2
2
0
港鐵佐敦站 D 出口, 步行約2分鐘
繼續閱讀
電話號碼
23140208
93197887 (Whatsapp)
附加資料
入坐時間90分鐘
營業時間
今日營業
11:00 - 21:00
星期一
全日休息
星期二至日
11:00 - 21:00
以上資料只供參考, 請與餐廳確認詳情
本身諗住試同一幢樓既餐廳,點知摸門釘誤打誤撞情況下去左呢間餐廳,首先會經過長廊,過左長廊擺左紐西蘭既產品賣,有蜂蜜,護膚品等等之後就係食野既地方,客人多數都係靜靜地做自己野,比人感覺好安靜,舒服食物選擇唔算多,食物主要選用左紐西蘭食材製成紐西蘭式和牛漢堡和牛幾Juicy,漢堡包有用牛油煎過,提升左香味,整體配搭唔錯薯條岩岩炸起,無額外加鹽,食完唔會口渴卡邦尼意粉意粉軟硬度適中,蛋熟度岩岩好,可以當醬汁撈意粉食
繼續閱讀
呢日偶然發現到呢間鬧市中位置唔錯,坐得舒服又幽靜既餐廳.尖沙咀一向人多, 呢日想去尖沙咀前喺附近揾間餐廳坐一陣,唔想同人迫. 本來既行程係去附近另一間餐廳, 但因為客滿而需要轉地點.無意中發現到呢度, 餐廳喺大廈4樓, 打開電梯門時感覺都幾特別, 小店既感覺.出左電梯,旁邊有塊牌寫住唔同日子店內有既活動, 我記得當時幾星期後有個塔羅牌活動, 可惜我當日冇遇到有活動既日子.入去店裡面先經過一條走廊, 店既用餐範圍唔大, 都有少少空間感.我坐窗邊位置, 望到街道上不停經過既車同人, 有一種鬧市中一處幽靜地方既感覺.我點左杯飲品--Mint Latte等朋友, 如果薄荷味道加強會更合我口味Mint Latte需要提一提餐廳設最低消費, 只點一杯飲品價錢唔足夠但因為之後我同朋友趕時間, 冇影到隨後點既食物相.另外, 餐廳部分食品由紐西蘭進口,主打天然, 係店既賣點之一.
繼續閱讀
#cafeeatcovery💡市中心嘅世外桃源要發掘尖沙咀美食嘅真係easy job!今次又黎到the nate,上次食印尼菜見到4樓有間紐西蘭西餐,已經心癢癢要試一入去環境好舒服,分左右兩個sections,左邊近彌敦道,落地大玻璃,睇到出面椰林樹影。小編今次就坐右邊嘅房仔,裝修好海洋feel,仲要係sofa位,好chill,好似去左外國海邊嘅碼頭咁,人唔舒算多,同朋友仔吹水啱曬!🍽香煎三文魚配沙律薯條(lunch set 連紐西蘭蜂蜜天然雪糕)三文魚好大件,唔會因為係魚扒就太乾身,仲KEEP到魚油係度,食落好新鮮。薯條唔會太燶,夠粗,而且仲有薯皮係度,多左一種嘅口感!沙律好新鮮,配上醋汁,酸酸甜甜,好啱夏天食。蜂蜜天然雪糕有陣淡淡嘅蜂蜜味,唔係死甜,非常清新。仲有啲蜂蜜粒粒,食落無咁悶,好食到推介就咁order一個食🍽紐西蘭式和牛漢堡和牛漢堡扒好厚,食落好JUICY,肉質好夠肉味。個飽有烘熱,外脆內軟,夾埋生菜、洋蔥、芝士、沙律醬等配料,一啖咬落去,口感豐富,大滿足。🍽凍紅棗蜜有啲驚喜有養生飲品係凍飲,俾個藉口女小編飲凍野。味道正常,表現合格!🍽凍蜜桃茶比起之前飲開嘅蜜桃茶偏淡,但可接受!ps/整睇黎講食物價錢唔算平,要自助拎餐具同加一服務費,大家可留意下!味道:⭐⭐⭐⭐服務:⭐⭐⭐環境:⭐⭐⭐⭐⭐
繼續閱讀
午餐時段清靜所以令我和友人很開心,而且服務生態度幾好,order左的輕量食品,起碼沒有失望,Parma ham 配菜沒有唔新鮮,食物上碟外觀幾好!環境設計new Zealand ...haha 下次會再來
繼續閱讀
聽說 Naturally Good 這間紐西蘭專門店好久,這天在樓下吃雪糕才發現它在樓上,正好拉埋朋友上去飲杯咖啡影埋打卡相。窗邊位可以望到綠樹林蔭真係好正架,食物水準中規中矩,仲可以睇下有甚麼紐西蘭天然產品可以買。The Nate 是一棟位於彌敦道和山林道交界的大樓,入口在 Pacific Coffee 隔離,四層都係餐廳,一樓係另一間近日熱門日系打卡店,四樓就係紐西蘭專門店。Naturally Good 康然坊佔據四樓整個樓層,升降機門一打開先見到這張檯。左手邊就係店面的部分,首先要經過長走廊,然後先去到用餐的Cafe。好得意的奇異鳥啊!!!想帶一隻回家!一整道走廊都設有貨架,上面可以找到多種類紐西蘭天然健康產品,有吃的也有日用品。另一邊盡頭門後面係VIP房,應該要預約先會特別開放。Cafe這邊座位不算多,約11張二人檯,有綠色窗景的只有兩張檯,唔係咁容易坐到,但好似可以預訂,自己打電話試下。我們這天來到本來不是坐在窗邊的坐位,不過坐左十零分鐘之後其中一張離席,我們就搬過去了。不過窗邊位有訂位,所以我們只坐了50分鐘左右,但夠晒影打卡相啦。蛋糕櫃有幾款蛋糕,外型都幾得意,但唔算非常吸引。店內全面採用紐西蘭進口嚴選食材,雞蛋、油、無糖雪糕、有機抹茶和水等等,我們坐低的時候無留意有最低消費,所以叫完飲品有再補叫一個三文治。餐牌第一版打開就係甜品,如果想試紐西蘭食材的話應該揀雪糕。順帶一提,叫飲品可以加 HK$25 換蛋糕或布甸,下午茶比較抵食之選。飲品主要有咖啡或茶,奶啡轉燕麥奶要加 HK$8。想試紐西蘭產品的話可以揀抹茶拿鐵,另外都有紫色的飲品好似幾有趣。主食的部分原來都有素食選擇,牛油果焗蛋、意大利飯和雜菌無麩質螺絲粉等。輕食之選有沙律、牛角包或貝果三文治。Latte HK$45我仲以為咖啡都係紐西蘭來添,下次應該試有機抹茶。拿鐵味道中規中矩,唔會讓人留下深刻印象。黑松露炒蛋Bagel HK$48因為一人一杯飲品唔夠最低消費,所以加了一個貝果。這邊不是用美式有咬口那種貝果,很容易就切開,口感比較像餐包。煎蛋口味也偏淡,可以食到雞蛋味咁囉。一場來到都要影返張有綠樹林蔭做背景的打卡相,雖然果日無諗住影相所以著左睡褲,哈哈哈。如果你係執意想影窗邊位的話,建議預先訂位以免撲空。點餐的時候記得睇清楚邊d係紐西蘭產品先點,咁會比較有特色。
繼續閱讀