NON KITCHEN

營業中

休息中

眾所周知牛頭角觀塘一帶都有好多好食嘅工廈餐廳，呢間西餐廳就係其中之一。呢度最吸引我嘅就係任食沙律吧🥗，所以耐唔耐都會黎食個lunch☺。 🍴任食沙律吧有餐包、餐湯、各種蔬菜同醬料種類都幾多架♥️常見嘅有羅馬生菜苜蓿芽紫椰菜小蕃茄粟米少見嘅有南瓜紅菜頭，連superfood羽衣甘藍都有餐包都有幾款，牛角包、提子包、芝麻包等好豐富 而且refill得好快 值得一讚👍 🍴炭燒紐西蘭西冷牛扒$178 + 薯條$18牛扒夠厚 有肉味表面嘅坑紋增加微苦焦香味底下墊住嘅薯蓉夠軟滑另外加左個薯條 份量好多!而且係粗身薯條 好香脆好味😋 🍴蕃茄汁海鮮意粉$138海鮮有青口、魷魚同蝦全部煮得都剛剛好 唔會過熟變韌醬汁係香蒜蕃茄味蕃茄味濃郁 偏甜 同蒜味相輔相成🤩 🍴朱古力心太軟$48入面朱古力漿超流心 整得好好朱古力味香甜濃郁點少得絕配冰凍雪糕同朱古力餅碎係好sweet嘅甜品🥰

工作關係黎到牛頭角覓食，上網搵左呢間餐廳食晚餐，意想唔到工廈之中呢度晚餐都幾多人！晚餐叫左二人Set，可以自由選擇主菜同主食，再可以加錢升級唔同食品！Set for two $598前菜大塊多士配搭黑松露牛油，牛油味香，仲有陣黑松露味吸引食慾！西蘭花椰菜忌廉湯湯品攪拌得又滑又濃郁，有時好怕太菜味既湯，但呢款啱啱好又夠味！凱撒沙律沙律爆多芝士粉，配合爽口生菜、蕃茄同脆口多士粒，多重口感又有種清新既感覺。黑松露野菌意式燴飯意大利飯夠曬濕潤，有時真係好驚食到又乾又硬既意大利飯，而且黑松露野菌調味夠曬濃郁，鍾意食菇既我非常加分！炭燒伊比利亞黑豚扒碳燒網紋既黑豚扒，食得出碳香味，豚扒肉質有咬口，配搭黑椒醬汁提昇味道。意大利雪糕泡芙甜品方面係雲呢拿雪糕，雪糕夾住泡芙再入面有朱古力雪糕，多重雪糕口感甜曬入心，側邊仲有奇異果、士多啤梨、藍莓，甜甜酸酸甜甜作為尾聲，滿足！

【Non Kitchen】@nonkitchenhk我地叫咗個2人set 💰$598前菜有湯同沙律仲有餐包😙餐包仲有手指餅食幾得意😂😂🫣個南瓜湯幾creamy同濃味但又唔會heavy🎃🎃 啱啱好~~ Pepperoni Pizza🍕臘腸味道都幾濃 但個人就麻麻地薄批😂U.S. Angus Sirloin Steak 🥩嗌咗五成熟既安格斯 唔會韌 牛味都濃 個汁點埋幾好食😋甜品本身個set係包Profiterol 朱古力泡芙較硬身 朱古力味唔算話好濃但勝在唔係好甜 正正常常啦!但我地都想試Tiramisu就額外加咗💰$38😝味道唔算好甜 食落唔會覺得好膩 做飯後甜品 啱啱好~~

今日係牛頭角依邊上堂，約埋一個好耐冇見嘅朋友嚟工廈覓食，上到餐廳以為係工廠區夜晚會好多人，點知都爆場，好彩早啲上嚟食飯姐😂😂😂餐廳選擇都幾多，滿足每個人嘅口味☺️餐廳依家為左慶祝6周年，可以用優惠價升級肉眼扒或加購紅酒🤪🤪附送嘅餐包，搽上帶黑松露味嘅牛油更加好食😋🦀炸軟殼蟹薯條 ($118)軟殼蟹新鮮炸起大大隻，唔油膩，同朋友一人一隻就啱啱好✌️✌️薯條份量十足，蘸茄汁係最match 嘅配搭最好食😋😋😋🍛西班牙海鮮飯 Paella ($168)海鮮飯都有幾多海鮮，有青口、帶子、大蝦，魷魚，帶子有輕輕一煎，青口同大蝦已經處理好，魷魚有咬口👍👍蕃茄醬汁撈埋米飯一齊炒，粒粒分明。加埋豬肉腸落去炒，食落口仲鹹鹹地夠哂香🤩🤩🤩🍝Spaghetti Carbonara ($168)朋友叫左佢嘅最愛Carbonara，佢有煙肉又有蘑菇，份量啱啱好，食落好香又夠creamy，鍾意食Carbonara就一定要試下🤪🤪🤪🍹Oreo 薄荷朱古力 ($68)鍾意食薄荷朱古力嘅人一定要叫，薄荷味好香，朱古力味亦都好濃郁。🍹Fruit Punch ($68)Fruit Punch好清新，面頭仲有啲生果可以食。

🎃🎃Halloween的晚上，特意挑選了Non Kitchen來進行晚餐😎因爲貪佢夠近屋企，同埋好想食佢地既酸菜豬手😌😌溫馨提示一下，其實餐廳離牛頭角地鐵站好近，位於工業區個邊，樓下有條樓梯可以直接上一樓就係，大廈門面雖然有啲啲簡陋，但一上到去就完全不同感覺🥰😍 大門口裝潢好有格調，入到去係全層都係餐廳，燈光裝潢都係高質享受，連同行既朋友都讚我今晚既安排❣️❣️講番食物，兩位女士，點左以下食品🔅餐前麵包 （每檯餐廳都會送）🔅亞拉斯加蟹肉牛油果塔 $138🔅黑松露野菌薄餅 $118🔅燒德國咸豬手酸椰菜 $298🔅青檸梳打 $68🔅熱檸茶 $28❤️亞拉斯加蟹肉牛油果塔蟹肉多到一個點，加埋牛油果同塔低既配菜，口感好爽，同埋味道唔太咸，前菜一流，即時開左味蕾，繼續享受美食❤️燒德國咸豬手酸椰菜呢個簡直係招牌菜，咸豬手燒到個皮勁脆，但入面啲肉仲好juicy唔鞋口，同埋鍾意食酸菜既人，要試下，因為配埋豬手一齊食，真係另一個境界（個人覺得好好味）臨走時，同職員傾開計，原來佢地可以包場搞婚禮同Party , 仲可以提供房比人換衫化妝👍👍都幾窩心，呢個場地同食物真係值得再黎😋餐廳仲做緊6週年優惠折扣，不妨去感

會黎呢度食晚餐既其中一個原因係環境舒適而且幾有feel，所以今日揀左黎呢度同朋友聚會我地嗌左Set for 2 ($598)凱撒沙律 + 餐包 2份蔬菜新鮮爽脆，加上烤過既麵包粒同香濃芝士，非常清新開胃餐包亦非常鬆軟，加上黑松露牛油調味更添美味是日餐湯 - 西蘭花忌廉湯 2份有淡淡的西蘭花味，香濃幼滑，感覺健康又有營養蕃茄汁海鮮意大利粉海鮮相當唔錯，有蝦、魷魚同青口，新鮮爽口彈牙炭燒美國安格斯西冷牛扒 ~10oz賣相100分，肉質鮮嫩亦好厚身、肉味香濃而且多汁，仲充滿炭燒嘅味道意大利雪糕泡芙 2份係用泡芙包住左朱古力雪糕，口感豐富

觀塘工業區有好多好嘢食，好多地方都要捐窿捐罅先搵到，好似今日嚟呢間西餐廳，門口都幾隱蔽，係工廠大廈旁樓梯上去～地方好大好舒服，枱與枱之間保持適當距離同私隱～先來奉送餐包配黑松露牛油，餐包好鬆軟，仲有粒粒果仁～配上香濃香滑的黑松露牛油好夾～西班牙海鮮飯 Paella 🥘 $168海鮮材料好豐富，有鮮蝦，青口，帶子，魷魚，全部都好新鮮，帶子厚身鮮甜，青口飽滿，🍤鮮蝦爽口彈牙，🦑魷魚鮮味爽口～同傳統西班牙海鮮飯有少少分別，蕃茄味濃郁但唔會好鹹，意大利飯粒粒分明，每一粒都比醬汁包住～另外加個西班牙火腿令個飯味道有鹹香同煙燻味😋燒德國咸豬手配酸椰菜 Roasted Pork Knuckle w/ Sauerkraut $298賣相好吸引，豬手好大舊，豬手外皮焗到好香脆，切落去已經聽到卜卜脆嘅聲音🤩肉質肥瘦適中，色澤粉嫩，皮肉之間有一層煙煙韌韌嘅膠質，層次豐滿～豬手味道鹹香但唔會好肥膩，唔使點醬都夠晒味～🍟薯條都炸到好香脆又唔會過火，加咗少少辣椒粉更惹味～🥗伴碟嘅沙律菜都好新鮮，仲有酸菜酸酸甜甜，平衡返肉嘅油膩感～朱古力心太軟 Chocolate Lava Cake $88心太軟嘅流心效果非常好，

觀塘多工廈餐廳好多人都知但唔少都好隱蔽所以無目標，系好難揾到間好野依間雖然都係要揾下但都幾就近地鐵站入到去見裝修好有格調朋友聚會或者兩個撐枱腳都好岩一一一Menu有set餐，散叫都好多款睇完覺得兩個人叫set餐好似好啲沙律，餐前包，湯，主菜，甜品，飲品全部都齊一一一沙律正常發揮。餐前包要讚，好香，外皮重有少少脆重有棒棒餅，兩個配埋個香草醬好好食一一一湯系西蘭花甘筍湯，清甜得黎無草青味再加左$38轉龍蝦湯，龍蝦味濃到爆，正一一一主菜要左-黑松露野菌意式燴飯味道香濃之餘要讚個飯，完全做出左意大利飯個只外軟內煙韌既口感，好出色-炭燒美國安格斯西冷牛扒依個簡直一睇就有誠意外面燒出好靚既格仔紋入口就好有炭燒味，叫5成都做出內淋滑感一一一最後跟依個甜品-意大利雪糕泡芙好特別，都系讚既

今次同屋企人嚟到觀塘，特登就係食呢間好多人都會講起嘅隱世餐廳，Non Kitchen👍🏻喺餐廳樓下先至發現原來係冇lift答上去㗎，好彩都係一樓，如果唔係我一定放棄行上去。雖然要行嘅樓梯唔多，但上到去都真係好攰吓㗎。好彩佢嘅食物真係好高質，搭救返冇<lift>搭嘅壞處。今次我叫咗一個香煎帶子雜菌意式燴飯，帶子真係好大嚿，外脆內軟，真係煎得啱啱好。雜菌意大利式燴飯，用白汁做底，雜菌香味好重，加埋白汁，真係食到舔舔脷。講一講個主角，就係佢嘅沙律吧，蔬菜好新鮮，而且有好多唔同種類嘅蔬菜俾你揀。沙律吧仲有好多唔同款嘅麵包俾你任食。我最開心嘅係，佢嘅餐湯都係任飲，今次仲要有南瓜湯飲，真係令我開心到上天堂啊。一定會再返嚟食👍🏻

每日放工就係我放鬆既時間，所以我總希望可以坐得舒適一點🙃想對自己好多一點！今日就去左牛頭角站一間隱世西餐廳🤫餐廳非常闊落，帶點工業味道，絕對適合累寶寶休息！餐前點心加分位啦！麵包熱辣辣，仲有佢個醬係另外加左黑松露架！yummy yummy炸魚薯條魚柳滑滑外層炸粉唔會太厚，薯條份量都幾多，主菜前食都不錯！菠菜芝士意大利餛飩配黑松露忌廉汁好耐無食過意大利餛飩，菠菜芝士本身已經好無敵，忌廉汁份量偏多，如果喜歡醬汁就好岩食！炭燒伊比利亞黑豚扒今日突然好想食豬🫠扒面陣陣焦香，半肥位置雖然邪惡但好好食，配菜件薯仔好有蕃薯味道，唔知關唔關焦香左，超正！^ 設有加一服務費

同朋友去左呢间位于观塘及牛头角中间既一间5千尺餐厅，实在系一个好难忘既体验🤩 首先，佢哋有提供salad bar semi buffet, 可以任食新鲜沙律🥗另外主菜都好有质素！😋今次点左碳烧牛扒，蕃茄猴头菇蒟蒻面同焗龙虾🦞特别喜欢蒟蒻面，面质本身好有口感，再配上蕃茄汁同猴头菇，配搭更加出色😋😋另外，焗龙虾半边都好肥美又多膏💓💓最后，仲食左佢既自家制雪糕苹果批，热辣辣既苹果批加上云呢拿雪糕，一试难忘，好满足😍A wonderful and delightful lunch experience in this 5,000 sq ft Western-style restaurant in Kwun Tong💓 They provide set lunch with semi salad buffet🥂We ordered steak, mushroom konjac noodles in tomato sauce and lobster 🦞 Typically love the konjac noodles as it perfectly matched with tomato sau

🥗🍝Non Kitchen🍖🍽約左朋友食飯，近觀塘牛頭角一帶，搵到呢間餐廳，其實有少少僻，我唸食中午飯附近打工仔會黎食多啲，晚上就較少人。🔸餐前麵包 - 點好野食後一陣就上呢個餐前麵包同脆包條，都好精緻，有個忌廉跟埋，唔算酸忌廉，不過好滑。🔸焗芝士煙肉大啡菇 - 第一道菜上，好靚，大啡菇切半，上面既料好足！擺盤亦好精美。食落口幾啖已經覺得好好味，好有驚喜，因為上面材料係勁香！菇又吸收左啲材料香氣，好推薦！🔸菠菜芝士意大利雲吞配黑松露忌廉汁 - 第二道上菜既意大利雲吞又好濃味，黑松露汁做得好好，雲吞細細粒，入面食到有菇茸，肉碎。意式雲吞一向都較軟身。🔸燒德國咸豬手配酸椰菜 - 主角來了，一上枱，已經加十分🥹真係望到都脆，擺盤好靚，切落去間直要用ASMR去形容，我地係有錄到，不過太多雜音😵‍💫就唔俾大家聽了。豬手味道十分好，無咩可以挑剔，係皮脆肉不韌，醬汁夠，有三款，黑椒，蒜蓉，茄汁，配薯條，連薯條都係好脆。無敵！因為近年已經好少出去食豬手，亦唔係間間做得好食，值得大家去食👍我地本身都有唸過叫套餐，但因為唔係特別想配沙律同湯，所以就想食啲唔同既野😋餐廳氣氛好好，音樂，服務都好。唔太多人，寧

🕖時段-星期一夜晚今日早放工 6點半已去到 餐廳在工廈晚飯唔算多人_▫️Set for 2 $598選擇困難症直接嗌set😂 包2份沙律 餐湯 餐包 1個pasta/pizza 1個main 2份甜品同野飲_🔸菠菜芝士意大利餛飩配黑松露忌廉汁又係唔係度度有既意大利餛飩😋煙韌餛飩皮包住經典菠菜芝士饀 口感同味道都唔錯 我地掛住影相傾計放涼左仲保持到口感 唔會痴埋一pat咁 另外sauce係漿狀偏稀 我鐘意稠身啲但呢個ok~ 朋友都好喜歡😙_🔸炭燒伊比利亞黑豚扒 一上菜時我第嫌佢細份 但切落係好厚身既黑豚扒 食到好飽🤰🏻肉質ok 唔算好juicy但唔會乾柴 好厚肉 個燒坑紋好sharp😂_🍽環境餐廳係工廈 空間好大唔會覺得同隔離枱好近 侍應都好細心同有禮貌👍🏻

約左朋友附近見面，牛頭角地鐵站附近的選擇都不少，但希望有一個可以慢慢坐的地方，網上都不少人介紹這一間。地方唔算難找，亦近地鐵站🚉。Set for two $598.00 Caesar Salad 🥗 凱撒沙律凱撒汁均勻遍布在羅馬生菜上，前日沙律來說份量啱啱好，麵包粒都很脆，擺盆乾淨唔會一堆野甘。羅馬生菜🥬新鮮爽口亦干身唔會有清菜水殘留。Soup of the day (西蘭花🥦忌廉湯）極度懷疑西蘭花🥦怎自成一湯的情況下所作的大膽嘗試，綠色湯上有心意拉花，化了妝已打分合格，沒有奇怪菜草青味，味道出奇地好。跟湯包包似手工包，還有香草餅乾條，牛油是黑松露牛油🧈又靚又好味😋。Smoked salmon pizza 🍕 煙三文魚🐟薄餅煙三文魚比薄餅厚重，接近一比一鑽石💎比例，本身想叫牛油果薄餅，但二人餐無這選擇，好在沒有令人失望，煙三文魚上面滿布火箭菜上面灑上千島醬，黃金組合。Char-grilled U.S Angus Striploin Steak 🥩 炭燒美國安格斯西冷牛扒 （5成熟）香港好多西餐廳都有西冷牛扒，吃西冷已經是日常事，要令人記得又是另一會事，朋友說有一種特別的味道，入一口一試

今日朋友帶咗我去牛頭角地鐵站附近食西餐，原來呢間Non Kitchen已經開咗六年，餐廳環境好舒適，枱同枱之間有足夠距離，又無限用餐時間，可以放心同朋友飲下酒、靜靜地傾計，如果想慶祝生日都係唔錯嘅選擇！今次我哋揀嘅Set For 2（$598）已經包咗沙律、湯、一款意粉或者pizza、一款主菜、甜品同飲品。Caesar salad 呢款凱撒沙律有新鮮沙律菜、蕃茄、煙肉、麵包粒，上面舖滿芝士粉，份量適中。餐包有兩款，要一讚non kitchen嘅黑松露牛油，非常香！Daily soup係西蘭花湯，上面有可愛嘅奶油拉花，入口清新。Pepperoni Pizza薄批底烘到好脆口，除咗Pepperoni同芝士，pizza表面仲加左火箭菜，口味更豐富又健康！Char-grilled U.S. Angus Striploin Steak（10oz）炭燒美國安格斯西冷牛扒，今次叫咗5成熟，牛扒表面煎到有超靚格仔紋，非常焦香，入口鹹香味幾重，肉質軟嫩，配菜就有燒蘆筍、蕃茄同薯仔。Profiterol 意大利雪糕泡芙，朱古力雪糕入面包住粒冰凍泡芙，甜而不膩，加上仲有水果伴碟係完美嘅飯後甜品！另外，店員們