NOJO

營業中

休息中

餐廳主打一系列雞湯拉麵+日式小碟，拉麵可以選擇不同湯底，之後再挑配料! .第一次試柚子湯底的拉麵，果然是清新不油膩😚湯底帶微微柚子味，為雞湯底增加層次感，配埋柚子皮絲食味道更出! 麵質偏粗身，頗有咬口，軟硬適中; 慢煮雞髀肉質不算十分嫩滑，不過勝在夠入味🤤 雞肉丸口感軟腍，不是很實在的那種肉丸質感👅另附上薑蓉，大家可以按個人口味加入湯底，個人認為薑蓉更能吊出湯底清新的味道，是不錯的配搭🥳.其他小碟同樣出色，價錢都好合理🙌🏼不過當日點嘅吞拿魚丼就麻麻地，得幾片好薄嘅吞拿魚而丼飯亦毫無調味😐所以去拉麵店都係要食翻拉麵👀

呢間拉麵店已經聽過好多朋友仔食過話okay，而且成個裝修係結合左日本和式同西式酒吧既風格，感覺係in trend 同fashion，所以去開中環就試下。Soy Source Ramen 🍗：佢主打慢煮雞脾，雞肉咬落去好諗，質地同平時普通煎雞翼嗰種會有纖維嘅肉質好唔同。佢係好密，入面纖維好似溶化曬甘，係個得意既experience。而個湯底你望都知係極濃，所以係好掛湯，但麵質唔會淋曬。女仔食係超級飽🙈Assorted Sashimi 3 kinds🐟：刺身新鮮有光澤，油份夠，入口軟滑🌟最特別嘅店員係會拎一個漏斗嘅物體出嚟，將一啲嘅味噌壓碎過濾，變成一個醬汁搭配刺身食，同平時普通豉油嗰個層次昇華，睇得出餐廳的食物有要求。Ginger Ale🥃：雖然ginger ale好多地方都有，然後大致上嘅味道都差唔多，不過放冰嘅份量，同埋用咩容器裝其實都會影響味道，而呢一度出嚟嘅感覺係正嘅。

據我所知，Nojo Ramen Tavern早已經喺2016年嘅時候於USA開業，賣American風格的日本拉麵。或者你會覺得聽落有啲奇怪，但放心，當你食過佢嘅主打—超濃郁雞湯拉麵之後，你可能有別的想法。呢間餐廳烹調時會以骨膠原雞湯做湯底，所以湯底仍然係純正日本滋味。每口湯都係以雞肉、雞骨、骨膠原等熬左成8小時，既濃郁又鮮甜。呢個拉麵嘅岀色之處除左湯頭之外，有配料也冇馬虎，絕對係充滿歐美嘅風格，蒜蓉多士、慢燉雞髀等，入口相當美味。話明呢間係富獨特風格嘅拉麵店，咁當然不能不講講拉麵。我特別欣賞餐廳用了粗身拉麵，食岀嘅感覺係入口爽滑，加上又濃又稠的骨膠原湯底，湯汁掛上麵身，每口麵都能吃岀師傅對煮湯底的心機。呢間食店坐落於中環地標石板街旁，有室內，有露天，室內以黑色設計，感覺好型格，啱哂夜晚chill!

諗住行上d會冇咁多人食點知lunch time一樣咁多人不過一點幾所以等左一陣就有位成間餐廳嘅環境好似bar呢個係daily special 既明太子沾麵就咁睇落明太子嘅份量好似唔係好多但其實撈勻左之後已經可以覆蓋晒啲面沾麵既麵條粗度比拉麵粗可有咬口另外再加多左隻慢煮雞髀呢碗係柚子湯拉麵湯底係雞白湯滲出淡淡嘅柚子香另外仲有三粒免治雞肉丸大食嘅朋友當然要加埋雞髀先滿足啦牛油果豆腐青瓜沙律呢個係單點既，幾清新可惜牛油果唔算太多

I don’t think Nojo is a good place to eat during summer as most of their seating is outdoors and they don’t have any outdoor cooling. I came here for dinner and I wanted to sit indoors because it was humid and hot outside. The inside is even hotter and more stuffy than the outside as their kitchen is open and their doors are open. Sitting outside at night there where also a lot of mosquitos. Left the evening with 5 mosquito bites, make up running and just feeling gross to be honest. I couldn’t e

日本拉麵一向都係香港人最愛，而我今次就去左 NOJO 試下美國拉麵🇺🇸叫左一個 Potato Salad with Smoked Salmon Roe🥔🍣用薯仔沙律取替醋飯，係一個幾新鮮嘅做法，Raw Cucumber with Moromi Mayonnaise🥒生青瓜同生洋蔥點上麵豉醬同蛋黃醬，味道唔錯👍🏻Patina Style Chicken Ramen Tomato + Spicy Minced Chicken 🍜 辣油令到個蕃茄湯底有少少微辣，落埋檸檬汁同肉末🍋口感更加豐富，拉麵好彈牙之餘，仲好亦好掛汁😋Spicy Minced Chicken Tossed Noodle 特别在於佢係撈麵😬店員另外會俾支辣油我地自己加，所以可以自己控制個辣度🌶材料有紫菜、蔥粒、洋蔥、雞肉粒、芫茜，另外加配左 Soft-Boiled Dashi Egg🥚 同 Slow-Braised Whole Chicken Leg🍗Matcha Sweet Potato Bake with Assorted Ice Cream 🍨抹茶同甜薯比例啱啱好，甜薯食落好香甜🍠而抹茶嘅甘味可以中和返紫薯個甜味🍵所

-❤︎慢煮雞腿醬油拉麵🍗($138)❤︎煙三文鮮薯仔沙律花之戀🍣 ($68).位於石板街上的Nojo是美國風的日本拉麵店 星期五晚上座無虛席 幸好預先預約了🤪店內的湯頭以雞湯為主調🐓醬油湯香濃帶點雞香味但沒有普遍雞湯的油膩感雞腿肉質十分軟嫩 很美味❤️花之戀寿司也不錯 用的是煙三文魚和薯仔沙律 配撘新穎 像是寿司形態的沙律🤣環境也挺舒服挺chill的第一次在這種環境下吃日本拉麵 🤣周末來吃碗拉麵 喝杯啤酒 jeng!😛

日本拉麵一向都係港人最愛，星期六就特登嚟到pottinger street 嘅NOJO一嚐美國風格嘅拉麵！呢度嘅環境都好西化好chill，裝修得好似酒吧咁。好，同日本嘅好唔同，而且更設有室外座位。不過依家正值夏天，所以我同朋友都係坐返室內涼下冷氣。呢度食物種類繁多，有串燒，刺身，壽司，天婦羅，丼飯等等。但嚟到當然要食招牌拉麵。我哋分別叫招牌 Soy Sauce Ramen佢原隻慢燉雞脾，肉質好嫩好腍，一啲都唔老。拉麵掛湯力強，而且好彈牙煙韌，十分好食好有口感。湯底則以雞肉雞骨煮成，飲落好稠好厚，感覺飲咗好多膠原咁，味道亦清甜，飲完都絕對無太濃味要飲好多是嘅感覺。另外試咗個Spicy Minced chicken tossed noodles呢個好特別佢係撈麵嚟。店員另外會比支辣油我哋自己加，要幾辣就自己控制。呢個辣汁調得好好，同個麵好夾，食落更惹味，值得一試。而且個麵有好多材料，有洋蔥粒蔥粒雞粒紫菜芫茜等，食落更有口感。最後叫咗個matcha sweet potato bake with assorted ice cream作結。抹茶同紫薯都係真材實料。個紫薯食落好香，個甜味一啲都唔假

沿住中環石板街一路行上去呢一條凹凸不平既石板小路，就會見到呢間型格風格既餐廳 Nojo店內用輕工業風既設計加上木同黑色元素，份外有型格味道，有露天坐位咁樣出面既街景就可以一覽無遺，感覺幾正嫁都！Nojo來自美國舊金山，主打美式風格既日本拉麵！聽到友人介紹既時間已經好想去試啦！🔆Soy sauce x chicken ramen湯底以雞肉同骨膠原等材料熬煮8小時再加配秘製醬油而成，湯底充滿膠質，入口濃郁香甜，拉麵掛湯力都不錯。原隻雞髀，雞肉入口鬆化，有啲甜味同鹹香 幾過癮！Stewed potato in blue cheese sauce好淋既薯仔加埋芝士醬，配搭既得意唔錯唔錯！Market fish with Sea Urchin soy sauce好好食！食完到寫食評都回味緊，海膽加豉油呢個好特別 將一舊海膽放係帶子同魚生上面！無得輸又鮮又甜！ 估你唔到真係Corn Tempora見枱枱都嗌，梗係咪嗌埋一埋啦炸得好脆，但唔會好有油脂感 放凍咗都仲係好食Sukiyaki Skewer望吓個蛋黃幾大😂一串有2舊 一個係和牛包金茹，另一個係包菠菜！入口即溶，中間有個京葱中和一下！掂呀總

<Konbu cured salmon >三文魚刺生用左海草醃，有d青瓜味～加小小檸檬味道好fresh <Avocado and tuna>牛油果同吞拿魚好夾～木魚加埋醬汁味道好特別。<Sake lees fried chicken> 唐揚同出面食開既味道好唔同，外脆內軟唔會比炸粉調味料，遮蓋左雞嘅味道，雞保持鮮嫩多汁💓<Soy souce>湯底雞味好重～但有小小比蒜味搶左。偏咸，拉麵自家制，口感好好，好特別。慢煮雞腿好入味，感覺師父好用心去做👍🏻

是日中午來到位於中環砵典乍街的NOJO，主售美國風格的日本拉麵，係以骨膠原雞湯成名的塚田農場經營的副線。餐廳裝潢採用輕工業風設計，感覺型格菜單上除左各式各樣的日式拉麵，仲有前菜、炸物、小食等等選擇Soy Sauce呢個醬油味雞湯底係餐廳嘅人氣之選！拉麵配料好豐富，有慢煮雞髀、牛蒡片、生洋蔥粒、日本京蔥絲等等。慢煮雞髀肉肉質鬆化軟身，用筷子就已經可以輕鬆夾起～湯底則濃鮮而不膩，啖啖鮮雞香嘅同時又帶有陣醬油鹹香。而湯嘅質地不會太濃稠，配上幼身小麥拉麵，掛湯能力佳！麵條中加左麥粒，多左份麥香，感覺健康！Shrimp Miso蝦麵豉湯底用鮮蝦熬製，濃厚度適中，呈橙色，帶有濃濃鮮蝦香味～呢碗則係粗身麵條，Q彈有嚼勁，滿有麵粉同雞蛋香。蒜蓉多士超香脆，滿有牛油香，浸湯之後仲吸收左濃蝦湯底，非常美味！雞肉丸同溫泉蛋都需要另外加錢的～溫泉蛋採用日本雞蛋製作，蛋味濃郁！雞肉丸口感腍滑，雞肉味好香濃呢！我個人比較喜歡呢碗拉麵多d炸日本麵包配雜錦雪糕外表沾滿砂糖的炸熱狗麵包，味道有啲似日式冬甩同港式沙翁。麵包內裡則包住菠蘿粒同蜜紅豆，非常香甜。面上仲有雲呢拿、抹茶、焙茶味雪糕，邪惡又美味呀

Nojo位於中環石板街😇來自美國舊金山的一間日本拉麵店店內裝潢以木為主 加上古銅裝飾店員也很熱心介紹各種口味大多店員都是日本人 好有heart同禮貌原來呢 nojo是塚田農場副綫來自日本宮崎縣的人氣居酒屋😚😚 ✿三文魚牛油果丼↛$108五塊三文魚表面輕輕用火燒過滿口三文魚油脂😋可惜三文魚切得薄身半隻牛油果配白飯 同淡醬油拌飯 好creamy ✿Soy Sauce↛$128原隻雞髀湯拉麵醬油湯底拉麵 配料有一隻慢煮雞髀 半隻溏心蛋 大葱等等湯底濃厚醬油味道 蓋過雞白湯的味道😳配料另加$18 鷄肉丸子雞肉丸子脂肪瘦肉比例剛好油脂感十足 口感軟綿綿慢煮雞髀輕輕一咬就拉開😛😛但肉質較乾

喺中環石板街的NOJO，裝修風格和佈置都係現代化，非常新潮！店舖有分室內和室外座位，不過今天雨下很大，所以食客都選擇室內。下雨天的景色也是不錯的！Ginger Ale $48Sashimi Salad $108塞得滿滿的一碗，上面有大量不同款式的刺身粒。刺身包括有三文魚、吞拿魚、油甘魚、帶子、蝦等等，菜葉新鮮爽口，不錯的！Tuna Sushi Roll $128這個很特別，店員會先用dropper 為我們的壽司卷逐一加上適量豉油。豉油份量啱啱好，吞拿魚赤身新鮮軟腍！Sukiyaki Skewer $128不只有和牛，還有串著金菇、蔬菜和大蔥，跟一顆日本蛋黃。牛肉味濃，點埋蛋黃更加香滑！Wagyu and Sea Urchin Rice Bowl $93以麵豉湯的湯碗盛著，燒至半熟的和牛上面有兩片新鮮海膽。白飯索晒和肉嘅精華同肉汁，很惹味的！

最近事忙，所以大多數日子都只是公司、屋企點對點咁走房。今日趁要陪媽咪出上環買野， 就專登找了一間舒適而又有特色嘅餐廳吃lunch。媽咪喜歡吃日本拉麵，在中環工作的朋友說可以來試試這家， 說口味可能更適合我。拉麵店有著型格摩登的裝潢，坐著很輕鬆寧靜，沒有濃重的湯味及食油味，似咖啡館多點。餐牌全英文，原來這家店本身是由三藩市引進，難怪帶點洋味。我點了醬油拉麵俾媽咪， 拉麵本身跟雞脾同半只溏心蛋，足夠。而我就點左個日本和牛海膽飯，店員提了飯是一人份，portion比較迷你， 難道連店員都看得出我大食😅？所以我再加了一份特別漬物、燉薯仔配芝士醬汁、櫻花蝦玉米天婦羅，想想大概應該夠了吧🤔。飲品我要了Suntory draft ale, 跟手點了綠茶俾媽咪。他們的綠茶以鉄鑄茶壺沖泡奉上， 感覺認真。最先登場是拉麵，一看就食欲大增。湯頭非常濃郁，但其實味道清甜，因為湯頭是用雞頭雞肉等熬煮，膠質豐富，配上甜香嘅特制醬油，我試了一口，味道潤滑濃厚，醬汁有一陣甜香。雞脾是醬油煮的，似我地嘅豉油雞脾，不過味道就偏甜。拉麵麵質爽滑，我影完幾張相都保持得到。天婦羅非常香脆，乾身，一點油都冇， 我杯啤酒是選對了😁

今次嚟到中環嘅Nojo食好西 Sake Lees Fried Chicken雞髀肉係用咗Sake調味，外皮炸得非常香脆，肉質嫩滑，食落啖啖肉完全冇骨，而且有淡淡Sake味😋！Soy Souce 醬油雞髀拉麵🍜湯底以雞肉雞骨骨膠原等熬8小時而成，濃郁鮮甜，個湯掛麵力強，麵條煙韋韌有口感，而且雞髀仲係慢煮嘅添所以保留到肉汁嘅鮮味！Spicy Minced Chicken Tossed Dry Noodle呢個伴麵我做得幾好味，有紫菜蔥粒洋蔥雞絲等等材料，食落麵質口感非常好 Fried Japanese Bread with Assorted Ice Cream個包底似係用咗donut嘅包再配上三款唔同口味嘅雪糕，包括有焙茶綠茶同雲呢拿，焙茶雪糕好香茶味推介👍🏻Matcha Sweet Potato baked with Ice Cream綠茶焗甜薯配焙菜雪糕亦非常推介，綠茶同甜薯的比例做得啱啱好！Happo Sake Orange 淡淡的橙汁味加上Sake對於平時好少飲酒嘅我覺得好容易入口幾好飲呀 😆整體黎講餐廳環境好、服務質素又唔錯餐廳侍應有啲係日本人添，食物品質亦都非常好值得推介😋!!