影片
港鐵觀塘站 A2 出口, 步行約2分鐘
繼續閱讀
電話號碼
27233223
特色
適合大夥人
包場派對
營業時間
星期一至五
09:30 - 06:00
星期六至日
09:00 - 06:00
公眾假期
09:00 - 06:00
以上資料只供參考, 請與餐廳確認詳情
前排因揾唔到節目，所以去左apm 間 neway唱歌，平日夜晚6點左右唱，成人價格238+48元唱2個鐘。差唔多7點先開始有得食。k房空間不大，而且音響感覺老舊不太好，然後揀歌既搖控短短半個鐘換左4個。。打電話到服務台都打到有d躁。到7點時終於可以去拎野食啦，原本滿懷期待架，但出到去食物種類好少。西蘭花冇乜味，感覺係就咁用水烚。所有貝殼類都有d沙，感覺未吐沙吐乾淨，而且調味怪怪地。海鮮類好唔新鮮。魚生選擇都好少，得3-4款。炒飯麵質素都好麻麻。但一分錢 一分貨，加幾十蚊黎講選擇都算多既，但我會寧願拎果幾十蚊出去食碗麵
繼續閱讀
好耐無試過係lunch時間去唱k~今日難得有朋友係外國返來話要去唱k就去下~$84元一位包午餐及一杯飲品~都ok啦點知去到睇到個menu就及覺得中伏成個menu得5款係特價午餐, 其他全部都要加錢。。。最後大部份朋友都叫左雜扒, 一個朋友就叫左白汁吞拿魚意粉, 因為其他食物真係唔太吸引個扒嚟到, 都正常嘅, 一塊薄豬同薄牛加煙肉同腸仔, 唱k包嘅lunch都唔好太高要求~吞拿魚意粉個樣就ok, 但味道就一般~下次唱k都係揀第二間。。。。。
繼續閱讀
天寒地凍，要留在室內活動！最好係唱K， 無訂位都有位，$209+$48（K-buffet)，仲安排我哋間房在自助餐區對面！自助餐有兩間動，準時開始！食物種類多，天氣太凍，凍盤無掂！主要都係食熱盤！鹵水雞髀：鹵水入味，不過雞肉有啲嚡口！醉蝦：蝦肉爽口，索晒啲酒香！鹹香好味炒飯：呢個要讚，飯粒索晒豉油香，蟹籽卜卜脆，好好味炒麵：麵彈牙好味芝士年榚：乾身微脆皮，煙韌年榚加半溶芝士！好味炸燒賣：外脆彈牙好味川辣魚蛋豬皮：魚蛋彈牙，豬皮索晒啲微辣川汁！海鮮粥：呢個真係好好味，粥底綿，我無食海鮮，因為海鮮啲味落晒啲粥度！好鮮甜！朋友食：蛇羹：佢話好足料酥皮湯：酥皮焗得好香火鍋灼菜：自己揀材料，足料湯底夠味雞翼：灌湯餃：飲品：雪梨海底椰蘆薈蜜（餐飲+$8）清甜味道唔假，海底椰爽脆有咬口，蜜味清清哋暖身熱檸茶：茶底夠濃夠熱，檸檬唔澀！店員勤快，收碟上飲唔勤快，收到落單好快出到！唱K都可以食好東西
繼續閱讀
好耐無唱過k, 今個月黎個Christmas K party 🎈 記得上次個冷氣完全控制唔到，一系勁凍，一系勁焗，今次間房唔錯，比上次大少少，冷氣溫度岩岩好。今次仲有洗手間系房入面添👍🏻 以為得CEO先有🤣因為今日星期2，平日夜晚唔算好多人，所以拎野食都好方便, 唔洗排隊。夜晚7點去到，好在朋友幫我拎左個酥皮濃湯咋，因為見佢都無再出爐😿佢仲話系謂一一碗了😻 三文魚吞拿魚好厚👍🏻 好飽。雖然未算系好新鮮好鮮甜，但都滿足了。加上切刺身個服務員態度好好，好有禮貌🙊🍣其實仲有其他野食，但我冇影到。湯，粟米湯，雞煲，花膠翅，焦糖燉蛋，車打芝士意粉，魚。。。等等👍🏻
繼續閱讀
k buffet通常俾人感覺好難食 但咁多年之後冇諗過質素提升咗咁多！首先，刺身多咗好多種類，大概有8款！每款都好新鮮！我仲食咗個白汁芝士煙三文魚意粉，好有西餐廳質素！甜品想特別推介嘅係焦糖布甸同brownies😆
繼續閱讀