Oceanus 生蠔環球高級食材

營業中

休息中

生日月切蛋糕切極都切唔完😂今朝碌碌下個IG, 係IG見到呢個【 D197特濃貓山王果蓉千層蛋糕】非常之吸引，二話不說即刻拎張Visa出黎比錢訂🤣首先係小編至愛嘅貓山王榴槤，第二係千層蛋糕🍰😍真係比唔到咩理由自己唔去買呢個蛋糕，仲要即日訂即日有貨，可以去自取，仲要係係屋企附近拎，嘩 天時地利人和夾到嘭嘭聲😂 真係連個天都叫我買呢個蛋糕返屋企食😆返到屋企首先就雪一雪個蛋糕，等食完晚飯切啦（記得食之前嘅2小時拎出黎室溫灘一灘）小編覺得咁樣會溶咗啲冰之餘亦可以灘走啲雪味！😋蛋糕一拎出黎，已經好勁嘅貓山王榴槤味，再切一刀啲味再濃烈多10倍走出黎😍😍好香呀😂一食落去好有榴槤味之餘仲食到千層蛋糕嘅一層層嘅口感🤤🤤真係好正😍📍 Oceanus 生蠔環球高級食材香港九龍荔枝角荔枝角億利工業中心5樓11室自取時間為: 11:00 - 19:00*逢星期一休息味道：😋😋😋😋😋/5價錢：😋😋😋😋/5翻食：😋😋😋😋😋/5

買咗399 18隻三款法國蠔，拎到返屋企兩個鐘後食仲好新鮮，用刀咭d 蠔仲識縮下縮下，以這個價錢，物超所值。值得推介.........................

蠔精每個月要食蠔係基本，但係下下出蠔吧食又真係好重皮。所以我哋一班人都會四出去唔同嘅海鮮速遞公司買蠔來試，今次終於試到一間大家都好滿意，一致認為水準拍得住出面貴價蠔吧的店舖了鋪頭名稱叫<Oceanus>，位於長沙灣的工業大廈內，鄰近地鐵站所以就算想自行取貨都非常方便。由於今次係第一次訂呢間，所以我哋只買了Gillardeau同Majestic。由於我哋係買0號的關係，所以真係超大隻！！生蠔外殼整飽滿有光澤，而且閉合度高代表非常新鮮好肉飽滿鮮甜，配埋當中淡淡海水真係令人覺得好幸福三個嘅衛生程度亦好重要，我食完十幾隻後肚子都冇山洪暴發。期望oceanus繼續保持質素，我哋一定會係你嘅長期客戶

我地一班蠔精定期都會約埋一齊攪蠔宴，但係上次訂開個間唔太新鮮，今次就膽粗粗試下間新野，點知一試就搵到間好野~ 今次因爲本住試下先嘅精神，今次就一於訂住兩款先：首先係個人最愛~ Majestic No. 1~ Majestic 來自愛爾蘭，對於我地一向偏好大蠔嘅人，呢個 size 算唔錯，每隻都有手心咁大，大約 4 吋左右。而今次呢批非常新鮮！一入口已經感受到超濃嘅海水味同甜味，非常有層次，回甘味好強烈，帶子位十分鮮甜，再加上爽口嘅質感，食完一隻之後，幸福感滿瀉~ 另一款就訂左朋友 favorite：Gillardeau No. 1。Gillardeau 出生於法國，同樣地我地都係揀左 No. 1，每隻約 4 吋。一入口，海水味十足，再加上鮮甜嘅蠔味，肥美結實再加上彈口嘅肉質，食完後喺口腔內久久不散~另外最近佢地有個 promo，只要 $48 就可以玩一手攞蠔，6 秒內要攞起 + 要 hold 住 3 秒。如果喺 promotional period 內可以攞到最多嘅紀錄保持者就可以免費得到一打生蠔。不過我自問手比較細… 無玩到…

作為星斗市民, 勞碌工作過後當然想食餐好, 今個週末決定蠔食一番。關於食蠔, 唯一問題係究竟去邊度買蠔好呢？邊度可以買到又抵食又新鮮既蠔呢？坦白講, 試咗咁多間生蠔批發, Oceanus係暫時黎講個人認為最新鮮既一間。價錢黎講同其他批發相約, 但佢設有會員優惠(惠顧$500即可免費成為會員), 所以價錢相對較平。地點尚算方便, 係荔枝角D2 Place附近。講返食物, 今次我揀咗食法國既Gillardeau no.1 & Majestic no.1。唔係講笑, 真係好新鮮, 帶子位非常鮮甜, 海水有淡淡既金屬味。以價錢黎講絕對比得上高級餐廳, 絕對值得encore!

成日見到yahoo廣告都有出$78/10隻生蠔優惠，見到呢個優惠做到11月30日。今天特登去試試，見到有活赤貝供應，膽粗粗就去訂...地方不難找，荔枝角出口一出行一條街就會到。工業大廈有2個入口，一個在維修中。店內環境整潔。服務OK!活赤貝殼身較易打開。一開出黎會有勁多血，在處理內臟時需多加功夫。這是第一次清理完後的照片，色澤比較淺色。完成後需要加鹽揉肉身除去腥味。入口有鮮甜味，肉質爽脆，羣邊有咬感 。一磅約有5隻，適合2-4人食用。這款生蠔較難找到開蠔的位置，所以邊緣很多也開破了。肉身較薄，海水味較淡，金屬味強。假如是一個愛食生蠔的人來說此款生蠔的確一般，但此價錢來說是非常合理。活赤貝可以一試，味道不錯。店內環境整潔，滿$300元送冰袋。

買完外賣返屋企，解凍後即刻食。食完唔夠半個鐘兩個人即刻肚痾，痾左成晚。打電話去投訴，個職員話應該係我哋腸胃有問題，因為無將食物影相或留底，無法跟進。如果早知食物有問題，就唔會食啦！問佢係咪成日有人打來投訴，佢話呢批貨無。食錯佢D嘢 仲要服務態度咁差！仲話為表示歉意，送兩粒雪米糍比我，咁我係咪應該食 之前影幅相先？！大家千其唔好幫襯！