NOON (駱克道)

營業中

休息中

食物質素中上，但價錢經常變動，餐亦一樣，感覺好多野都不一致，鐘意幾時加價就幾時加價。飲品亦一樣，有時又包紙包飲品，有時又淨係包水。這間店是由一家人營運的，我建議特別是收錢落order的一位可以由有經驗人士取代。

估唔到第一次寫食評就要負評，本身病病地諗住買個親子丼飯，點知買返去先知竟然係辣，但我明明記得我第一次食既時候唔係辣既，仲要我病緊真係食唔到。攞返去問老闆竟然話佢地既親子丼不嬲係辣既，講到好似我錯錦，死都唔肯換。我真係未食過辣既親子丼囉。點解啲餐會變黎變去禁搞笑。真係好伏！

琴日無帶飯，所以要出街買外賣。行到去見有新店，價錢也ok，又無乜人排隊，不如試下買來食。見個餐牌都有幾多選擇，$38個雞蛋雞扒飯也有飲品送，但送的飲品唔太合心水，所以隨便加$5換了一支黑芝麻豆漿。 行番公司大約10分鐘路程，返到公司食咗一啖發覺啲飯係凍嘅！。失望！ 忍唔住要排隊去微波爐叮飯🙄 雖然 但飯同餸分開裝，但係飯裏面有好多豉油，所以基本上是鼓油配白飯。雞扒份量唔大，所以男仕應該唔夠。應該下次會去再去買外賣啦😞

之前經過見到有賣章魚燒仲有噤多口味選擇跟住叫咗個熔岩芝士章魚燒試吓啦！當時打開盒章魚燒嘅時候我呆咗！因為佢用個大盒裝住啲章魚燒，但係啲章魚燒好細粒啦！同埋我叫熔岩芝士，但係點解啲芝士就咁鋪喺面度冇熔岩呢？同埋章魚燒嘅size好似一蚊銀咁細食兩啖就冇啦！仲要收30幾蚊六粒真係一啲都唔抵！味道又唔係很好食

買個外賣，等咗30分鐘，都算～我有期望你出品係好嘅，點知....滑旦朱扒飯，差不多係我食過最差，生米， 豬扒細件，不是滑蛋，無汁無味靠燒汁撈飯，洋蔥都無條，仲要收68蚊。都係歸咎於地產霸權，我知生意難做， 除成本高昂外，你個廚真係完全唔掂。一定無下次

同事昨日食過滑旦鰻魚飯, 話好正, 今日就去試下. 點知?! 飯是份量多.. 不過, 最失敗是凍. 鰻魚一般. 旦是乾. 因為凍關係. 根本都無胃口食. 本來都唔想寫食評. 實在忍唔住. sorry, 真是無下次. 

近中环有这样的饭食真的惊喜，干净好吃，店铺位置不错，离会展、湾仔地铁站都近，可以支付宝扫码收款。外带的滑蛋鸡，嫩多汁，米饭煮的香，冷泡茶好喝。方便赶路的打工人饱肚