OK德海南雞專門店 (天晉滙)

營業中

休息中

都有一段時間冇食海南雞飯，樓下商場呢間OK德，都應該係我地喺呢區較喜歡嘅一家，方便、好味、抵食就係我地嘅指標😆佢哋午市套餐好抵食，平均六七十蚊包埋野飲，而且仲有多款特價小食俾你追加，所以午市時間必定爆場😆呢度嘅招牌去骨海南雞飯，係主要生招牌，基乎張張枱都有人食，如果平日黎食好似係$68就得，呢度所有食品都不含味精，食完都唔會口喝😍雞油飯好大份幾香，配左三款不同醬料「薑蔥蓉、酸辣汁、海南雞豉油」，雞肉嫩滑，呢個價錢無可挑剔👍另外都叫咗個越式香茅豬扒湯河試吓，湯底好清幾好飲，豬扒就一般般，冇果種越式勁香茅蒜蓉味道，可能呢度本身唔係食越南野地方😅都係果句，幾十蚊包野飲午市套餐免加一，算係超值，尤其係個海南雞飯，算係中規中矩👍

唔正宗不問不論的越南餐？西餐？泰國菜？粵菜？食一個炒粉88元，一模一樣的海南雞飯，午餐和晚餐居然多20蚊先可以吃，所有外賣每份貴過堂食30. 一定要做個精明消費者。附近大把平，靚，正的

環境：自動門壞。熱氣湧入，差不多等於沒有冷氣。食物： 什麼泰式金邊粉，味道像豉油皇炒麵。越南牛肉粉，湯一點牛味都沒有。總體是非常一般，價格偏高一點。沒有下次了。

呢間餐廳每次來我都係食海南雞飯，其他食物我唔知，但海南雞真係有質素嘅👍🏻佢係一個茶餐廳feel，坐得都算舒服，因為個舖位唔就腳，所以人流唔算多，自己一個人來食都冇壓力，可以慢慢食，亦唔需要坐到迫迫夾，幾好👍🏻食物方面，佢個午餐冇包湯，但包杯飲品，晚市個飯都係冇湯，好似差少少野咁。不過，佢個飯好夠熱，醬料都好夠，薑蔥好好味！另外，個海南雞份量都好夠，而且好夠滑，亦都冇血絲，所以我十分滿意。👍🏻

Order咗2款野食等個肉骨茶差唔多都等左25分鐘，之後加$10碗白飯都等左好耐再催先有，食餐飯都要三十幾四十分先開始開餐。1.新加玻白糊椒肉骨茶黎到嘅竟然係馬來西亞肉骨茶（中藥湯底），仲要唔係用一字排，普通肉… 配料都好特別……………………………………………………………2.菠蘿海鮮炒飯黎到係西炒飯款嘅雜錦海鮮飯，淺紅色唔係黃色…………… 菠蘿好細粒，無味好淡，食食下咬到一大夠糖，再食食下咬到一塊貝殼碎，完全覺得間野係唔識東南亞野，亂咁自己DIY。 有史以黎未食過咁難食，以後唔會幫襯…「完」

今日同同事試咗將軍澳呢一間海南雞飯，雖然佢嘅招牌係海南雞，但係因為唔想食油飯嘅關係，我就揀咗佢嘅口水雞飯（$63），以午市價錢來講，其實都唔算好平㗎，所以期望都高。雞肉份量偏小，基本上好多都係雞皮，雖然肉質係嫩滑，但係呢個價錢來講，性價比唔高，辣油係平時食開大陸嗰啲樽裝口水醬味道，十分普通有試到同事少少油飯，除咗落咗雞油，仲落咗椰漿，比較特別，如果大家嚟食嘅話會建議叫返佢嘅招牌海南雞飯，會吸引啲。

去開將軍澳搵朋友，到附近搵食，見到間”OK 德海南雞飯專門店” 未食過就試下。基本上好多位可直接入座。以為只賣海南雞，原來仲有其他小菜可以選擇。寫明鎮店之寶，真係要試一試佢。最後都係專心揀番海南雞食，所以叫個2人餐去試下。2人餐($278) 揀咗: 1. 去骨海南雞(半隻)，肉質肉質嫩滑，啖啖肉無骨，食落好滿足。2. 泰燒黃金豬頸肉，普普通通，沒有燒的味道3. 越式鳳尾蝦春卷，細細件，一啖食晒4. 香蔥油飯，色澤不錯，略嫌唔夠熱。5. 老火靚湯，算足料，連雞腳、粟米、紅蘿蔔，但飲落無想像中濃味。跟餐加$42 (原價$78)可配香蒜爆炒肉碎拌生菜包。無乜香蒜味，以$42 價錢尚可接受。整體來說，海南雞水算不錯，而今次食嘅其他食飯都係一般，個人覺得如專心賣海南雞可能會更加出色。而餐廳服務方面，我又覺得可接受，無乜特別好定唔好。

海南雞飯專門店！見到個名好明顯食雞，話說我叫咗碗雞絲扎肉河粉！碗粉到咗我問職員，係咪牛肉湯？職員答係！我再問佢有冇清湯？佢答我冇，全部都係牛肉湯！佢問我係咪唔食牛，我話係！佢竟然同我講你唔食牛你早啲講吖嘛！😱即係我去食雞嘅專門店同人講定我唔食牛🤷🏼‍♀️？咁係咪我去菜檔買菜嘅時候同阿姐講聲，我唔食蝦咁呢🤷🏼‍♀️

見外面大大個餐牌棟係門口，寫住下午茶餐，入到去分明係茶餐廳嘅格局同服務，心諗叫個茶餐廳的名物焗豬扒飯，應該好穩陣，點知中伏。正確嚟講，他們下午茶餐牌上叫我食嗰個做「焗鮮茄菠蘿豬扒飯」。話明茶餐，我配的是熱檸水，先來，極細杯，食飯前都不敢飲，怕食完再無水飲。無錯，唔同平常茶餐廳一坐低就有茶水放係面前，呢間無。算，我唔會為一杯水而計較，我只希望食一個正常的飯，細啲都無所謂，話明下午茶，但係無諗過個飯可以咁難食。「焗鮮茄菠蘿豬扒飯」佢的確有焗過；都有一角蕃茄，奇怪的是無皮但有椗；菠蘿超細粒，一粒粒，又乾又無菠蘿味，就算當你用罐頭菠蘿粒，都仲要切到一開三咁細?!佢有落紅蘿蔔，但係唔煮透硬實實的幾嚿紅蘿蔔可能唔落反而仲好。豬扒一塊，明顯無剁鬆過，不過都算，唔能夠要求太高。焗豬扒飯重點是個炒飯底，佢啲飯又硬又乾又無味，從未食過如此難食的炒飯。汁又少，大部份時候我都只能乾哽硬飯，因為實在太少汁。天啊，我去得茶餐廳都唔係要求高，只想要一個普普通通的焗豬扒飯，無諗過今日呢個可以難食成咁囉！

我是經常來的！海南雞一向好出色！一入嚟感覺似老人院！一向也是高佬招呼我地！但奇怪不見人！冇人招呼咪自己座下！之後八掛下高佬已經冇做了！我自己就不開心！高佬對我好好！叫我介紹多啲人來食野！佢可能好有氣勢好大聲講嘢！但係我欣賞佢嘅細心及效率！再問下牙姐原來佢冇做了！可惜！打算叫佢來幫下我比D意見我班伙記！最後當然冇功而回！希望有機會找到高佬.......................你見到快啲找我！我是你的熟客

有人介紹來此地食飯😨係甘高質地方食碗油飯食到一半竟然有隻曱甴，$63一個午餐，連埋凍飲$67，收呢個價錢但係衞生情況咁差😡😡😡😡😡😡😡😡😡😡😡😡😡😡😡😡😡😡😡又加價出品甘差我想講根本冇服務冇品質如果大家見到問題快快表示不滿因為這餐廳的員工根本冇能力解決我的問題佢哋話只是打工冇能力喎⋯⋯又話個經理冇做了冇人可以解決問題甘究竟所謂何事咩事呀想點好反感😡😡😡😡😡

個老闆人型物體非常串，我同事攞單去講埋單，條友即講你見唔到我忙緊，等陣啦吹，跟住同事叫佢找3份錢，眼神兇神惡煞仲反問返轉頭咁找幾多畀你地，幫佢計埋，就攤係枱上，簡直貼錢買難受，唔會再去。

繁忙時段由訂餐至送上屋企只需40分鐘。泰式飛天炒通菜，唔咸。四川麻辣口水雞飯，雞嫩滑，口水汁唔辣。馬來炒貴刁，食落似星洲炒河粉味道，勝在唔油膩。馬來白胡椒肉骨茶，聞到有藥材味，入口唔濃，這種港式肉骨茶，不是我所喜愛的。

訂了外賣自取，一入門口，就好惡咁話...外賣自己去睇下有冇啦! 跟住我話冇，就問我order no，講完之後又話...乜野order no呀!? 我話你乜野態度呀? 然後佢就走左去，我企左係度冇人理過我!!我想講，你幾好食都好，咁嘅態度我諗大部分客人都唔會like! 好在只係外賣，如果堂食我真係食到背脊骨落，疫情之下咁嘅服務，其實係未想唔做? 超級極之差嘅體驗!! 冇下次了! 新都城分店服務好好多!

員工亦冇耐性 唔知發咩脾氣 大聲鬧客人 將自己嘅 怒氣發洩喺客人身上 而且落單嘅時候 冇人主動招呼 要不停叫佢 佢先肯過嚟 但係 乜嘢食嘅速度幾快 我希望佢可以改善下一對嘅服務態度 食物質素其實ok 正正常常冇咩特別 你話下次會唔會再食我諗應該都會 但係會考慮其他先 主要都係因為員工問題, 超級反感 成間舖頭啲人都望住佢 連少少耐性都冇就唔好做服務業喇 總結返先 嘢食質素其實可以 我叫咗個海南雞飯 基本上係坊間 可以食到 但係 員工嘅態度 淨係得嗰度先可以感受到😵