No Milkshake No Life (山道)

營業中

休息中

No Milkshake No Life // Have been wanting to try out this cafe that has gone virally on Instagram, but I would say I am a bit disappointed by the food. Everything was just mediocre, except the cafe itself and the grilled cheese are very instagrammable.This is just like a normal cheese toast, except that there was a massive generous amount of cheese

呢間位於西環香港大學站附近嘅小店，無論店內裝修或者提供嘅嘢食，都係走美國🇺🇸風格，玩味十足。如果自問唔怕肥🐽嘅你，一定要嚟食，最多食完咪上多幾堂瑜珈🧘🏻‍♂️、Gym🏋🏼‍♀️多幾次囉！🤪🤪🤪.作為芝士🧀控嘅阿叔，基本上無芝士不歡，認識呢間小店係因為好早之前留意到好多foodie朋友👩🏻🧑🏻嘅介紹，所以一早就bookmark📜咗！趁住上星期得閒嚟西環，當然把握機會「肥」吓！😙😙😙.強烈推介招牌菜 #黐線芝士黐住芝士治 ($78)，麵包加入紅菜頭製成火紅色🔥嘅多士造型，面頭灑上芝士碎、香草，加埋好似熔岩咁洶湧澎湃嘅流心芝士🧀，非常吸睛👀，相機📸一定要食先。多士夠厚身，邊位脆，包身軟，絕對一定要襯熱、芝士仲軟嘅時侯食，口感、味道通通一流。🤤🤤🤤.如嫌未夠肥、未夠盡興，當然要飲埋呢度嘅milkeshake 🥤啦！今次叫咗 #阿華田奶昔($59)，初時好怕奶昔太甜，但呢度嘅甜度又幾好，唔太膩，阿叔都可以接受，而且幾滑溜添，不過可惜一杯價錢就有啲貴，建議小店應該推出午餐套餐價啦！😛😛😛阿叔呢排食到窮！😫😫😫

位於石塘咀的 No Milk Shake No Life，店內設計特色，休閒文青feel，打卡一流，放假和朋友來聚一聚很不錯吧👩‍🎨餐廳主打美式小食和奶昔，食物都相當花心思，招牌必吃有~🥪粉紅色暴布芝士三文治(紅菜頭製作的粉紅色賣相吸睛芝士配上香草醬味道濃郁👍)🥤焦糖花生醬真脆煙肉奶昔~份量足料❤Hi完Tea仲可以去埋附近中西區海濱長廊影靚相和欣賞日落美景🌅💏由地鐵香港大學站B2出口對面馬路轉右就見到

原本係想去石硤尾 點知就毛啦啦去左大學哩邊原來佢冇牌寫全名 只係係幅牆油左NMNL唔上網睇返張相都唔知係哩間 差啲食錯隔離店一趟門入去完全冇人招呼 要自己走去問店員佢就叫你自己攞餐牌睇 我就真係攞完餐牌睇完坐住等見佢地咁忙又唔知係要等佢地得閒出離落單定自己去落直至見到人地行埋去落單先知叫左兩個重點食 癡住芝士治 同 咩花生煙肉奶昔盛為142大元落完單比埋錢 比返張飛你 上面印住"Clesn after you eat your mother doesn't come here"睇人地執枱 原來門口有個垃圾桶就係要自己倒完比返隻碟佢點完食物 仲要等嗌no.自己去拎 都等幾耐講真食物個賣相真係唔錯 (同埋幾鍾意枱面嘅圖畫)食落就... 又唔係唔好食嘅 冇乜感覺 好普通咁囉(如果平時食到好味嘅野 一定會即刻星星眼 再搵日離食)sor 收咁嘅價錢 係我期望多左嘅所以就話離哩度食 就真係打卡啱晒打完卡食過一次就走得

地點係有少少難搵，但係一入到去就知道打卡係一流，到處都是打卡，我同我啲朋友不停影相，仲食完野影完相好耐先走。而我們order的是兩杯不同的milkshake，仲有兩份多士。雖然啲包係有啲硬，但係飲完個milkshake係幾好飲，仲好飽肚tim~

早排喺fb見朋友share一張好吸引嘅all day breakfast圖，就心郁郁咁叫佢帶我去好好咁懲罰吓呢間餐廳本身都好餓諗住食返個all day breakfast，但一路行過去朋友係咁話個pancake聽講好好食，坐低咗又驚見隔離位嗰碟三文治勁吸引，於是... 下次先食all day breakfast啦朋友叫咗杯咖啡同蘋果pancake個pancake入面有乾果，啲cream入面有啲柚子碎好清新，蘋果好香好甜，賣相又靚，不得了👍👍👍👍我就order咗香芋milkshake同黐線芝士黐住芝士治 店員姐姐話我係佢做咁耐以嚟第2個人落order講哂全名見到啲芝士咁，都唔需要講太多啦，簡直係邪惡到想每日俾佢邪惡吓啲麵包焗到好香好脆，加埋流到咁嘅芝士... 好想去試埋辣嗰款而milkshake就非常咁足料，好香濃嘅奶味加勁大量嘅香芋，好滿足好飲到會想下次試埋有酒系列綜合嚟講係非常之正，舖頭裝修得好有style，服務又非常之好，嘢食更加係有需要再深入咁探討品嚐試多啲唔同配搭下次希望無俾其他嘢誘惑咗去，順利試埋個all day breakfast

.黐線芝士黐住麻辣雞治 $92不得不承認個價錢係貴得有啲黐線😂但真係十分足料 尤其係啲芝士 多到一路食一路擁出黎😍小編覺得稍微有點辣🌶知道咁樣講大家都唔知啫係幾辣我只可以話俾你知之後兩日💩💩我個🌼係有點被焚燒既感覺不過係值得架🥺💬如果會嗌其他野 建議同朋友開心share呢個👭.美國西冷牛扒炸薯條 $82又一足料之作係鋪滿咗芝士喺西冷同薯條拎去焗所以薯條稍微林身 薯條灑滿味粉推介給喜歡濃味/重口味朋友🙈

聽聞哩間店噶三文治好好味，一直想試試，今日趁住休息終於有機會去試試啦，一定要食噶就系癡線芝士黐住麻辣雞治，滴芝士好多啊，多到流出來，超好味，雞肉好大份，仲有小小辣辣地，搭配埋滴芝士超級惹味，而且個賣相都幾好體噶，叫多杯野飲，滿足！

【黐線芝士黐住芝士治🧀 】HKD78-芝士迷注意啦😈 芝士同我啲口水都一齊流緊🤤 睇翻張相都覺得肚餓🙈呢間最出名嘅係圖中嘅芝士三文治同特別口味奶昔🥤，例如焦糖花生醬煙肉🥜。今次先介紹三文治先～紅菜頭麵包嘅顏色十分搶眼👀 麵包烘得好脆🍞 入面搽上自家製香蒜醬汁，好香口👃🏻 入面嘅熱溶芝士多到湧哂出黎啦🤤😍 份量真係好多，每啖都食到芝士😏 不過凍左會變硬，要趁熱食呀😋唔好睇佢細細份，食到一半已經好膩😵 一定要share👫👭👬

黃店感謝日特登黎支持黃店🥰不過！！！黃店都要做好出品先可以留住顧客架😪定價偏貴，但都有唔少HKU學生同附近打工仔黎幫襯。裝潢以及播放的音樂都好西化，不過座位無椅背，坐得唔舒服，應該預人外賣或者打卡快快趣食完就走。Toast有啲似Issac Toast，又係落大量芝士😽可惜紅莓醬夾心太普通，唔會想再食🤠Pancake實的的，應該係前一晚整定再返煎😕無蛋香，真係自己係屋企煎仲好味🤢爆谷食得出係一包包果隻，淋得黎又無咩焦糖。其實煙肉、爆谷pancake根本唔夾，3樣野被迫擺埋一齊咁，成碟野無靈魂🤧

平時經過呢個舖都好滿座，所以未幫襯過。咁岩今日可能晏左，見到有少少吉位，唔洗等，就同男友入去試下。不過入到舖頭，地方好細+好少枱，仲要d吉枱好多垃圾，諗住坐低左就會有職員抹台，或者serve我地，點知..係冇既！咁想試下呢間野，唯有自動波，自己去收銀度拎餐牌，然後諗好就落單喇，比完錢，個收銀見到我地枱污糟，先至叫埋另一個同事執枱。坐低左，男友話好嘈，原來枱對上就係喇叭，開到勁大聲，耳都痛埋，所以轉位。等左10-20分鐘，終於有野食喇，超餓。不過，有野飲、有野食，就係冇餐具同飲管/或者搞棍。心諗，呢間餐廳真係好奇怪，奶昔同咖啡冇飲管/搞棍..可以點搞混野飲呢，，三文治唔要餐具都ok，咁熱香餅係咪又要奶住咁食？！最後問職員有冇餐具，佢地掛住玩，冇理過我地 最後，發現原來近門口張枱個底放左餐具，真係一肚氣，服務態度好差！叫左鹹夏威夷果仁咖啡..幾香、幾好味！而奶昔就好多粒粒野..鹹鹹地..又硬，感覺好怪，又甜又鹹芝士治頭幾分鐘都好好味，但係食食下開始石化，個邊仲要好難咬得開，用佢d刀叉切，差d斷開埋，都唔知咩玩法。而熱香餅，就同平時自己超市買粉+用水開嚟整冇分別。題外話，最反感嘅係，食食下野

🧀🥪 Crazy! Cheers! Cheese黐線芝士黐住芝士治 $78The sandwich was excessively filled with super gooey cheeses!!!! (tho cheeses are never too much for a turophile🤟🏻) As shown on its Chinese name, the amount of cheeses is legit chisin😂😂😂 Needless to say, so satisfying after substantial cheese intake👌🏻🙌🏻🍴9/10-🥑🦀🥐 Avocado & Crab Meat Croissant牛油果蟹肉牛角包 $88Avocado-and-crab is never an uncommon combination. Avocado were finely smashed and crab meat was torn into tiny piece such that they are evenly distributed on

朋友讀港大，又知我係芝士控，所以佢就帶我黎試左呢排網上好紅既芝士三文治店。呢間舖紅到石硤尾最近都開左分店，所以我都好好奇佢有咩咁特別。我地叫左一個三芝士文治，就咁睇賣相都好吸引，d芝士好似熔岩咁流出黎，加上粉紅色女仔一定好鍾意。食落去芝士味好重，加上芝士好煙韌，簡直系視覺味覺大滿足！呢間鋪既奶昔都好出名，所以我叫左佢即招牌奶昔，花生醬煙肉碎奶昔。飲落去個味道好特別，唔同一般甜既奶昔，間中會食到d煙肉碎，鹹鹹地，但有返d花生醬中和返，唔會令到成杯野好鹹，值得一試。

一家帶有文藝氣息的小店，店內掛滿了有趣可愛的裝飾小物，整體氛圍溫馨而輕松。店內的菜品沒有珍貴的食材卻擁有難得的平凡美味，俱樂部三文治頗受歡迎，味道純正口感豐富，推薦蛋沙拉三文治:煎蛋看著便令人食欲大增，蛋黃晶瑩地仿佛下一秒就要爆漿而出，蛋面上撒的調料不僅提味還具有點綴的效果，令整個菜色豐富而可愛。

I came here for the first time being a fan of milkshakes. On a sunday morning i ordered peanut butter and chocolate milkshake plus spicy sichuan chicken and cheese. Milkshake was good during the first sips but became too heavy on the tummy right after. Chicken in size is very small despite the price of $98. Overall experience its mediocre. Will come back and try the taro milkshake. And by the way you have to pay .50 cents for the straw if you dont bring your own. Also you are only allowed to din