Oliver's Super Sandwiches

營業中

休息中

非常鍾意下午茶就過嚟食一食呢一個薯仔套餐今次揀咗一個焗薯仔中間有一球蛋沙律，一球係有煙三文魚嘅沙律🥗，薯仔係熱辣辣面頭再配埋沙律真係好好食😋，如果升級嘅話就包埋嘢飲另一個係車打芝士煙肉焗薯仔好香濃嘅煙肉味再加濃郁嘅芝士，呢個組合冇得彈#香港好去處 #下午茶情報 #下午茶 #foodie

明白而家無晚市，好多餐廳備料都有困難。但作為咁大間公司，如果唔夠料可以直接話賣完，唔好要我比錢，拎到返去打開先見到....買左J5烤牛肉卷..跟沙律加湯，成為$75一打開見到個沙律都呆左...五片菜仲要係啪開一半....ok 我當你賣到尾唔夠菜...一打開個牛肉卷.....我已經唔知可以用咩形容除咗驚訝佢份量驚人,我已經完全唔想評價佢嘅味道...連一個便利店$40蚊嘅卷都不如....外賣仲要拎走咗，想投訴都無用...希望大家小心選擇唔好中伏....P.s 唔好話周圍都係咁，差不多外出買外賣都係買呢類卷,P 字頭,M&S 同便利店嘅都好過佢...$75蚊買咗一塊皮....大家外賣要小心...

Super sandwich係我中學時代summer job嘅其中一間！當時都幾好玩，仲日日喺舖頭飲咖啡添！等小朋友上興趣班唯有自己一個人食早餐。牛角包鬆軟配上牛油非常邪惡但好好味🤭🤭粟米蘑菇煎蛋前傳統嘅西式配搭，不過不失啦！加快新鮮蕃茄，fresh最值得推介當然係熱咖啡啦！即磨特別香，配上鮮奶此乃早餐之精髓！🌷good morning

📍意大利雜菜湯（細）香料頗充足，開骨，份量剛好📍燒南瓜藜麥沙律超級有驚喜，燒南瓜有日式的風味！好好味！另外還有葡萄乾和松子。📍鮮蝦扁意粉配芝士汁蝦挺爽口，芝士味濃郁。喜歡靠窗的位置，安安靜靜的，享受一頓溫飽。

今日黎左屯門市中心行街想食啲無咁熱氣嘅午餐突然醒起好耐無食過嘅Oliver's super sandwiches估唔到中午時段係咁多人黎食飯同男朋友等左大槪十分鐘，終於有位我地揀左窗口位坐低後男朋友就去左買野食啦我就叫左我最鐘意嘅焗薯，而男朋友就食漢堡包薯條食物做好店員就會拎過黎，唔使自己出去拎一貫嘅味道！令人懷念嘅焗薯味！男朋友嘅漢堡包都好特別，有菠蘿好清新嘅味道簡簡單單食個午餐，望下行經嘅途人悠閒嘅一個中午就過去了

真係難食到抽筋，一路食，內心一路問自己：「食完會唔會有心臟病㗎？」現場裝修同座位真係完全冇問題，但係我嚟呢度並唔係齋坐，我難得咁早得出嚟食早餐，梗係想食個正常少少！店員服務都冇乜大問題，普普通通咁！合格！但係我主要係黎食嘢，點解樣樣野都咁難食⋯番茄🍅：似烚完，再啲油落去，再攤凍！蛋：好鞋，但又好油！炸魚：炸粉極度厚，唔覺得食緊魚，覺得只係食緊炸粉！牛角包🥐：一啲都唔酥脆，好淋⋯唉，雖然平姐，但唔洗咁嘛⋯食完感想：點解我選擇呢度，而唔揀隔離平30%的大家x??? 或者唔好咁早起身，留返係屋企自己整仲好！最後食唔落，過隔離食

有時約左人食lunch但又好飽點算？豬師奶就好鐘意約人尼oliver super sandwich食沙律，衣度通常都有三四款沙律選擇，而且唔係平時成日見到好普通既生菜沙律～今日有四款沙律，有凱撒沙律，薯仔沙律同紅菜頭沙律，我揀左南瓜藜麥沙律，沙律有得揀大或者細，今日揀左大，食一碟飽晒。沙律有蕃茄仔，洋蔥，芝士同生菜，配搭非常fresh,有南瓜食完好有飽足感，唔會食完好似冇食野咁，個沙律汁做得好好，同d料好襯，好好食^_^

話說以前好鍾意食佢公司嘅食物，又多選擇，今次第一次試屯門分店，完全失望！1）員工沒耐性解釋套餐内容，問第二句就黑面及回答態度差，另我難堪。2）坐下想再加食物，問了另一員工，她回答只能到出面落單，但我明明見枱面有手機自助下單，幾分鍾後，我再向她問及指向有關枱面指示，她就答可以自己落單……

一早返完中學去同好耐冇見嘅中學同學食咗早餐，今次係我第一次食SuperSandwiches既早餐，講真價錢唔算平差唔多成$60不過魚柳就幾好。食黑松露炒蛋不過不失啦但係黑松露嘅味道唔算濃郁，所以有少少失望😞不過麵包方面好似可以轉牛角包🥐方便大家選擇

今日放假想嘆返個悠閒早餐同埋咖啡，屯市好多西餐廳都無做早餐，最後㨂左呢個餐廳。呢度既早餐全部都fixed左，唔可以餐包改牛角包等等，要轉既話係要加錢。我叫左個餐三文魚炒蛋、白肉腸、火腿同蕃茄，呢個餐一敗筆就係個包唔好味，無麵粉既香味。無乜選擇下，呢間都還可以。

放假最鍾意慢慢地享受一個早餐坐一個鐘飲杯咖啡食個早餐真係好嘆嘅事。佢個炸魚好大條 而且佢個沙律醬真係一啲都唔Hea至於個pancake可以鬆軟多啲平時我好少食白肉腸 但呢個爆肉腸幾好味有少少黑椒嘅味道。我去過雜菜通粉，個湯濃郁可以飲埋佢唔會咸。

之前好幾次經過屯門市廣場，都聞到有一陣好香既忌廉湯味，原來係super sandwich 發出黎～佢開業咁耐都未試過，今次同朋友黎，貪佢座位舒服，可以順便傾下計～不過我地叫咗個挪威三文魚扁意粉，感覺醬汁太稀身，煙三文魚比較碎濕濕，就算係扁意粉都唔係好掛到醬，味道較淡另一個燒牛肉車打芝士包，燒牛肉比較好味，但分量不算大，適合女士輕食～跟餐可以選湯或者飲品，我就選擇咗聞上去非常香既忌廉湯，果然很香滑，如果多點蘑菇等配料更好！

星期日嘅早上，又是頭痛吃甚麼豐富早餐的時候，今日嘅行程就係去屯市買嘢，於是就揀咗屯門市中心嘅呢間Oliver super sandwiches 。每次食呢間嘅餐廳，我都係會揀返同一個餐，不過屯門呢間嘅螺絲粉轉咗做貝殼粉，感覺都幾特別，因為每粒粉都會有少少湯包住住咗係入面，食落去嘅時候感覺幾juicy ～屯門呢間人流比元朗多，叫早餐之後起碼等超過10至15分鐘先到，如果唔趕時間先好食呢間～

4月5日 紅假期真的比較多人，整間餐廳都坐滿人。眼見早來到的客人都沒有上餐。我剛找到2位的坐位。 老公馬上排隊買餐。好彩不趕時間，等左都成30分鐘先有得食。我叫了一個魚柳套餐，魚柳皮薄餡靚個種，老公叫了個火腿香腸餐加左長通粉，老公話d 通粉好好味，所以專登加左個長通粉要加$14 /碗仲咁細碗真的比較貴，老公喜歡飲拉鐵，所以又加左錢，佢自己已食左6x架餐。焗蕃茄剛剛好，所以好好味，抄蛋唔知加左咩香菇好香，牛角包非常鬆脆。

星期六的早上，當然要食個豐富嘅早餐。今日就去咗屯巿嘅Oliver’s Super Sandwiches，平時都係食開B1餐，依家無咗螺絲粉，轉咗做貝殼粉，今次照叫。天口熱，加杯凍朱古力下火消暑，不過就要加$13，抵唔抵就見仁見智喇，朱古力好濃味，濃得嚟又唔會太甜，坊間好多凍朱古力，凍華田都再加糖漿，會變晒味！至於個餐，炒蛋唔係出面冰室嘅炒滑蛋，味道一般，唔會太鹹但蛋味唔濃，半件煎定焗蕃茄就煎/焗得唔太靚，腸仔就正常啦。件多士唔知係咪換咗款，薄咗又韌咗，感覺唔太好食。蕃茄湯貝殼粉就都好食，酸酸地夠醒胃！