Okashi Galleria x Calbee Plus (已結業)

之前一直都想試下CREMIA雪糕🍦但奈何成45蚊杯有啲貴。上星期行過發現做緊買二送一優惠，姐係平左成15蚊！即刻拉埋同事lunch time去食😋落完order可以係玻璃窗嘅位置睇到雪糕嘅生產過程，店員逐杯逐杯咁整，好有心機。先係雪糕機唧雪糕出黎，然後先再灑上唔同味嘅調味粉，睇到都好吸引.我食左朱古力味，同事食宇治抹茶味，兩個都好食，值得推薦俾大家雪糕底係好香濃嘅牛奶味，就咁食原味都應該會好食。朱古力味比較濃味，食落似係可可粉嘅口感，幾好。溫馨提示，食嘅時候要小心啲粉整污糟件衫，我就中左招同要快啲食，天氣熱，好快就出現狂滴雪糕嘅情況。