Oliva (已結業)

媽媽告訴我有一間新餐廳已一段時間, 上星期有空, 和她去吃了個晚餐。我們比較早去, 所以不用等位。步入餐廳, 裝修很好, 樓底高, 所以很舒服。餐前的麵包 - 應準備了很久, 非常乾又沒有味道, 連麵包香都沒有。我們order 了2 個 set dinner, 其中一個是焗芝士什菜, 完全唔香, 很淡的芝士味, 失望。甜品是chocolate bownies, 我一直都不喜歡, 所以 no comment. 但兩件bownies 放在一個碟送出給我們, 又沒有給我們小碟, 都不知道怎樣吃? 甜品到後, 我們找其他waiter 給我們兩個小碟, 差不多4-5鐘後才到。但結帳的速度就非常快。它們的sofa and chair 很舒服, 但地板很滑, 我只要一動, 我的椅子就會滑來滑去, 連waiter 都是在樓面滑來滑去。

未試過咪試下囉,要等位,佢話5張,等佢叫咗6位都係2人,有啲係miss咗,咁我男友咪問佢,原來佢唔知点解當我哋miss咗,不過都有位,不過咁靚嘅裝修都有啲污濁,我哋叫咗沙律,抄飯同魚,沙律好快來,不過個飯等咗45分鐘,我哋以為好快上魚再叫甜品,点知食完個飯仲要等半個鍾,仲要追佢2次先到,食完我哋都無咩心情食其他!等待其間,我發現佢哋個個人都唔會笑,好似好累咁,總之唔明点解會有呢啲人可以係呢行生存,我想荼餐廳都好服務過佢哋,哈哈!我以後都唔會去啦!

同屋企人去試下lunch, 點知... 只係得失望!面包冰凍! 得個軟... 同之前去上環間bonheur既超好味包包絕對係天堂同地獄既分別!Daddy點左西冷, 算okay! 家姐既豬排就好"蘇"! 我個羊反而一D"蘇"味都冇, 我都唔知自己係咪食緊羊! 我覺得似百佳買果D"薰蹄"多D...或者因為係set lunch, $37... 乜野價錢比乜野質素! 冇得講...因為Mum想試鵝肝, 點左個$148既鵝肝牛柳比佢試... 鵝肝做唔到外脆內軟, 絕對唔係入口即溶! 即時諗起bonheur既頂級鵝肝!我諗我唔會再去架啦...

Oliva好近學校所以有時都會黎食lunch不過我想推介哩度既CakeBluberrry Cheesecake $23大大件好對辦吾會好膩而且味道岩岩好不過餅底吾脆但係$23 一件cake我覺得好值得試New York Cheesecake $23都係好大件好夠Cheese味好rich不過食完好飽上面既blueberry jam好味

我同個friend係元朗周圍搵野食, 見Oliva個招牌都幾Sharp, 咁就入去試下la...我地點咗1.香草芝士焗田螺2.pizza(有欖,蕃茄干,辣肉腸3.燒豬肋骨一坐低送左麵包, 有點像隔夜風干, 我本人不太喜歡跟住黎咗菜沙律, 都算OK田螺太咸,pizza略酸,豬肋骨太硬埋單360,太貴!

今晚去o左Oliva, 聽聞港九都有幾間分店, 元朗呢間只係一般水準~well, 意大利風情係有, 但湯煮得過咸, 主菜又凍冰冰咁上䒷 ..... (你叮返熱佢都好o丫...)唯一較滿意係個香蕉蛋糕, 暖笠笠, 有幸福的感覺!好彩今餐都係為見面為聚舊, 食物好唔好食還是其次, 否則會大失所望!

因為Oliva的裝修跟環境好像很漂亮和很舒適，是元朗區少有的西餐廳，所以特意約朋友到來吃晚飯。可是，其服務質素卻與餐廳環境成強烈反比。我不期望每位服務生都笑容可鞠，但至少也不要對顧客"黑面"吧。上餐湯時，兩碗忌廉湯的份量竟明顯不同：一碗8分滿，而另一碗只有4分滿。為什麼可以這樣馬虎? 而且端菜的服務生也完全沒有察覺! 我們要求跟進時，也擺出萬分不願意的樣子。然後，我們要求服務生上甜品(set dinner是有甜品的)，但他竟拿一籃麵包過來，我們全桌頓時呆了... 我們反問他"晚餐不是有甜品的嗎?" 他才如夢初醒，發現自己弄錯。Oh my god!總之這裡的食物是ok啦，但其服務水準令我們不會再光顧。

i tired the one in TW before.i think it's quite good.so i went to oliva in YL last week.food is ok....i really dissatisfied of some staff.when we finished our meal....one guy and a woman collected our dishes quicklywithout asked us.the waitress "watched"(not "look at") us for long time.after that she talked to the guy,and they laugh.i dun know what thet're laughing of...but that made us really feel uncomfortable.another thing...we took pictures in there...and they were whispering and looking u

禮拜四晚的元朗,寒風+細雨.與友人(x3)一同坐下這布置獨特令人不禁多望的餐廳.溫暖的燭(燈)光下與朋友共聚在這和諧的氣氛下傾談實是一大樂事!食物質數是重要的,但這優雅環境下其實一早加了!進餐後我們一致評定這道"南瓜忌廉雞肉車輪粉"為滿分推介.期待下次光臨的喜悅!

今日又再食oliva, 唔知係咪午餐關係, 水準好似冇上次咁好, 同兒兒食左個牛肋骨同鮮魷闊條麵, 牛肋骨唔夠林, 雖然幾好味, 最差都係個闊條麵, 好淡, 唔夠汁..仲要得三舊魷魚仔..如果真係好好食好鮮味都冇問題, 最慘係又淡又唔鮮, 覺得好唔抵...唯一保持水準都係果個意大利包..念再叫佢落d汁佢即刻幫我炒過, 同埋都係40蚊個餐...再加上我都唔上為佢加上第一個喊..所以比個ok佢啦..但如果下次再係咁...就唯有恨心d了...

今日同左兒兒去oliva慶祝半週年紀念....我仲記得第一次同佢去街, 又係食意大利野...同今次一樣..都係屎屎介紹比我的...但上次係祖凡食ge石頭牛扒..真係..唉..今次都好驚又比屎屎"扇"...好彩....今次冇介紹錯..一早就打左去book卡位, 估唔到星期一晚都差唔多爆, 如果唔係留左枱, 我諗都冇舒服位坐。oliva情調同裝修都好好, 食物質素都ok, 全部都拍得住同兒兒生日果時係又一城食果間意大利餐廳...但價錢係佢ge二分一....所以雖然唔可以叫一流..但如果用物有所值黎形容就一定冇錯。一開始就已經有兒兒最like的意大利包, 之後兩個主菜, 好大碟, 差d食唔晒, 兒兒都算好比面食左好多, 我諗佢一定好飽...(辛苦你囉)最好食係個甜品....朱古力瑞士卷, 雖然好飽, 但都忍唔住食左大半...最鍾意甜野...尤其同兒兒一齊食...甜蜜蜜哦!!杯o茶好得意..先淡後甜...呵呵希望兒兒今次有個開心的半週年啦~~I love you~順帶多謝屎屎難得的一次好推介！

我一向都係大埔ｏｌｉｖａ既支持者．．因為佢好食得黎價錢較出面意大利餐廳平．．所以一個月總會去幾次．．見佢兩左兩間分店都有去試過．．不過都係失望而回．．荃灣果間唔係呢度講．．講講元朗呢間新店先．．裝修都幾靚呀．．坐位舒服．．其實要比較既都係果ｄ食物．．我點左"什菌意大利飯"及"煙三文魚pizza"．．好快就黎左喇．．比大埔快．．但快又唔代表佢好食．．好似個意大利飯．．完全無意大利飯既口感．．食落ｄ飯真係似普通米．．”林”到呢．．另外個ｐｉｚｚａ都麻麻．．賣相已經唔太好．．黎到都係微暖．．整定翻叮架？食落都係一樣”林”晒．．食開大埔既我難免會作出比較．．同樣既菜色同樣既價錢．．但完全唔同既味道．．大埔店係出色．．但兩間分店就．．起碼上台都唔會覺碟野冷冰冰丫．．尋晚隔離台上果ｄ就係咁喇．．其實開分店等更多人可以試下係好事．．不過係咪好似未夠準備就急住開呢？好似佐敦有間"阿龍咖哩"．．經常都爆滿．．做左咁多年又為咩唔開分店呢？佢都係拎條ＦＯＲＭ去煮．．照計無問題丫．．但佢偏偏就係無開．．一間店等人迫．．係咪有＄＄唔識賺呢．．呢樣就唔知．．不過好似ＯＬＩＶＡ呢間咁．．就算Ｄ菜色做出黎果樣都係一樣

早前試過下午茶質素不錯，而且環境優美舒適。我很疼錫的阿展快生日了，決定帶他去食飯預慶~　可能是星期五晚關係，食客頗多會有點吵，檯椅之間也放得有點逼，論情調不及清靜的下午時光呢!食物味道就比上次更好：　麵包籃-噢，這個不算，Oliva的麵包從來是弱項；之不過，可以藉機同阿展講解橄欖油及黑醋蘸麵包的食法，也是開心的事!　田園沙律-一般的水準，卻讓我知道了阿展受不了叉子刮碟的聲音。以後會小心!　小食拼盤-預了阿龍他卻不能來，才決定點絕不意大利、但勝在多款式的小食拼盤。內容有炸蝦、春卷、雞翼、雞膇、薯條，都是新鮮炸起，配以適合的醬汁，味道都不錯。整碟份量也不少，幸而阿展都算大食，總算清得八八九九啦~　雜菌意大利飯-阿展說從未食過意大利餐，更遑論意大利飯了，這個是特地點來給他一試的。飯粒軟硬度剛好，味道creamy香口，是預期之外的驚喜，我們將之全部清碟。後來從阿展的xanga中知道他很欣賞這道菜，我非常開心呢! 　由於另外準備了蛋糕，回教會練詩後享用，今次就沒吃甜品。哈，好希望下次帶阿展去試一試肥天使的農夫包及Tiramisu，還有更多的美食。亦衷心祝阿展今天生日快樂!

自從開業至今, 光顧午餐.晚餐.下午茶皆有嘗試.味道尚見合格以上.其中午餐次數差不多10次, 价錢一律$36,＋分抵食,假期才有加一, 選擇性亦多--牛排,豬. 羊.魚,近期喜愛餐廳之首

簡生要出外工幹,所以提早慶祝他生日, 見這餐廳新開就來試試晚餐.連仔仔共三人, order咗1)凱撒沙律, 幾對板,有碎煙肉夠香口,羅馬生菜又夠脆.2)火腿波蘿pizza,這個好唔掂,火腿似午餐肉口感,餅底似烘脆多士口感,食落"散收收",上面芝士全無芝士味.3)南瓜車輪粉, 雖然个汁無乜南瓜味,但好creamy和香口,車輪粉夠煙靱.唔錯.連兩杯凍Ｏ茶(好淡無茶味),共$280都OK這裏環境幾好,不過選位要坐出面,最入那張是貼住廁所度門,好唔開胃, 服務就一般,最高級那些全無表情,有Ｄ似機械人, 女的那位落單時嘴在跟你講,但面就四維望, 好唔專重客人.下次再來專攻意粉類便夠了.