我理解可能企入面阻到佢哋出餐，畢竟佢哋心狹窄。2. 上甜品時，店員好急咁上，而且係扔隻匙羹俾我，冇錯，係扔係檯面，都幾大聲，而我本人係被嚇親的如果佢哋係好忙，我可以嘗試理解，但佢態度咁惡死扔完俾我之後嘅舉動，竟然係斯斯然喺後面企仲同其他店員傾計傾得好大聲哈哈笑3. 俾錢時，我問有冇得payme付款，佢哋態度好惡好大聲回應：「我地冇payme架！」我認為呢個係唔需要態度咁冇禮貌嘅陳述句？明明可以心平氣和講。我自問自己都幾有耐性同禮貌，上菜等等都會講thank you但成餐飯，得上菜嘅樓面男店員係正常地好聲好氣，其他兩三位都係咁惡死嘅態度然而依然收加一服務費？食物方面，唔算出彩，但食材新鮮（番茄、牛油果都fresh）甜品方面有啲失望，雪糕太甜冇茶香味，焙茶茶凍係有茶香，但都係有啲甜。但lunch set價錢有salad，main，一杯野飲，deser

抹茶🍵控的我，得知有間東京過江龍來到Airside， 出名主打飲品同甜品 尤其抹茶🍵簡約新穎的日式裝潢設計氛圍，食物使我讚讚👍芭菲打卡都好可愛明太子大葉豆乳芝士意大利飯把西式意大利飯和日式風味融合得天衣無縫，明太子的鮮味搭配豆乳芝士的濃郁香氣，啖啖惹味柚子胡椒豚肉烏冬胡椒豚肉入味好吃，搭配清新柚，色香味俱全！抹茶🍵白朱古力芭菲高品質抹茶粉，香味醇厚，每層滑嫩口感，層次感豐富！黑芝麻蕨餅芭菲同樣好吃的香濃黑芝麻搭配軟腍蕨餅，層層驚喜口味

好開心呀!!! 去左啟德體育館睇波🇭🇰睇波前一定要去airside食飯呀一片紅海一齊撐港隊 🇭🇰好開心好熱血!!!🥰而我就揀左啟德AIRSIDE既一間日式餐廳以創新口味烏冬&精緻甜品聞名😚個menu好多綠茶焙茶 綠茶焙茶 綠茶焙茶好開心哈哈😝🔸海老蕃茄豆乳烏冬結合了濃郁的蕃茄與滑順的豆乳酸甜開胃但不膩口烏冬好好好掛汁 每條都包裹著濃娑既sauce蝦肉新鮮爽彈 整體層次豐富柚子胡椒豚肉烏冬就行清淡路線帶有柚子清香和微微的胡椒辣味都match夏天 唔會太膩🔸甜品我就揀左黑芝麻蕨餅芭菲芝麻香氣濃郁且甜度都幾甜下哈哈蕨餅的煙韌軟糯口感勁鐘意有黑芝麻雪糕, 芝麻蓉、果凍、粟米脆片, cream 等等🔸焙茶蕨餅芭菲焙茶雪糕、果凍、粟米脆片、白玉和紅豆蓉等等好香既茶香味 而且食完真係好飽!!📍nana's green tea(香港)📍香港九龍城協調道2號AIRSIDE B1樓B128號舖

呢間來自日本嘅人氣餐廳喺啟德都食到喇睇個名就知道餐廳主打抺茶呢度配上銀色天花板．裝潢好有格調每道菜式都係即製✨海老蕃茄豆乳烏冬烏冬煙韌，個汁味道濃郁配上鮮蝦好彈牙．食落 creamy 但唔膩 ✨明太子大葉豆乳芝士意大利飯明太子配上豆乳芝士，飯粒軟硬適中加上菇菌，食落一啖接一啖，有嚼勁✨焙茶芭菲 面層添上生朱古力．口感幼滑焙茶香氣濃郁，甜度適中層次豐富又唔膩大大杯好滿足，焙茶控一定要試！✨黑芝麻芭菲加入軟雪糕．黑芝麻雪糕球．冰凍幼滑配上香脆粟米片同軟軟糯糯嘅白玉．令口感更豐富抺茶同焙茶都好多選擇✨ 抹茶牛奶雲呢拿軟雪糕朱古力脆脆揀咗微糖嘅抺茶．味道香濃唔苦澀面層加上幼滑嘅軟雪糕．加上香脆朱古力．甜度剛好✨ 黑芝麻牛奶雲呢拿軟雪糕每啖都啜到粒粒黑芝麻軟雪糕半溶狀態．飲落似黑芝麻奶昔．好滑溜

Airside好多餐廳，呢間甜品店係平日都好多人幫襯，所以想試下有咩咁吸引🤩咁岩考試季節，有好多學生早放，約埋朋友仔嚟食糖水輕鬆下都見到好多年輕家長帶住小朋友放學食1️⃣ 主食海老蕃茄豆乳烏冬 $158湯底清淡，海老鮮味十足，搭配豆乳，口感滑順明太子大葉豆乳芝士意大利飯 $158味道濃郁，明太子的鮮味與芝士完美結合，飯粒吸收了醬汁👍🏻👍🏻👍🏻大推2️⃣甜品抹茶芭菲+生朱古力抹茶的苦與甜朱古力的濃郁互相襯托焙茶芭菲+白玉焙茶的香氣令人放鬆，白玉的口感滑嫩甜品真係額外驚喜，勁靚勁大杯，一杯甜品兩個人食都一定飽3️⃣自選兩款飲品🥤抹茶牛奶雲呢拿軟雪糕 $52.00口感綿密，抹茶味道濃郁，甜而不膩。抹茶牛奶雲呢拿軟雪糕朱古力脆脆 $52.00加入了朱古力脆脆，更添口感，吃起來十分過癮。

Book mark咗呢間餐廳好耐，終於約咗朋友嚟食！平時經過見到啲綠茶雪糕好吸引，堂食成日都大排長龍，今次專登揀下午茶時間，唔洗等位。見到餐牌好多選擇，主要提供日式烏龍麵，茶漬飯，意大利飯，亦都有輕食沙律和多款甜品，睇見都流晒口水。海老蕃茄豆乳烏冬 $128蝦味超濃郁，好有鮮味，大蝦爽口彈牙，好食到汁都撈埋，好推薦👍🏻👍🏻 明太子大菜豆乳芝士意大利飯 $148醬汁好濃稠，食落一d 都唔滯，明太子帶出咸香，仲有大量香菇配料，配合得宜。雪糕芭菲 $88 -$98揀咗抹茶芭菲配生朱古力同埋黑芝麻芭菲配白玉層層分明，個底有茶凍，配上雪糕，抹茶配紅豆蓉，黑芝麻雪糕配黑芝麻蓉。配料可以揀生朱古力白玉或者蕨餅。整體野食好有水準，芭菲口感超豐富，甜品愛好者一定要試！ 推薦同朋友一齊去試～

我同朋友都係茶系愛好者🥰見到呢間餐廳裝修風格都好有日式感覺🇯🇵 餐廳鹹甜野食都有🤩飲品同甜品都係茶為主😍所以就被吸引左過去🤟🏻有樣嘢值得一讚員工服務態度一流👍🏻又主動又有禮貌✌🏼😋熱擔擔豆乳烏冬唔係好食得辣😂但又好鍾意食辣嘅我對呢個烏冬好滿意😀豆乳再加擔擔醬呢個配搭好特別好好食😍烏冬又夠彈牙👍🏻😋鮭魚昆布絲柚子胡椒茶漬飯配鏗魚湯茶漬飯有得揀配湯或者茶，而店員推介我哋試吓比較受歡迎嘅鰹魚湯😊對於甚少食茶漬飯既我黎講😗感覺好新鮮，而且三文魚同埋其他配菜都會好多，所以口感好豐富🤩😋凍抹茶牛奶抹茶同埋牛奶比例啱啱好飲落都好順滑🤗😋凍焙茶牛奶白玉焙茶雪糕我呢一杯驚喜地濃郁🤭岩哂我😍可能因為有埋個焙茶雪糕🍦白玉好有咬口🥰😋焙茶生朱古力芭菲甜品一上枱已經好吸引，因為有好多層🥰呢一杯係焙茶雪糕再配埋牛奶生朱古力😚中間嗰層係粟米脆片同埋牛奶雪糕最底嗰層類似係仙草😂我最欣賞係佢個粟米脆片配埋雪糕一齊食👍🏻😋黑芝麻蕨餅芭菲呢一杯芭菲就係黑芝麻雪糕芝麻好濃郁，再配埋黃豆粉嘅蕨餅口感好煙靭😍

今日到啟德站搵嘢食, 上網睇到呢一間餐廳,以京都宇治傳統抹茶茶飲同日式創意料理所聞名 ,決定食呢間, 我好鍾意呢度嘅裝修，好有設計感優雅舒適。明太子大葉豆乳意大利飯：意大利飯煮得剛好，軟滑入味。 明太子嘅鹹香與大葉嘅清新完美配合， 還帶有濃郁嘅奶香， 啖啖滿足。海老蕃茄豆乳烏冬：海老鮮甜， 咬落去爽口彈牙， 蕃茄嘅酸甜味與豆乳嘅柔滑配搭得恰到好處， 每一條烏冬都沾滿濃郁嘅醬汁勁juicy。嚟到一定要試下佢嘅抹茶產品， 非常出色。抹茶蕨餅芭菲：杯中有雲呢拿軟雪糕、 蕨餅、 紅豆 、穀物脆片， 底層有醇厚濃郁抹茶啫哩，上層有清新嘅抹茶雪糕 ，抹茶嘅醇厚與雪糕嘅絲滑完美配合， 味蕾幸福滿滿。黑芝麻白玉芭菲：黑芝麻雪糕香氣十足，白玉Q彈, 加上軟雪糕、穀物脆片， 仲有濃郁嘅黑芝麻啫哩， 口感豐富。

日本過江龍茶室 \ nana's green tea /，唔少人推介抹茶控一定要食呢間嘅甜品！我地叫左 \抹茶蕨餅芭菲/ 一款打卡甜品，無咩特別。\抹茶紅豆忌廉蛋糕/，兩種味道都唔突出。\抹茶雲呢拿軟雪糕/ 入口香滑但茶味唔夠濃。\柚子胡椒豚肉烏冬/ 胡椒同柚子配搭新奇，兩者味道並存而無搶走對方味道，不過食到尾段胡椒味慢慢消失，豚肉好香肉味，烏冬就一般。\海路蕃茄豆乳意大利飯/ 香濃Juicy，不過愈食愈膩。\柚子芝士蛋糕/ 喜歡酸可以一試，順便解膩。\黑芝麻牛奶/ 有驚喜，入口香濃芝麻味，又有芝麻粒，口感豐富。呢個餐廳主食比甜品更有驚喜，抹茶嘅食物未有好大亮點，食到尾仲有條頭毛俾我！呢單野，點部署？ᜊ 𝙈𝙚𝙣𝙪抹茶蕨餅芭菲 $88抹茶紅豆忌廉蛋糕 $52抹茶雲呢拿軟雪糕 $48柚子胡椒豚肉烏冬 $98 👍🏻海路蕃茄豆乳意大利飯 $148 👍🏻柚子芝士蛋糕 $52黑芝麻牛奶 $45 👍🏻🍵 nana's green tea 九龍城AIRSIDE B1樓B128號舖

星期日去airside簡簡單單食個飯，因為想食綠茶甜品就揀咗呢間。每個餐都配味噌湯，吞拿魚牛油果山芋丼，吞拿魚新鮮，牛油果配山芋味道清新，不錯嘅配搭，至少我覺得有新鮮感。唐揚雞咖喱飯再加半熟玉子，味道唔太係日本咖喱味，有啲失望但味道OK。凍抹茶牛奶白玉紅豆（轉豆奶），可能因為係抹茶牛奶，所以抹茶味道唔夠出，綠茶控表示不滿足。整體上沒有太大驚喜，以綠茶作主打，但綠茶甜品唔夠綠茶，有啲遜色。以日式Cafe嚟講，咖喱竟然唔係日式咖喱味有啲奇怪。