Nonsense

以前流行的是傳統的芝士蛋糕；疫情期間，巴斯克蛋糕卻莫名大熱起來；而之所以叫巴斯克蛋糕，原來起源於西班牙的巴斯克地區，某一戶當地居民在家自製蛋糕時，因為一次失誤的製作過程，卻意外獲得好評而流傳至今。所以有時意外意外，總有意料之外的驚喜及收獲呢。.而這間是朋友推薦的巴斯克蛋糕，以我所知有幾間分店，位於我曾經無比熟悉的土瓜灣就有一間了。而當天因有要事需港九一日遊，完成任務後，為了犒賞自己的辛勞，便決定入手最愛的蛋糕嚐嚐了。⋆_____ɪɴꜰᴏ______⋆𓏲 原個巴斯克蛋糕：⧐黑芝麻口味 + 開心果果仁脆脆 $168 (5吋）蛋糕採用低糖及低油配方，不使用植脂奶油及防腐劑 ，並且採用進口忌廉芝士及牛奶，吃用時更安心。而且巴斯克軟心或流心的ʙᴜʀɴᴛ ᴄʜᴇᴇꜱᴇᴄᴀᴋᴇ更有多達24款口味，總會有合其口味的心水呢。.味道方面，蛋糕雖然其貌不揚，但味道濃郁充滿焦香；一刀切下去，軟心滑溜的黑芝麻內餡，加上綿密滑順的口感，美味又可口；加上頂層舖滿了海量的開心果果仁脆脆，口感更豐富呢！..𓏲 巴斯克蛋糕切件：⧐百利甜酒⧐開心果吉士⧐朱古力⧐奥利奥因為想多試幾款口味，便加購了幾款心水口味的切件蛋糕。幾款

食完一次已經即刻再encore嘅餐廳原本第一次係咁啱屋企人生日見到呢間餐廳有生日畫碟 就即刻book左試試整體食物質素都有驚喜 特別係煲仔飯之後就直接bookmark左呢間餐廳 ·青芥末醬北海道唐揚魔鬼魚塊 $98見到魔鬼魚塊咁特別就叫左黎試下個味同普通炸魚塊冇乜太大分別不過值得讚嘅係佢唔會因為係炸就好油膩全部人都一啖接一啖咁食·黑毛豬肋肉日式煲仔飯 $148午市：$128 配熱飲晚市：$148一上枱店員好詳細咁同我地講食法亦好貼心咁提醒我地個煲邊好熱 要小心佢建議食左試原味先 之後先再加豉油撈埋一齊食一開蓋就聞到好香 份量亦比想像中多好多未豉油主要就係食到飯香 但已經好食加左豉油吊味就更加香 同埋底啲飯焦食一流啲肉超嫩同淋 真係有驚喜·軟芝士牛肝菌忌廉扁意粉 $68呢個好似係午市先有 晚市menu未見到有一開始見到$68仲配熱飲已經好震驚以香港餐廳黎講完全係良心價仲要份量好多 亦好重菇味 真係冇嘢可以批評·炸軟殼蟹海鮮芝士咖哩鍋（配油餅） $248第一次去已經想試 可惜太少人第二次終於有機會試到上枱大大隻炸軟殼蟹係面 海鮮份量好足 芝士都好拉絲一個鍋會配2塊油餅 用黎點咖哩食一流強烈

今年生日唔食自助餐，揀咗一間有得畫生日碟嘅餐廳，因為畫碟要預早比資料，所以早喺一個月前喺whatsapp訂位同畫碟資料，畫碟服務每人最低消費$250。我覺得餐廳食物都幾好味，個蛋糕又好食，不過就迫啲，枱與枱之間枱之間比較密，多數都係慶祝生日。澳洲和牛封門柳•大啡菇，牛肉有牛味，唔柴唔韌，唔錯。西班牙黑毛豬肋肉•日式煲仔飯，豬肉嘅肉質好好，一啲都唔鞋，又唔似醃到咁鬆軟，好味。鵝肝•牛肝菌•黑松露忌廉扁意粉，味道唔錯，不過我覺得細碟咗啲。橙汁。Mango smoothiesOreo巴斯克軟心芝士蛋糕，真係畫得好靚，背影都畫埋。

依間土瓜灣嘅餐廳已經喺我個list好耐，十二月時終於的起心肝去訂檯，估唔到平日嘅晚上都好爆，冇訂檯應該未必食到啦😅黑毛豬肋肉日式煲仔飯 $148天氣凍緊係想食煲仔飯，但唔一定要去中式飯店，依度都有好多款西日式煲仔飯食，我哋叫咗其中一個好出名嘅黑毛豬肋肉，一嚟到賣相好靚，有隻蛋打咗喺中間，加埋大堆頭嘅豬肋肉同雜菌，店員亦好細心講解食法，整體都好好味😋炸軟殼蟹椰香喇沙扁意粉 $168依個相對賣相一般，軟殼蟹睇落白雪雪，食落口亦唔脆，但椰香喇沙調味唔錯😅小山園抹茶吉士流心芝士蛋糕配焦糖燉蛋 $58甜品唔錯，意外地焦糖燉蛋成為咗依餐嘅MVP😂Pistachio Latte $44開心果鮮奶有大量開心果粒，但開心果味唔太出🫠依間餐廳好多Fusion菜式，我下次都會想再嚟試吓其他口味嘅煲仔飯同甜品😍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Nonsense北帝街143-155號順輝大廈地下4號舖📍宋皇臺港鐵站D出口8分鐘路程

男老闆又好好招呼同介紹菜式💕預訂甜品仲可以喺個碟上我家吉吉，相似度90%好感動食咗個煲仔飯、飲品、蛋糕好好味！一個非常愉快嘅晚餐經驗！好少寫食評，不過今次真係值得推介。Thanks

今日平安夜帶左屋企去食呢間日式煲仔飯，好好彩即日book都有位，餐廳今日分左2段時，基本上都full 左9成，我哋用餐時間係1730-1945，完全時間充足，唔會食得好急⏱️我哋4個人叫左13樣野，💰賣單$1500左右，平安夜黎講，價錢合理👍🏻👍🏻個個都食得好飽，服務員態度都好好～上網睇啲人推介煲仔飯，煲仔飯我哋覺得味道一般，但其他野食都好好食，有西餐水準，燉飯都好夠味，牛舌整好淋好易咬，特別推介大家試佢個巴斯克蛋糕（原味），好好好食😋整體都比我感覺好好

得悉Nonsense有慶祝生日的限量畫碟服務，惜我預訂座位時已滿額了，但都照來吃晚飯慶祝朋友的生日吧！預訂了8時多來晚飯，到店時，店內仍然是客滿的狀態，獲安排坐一張最角落的枱，座位有點狹迫。黃金炸單骨雞翼，份量不多，新鮮熱焫的炸起，好脆口。炸粉厚薄適中，不會炸得好油膩，鹹蛋黃味香濃，不會令人感到膩滯。韓式辣魷魚韓國蠔日式煲仔飯，採用韓式辣魷魚及韓國蠔，但為什麼叫日式煲仔飯呢？煲仔飯的賣相不錯，大約7-8隻炸韓國蠔圍在煲邊，中間是辣魷魚，最中心是生蛋黃。炸蠔的size適中，肉厚飽滿，帶點蠔味。魷魚爽口微辣，將生蛋黃與飯拌勻，辣味加微脆飯焦，更為惹味。黑毛豬脆片卡邦尼扁意粉，黑毛豬脆片好大塊，微微鹹香，口感夠脆，不會硬。卡邦尼扁意粉份量足，醬汁濃稠，每條麵條都能沾上醬汁，香而不膩。甜品點了鐵觀音巴斯克軟心芝士蛋糕 ($58)及開心果巴斯克軟心芝士蛋糕($58)兩款，分別配朱古力雪糕及法式焦糖燉蛋。即使沒有畫碟服務，甜品的擺盤也好繽紛。鐵觀音的茶味不夠清香突出，而開心果則是滿滿果仁香，好吃得多！蛋糕口感軟滑綿密，又不會太過甜，好吃。飲品分別點了Rose Latte，Pistachio Lat

NONSENSE📍觀塘🔸烏龍茶流心巴斯克蛋糕 $128 5寸烏龍茶味偏淡☕️芝士味濃郁口感順滑😍😍流心效果較弱🥲價錢都幾抵味道質素高分～～7.0/10🔹OREO流心巴斯克蛋糕 $128 5寸中間流心效果好勁一切開就爆漿🤣🤣好多oreo 碎碎芝士味香濃🤤🤤性價比高7.2/10

當日3點幾入到去，已經見到啲員工係到食緊飯，心諗住係咪休息，就多口問一問仲做唔做生意，點知佢話仲做，就坐底左叫野食啦。用QR code 點餐，點完個員工又過黎再問一次我食什麼，已經覺得好奇怪，之後叫左一個巴斯克蛋糕。食物上左無耐，個員工就去左關暗餐廳既燈，勁黑，好似無客人一樣，之後叫佢調返光，還好像不情願地做，跟我說他們下場了。其實如果明知就下場，跟我說不做生意或者幾點就下場就可以，但係不應該要做生意，但係之後就不管你，迫你走，全程也沒有服務，還要收加一服務費，真是荒謬地差。

啲嘢食好有心思好出色個老細又好好招呼同埋好有心做好間餐廳！預訂甜品仲可以喺個碟上邊幫你畫畫！食咗個煲仔飯，非常特別又好好味！小食叫咗雞翼同魔鬼魚和牛舌都非常出色附近有停車場同街位方便揸車人士！地鐵站5分鐘左右巴士站亦都非常近！我覺得最開心應該會係包場同親友過一個愉快嘅晚上。公司做Annual dinner亦得。好耐冇去過一間咁有心機嘅餐廳！一個非常愉快嘅晚餐經驗！自問自己非常揀擇，唔會隨便寫食評！不過今次真係值得推介。

今次生日飯嚟到呢間餐廳食來呢間餐廳主要原因，係因為可以比相整生日蛋糕，個生日蛋糕整得好似叫左一個蝦的日式煲仔飯都好正，好好食另外叫左個串燒，肉味肉汁都好夠仲叫咗個煙三文魚魚子沙律兩個人食就夠晒，好飽添，間餐廳可以再嚟

先講結論, 態度唔太好, 食物質素都一般, 唔會encore 朋友問起會勸佢避伏, 無食過唔係損失要講嘅話其實呢間係強行fushion嘅cafe, 無串燒的 所以完全唔係居酒屋路線, 揾食嗰時直接被openrice個分類fake咗去到我哋叫咗個黑白松露炒薯條、海鮮咖喱鍋、温泉蛋芝士蟹肉焗大啡菇、帶子白松露油蒜香炒扁意粉 salted caramel chocolate先講松露薯條, 其實就係薯條然後另上啲松露醬俾你點, 個醬都唔算濃, 點茄汁食仲開心啲, 建議去top blade 無限任叫松露薯條好過之後上個海鮮咖喱鍋, 本身見佢有跟個烤油餅仲諗住會好正宗印度feel咖喱, 但上到枱超失望完全唔係嗰回事, 求其落連鎖叫個咖喱都仲惹味過佢之後個温泉蛋芝士蟹肉焗大啡菇正正常常, 算係幾好食 salted caramel chocolate都唔錯, 算係有飲到少少咸味overall 啲staff都係好似好熱情, 但好唔識do中途朋友夾嘢嗰時整污糟件衫, 抹緊嗰時咁啱上咗杯嘢飲, 唔知點有啲互動要做朋友明顯唔得閒 但staff都無話關心下拎tissue or咩, 淨係好pushy想朋友快啲做完

放工行過宋皇臺，就打算揾間餐廳食dinner, 係唔起眼的鋪面外，原來有間唔錯的西餐廳。我地order左沙律，蝦意粉同埋甜品。沙律好大份，意粉完全超乎我想像，好creamy好好食，估佢唔到。甜品就正路嘢，無特別驚喜。當晚都滿座，估唔到呢個區啲餐廳生意都咁好。

作為開心果控聽到邊到有開心果出品一定要去試下🔥之前就已經係佢地餐廳試過佢地嘅巴斯克嘅切件，試過幾隻味都係最鍾意佢地嘅開心果味，一試愛上聖誕個陣突登去買返個大嘅巴斯克嚟開party即日去都有現貨，而且蛋糕價錢又唔貴，好推薦👍🍰開心果巴斯克蛋糕5吋 $198蛋糕口感綿密，中間係軟心，好creamy開心果味好濃好突出，仲可以食到好細粒嘅開心果碎最有驚喜係佢嘅芝士味唔會膩開心指數：💚💚💚💚💚🔥超推介比鍾意食開心果嘅朋友，呢個一定唔會令你地失望🔥

今日同母親大人黎到土瓜灣撐枱腳，食物質素有驚喜，坐落好舒服。三文魚魚柳 大蝦 蟹肉丹麥吐司 + 大啡菇：每樣食材調味都做得好好，三文魚煎到外皮金黃色，肉質鮮嫩可口；大蝦爽口彈牙；蟹肉丹麥吐司食落酥脆；大啡菇肉厚多汁。松葉蟹膏蟹肉忌廉扁意粉：賣相吸晴，蟹肉份量勁多，食落鮮味十足；扁意粉軟硬適中，好creamy。精選甜品：抹茶巴斯克蛋糕口感綿密順滑，抹茶好濃郁，好正。海苔炸彈骨雞翼：單骨雞翼更容易食，每隻雞翼都沾上爽脆既海苔，外脆內軟。西班牙黑毛豬肋骨肉串｜焦糖蘋果：食落有驚喜，肉質鮮嫩多汁，焦糖蘋果酥脆鮮甜。榴槤巴斯克軟心蛋糕+焦糖燉蛋：甜品上枱時，有驚喜，碟上面竟然畫左玉桂狗，好靚呀。榴槤巴斯克軟心蛋糕上枱時巳經聞到陣陣榴槤香味，母親大人大為欣賞，口感軟綿creamy；焦糖燉蛋順滑可口。Mango Smoothies + Strawberry Smoothies：賣相吸引，芒果同士多啤梨鮮果味好出，𣲙涷解渴。🔎Nonsense (土瓜灣)📍土瓜灣北帝街143-155號順輝大廈地下4號舖