影片
開飯介紹
店主曾於美國世界咖啡拉花比賽中奪得亞軍，並曾於台灣及悉尼開設cafe。餐廳提供多款咖啡豆，食客也可與店員交流咖啡心得。菜式則以澳洲菜為主，且賣相精美。
繼續閱讀
營業時間
今日營業
09:00 - 21:00
星期一至日
09:00 - 21:00
以上資料只供參考, 請與餐廳確認詳情
食家推介
招牌菜
呢間屬於係我哋上完跳舞堂的聚腳地元朗一般有特色D既cafe都係大家小巷中，比較難行難泊車，呢間就係yoho商場裡面，地點方便易搵食物質素都比較好，cafe同甜品整得好精緻，最愛他們Brunch好用心搭配，食材新鮮夠特別，牛油果🥑配石榴真的第一次食，口感好清醒食完感覺零負擔，健康得黎又低脂低卡，坐得都算舒服啱曬運動完坐低慢慢chill杯cafe
繼續閱讀
話說今日同屋企人一行四人見到咁多好評就去試吓。叫咗3樣食物：1/ 漁人海洋薄餅，整體味道不錯，唯獨是薄餅底非常硬，有機會係雪藏？感覺餅底不是新鮮製造😶🌫️盛惠$168。2/三文魚子溫泉蛋海膽米型粉，味道唔識形容，好腥，而且汁過多，同米型粉有點不搭，我畢咗幾啖就冇再食..盛惠168。3/ 唯獨最後有驚喜嘅係黯然銷魂溫泉蛋飯，呢個係好食既，盛惠168 ，最後嗌咗一杯Cappuccino total埋單$602 老實講，呢個價錢同食物質素真係不成正比，重點係沒有服務可言，叫咗個飯諗住四個人share，問咗幾次先有匙羹同碗，可能樓面得一個職員嘅關係，佢都無暇照顧其他客人嘅需求。呢樣我覺得店家應該多考慮。pS . 如果呢個價錢，但係呢一種食物質素有好多其他選擇，呢間試一次就足夠了
繼續閱讀
這家餐廳食物非常精緻，會以不少食用花來點綴，顏色多彩有層次✨✨✨當天吃餐廳的下午茶餐點，很多豐富的蔬食選擇👍🏻餐點睇落小巧精緻，但種類很多，食落份量不少！很喜歡吃他們家的自選沙律🥗羽衣甘藍好新鮮😍這間餐廳樓底很高，玻璃窗很大對外風景，視野很廣，坐窗位打卡有自然光最靚！
繼續閱讀
同朋友係形點一行行下覺得有啲肚餓，於是見到呢間裝修都裝修得幾靚，於是決定入去食！一入到去，店員得兩個，可以見唔到我地所以我地主動行埋去同佢地講兩位，於是安排我地入座！Menu就唔多野食，可能因為新開？？我同朋友一人叫左一個主食。1. Bibim Naengmyeon 韓國冷烏冬$238:個烏冬整體嚟講係幾好食，但個份量真係好細份，食完都覺得唔係好飽，但個湯底幾好食，個肉就肉質麻麻地，但整體嚟講我接受2.Siu Wan Rice燒魂飯$198:成個飯個汁好香好夠食，個叉燒好好好好食，諗唔到個cafe會竟然咁好食，仲要係整中式野整得咁好食，出色整體嚟講我都會再去幫襯，因為個燒魂飯個叉燒真係好出色！推薦指數：9/10🔥
繼續閱讀
啱啱去咗一間餐廳食晚飯，服務啱啱好，睇下佢哋菜單嘅「遠近馳名叉燒漢堡」，點完又忍唔住多加咗豬肋骨同巴馬火腿，一口咬落去，肋骨嘅肉質啖啖肉，咸香又夠味，巴馬火腿嘅鹹香更係提提味，再加上日本蘭王蛋嘅蛋味層次豐富，個叉燒漢堡食落又滋味又得意。「波士頓龍蝦意大利飯」嗰道，真係賣相滿分👍🏻，龍蝦肉爽口得滯，意大利飯粒粒分明，蘑菇同煙三文魚既搭檔又係一絕，煙燻味淡淡嘅，同龍蝦嘅鮮味好夾！總括來講，呢個地方食物係真心不錯🔥，份量夠，味道正。下次同三五知己又或者約埋家人一齊去，感受下舌尖上既美味行程，應該會成為一次難忘嘅飯局🍴。
繼續閱讀