Oasis Cafe & Party House (已易手) 新餐廳

我哋幾個好姐妹就想出黎傾下計食下嘢，咁就話系旺角搵個cafe坐下，飲d嘢。咁朋友就話比我知亞皆老街上面有間唔錯嘅cafe，環境好好，坐得好舒服，有靜，可以坐系度傾好耐都ok。上咗黎之後都好易搵嘅，由個電梯出黎就會見到有埋箭嘴指住，帶我哋行，好貼心嘅。咁入到去就有人好快手咁招呼我哋嘅，我哋就叫咗個螺肉，同d薯條之類嘅，可以慢慢食同傾。佢哋d食物都幾好食嘅，尤其系個螺肉，好新鮮，好甜，仲好大隻 tim！

近排好鍾意去樓上cafe睇下坐下，上左幾間都係旺角區，各有各風格，所以分享下✌🏻 呢間係朋友介紹，佢成日喺度打躉，所以有時搵佢，就會上嚟呢一間cafe🤣 呢度最大特色係有兩隻兔仔，同埋好大將梳化位👍🏻 無限board games😍 不過就有時會俾人包左場，所以有時會碰門釘🤣 cafe係下晝好清靜，靜到都可以瞓得着🤣🙈 我朋友好鍾意喺度嗌一杯酒，然後坐成個下晝，我兩次去都係叫星座嘅飲品！不過飲品味道就一般，但係食物味道唔錯！前排做咗5個朋友夜晚黎玩，都book左位玩左4個鐘，玩到好嘈，但幾嘈都唔會趕你走👍🏻好適合一大班人去玩👍🏻

地點係旺角亞皆老街，都算幾方便架,你係港鐵旺角站 D2 出口，步行約2分鐘就可以黎到OASIS CAFE門口!!我地全部人都未黎過呢一間餐廳度食飯，外面睇OASIS CAFE真係估唔到係食西餐黎呀，室內佈置得好似有一種家既感覺，令人一入去已經好舒服，我地全部人都好快已經可以適應到OASIS CAFE呢度既環境!!呢1杯cream on top凍冰冰咁，好消暑，好好飲，我好LIKE，總結係呢度D野又平，又好食!!

今晚約左男朋友食晚飯同埋傾下計，就同左我男朋友去左旺角OASIS CAFE，我地兩個人都同樣係第1次黎呢間cafe食飯，貪呢度既地方就腳，環境都唔錯!!!!!!!!!我同我男朋友行街行到大汗疊細汗，一坐低緊係叫番杯冰凍既飲品先啦!!!!!!!!要降一降溫呀麻，我同我男朋友都情侶檔咁樣樣叫左2杯芒果沙冰，都只係48蚊一杯，重點係飲品既價錢唔太貴，好合理，所以一定要泥食OASIS CAFE呀!!!!!!!

我今日收工就去左mk個頭食飯，所以就上左呢一間cafe了，一入到去，我地就叫左好多食物，而我就叫左一客忌廉煙三文魚天使麵俾自己食，麵條質地真係好正，包左一杯三十八蚊既飲品，就算個杯飲品係送既都係咁好飲，仲非常冰凍呢!!所以我地仲加左二十五蚊，叫左一客朱古力雪糕慕絲蛋糕，個甜品用既朱古力真係甜入我心，雪糕應該係用左高級材料，配上蛋糕真係一絕呢!!OASIS CAFE超級好食，菜單又好得意，我地一定要再回頭返黎食呀!!

跟朋友黎聚會先發現到呢個地方😍 外面沿途都有啲驚，因為有啲恐怖～ 但入到cafe就完全2個世界！一入到去就見到有2隻兔仔好可愛，可以喂佢地食野，玩下幾特別！環境好寬闊！容納到幾枱人開party👍🏻👍🏻 我地去到既時候已經有人開緊一枱party，好彩我地有book到，不至於冇位！本身要同朋友傾啲野，所以就冇玩到啲咩board game, 只係叫左野食🤣 我叫左雙魚座飲茶，係有椰果既荔枝特飲，再加燒汁雞扒意粉😋Cafe好舒服，sofa都好軟，真係舒服到就訓着！食物好快就到了~ 外觀認真麻麻地，本身諗住幾失望之際，食落好有驚喜！意粉好高質，軟身，唔硬，煮得好好！雞扒熱辣辣，皮煎過好脆👍🏻 肉好滑！最好食係佢特製既汁😍 好好食，切一舊再點汁食，再撈意粉，好滋味😋服務都好唔錯，店主超細心，親自點菜加煮，廚房一陣陣香味，成日都流晒口水！

今日係同朋友來慶祝生日 預先book咗位先，餐廳都很細心地會打電話來確認我的訂座 食物選擇並不多， 叫咗個肉醬意粉 味道還可以， 勝在即叫即整，夠熱辣辣。晚餐可以加錢有甜品 ，可以揀意大利芝士餅 等等。而我哋就揀咗個雪糕窩夫，雪糕仲係 雲呢拿曲奇雪糕，係我嘅至愛，抵讚值得一提嘅係： 服務很好 雖然地方不大 ， 仲係樓上店舖 比較難找。但好服務搭夠啦， 是一個聚會的好地方

琴晚同朋友聚會去左cafe食飯,佢地話想坐下傾下計喎,但係又唔想搵d好逼人既cafe,咁朋友就提議試下先達既呢間樓上cafe,可能我未上過黎,如果唔係朋友一齊上,農歷七月上到黎自己一個人真係有d驚😅好似拍鬼片咁,cafe門口用鐵閘,要拉閘進出,入到去裝修唔算好靚,同朋友坐左係sofa,點左野食先,我叫左個鰻魚炒飯,等左大概45分鐘,其實有諗住催佢,但可能佢太多人同時落order做唔切,咁唯有再等下,到一上菜果下又比我想像中好既,賣相好吸引,用蛋鋪面,鰻魚汁炒到粒粒飯都上色,鰻魚粒又算多，唔錯😋不過可能樓上cafe都係要叫多幾次先有人應機,同埋做野無咁爽手掛

話說，世風日下！ 炎熱天氣下要係旺角搵到舒適既地方坐下玩下，唔限時，真係難！係朋友介紹既呢間cafe , 非常就腳！ 一黎坐底就點左個柚子樂，照燒雞排飯，急不及待！ 好快就有得食！即叫即整！ 最重要既係酸酸帶甜既柚子樂令我胃口大增！ 我最愛的雞排好大份！ 形容詞真係唔識，怪我讀得書少，發自內心的分享！ 總之好食！ 值得一試！ 入面有大量曾經細個玩過既board game ! And 家陣又非常熱潮既game , 都有！ 最重要係有時難得有一個地方，可以坐下，傾下計，談談心，高談闊論，起碼唔洗好似平時出面甘避忌講野大聲比人白眼慢慢已變成我黎旺角想hea，又想食好野，就會黎呢個必經之地！ 哈！

今日約左人傾返自己份保險，佢就搵左間喺旺角嘅Cafe，當然坐得舒服又唔會聽到隔離檯講野啦。主要都係西餐，推介有意粉、１２星座特飲系列。本人其實對意粉興趣不大，所以點了份芝士焗西蘭花。芝士同西蘭花原來係好夾，好好食，５５蚊就已經有一碟咁好食既野，好抵呀。我仲叫左個特級海鮮拼盆，我最鐘意就係食佢地呢個炸蠔，好好食，脆卜卜咁，真係巧好食，佢地呢個薯條都唔可以睇輕加，炸得岩岩好，唔會話太林，脆卜卜咁，ＬＩＫＥ

Long long time ago, I searched for a quiet cafe to stay for my own work . After going to many cafes, I chose the one called Oasis Cafe&Party House I have forgotten how many months I keep working here . The bosses are so nice and they usually make drinks and cook by themselves The advantage of the cafe is I can order drinks out of the menu Today. I had pomelo coke as I knew coke company released the new flavour At the beginning , I just made a joke I wanted that one . Surprisingly , She really c

上次約左人上呢度食飯, 地點已經唔係太易搵, 入左棟大廈一出個環境已經好差, 見到附近有賓館之類既地方, 一入到去間餐廳直情打左個突, 個2隻寵物好似冇咩點同佢清潔咁, 成個籠都係毛, 再行入少少就見到有個人大字形咁瞓係張梳化度, 啲侍應狂睇電話, 跟本好難叫佢落單, 叫左碟carbonara, 味道一般, 同埋真係偏咸, 下次一定唔會再去

在這個炎炎的夏日 ，作為一個男人撐著傘行旺角當然不是一個好的選擇 。但係真係熱到頂不順， 幸好橋住老婆可大條道理撐著傘周圍行， 也是一個浪漫的情調。 因為手機電話爆mon 所以來到了旺角先達， 找回熟悉的手機舖頭換mon。十多分鐘後，師父已弄好老婆提議上4樓探兔仔……我二話不說讚成去到4樓……其實有兩間cafe, 經過不常去開在角位的cafe, 好似又轉了名，到達兔仔cafe, 店內很熱鬧，但仍....人物依舊……似曾熟悉的地方没有變。跟我們年紀相若很健談的服務員好像認得我們，並安排我們暫時坐近門口位置的枱，有待近窗邊已埋單客人離開才換座位可能近門口位置的枱較少用，所以都擺放了職員的私人物品之後被調往近窗的座位，那位健談的職員介紹了數款小食， 我們選取了脆炸墨魚蝦卷、芒果奶昔及加了錢點選了紐約芝士餅數分鐘後飲品和食品已陸續送到一如以往芒果奶昔， 香味濃郁好味透心涼 當然配搭埋紐約芝士餅，其香濃的芝士味道零捨不同…… 服務員介紹的脆炸墨魚蝦卷 ，配搭埋泰式辣醬…… 即刻諗起食神裏面李兆基在沙灘豪邁奔放跑步的情景 ……好好味呀！到最後我老婆同店內的兔仔selfie完便離開

早前在淘寳網站買了些物品, 這晚放工後便到旺角取件, 之後就在這裡吃晚餐, 店內面積廣闊, 有足夠空間感, 有卡位也有散坐, 環境氣氛是輕鬆隨意的。飲品方面, 點了荔枝沙冰, 味道清新而冰凍解喝。主菜點了日式照燒雞扒飯，＄９８，真係好好食，而且個汁仲好好味ｔｉｍ，一分錢一分貨，呢度既日式照燒雞扒飯就真係可以完全做到呢樣野啦～我仲加左２５蚊食佢地果個法式焗田螺，２５蚊已經有好多好多粒，而且味道仲唔差，好鮮甜，好好食ＴＩＭ～

平時係旺角都係係朗豪坊食野，又貴又唔係特別好食，今次就去左公司附近搵食肆，見ＯＡＳＩＳ　ＣＡＦＥ既野食幾吸引，就試試佢！入到去見到間餐廳都唔細，坐得都幾舒服 環境都有好好佈置，係屬於高檔少少既ｃａｆｅ～野食選擇都幾多，唔止得三頁架！最正就係有埋１２星座特飲可以嗌，我係天秤座，所以就叫左杯天秤座既特飲啦～佢係由橙汁加乳酸同埋７－ｕｐ一齊整加，係味好特別呢，估唔到呢３樣野加埋係可以咁好飲既，我要比十個ｌｉｋｅ佢