NUTTEA (京瑞廣場2期) (已結業)

聽講咗好耐，見返工附近有開 openrice仲有特價，即刻試試奶蓋係超濃厚，不過個人都係鐘意芝士奶蓋多啲。士多啤梨🍓飲落勁似麥當勞嘅雪糕新地。再加埋啲奶蓋仲似加咗花生嘅新地。

本身已經係呢間既fans,仲要openrice 有折緊係唔錯過啦。28蚊買左杯草莓，十分好飲。堅果奶蓋一如既往飽肚哈哈。不過呢間都幾難搵，兜左好多個圈先搵到。提示：都算近電梯，唔好兜太入

經過商場見到好多嘢食，又有不少茶飲店。NUTTEA之前見過好多次， 好多分店 ，亦都好想試。因為佢啲奶蓋係用果仁打出嚟，而且冇加奶， 食素嘅人士都適合，感覺好健康，不過價錢太貴有啲卻步。今日開個openrice睇，見到裏面做緊特價，28蚊就可以買到『粉紅莓好堅果奶蓋茶』， 即刻買嚟試下。 openrice有優惠， 買滿十蚊仲可以減兩蚊，用支付寶畀錢又有優惠，最後只係24蚊就買到呢杯嘢飲啦。真係覺得好抵，因為原價要45蚊。我用openrice 一買完，就show個number畀店員睇,佢就即刻幫我整,都幾快我叫咗無糖。首先用匙羹潷啲奶蓋食，奶蓋比我想像中甜好多， 唔知佢有冇落糖。但係好軟綿綿、好滑、好似食緊雪糕咁。超級正我愛上了佢。上面嘅堅果奶蓋加埋下面嘅無糖茶，茶有陣陣莓紅味，溝勻佢飲顏色好靚，味道啱啱好，唔會太甜。如果有咁抵嘅優惠 ，下次一定再幫襯。

一直以黎見到大家大讚呢間以堅果為主既飲品店🧋好正已經好有興趣想試架啦，呢日同屋企人係石門食完野🍴係場內行過見到呢度居然有分店😳 原來係最近先至新開，睇黎以後大家係石門吃喝又有多一個選擇啦😉.係未飲過呢間飲品店出品既堅果飲品之前個人認為佢地既價錢略為有d貴🤨，不過當睇過店內既單張介紹先知原來店內所有飲品都係不含奶粉或者牛奶🥛，只有使用杏仁、核桃、夏威夷果仁、榛果同腰果五種堅果🌰，完全係真材實料同埋天然，所以呢度既定價俾其他飲品店高都係合理既🤔.呢度既飲品除左係純素，好適合素食既朋友之外，堅果更係含有高植物性蛋白質同好脂肪，運動🏋🏻‍♀️後嘆返杯，既可獎勵自己亦可補充營養，可以話係一舉兩得😆******************************✨伯爵朱古力堅果奶蓋茶🍫 ($47)呢杯奶蓋茶係呢度既皇牌飲品，平時飲開無糖飲品既我由於係第一次飲就聽取左店員既建議揀左半糖🙆🏻‍♀️無諗過原來堅果🌰打出黎既奶蓋質感居然可以厚身到好似慕絲咁，加上朱古力🍫既味道香濃，成個感覺就好似係食緊一份朱古力甜品咁，幸福又滿足🥰（會唔會只得我先有咁既感覺？😂）不過都要提返大家⚠️朱古力奶蓋上面係灑左好多朱古力粉，

🌸▸❥❥❥❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️❤️❥抵食指數:❤️❤️❤️❤️🖤❥回購指數:❤️❤️❤️❤️❤️❥❥❥❥❥❥❥❥❥❥❥❥❥❥❥❥❥❥❥❀『 NUTTEA』雖然我好少post飲品😕但其實識我既人都知🤭我超中意飲奶蓋🤩奶蓋世一🥳今次去左石門依間主打奶蓋既飲品店『NUTTEA』試下啲奶蓋點😋😋❥<伯爵朱古力堅果奶蓋 $47>依款既奶蓋上面加左可可粉🤩仲要係朱古力味既奶蓋🤤個奶蓋真係好掂😎又香又濃🤤靜係個奶蓋都100分🤤有隻匙羹比我食奶蓋🤤好開心🤩痴線!仲有勁有朱古力味😋朱古力好香🤤大家可以放心😗雖然全杯都好朱古力😆但絕對吾會膩🤩❥<椰子水堅果奶蓋 $43>依款用左原味奶蓋🤤有三分之一都係奶蓋🤩奶蓋用左五種堅果製作而成🤩十分健康🤤依個價錢飲到咁正既奶蓋 真係好抵😆❥➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭🏢店名 : NUTTEA🗺地點 : 石門📍地址 : 安群街3號京瑞廣場2期1樓OK Mall 141B3號舖🚃交通 : 石門站C出口(步行5分鐘)➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭

Nuttea開到去石門啦🤩 咁啱喺我返工附近！放工經過當然要買返杯🥳佢地嘅奶蓋一向出名，今次就試左招牌伯爵朱古力堅果奶蓋茶同埋季節張定嘅粉紅莓堅果奶蓋茶🥳伯爵朱古力堅果奶蓋茶呢杯上層係層超厚嘅朱古力奶蓋🤩奶蓋非常厚實，而且朱古力味相當重🍫堅果香隨後慢慢滲出～鹹香味都頗突出！伯爵茶味道清香，兩者平衡得好好，正可以解膩，大推‼️粉紅莓堅果奶蓋茶呢杯賣相好靚啊🥰奶蓋加入左士多啤梨醬🍓相對鹹香味會無咁出，奶蓋依然相當厚實，食落口感比朱古力果款更幼滑😍茶底加入左新鮮士多啤梨，味道天然，略帶微酸，飲落非常清新🤤

Nuttea終於開到黎沙田啦 真係好開心！話說第一間店係新蒲崗既時候已經有幫襯 而家開到咁近真係好正！ 希望係茶飲店林立既石門都可以做得住啦。呢間茶飲主打用堅果打既「奶蓋」，用左冷榨提煉而成，所以其實係無任何奶既成份，vegan既朋友仔都飲得 仲要個質感係好綿密好thick，飲落其實同平時果d全脂奶蓋無咩分別，滿足到飲「肥仔水」既心癢但又可以飲得健康。今次飲既係期間限定既蘋果脆脆楓糖堅果奶蓋茶，雖然要左少冰少甜，不過因為有楓糖既關係，所以整體都係偏甜，但都係清甜。堅果奶蓋有一貫水準咁香滑綿密，而下面既蘋果茶就好有果味，岩哂夏天飲好清新。今次用左沙田柚外送，送到黎都好準時又夠凍，無倒瀉