影片
港鐵灣仔站 B2 出口
繼續閱讀
營業時間
星期一至五
11:30 - 21:00
星期六至日
10:30 - 21:00
公眾假期
10:30 - 21:00
以上資料只供參考, 請與餐廳確認詳情
相關文章
星期日下午去買即炸薯片，個收銀哥哥話得返一個味（整好係櫃）其他味要等45分鐘，我見鋪頭得2個客，咁我就話照等，買咗避風塘香辣味配汽水餐，同買多2個cookie cone 雪糕食住等。點知出嚟係咁，無咗個cookie cone, 我再睇返個menu 問清楚收銀哥哥，點解無咗個 cookie cone, 佢先同我地講買曬🤦🏻♀️， 我唔明點解個收銀哥哥唔係落單時講聲🤦🏻♀️，個雪糕係好濃牛奶味🥛，原本係想連cookie cone 食雪糕，立即失望咗，想走返去前幾間鋪食返個正常雪糕😒最後個薯片得了20分鐘就有，其實佢哋係唔係唔想開爐炸呢？
繼續閱讀
好鍾意食薯片同雪糕嘅我，係地鐵站一出嚟就見到哩間Calbee專門店，忍唔住要入去買嚟試下。但可能係我對佢嘅expectation太高，食完之後有啲失望，應該唔會再去第二次☹️.🐽薯片+軟雪糕🐽原本以為啲薯片會係即叫即炸，應該好熱先啱，點知係凍哂嘅，一食落口原來同普通包裝薯片嘅味冇分別，仲要唔脆，味道都好淡😞雪糕都有奶味嘅，但份量就唔夠多，唔值哩個價錢。.總括嚟講係唔係幾抵食，唔值賣咁貴，下次如果想食薯片都係會買返包裝薯片再買杯雪糕就算🙁
繼續閱讀
放工諗住食個雪糕慶祝下happy friday，經過利東街呢間賣零食舖頭，竟然發現有呢隻北海道牛奶雪糕賣，而果日買兩件產品有75折，二話不說即買多盒零食一拎到雪糕，即9秒9幫佢打卡，相中見到已經融融地，點知影完相隔一秒，竟然成個跌左落地，但唔係拎唔實而跌，而係個餅皮雪得唔夠凍，拎拎下成個碎左，跌左落黎。。。當下既心情真係極無奈，個個客人都望住我，咁大個女真係第一次咁瘀好彩店員幫我清理，同埋換另一杯雪糕比我，心情先好番少少咋！
繼續閱讀
之前一直都想試下CREMIA雪糕🍦但奈何成45蚊杯有啲貴。上星期行過發現做緊買二送一優惠，姐係平左成15蚊！即刻拉埋同事lunch time去食😋落完order可以係玻璃窗嘅位置睇到雪糕嘅生產過程，店員逐杯逐杯咁整，好有心機。先係雪糕機唧雪糕出黎，然後先再灑上唔同味嘅調味粉，睇到都好吸引.我食左朱古力味，同事食宇治抹茶味，兩個都好食，值得推薦俾大家雪糕底係好香濃嘅牛奶味，就咁食原味都應該會好食。朱古力味比較濃味，食落似係可可粉嘅口感，幾好。溫馨提示，食嘅時候要小心啲粉整污糟件衫，我就中左招同要快啲食，天氣熱，好快就出現狂滴雪糕嘅情況。
繼續閱讀
呢間外賣店早前開咗，主要賣雪糕食品，有雪米糍、意大利雪糕同炸雪糕。個舖頭裝潢都靚，所以好易認得佢個位置👍🏻我試咗一個雲尼拿炸雪糕球（$32蚊），雖然唔係平，但係勝在皮脆「糕」嫩，仲有得拉絲！😆最後尖沙咀開咗新分店，仲有免費試食，大家可以撞下彩！
繼續閱讀