New York Cafe & Bar (已結業)

今個週未家庭聚會活動約咗屋企人係元朗區等，又到食午餐時段，於是選擇了方便散水，平靚正餐廳「New York Cafe ＆Bar」🍽忌廉粟米餐湯，忌亷粟米濃郁不錯🌟田園pizza＄58，薄脆加上蔬菜清新風味蜆肉意粉＄53，闊麵意粉軟硬適中，好味4oz牛柳沙律餐＄88，特別加上烘乾煙肉使菜式提升了格調青口意大利飯＄53，鮮茄汁配上意大利飯食落好開胃龍利魚白汁意大利飯＄67，香濃嘅忌廉汁好味超值午餐，食材質素高，值得推介

這餐廳龜龜光顧次數着實不少，原因有二，第一就腳，由我家步行到餐廳，15分鐘腳程以內。第二，該店的性價比，在龜龜心目中是元朗區的頭三位置。約10年前首次光顧此店，那時候元朗根本沒有幾家賣正宗西餐的食肆，生意火紅，沒有訂座，結果等了接近45分才可入座。其後陸續都有於午晚兩市光顧，眼見入生意都很不俗，但卻沒有之前般的火紅生意，現在元朗區委實太多新開餐廳了。這裏賣的是美式西餐，室內環境佈局走的都是簡約路線，用的餐具亦沒甚考究。這裏午餐選擇不多，晚市有另一菜牌，除非預先訂餐，餐廳中午只會提供午餐食物，晚市有另一菜牌，選擇較多。餐廳午餐食物價格親民吧！不收加一，午餐由HK$53 到最貴的8oz 牛柳都只是HK$188。有湯、主菜及凍飲。吃過多次，都是質量俱佳。蒲坐下，他們便為閣下送上送上脆麵包條兩條，沾上千島醬或伴湯進食適除尊便。餐湯以薯蓉、忌廉、煙肉粒及磨菇煮成，不太稠，很香滑，他們在上湯前會問食客要黑胡椒不，要的話即磨後灑在湯上，這做法常見於中高檔次餐廳，賣着茶餐廳價錢的午餐，都有這種服務，罕見。主菜烤雞肉扁意粉賣相漂亮，這種賣相說成是酒店、米芝蓮餐廳出品亦有日相信，雞朳皮脆厚身多汁，扁意粉雖

New York Cafe 在元朗已經開了一段頗長的時間，是區內的人氣西餐廳，每到假日都會坐無虛席，所以是日選了較早時間到達，可以不用等位直接有位 店內有不少家庭的聚會，時間愈晚就愈多人，吃到一半已經沒位呢～說回食物，這裡都不收加一，而且份量都很多，點了以下食物：T骨扒 - 超級大塊，大概有女生兩隻手那麼大，但其實還有另一個更大size 的T骨扒，相信一定超級誇張～點了五成熟，比較有咬口，不過有部分位置多根，難切開，但絕對是飽肚之選牛柳配青口 - 也點了五成熟，雖然很厚身但也很淋，配上青口減低油膩感，好食～套餐的飲品可選Latte 或 Mocha 之類，而且味道很濃，不錯～絕對會encore

New York Cafe係元朗都受歡迎咗好耐，面對日日 增添嘅食店，佢一路都能夠保持水準，更高興係能保持價格既穩定，實非易事! 今次黎仲多種個沙律吧俾你揀，如果跟餐再加48蚊就可以享用，而獨立享用就可以以68蚊享用。價錢都係非常抵😎。Salad Bar裏面有七彩繽紛嘅鮮果沙個、薯仔沙律、炸雞件、多種醬料嘅同糖霜嘅窩夫、 三款cheese cake， 仲有有禮嘅店員服務😍坐低之後落order，好快就上咗一個脆脆嘅麵包條比我哋，我愛用湯黎點，非常好味!我揀咗主菜係呢個雞肉pasta，鍾意新鮮番茄汁嘅人就一定要揀佢，因為我一啲都唔覺佢用茄醬黎做，係真正鮮茄醬，加入麵條，感覺一啲都唔油膩，好鬼健康!😜嘩女士同小朋友們留言，好多謝醬比你選擇㗎，只係我prefer少料，愛食佢原味!

一放假就諗起了 New York Cafe, 因為佢嘅環境比較優靜,食物質素好,價錢合理。 同埋我最記得佢呢件4安士嘅牛扒，再配塊炸到脆脆嘅煙肉同埋佢嗰杯凍朱古力，呢個就係我喺New York Cafe嘅forever set lunch。每一次叫咗湯, 店員都好細心咁放低，然後就問你要唔要胡椒，好有禮貌咁幫你加上，好享受!就係佢👇，唔使一百蚊就可以食到我都想要medium well，冇血林林，煎得好香，肉質林，夠juicy, 滿足到我食牛扒嘅慾望!仲有一條直直嘅炸煙肉,好香脆,再配上新鮮嘅沙律菜(爽脆㗎)! 我好喜歡嗰幾條菜，永遠都係咁靚!黎New York Cafe真係享受㗎，大家必定要試試!

今天假期，入元朗搵食的人大多，但看見交通廣塲New York cafe咁多人等位，就睇下有咩午餐好食，但發現有個任食waffle &小食吧，$68包杯飲品，嘢食不算多，但最啱我可以樣樣都想試下既人，味道很好，有我平時夜晚必叫的芝士煙肉焗薯皮，仲有即叫即整雪糕waffle，我朋友食個4oz牛柳，見我食得咁滋味，佢都加$48蚊食埋一份，加埋好飲嘅凍朱古力，真是大滿足⋯⋯顧住食唔記得影埋waffle 添

其實開左十幾年，聽聞晚餐唔錯環境唔錯，想試下。lunch多人，嗰度多位就入左，個expectation都高，但個落差好大。啲 lunch set 唔特別但偏貴，最平都要$63。雞胸雞扒都唔嫩，炸雞胸個粉太多，味道整體係正常。 龍俐柳係中上，忌廉湯上品，唔止係南瓜湯，仲有黑松露。但係要讚嘅係飲品，呢個位真係性價比好高，由18$-28$ 都係唔洗加錢，首推凍朱古力，唔會太甜同好滑，我係飲mocha，都好好飲。環境一定係ok，但可能同價都有更好的選擇。

年初四聚會，厚切肉眼及戰斧牛扒，完美的 medium rare，食完意猶未盡再來一塊 T bone，其他的白酒青口、凱撒沙拉、焗龍躉柳，非常正。紅酒當然唔少得，仲有一枝老友父母自五十年代儲存至今嘅 Martell VSOP

小食拼盤依個小食拼盤有齊洋蔥圈，薯角同炸魚。可惜炸得過左火，有d油，略嫌粉漿過厚。而且魚柳外型炸到脹卜卜，可惜魚肉好少，麻麻。最欣賞就係個他他醬，唔會過鹹，岩岩好。T-骨扒完全冇諗過會咁大塊，嗌左7成熟，開頭都驚會唔會韌，又或者過熟。點知，入口軟淋，啖啖肉，煎得香口，又唔油，醬汁調得同扒好夾。而扒底就用左薯角墊底，好惹味🤤雞肉薄餅Pizza係脆皮薄底，面頭就舖滿左雞肉芝士。芝士都尚算鹹香，雞肉份量都正常。如果加多d三色椒，會更香更靚。大蝦意大利飯大蝦3大隻，肉質鮮甜彈牙，唔錯。至於意大利飯煮得有水準，唔會煮得過淋，米飯粒粒分明，絕對冇失去左意大利飯既口感，又夠creamy。不過可惜既係茄子同蒜蓉色就真係麻麻，茄子煮得偏油，咬落口一pat野; 蒜蓉色就焗得太耐，好硬，扣左唔少分。-好味指數: 7/10賣相: 7/10性價比: 7/10

一個午餐有麵包條， 餐湯，烤雞肉配意粉同凍Mocha ，都只是$59 ， 仲要免加一， 真係抵， 抵，抵。 《是日餐湯》南瓜忌廉湯，有濃郁嘅南瓜香味， 加上香滑忌廉，再配上脆卜卜嘅麵包條， 口感當相豐富。《烤䫣肉意粉》烤雞皮下脂肪很少，雞外皮煎得好香脆， 內裏肉質嫩滑 ， 配上鮮茄汁， 特別惹味。 鮮茄味道以清甜鮮香為主， 特別清新。 最後叫咗杯《凍Mocha》做餐飲， 竟然幾十蚊一個餐， 仲有一杯咁高質素嘅餐飮， 有成寸半cream ， 真係好香好滑。甜度剛剛好， 合我心意， 得閑嚟嘆番杯凍Mocha 都抵啦 ！

New York cafe 應該每個住元朗的都聽過個名，記得以前讀書果時好多人食，對上一次食已經係好幾年前。今日媽媽想食牛扒所以她提議去呢度食😅入到去有個餐前麵包脆條醫醫肚先，配沙律醬，但我哋都唔敢食太多，驚太飽食唔落主菜餐牌有好多選擇，全部單點食物都可以加$35轉set, 包餐湯同飲品。 媽媽想飲紅酒，店員細心推介左呢款比我地，都幾易入口嗌左兩個set，前面係跟餐的番茄忌廉湯。後面係加＄10轉的周打蜆湯，呢個湯好飲到不得之了鍾意飲忌廉湯的一定要試，好creamy，好濃郁Pizza係薄批，餅底好脆。Risotto 分量唔算多，賣相好精緻，味道都唔錯。個牛扒係重點好大塊好厚肉，叫medium rare 剛剛好最後有少少意猶未盡，點左個cheese cake同埋Brownie，普通無咩特別。買單唔算好貴，因為唔算太肚餓所以只係嗌左3個main dishes，share食感覺冇咁濟。另外店員的服務態度都好好，有問必答，又過嚟跟進下食物的質素

元朗真係越黎越多人，加上星期日排隊是常識吧！等既其間一直有見到幾張吉枱..以為係留大枱俾一家大細既直到我地等左二十分鐘以上，先安排左吉枱位置俾我地三個坐送上餅乾條 加醬很脆，就餅乾...Set可以㨂湯或沙律沙律菜新鮮很大一塊，分量不少西冷牛扒（$308）網紋好靚仔，食到烤既香味，要5成真係做到5成熟肉質不錯海鮮飯好味道蕃茄飯好入味。焗羊架賣相好得薯容好好味，肉質好嫩，可惜羊架欠缺羊蘇味，冇咩味飲品可揀奶茶咖啡之外，仲可以㨂 蘋果汁同 橙汁

週末經過呢間餐廳幾次，每次都好多人，一到門口就問有冇book位，好似唔歡迎walk in客咁，等都唔歡迎咁，所以印象一直麻麻，幾次過門不入。今天早上請假睇醫生，諗住係元朗食完lunch先番工，經過此店，12點冇乜人，就入去試下，當時主店內約有一半坐位有客人，兩人坐亦有位置，不知何解店員叫我到旁邊的店面用餐。講真，旁邊店面雖說是同店，但坐位比較迫，冷氣又不夠涼，就是比茶餐好一點的坐位....仲要枱底有蚊滋擾！好了，不談環境談食物，就點了午餐88蚊嘅4安士牛柳餐。南瓜湯可以，牛柳就真係細塊左啲，外面煎得唔夠脆，冇香口嘅口感，88蚊午餐嘅誠意就考驗到一間餐廳是否值得去試一試人均300-400的steak dinner了。Side dish嘅Caesar Salad 反而新鮮好味，加分。要讚下這邊舖面的侍應哥哥，招呼很好很細心，彌補了不少進店時的不快。

相熟既同事因爲生了BB決定辭職了一行人決定點都要同佢食個散水飯因為同事剛生完BB既源故不敢離開屋企太遠所以我地一班同事就揸車入元朗搵佢食飯好彩同行有另一位同事住元朗如果唔係我地真心唔知book咩餐廳同真係搵唔到路山長水又遠，一坐低即刻叫杯酒飲下先一飲薄荷味十足，成個人醒哂比左d餅乾我地食住先送酒再慢慢睇餐牌餐湯，誠意之作，唔係罐頭或者開粉湯沙律菜十分新鮮水牛城雞翼，酸酸辣辣芹菜點個醬汁食，都好好吃食炸魚無雪味，不錯用新鮮尤魚去炸，而且魷魚十分厚實有咬口，好吃T骨扒肉味十足.有咬口但一點都唔鞋，反而肉質好嫩估唔到元朗一間餐廳都卧虎藏龍食物同飲品都係誠意之作，絕對比得上九龍或香港既西餐廳怪唔得食到一半出面就已經大排長龍

食物水準好差，我唔覺得邊一碟係好食。炸魷魚個皮太厚，入面又唔香。沙律普通，菜唔甜最差係扒類，全部都係燶既。我叫左5成熟西冷，7成熟肉眼。7成太熟，5成可以。但全部外層都係燶的。只係價錢唔平，一份set，包沙律同飲品，大概400hkd一set。無下次了好既地方係。不用加一。同不斷加水。