New York Cafe & Bar (已結業)

週末經過呢間餐廳幾次，每次都好多人，一到門口就問有冇book位，好似唔歡迎walk in客咁，等都唔歡迎咁，所以印象一直麻麻，幾次過門不入。今天早上請假睇醫生，諗住係元朗食完lunch先番工，經過此店，12點冇乜人，就入去試下，當時主店內約有一半坐位有客人，兩人坐亦有位置，不知何解店員叫我到旁邊的店面用餐。講真，旁邊店面雖說是同店，但坐位比較迫，冷氣又不夠涼，就是比茶餐好一點的坐位....仲要枱底有蚊滋擾！好了，不談環境談食物，就點了午餐88蚊嘅4安士牛柳餐。南瓜湯可以，牛柳就真係細塊左啲，外面煎得唔夠脆，冇香口嘅口感，88蚊午餐嘅誠意就考驗到一間餐廳是否值得去試一試人均300-400的steak dinner了。Side dish嘅Caesar Salad 反而新鮮好味，加分。要讚下這邊舖面的侍應哥哥，招呼很好很細心，彌補了不少進店時的不快。